Владимир Зеленский Украинаысь азьмурт мурт кунъёсысь адямиослы Украинаысь кунмуртлыке пырон процедураез капчиятэм

Туннэ Архангельск улосысь Шиес станциын «НаШИЕСтвие» рок-концерт ортчытыны медо вал, тöрлык öз лэзьы, табере активистъёс «крезьгуро ӝыт» радъялозы

Шиес станциын Мускоысь жуг-жагез ватон полигон кылдытозы, та лэсьтэмзылы пумит Архангельск улосысь но Коми Элькунысь мылкыдчиос султüллям

Трамп Гренланди басьтыны медэ

Гренланди — Данилэн люкетэз, автономи улос, отын 58 сюрс адями улэ.

https://www.wsj.com/articles/trump-eyes-a-new-real-estate-purchase-greenland-11565904223

Аскы Ижын Короленко нимо ӟуч театрлэсь юртсэ утён пумысен пикет ортчоз

ВИЗЬМО КУАРАСЁТОН ВОРМОЗ-А МЕДА?

8 куарусёнэ Россиын огъя куарасётон нунал луоз. Та нуналэ 50 котыр улосын быръёнъёс ортчыны кулэ. Шуом, Башкортстанысь улӥсьёс тӧрозэс быръёзы, Санкт-Петербургысь - губернаторзэс, нош Мускоын кар парламентэ кандидатъёслы куарасётон ортчоз.
Тужгес но зол саклык кампани дыръя Мускоысь быръёнъёслы висъямын вал, угось отын тросэз оппозициысь медӥсьёсты быръёнъёсы пыриськыны ӧз лэзе, регистраци соослы сётымтэ но та муген Россилэн шоркараз зол протест акциос ортчиллям, куд-ог митингъёс бере трос гинэ адями арест улэ шедиллям, нош куд-огъёслы "муско уж" судысь эскерон усьтӥллям. Куд-ог адямиослы та акциосы пыриськемзы понна зэмос судысь пуктэмъёс ялӥллям ни, шуом, Жуков Кирилллэн полицичилэсь изьызэ йӧтэмез сэрен сое колоние 3 арлы келялозы. Мускоысь быръёнъёсы Навальныйлэн огинысьтыз одӥгез но кандидатэзлы пыриськыны луонлык сётымтэ.

Россиысь оппозицилэн одӥгез азьветлӥсез Алексей Навальный командаеныз ӵош та быръёнъёсы "визьмо" но огазеяськыса пыриськыны ӵектэ. Тӧрлык эрико кандидатъёслы пыриськыны луонлык уг сёты бере, тӧрлыклы пумит валче кариськыса "Огъя Россилы" пумит куарасётоно. Соослэн малпамзыя, таӵе югдуре "Огъя Россилы" партие пыриськисьтэм тужгес но кужмо кандидат понна куарасётон тужгес но шонер амал луоз. Таӵе манерен куарасётыса, мукет партиосысь кандидатъёслэн вормыны базмонзы кылдоз. Шуом, одӥг быръён котыретын вань 4 кандидат, одӥгез - "Огъя Россиысь" (яке ассэ ачиз пуктэм кандидат, но зэмзэ вераса "Огъя Россилэн" ёзчиез), куинь мукет адямиос - пӧртэм мукет партиосысь, одӥгзэ соос пӧлысь быръёно ке но солы огазе кариськыса куара сётоно ке, солэн "Огъя Россиысь" кандидатэз вормыны зэмос луонлыкез кылдоз. Навальныйлэн огинэз куарасётонлэсь азьпал огъя лыдмет дасям: отчы, соослэн верамзыя, сюризы котькуд быръёнъёсысь тужгес но зол кандидат, кудӥзлы куара сётыны кулэ.
Навальныйлэн критикъёсыз шуо, та стратеги уз ужа шуыса, малы ке шуоно Навальный но солэн командаез "синтэм" манерен кандидатъёсты бырйыны дэмлало. КПРФысь яке СР партиосысь кандидатъёслы куара сётыса, нокыӵе оскытэт öвöл, та быръем кандидатъёс оппозициен валче ужалозы яке солэсь программазэ быдэстыны турскозы шуыса. Нош Навальный соослы вазе: али тужгес но йӧноез мар ке - со тӧрлыклы мер мобилизациез возьматон, сигнал сётон, мер кылскытэк политиказэс нуэмзы уз луы шуыса.

Мар пӧрмоз Навальныйлэн но солэн планэзлэн, учком туннэ нуналысен кутскыса.

"Визьмо куарасётон" лыдметысь кандидатъёсты учкон вылысь, татӥ вамышъяно.

https://vote2019.appspot.com/

Курск улосын губернатор быръёнъёсын тöролэсь ужъёссэ огдырлы быдэсъясь Роман Старовойт вормем

Хабаровск улосысь интыысь парламентэ быръёнъёсын ЛДПР парти вормем, КПРФ парти 2-тü интыын, «Огъя Росси» парти 3-тüез гинэ, соослы 36 инты пöлысь 2 мандат гинэ сюрем. Валлё öтчамын «Огъя Росси» партилэн 30 интыез вал.

Калмыкиын тöрое Бату Хасиковез бырйиллям

Индонезиысь тöрлык кунлэсь шоркарзэ Джакартаысь Калимантан каре выжтыны медэ

Босни но Герцеговина 🇧🇦 кунлэн шоркараз Сараевоын нырысьсэ гейд-прайд ортчиз

https://twitter.com/balkaninsight/status/1170653825193119744?s=21

Альберт Разин Кун Кенешлэн юртэз азьын ассэ сутэм

Альберт Разин кулэм

Альберт Разинэн люкиськон Удмурт театрын 12 куарусёнэ 12 часэ ортчоз

Берлинын климат ужпумъёслы сüзем митинге 100 000 адями пала люкаськем

https://twitter.com/blkahn/status/1175026670593597441?s=21

Хельсинкиын толон финнугор тодосчиос бырем урал кылъёсты буре ваён нунал каризы. Разинэз но буре вайизы. Ог 20 адями люкаськиз

Арнянуналэ Косоваын парламентэ быръён ортчем. «Ассэ быръён» но Косоваысь демократи огазеяськон оппозици партиос вормиллям. Альбин Курти «Ассэ быръён» партилэн тöроез выль кивалтэт люкан ялэм

Украинаысь пытсэтысь мозмытэм журналист Кирилл Вышинский «Росси туннэ» кун ивортодэт агенцилэн быдэсъясь директораз пуктэмын

Украинаын Вышинский «РИА Новости — Украина» агенциын директор луыса ужамын, кунлы алдаськонэн но сое вузаллянэн янгыше уськытэмын но пытсэт сьöрын ар улэмын. Гудырикошконлэн пумаз пленэ шедем адямиосты воштон процессын пытсэтысь лэземын но Россие ыстэмын.

Европаысь кыл огъёзлык вотэс (European Language Equality Network) Удмурт Элькунысь Кун Кенешлэн тöроезлы удмурт кылэз утён ласянь курон келям

Турци Сириысь курд ожмаськисьёслы пумит ож операци мытыны медэ

Украинаысь каръёсын «Штайнмаерлэн формулаезъя» кутэм тупанкыллы пумит протест акциос ортчо

Физика удысын Нобель нимо преми дуннелэсь эволюцизэ эскеронлы 3 тодосчилы сётüзы

https://www.nytimes.com/2019/10/08/science/nobel-prize-physics.html