Шаноўныя беларусы,
галасаванне скончылася, за наш блок прагаласавалі 184 беларуса і беларускі, мы вельмі ўдзячныя вам за падтрымку і давер!
Мы набралі 2.74%, а неабходна для ўваходу ў склада КР, 3%, зусiм крышку не хапіла галасоў.
Але ж мы атрымалі карысны досьвед, шчыра i годна правялі выбарчую кампанію на дыстанцыі, атрымалі падтрымку сярод беларусаў.

Мы працавалі і працягваем працаваць далей па развіцці і ўмацаванню беларускай дыяспары, па прасоўванню інтарэсаў беларусаў, кожны ў сваёй краіне - каб голас дыяспар быў чутны на ўсіх кантынентах!

🙏Дзякуй шчыры за вашыя галасы і падтрымку!

Жыве Беларусь!

Вынікі галасавання 👉 тут

Святлана Ціханоўская – пра вынікі выбараў у Каардынацыйную раду:

«Я ўдзячная кожнаму, хто ўзяў удзел у выбарах у Каардынацыйную Раду — як выбаршчык ці кандыдат, нягледзячы на ціск і рэпрэсіі з боку рэжыму. Спадзяюся, абноўленая Каардынацыйная Рада стане пляцоўкай для ўзгаднення стратэгій, для дыскусій і кансультацый паміж рознымі актарамі дэмакратычных сілаў і грамадзянскай супольнасці. І я радая, што людзі з рознымі поглядамі і пазіцыямі ўвайшлі ў яе склад.

Хацелася б бачыць Каардынацыйную Раду не пляцоўкай для высвятлення адносінаў — хаця, мабыць, гэтага не пазбегнуць — а эфектыўнай арганізацыяй для каардынацыі і супрацы.

Каб змяніць сітуацыю ў Беларусі, каб вярнуцца дадому і вызваліць нашых блізкіх, патрэбны намаганні кожнага. У бліжэйшы час я планую сустрэцца з абранымі дэлегатамі, каб абмеркаваць, як арганізаваць супольную працу».

Пачынаем, далучайцеся!

Запрашаем на стрым Беларускай Амэрыкі!

🗓28 верасьня
 ⏰Менск - 20:00
Нью-Ёрк/Таронта - 1 pm
Сан Францыска - 10 am

Гісторык Натальля Гардзіенка распавядзе пра беларускі сьлед у амэрыканскіх выбарах.

🛎Стаўце нагадайку - падпіска на канал АБА, каму бяспечна і цісьнеце званочак
🎥https://youtube.com/live/yURk8x_6jZ4

Надзея Нортан традыцыйна пазнаёміць з навінамі беларускай дыяспары ў ЗША.

#БеларускаяАмэрыка #ВыбарыЗША #БеларусыЗША