З'явіўся сайт https://pashpart.org/ для тых, хто не можа вярнуцца ў Беларусь па новы пашпарт.

Там сабрана інфармацыя аб магчымасцях аформіць праязны дакумент іншаземца ў разбіўцы па краінах Еўропы, дзе жывуць беларусы.

Сябры , цікавая лекцыя пра гісторыю беларускай дыяспары ў ЗША адбудзецца ўжо заўтра!
Далучайцеся 🙌
https://us02web.zoom.us/j/81992734271

💥Сустрэчы Надзеi Нортан з беларусамi Каліфорніі‼️

✅Тэма: Выбары ў Каардынацыйную Раду Беларусi.

📍Лос Анджэлес
14 красавіка (нядзеля) | 6 pm
За адрэсай звяртайцеся да арганiзатараў.

📍Сан Дыега
16 красавіка (аўторак)| 7pm
Sunshine Studio

Запрашаем на размову з вядомай беларускай у ЗША Надзеяй Нортан, дэлегаткай Каардынацыйнай Рады ад Асацыяцыi беларусаў у Амэрыцы i вiцэ-спiкеркай фракцыi дыяспар “Адзiнства па над межамi”.
Абмяркуем ролю КР у дэмакратычных зменаx Беларусi, чаму важна беларускай дыяспары прымаць актыўны ўдзел у выбарах!

Жыве Беларусь! 🤍❤️🤍

Сустрэчы зарганiзаваны пры падтрымцы беларусаў ЛА, Сан Дыега i Асацыяцыi беларусаў у Амэрыцы.

Спіс №6: Голас дыяспар — Адзінства па-над межамі

1. Надзея Нортан (Сычугова)
2. Раман Кiсляк
3. Юлія Міцкевіч
4. Глеб Івашкевіч
5. Вольга Павук
6. Аляксандр Патрусаў
7. Вольга Бромэн
8. Аляксандр Бубен
9. Станіслава Цярэнцьева
10. Кацярына Максіменко
11. Юры Шубскі
12. Маргарыта Свігло
13. Вольга Быцкевiч

Выбары ў КР пачнуцца 25 мая і працягнуцца 3 дні — да 23:59 27 мая. Пытанні наконт выбараў пішыце на электронную пошту elections@rada.vision. Навіны наконт выбараў у КР абнаўляюцца на нашым сайце.

Сумесная заява Аліны Коўшык і Надзеі Нортан

Дзеля рэалізацыі свайго права быць абранымі ў Каардынацыйную раду Беларусі на сапраўдных выбарах мы былі вымушаныя падпарадкавацца патрабаванням Выбарчай камісіі ў дачыненні да напісання нашых прозвішчаў.

У той жа час мы лічым, што такі фармальны падыход камісіі парушае наша права даваць дазвол на распаўсюд асабістых дадзеных і стварае ўмовы для дыскрымінацыі жанчын пры рэалізацыі права быць абраным у Каардынацыйную раду на выбарах.

На наш погляд, працэс верыфікацыі кандыдатак і наяўнасці грамадзянства Беларусі не павінен быў ператварыцца ў празмерна фармалізаваную працэдуру, калі пад пагрозай выключэння са спісу жанчын кандыдатак вымушаюць раскрываць свае мінулыя прозвішчы.

Мы перакананыя, што Выбарчая камісія, павінна ўлічваць не магчымасць беларускам у выгнанні ўвогуле замяніць дакумент аб асобе на Беларусі.
Улічваючы сітуацыю рэпрэсій на Беларусі, пры рэгістрацыі кандыдатаў важна выкарыстоўваць асабісты падыход да кожнай заявы, таму, інакш, атрымліваецца сітуацыя, калі становяцца публічнымі асабістыя дадзеныя кандыдата, якія могуць быць выкарыстаны для ціска.

Праблемы беларусаў з легалізацыяй і атрыманнем дакументаў за мяжой будуць толькі нарастаць. Тысячы беларусаў за мяжой сутыкаюцца з немагчымасцю замяніць свае пашпарты. Тых беларусаў, прадстаўнікоў старых дыяспар, што выехалі і атрымалі грамадзянства іншай краіны да 2002 года, амбасады прымусілі здаць свае беларускія пашпарты.

Відавочна, што перад Каардынацыйнай радай Беларусі новага складу будуць стаяць усе гэтыя пытанні легалізацыі і ідэнтыфікацыі беларусаў у выгнанні як беларусаў. Неабходна будзе знайсці сістэмны падыход для вырашэння гэтых важных выклікаў.

Заклікаем беларусаў удзельнічаць у выбарах у Каардынацыйную раду 25 – 27 траўня і прагаласаваць за вашых кандыдатаў!

Аліна Коўшык, спіс «Еўрапейскі выбар», прадстаўніца па Нацыянальным адраджэнні АПКБ

Надзея Нортан, лідарка спіса «Голас дыяспар – Адзінства па над межамі».