🇦🇲🇦🇿🇰🇿 Армения СІМ басшысыАрарат Мирзоян:

▪️ Соңғы 2 жылдың ішінде Армения премьер-министрі де, Әзербайжан президенті де 1991 жылғы Алматы декларациясы бойынша келіссөз жүргізуге мақұл екенін бірнеше мәрте растады. Тараптар көпжақты келіссөздерді де, екіжақты келіссөздерді де қолдайды.

Еуродипломатия басшысы Жозеп Боррель: ЕО-ның бірнеше мемлекеті Палестина Республикасын мойындағалы жатыр!

Боррельдің айтуынша Палестинаны мойындауға дайын мемлекеттер: Испания, Ирландия, Словения мен Мальта. Соның ішінде, Испания мен Ирландия Палестина мемлекетін мойындауды 21 мамыр күні мәлімдемек. Бұл санатты Бельгия да болуы мүмкін.

БАҚ: Харьков облысының шекаралық аудандарында қиян-кескі шайқастар жалғасып жатыр.

Израильдің әскери үкіметі Рафахта толыққанды операция жүргізуге келісім берді.

ҚАЗАҚ ТІЛІ ТҮБІНДЕ ҰЛТАРАЛЫҚ ТІЛГЕ АЙНАЛАДЫ!

ҚР Президенті Әкімшілігінің Басшысы Айбек Дәдебаев Жібек Жолы телеарнасына көлемді сұхбат беріп, әңгіме барсында мемлекеттік тіл мәселесіне де жеке тоқталған екен.

Айбек Дәдебаев мырза: "Қазақ тілі түбінде ұлтаралық тілге айналады",- дейді.

Мақаладан үзінді:

Айбек Арқабайұлы, ендігі сұрақ — ол тіл мәселесі. Елімізде тілге қатысты қандай да бір түйіні тарқамаған мәселе бар ма?

— Мемлекеттік тілге қатысты Президентіміздің ұстанымы белгілі. Қасым-Жомарт Кемелұлы — нағыз тіл жанашыры. Сондықтан Президентіміздің саясаты — мемлекеттік тілдің дамуына нақты іспен қолдау көрсету және бұл салада қандай да бір спекуляция мен арандатуға жол бермеу.

Қадыр ақын айтпақшы, біз өз тілімізді құрметтеуге міндеттіміз, ал өзге тілдің бәрін білуге ұмтылуымыз керек. Қазақтың қазақша ғана сөйлемей, орысша, ағылшынша, қажет болса, басқа тілдерді жетік меңгеруі — біздің ұлтымыздың артықшылығы. Әл-Фараби бабамыз 70 тіл білген деседі, соның арқасында ол телегей теңіз білім жинады, әлемнің «екінші ұстазы» атанды.

Бұған қоса, біздің елімізде ешкімді сөйлейтін тіліне байланысты кемсітуге, қудалауға немесе қандай да бір қысым жасауға жол берілмейді. Бұл — мемлекетіміздің негізгі заңы — Ата заңда жазылған норма. Біз дамыған ел боламыз десек, бүкілхалықтық референдумда қабылданған Конституция нормаларын қатаң сақтауымыз керек.

Жауапты органдардың зерттеулеріне сәйкес, қазір елдегі мемлекеттік тілді меңгерген азаматтар саны 81 пайыздан асқан. Қанша тіл білсең, сонша әлемге есік ашылады дейді. Президент жастардың да бірнеше тілде сөйлейтінін айтып, оларға сенім артып отыр. Демек, бұл өз тіліңді құрметтеп, өзге тілдің бәрін біл деген ұстаным. Бірақ, тағы қайталайын, бізде орысша, ағылшынша немесе өзге тілдерді үйренгендер, ол тілдерді қолданатындар үшін қуанбасақ, қарсы емеспіз.

Өздеріңіз білесіздер, елімізде көптеген этнос өкілдері тұрады. Бұған себепкер болған тарихи оқиғаларды жақсы білесіздер. Қазір тіл мәселесін күрделендіріп, тіпті саяси ойынға айналдырғысы келетіндер де бар. Мәселен, елімізде тілге қатысты жұртты даурықтырып, ұлт болашағына қауіп төндіретін мәселе тудырып жүргендерді байқаймыз. Бұл — ұлттық қауіпсіздігімізге кері әсер ететін жайт. Қай тұрғыдан қарасақ та, тілдік мәселе нәзік, аса жауапкершілікпен келуді талап етеді.

Біздің еліміз көптілді мемлекетке жатады. Яғни, бұл жерде қазақ, орыс тілінің қатар қолданылуында ешбір қателік жоқ. Жалпы, біздің елде мемлекеттік тілге, оның қолдану аясының кеңеюіне айрықша мән беріледі. Бірақ, бұл — еліміз бүгінгі таңда жүргізіп отырған аса астары терең саясат. Нақты формуласы — көптілді қоғам, жалғыз мемлекеттік тілі бар ел! Яғни, оның маңызды компоненті — тілдік төзімділік, жаңаша айтсақ, тілдік толеранттық. «Жылы-жылы сөйлесең…» деген халық нақылы қашанда жадымызда болғаны жөн. Елдің баянды болашағы деген қастерлі істе қандай мәселе болсын сабырмен, ақылға салып шешетін біздің елдің азаматтары үшін бұл қолдан келетін шаруа. Біздің алдыңғы буынның да өсиет еткені осы.

Біле білсек, тілдік төзімділік — қала берді мемлекеттік, яғни елдік қауіпсіздігіміздің кепілі. Даурықпа айқай, дәл қазір не қылса да бола салсын деген талап мүлдем бұрыс нәтиже әкелуі мүмкін!

Мемлекет басшысы айтқандай, қазақ тілі түбінде ұлтаралық тілге айналады, оның күні тіпті де алыс емес. Қазірдің өзінде ана тілімізде еркін сөйлейтіндер қатары көбейіп келеді. Жақында ғана Ассамблея сессиясында тек ана тілімізде сөйлеп қана қоймай, оны насихаттап, таратуда нәтижелі еңбек етіп жүрген бірқатар өзге ұлт өкілдері атап өтілді. Біз тілімізді үйренуге ұмытылған әрбір азаматты бауырымызға тартсақ, қалғандарға сол сабақ, олардың ынта-жігерін арттыра түсеміз. Олар мемлекет тілінде сөйлеудің әлеуметтік лифт, жеке мүмкіндіктер екеніне көз жеткізеді. Тіл саясатының баянды болуына сол игі. Біз мемлекеттік тіл қолданыс аясының одан ары кеңейе беруін қамтамасыз етеміз.

🇺🇸🇺🇦 АҚШ Украинаға 400 млн доллардың әскери көмегін беріп жатыр. Оның ішінде:

◾️Patriot кешендеріне қосымша оқ-дәрілер;
◾️NASAMS кешендеріне қосымша оқ-дәрілер;
◾️Stinger-лер;
◾️Қосымша HIMARS-тар мен оларға оқ-дәрілер;
◾️155 және 105 мм-лік артиллериялықснарядтар;
◾️Bradley БМП-лары;
◾️М113 брондытранспартерлер;
◾️Минаға қарсы қорғалған MRAP көліктері;
◾️Ауыр техникаларды тасуға арналған прицептер;
▪️Танкке қарсы TOW-лар;
◾️Танкке қарсы Javelin мен АТ-4-тер;
◾️Жоғары дәлдіктегі авиациялық оқ-дәрілер;
◾️Жоғары дәлдіктегі радиацияға қарсы зымырандар (HARM);
◾️Атыс қарулары, гранаталар мен патрондар;
◾️Кедергілерді бұзуға арналған жарылғыш заттар;
◾️Жағалауға және өзенге арналған патрульдік катерлер;
◾️химиялыщ, биологиялық, радиологиялық, ядролық қорғаны құралдары;
◾️Қосалқы жабдықтар, оқу құралдары т.б. бар.

Ресей Украинада жаңа фронт ашып, шабуылға шығуда. Киев шабуылды тойтара ала ма? Толығырақ⬇️

https://mezgil.kz/e/action/ShowInfo.php?classid=1&id=5396

Басқыншы әскер Харьков облысындағы Северский Донец өзеніндегі көпірді бұзды.

Бүгін Алматыда Әзербайжан мен Армения СІМ басшылары кездесуінің екінші раунды аяқталды.

Тараптар шекара бөліс бойынша ілгерілеу байқалатынын атап өтіп, қарама-қайшылықтар бойынша келіссөздерді жалғастыруға келісті.

Кешегі келіссөздер тұп-тура 4 сағатқа созылған.

Зеленский: Харьков бағытында қиянкескі шайқастар жүріп жатыр. Басқыншылар Волчанскіге соққы жасауда.