【工盟手足Leo被判監】

工盟辦公室嘅一位手足Leo，因被控「管有攻擊性武器」，今日喺裁判署被判即時入獄4個月。

Leo係我哋嘅教育幹事，如果話佢藏有攻擊性武器威脅到呢個政府，應該唔係指其他嘢，而係佢個腦袋。

雖然Leo個樣成日擺出滿不在乎嘅表情，但實情係內心好肉緊啲嘢做成點，佢個腦袋不停咁轉，成日都諗緊點樣可以突破既有框框，帶出工運抗爭嘅新思維新想像。

無論法庭今次嘅判決如何，刑期長或短，Leo你喺我哋心目中，都係工盟嘅好手足、都係我哋最堅定嘅戰友。

坐監會唔會令人生更精彩？可能只有你自己至知，等你出番嚟，到時你再話俾我哋聽啦。

但我哋記得你曾經提起過，媽媽對於你可能入獄，給你的叮囑很簡單，只有一句說話：唔好俾敵人打倒你！

我哋見你入去前仍然努力完成手頭工作，交帶各項聯絡俾同事跟進，仲要四處張羅獄中書單，呢份積極態度已經好清楚說明咗：政權絕對不能打倒你！

好好保重，一切安好，數月之後，但願已經可以除罩相見！

#工盟辦公室手足
#除罩相見
#好好珍重
#唔好俾敵人打倒你
#真正有罪嘅人未受審判

【國際戰線！ 與菲律賓工會連線討論國安法】

在疫情席捲全球各地同時，各地獨裁政府對民眾的打壓卻從未消停。香港受國安法衝擊，白色恐怖彌漫至社會各界；菲律賓反恐法生效，以打擊恐怖主義為名，扼殺反對派聲音。有見及此，工盟在上周與菲律賓工會Sentro合辦了一個網絡座談會，讓兩地的工會人交流政權打壓及疫情下的組織工會。

座談會分為兩個部分
詳細文字內容：
https://www.facebook.com/169276086446006/posts/4466546410052264/?extid=rudw4SlRjAgkqT8I&d=n

今天手足被判監四個月，想起去年他被捕後的一次訪問。

//「這是全香港人的事，代價亦不應該集中在某個輩份或年輕人身上，我們要其同面對。」被問及被捕經歷對個人的影響，Leo說他早已有被捕和可能迎來牢獄之災的心理準備。他深信本次運動，已提升至整個香港人群體挑戰極權統治的層次，因此自己有義務，去共同承擔這場民主運動的代價。

面對警方濫權及政府的進一步打壓，Leo和很多被捕者一樣，對運動發展並不抱特別樂觀的態度，但他認為抗爭者在逆境中，反而衍生出一種「悲觀而積極的能量」，「惟是這樣，運動才可以走下去」//

訪問詳細內容：
http://redballoonsolidarity.org/3873/

反《禁蒙面法》 職工盟幹事鄧建華承認攜伸縮棍 即時監禁4個月
https://bit.ly/3lDCLej

【南蒙古實行文化大清洗 中共強推「普教蒙」】

中共日前正式宣佈，所有南蒙古學校需在9月1日新學期開始後，將原本使用蒙古語授課內容全面更改為漢語教學，引發南蒙古大量家長不滿，要求到校接走子女。當局扣押所有學生在學校之中，同時家長更跟警察爆發衝突。更有一位學生在黃昏時間於學校中輕生抗議。

中共早在2019年前，已經有意透過教育以及語言控制全面赤化蒙古人。由實施雙語教育（bilingual education）開始，已經意圖將蒙古人自身民族性降低。如同新疆與香港一樣，中共透過高壓手段，強制人民接受黨的洗腦。

論赤化，香港亦同樣正在經歷「文化大清洗」階段。早在2008年，港共已經有意推行「普教中」，要求學生上課時使用普通話授課。亦在2012年時，曾經硬推國民教育，務求將香港人的身份認同全面壓低，令對於一個地方的自身慨念變得日漸模糊。。

教育局局長楊潤雄自上任後頻頻修改教科書，將事實扭曲，不論是六四事件、中國貪腐制度甚至臺灣的地位，都將原來在教科書上的陳述一一被修改。在港共嚴格審查教科書的情況下，不論是歷史真相還是教育制度都變得完全崩壞。

在1984一書中，作者喬治奧威爾曾經表達出當語言連表達「自由」、「平等」的慨念都沒有，人的思考便會被削弱。南蒙古大學教授Dr. Chimeddorj亦曾經提到，「如果我們的語言被抹殺，作為民族的思想也將不復存在」。

身為教育工作者除了執行上的角色外，更加有責任去捍衛思想與學術上的自由。教師本質上並不是維穩機器，而是帶領學生追求公義，追求平等的啟蒙者。

#加速主義 #內蒙古語 #今日香港 #保護屬於自己嘅語言 #新疆 #西藏

*南蒙古即為坊間普遍稱呼的「內蒙古」

－－－－－－－－－－－－－－－－－－
更多資訊：

‼️打工仔爆料召集 篤灰濫用「保就業」計劃問卷傳送門‼️
https://forms.gle/LMckGdjcpvb49JF69

－－－－－－－－－－－－－－－－－－
【國際戰線！ 與菲律賓工會連線討論國安法】
https://www.facebook.com/HKCTU/photos/a.176347809072167/4466545250052380/

【獨裁主義正式入侵教育界 三權分立已成絕響】
https://www.facebook.com/HKCTU/photos/a.557772130929731/4462225647151007

【港共硬推「三權分工」 司法制度淪喪 民間必須自救】

兩日前，港共官員林鄭月娥以及楊潤雄等人公開表示，香港從來沒有「三權分立」，意味著以往香港人相信的三權互相制衡幻想正式破滅。大律師公會日前發聲明指上述兩人所表達的言論是「沒根據」亦「不符合基本法原則」。

港共表示香港一直以來是「三權分工」，簡單而言，香港的獨立立法、司法與行政制度，只是一個欺騙了香港人二十三年的騙局，現實中，只要黨說你有罪你就有罪，而擁有自由與公義，一切只是香港人對「制度」自作多情的想像。

「三權分工」或許會被中共包裝得很美好，如同以往的「三權分立」一樣，但現今律政司濫告所有為追求公義而被捕的手足，相反只要你支持港共極權，殺人的士司機亦可被視為「情操高尚」，只要你是黑警子女，販毒亦可無罪。

即使面對勞資糾紛，往往能夠循制度彰顯公義的手足亦只是少數，真真正正能夠取回自己所得，往往都要靠集體行動去使僱主就範，僱主如是，政權亦如是。

在今日香港，制度赤化，改變的不是靠相信政府，而是以行動表達出自己決心。運動中出現的戰線，正正是打破日常生活中集以為常的大小事，由杯葛中資藍店到國際聲援，種種都依靠香港人力量去對抗不公義。

民間自救，依靠每一個人的「行動」去達至一股龐大力量去撼動極權。由工潮、遊行、集會再到國際聲援，一一都是香港人靠行動取得的成果。

政權腐敗且醜陋，但只要所有人都相信抗爭，融入生活甚至生命中，黎明終會到來。

#獨立嘅司法制度 #三權謊言 #民間自救

【Bauhaus焗員工每月「負鐘」尅扣薪金假期】

上市時裝品牌Bauhaus被揭刻薄員工黑幕，大批員工喺佢個fb官方專頁留言，控訴公司管理手法刻薄（獎金target搬龍門、單方面減薪及限制員工食飯等等），最離譜係實行「負鐘」制度，夾硬迫員工拖欠公司大筆鐘數，離職前還唔清，就要被尅扣工資同削減年假。

申訴嘅員工話，去年發生社運期間，喺一啲日子商場唔開門，或者黑警周街亂放tg，店舖要關門或早收，員工因此每日返唔夠9小時，剩低嘅鐘數就會通通入落「負鐘」，員工要孭住條數做人，仲會好似雪球，一路帶落去愈滾愈大。

後來公司更加改變每日經營時間為8小時，但係每周合約維持54小時不變，令到「負鐘」變成恆常化，變相每人每日就算按編更返足晒8小時，都會硬食1個鐘負鐘，成個月會欠成十幾廿個鐘。

點解上市公司嘅管理層可以咁變態？員工每日努力返工賺番份糧，天經地義，點解反而會搞到自己周身債咁慘？日日做到唞唔到氣，但係睇住自己條「負鐘數」，舊數未清，新債又嚟。

離職前都還唔清條鐘數咁點算呢？公司竟然間夠膽死尅扣員工離職前薪金嚟抵償負鐘數，隨時要補番幾千蚊俾公司，更有員工連自己未放嘅大假都要奉獻埋。

呢種惡劣行為擺明係違反勞工法例，法例話僱主可因「缺勤」而扣除工資，但依家係公司未有按合約提供工作俾員工，責任在公司身上，「僱傭條例」中有關「扣除工資的限制」無一條係話老細可以用「負鐘」扣人工。即係話，公司所做嘅嘢，根本就係違法尅扣薪金!!!

至於用「負鐘」扣年假，同樣係無視勞工法例，法例已寫明僱主不可「以薪代假」，更何況員工根本無放過年假，又無收過年假工資，僱主巧立名目扣假，一樣係違法行為。

Bauhaus現職員工個個月被「負鐘」壓榨，好多員工離職時更係遭到尅扣薪金同假期，條數都拖左好耐，你地假假地都係上市公司、知名品牌吖，唔係仲要等員工上門追數，先至肯還錢吓嘛？

#Bauhaus還錢還錢還錢還錢
#徵集Bauhaus追債苦主
#勞工處個longvocation放完未
#負鐘咁嘅嘢係你先諗得出
#賣成二千蚊條牛仔褲做乜你咁陰質重手
－－－－－－－－－－－－－－－－－－
職工盟聯絡方法：
熱線：2770 8668
網址：https://www.hkctu.org.hk/zh-hant
Telegram：https://t.me/unionsforHK

【新巴司機被警強行帶落車查問】

今天約下午4時30分，970號新巴喺油麻地眾坊街被截停，警方登車搜查，有消息指在場黑警不滿戴豬嘴面罩司機噤響安，強行將他帶落車查問及拘捕，並表示會發出「不小心駕駛」傳票。

新世界第一巴士公司職工會正在跟進事件。

#返工犯法呀
#揸車犯法呀
#響安犯法呀
#戴豬嘴犯法呀

一眾新巴車長發起明天按章工作，聲援被無理拘捕嘅970新巴手足。

既然警方咁關注司機嘅「駕駛安全」問題，工會都有責任呼籲各位會員，明天起要以*最高安全規格* 使用道路，駕駛時跟足公司指引，埋站同開車都應該「百分百」安全有序。

#按章工作
#係邊個令條馬路咁危險
#警察城市學乜人講安全

圖：巴士台Fb專頁

新巴職工會對車長被捕表示關注

昨天有一位駕駛970路線的車長於工作期間被警方以涉嫌危險駕駛拘捕，新巴職工會正在密切關注事件。

新巴職工會於事件發生後已聯絡民陣律師及各區區議員協助，工會對各方的協助表示感謝。

我們留意到有報道指警方擬以危險駕駛控告涉事車長，因此我們在此提醒各位車長及其他道路使用者，以*最高安全規格* 使用道路，時刻忍讓，安全有序地駕駛。

新世界第一巴士公司職工會
2020年9月7日

#與車長同行

【新巴司機同時被控涉嫌藏有攻擊性武器】

噚日下晝，一位新巴司機因為響咹而被控危險駕駛被捕。今朝收到消息指該名手足會同時控涉嫌藏有攻擊性武器，理由為袋中檢獲一支「士巴拿」。

今朝 新世界第一巴士公司職工會理事長林錦標接受訪問指，巴士司機隨身攜帶士巴拿係常見工具，係用作調較倒後鏡，政權為求打壓，只好透過「莫須有式」濫捕濫告黎散播恐懼，令香港人失去發聲嘅自由。

法治亦成為港共政權打壓機器，如同新巴司機一樣，將司機濫捕、將巴士拖走、將員工控告，目的只係向公司施壓，不但係影響手足生計，更加係向香港人宣告「黨說你有罪你就有罪」。

未來嘅日子，返工或者已經可以犯法，極權政府一直無底線般打壓，香港人嘅存在已經被視為危害國家安全。

#的士泉又無事 #理大屠城個司機告得未 #律政司又贏 #廚師開工好危險 #濫捕

【入獄前專訪】投入社運13年 鄧建華：「反送中」運動徹底改變認知
https://bit.ly/2FeKbUi

若果2019年沒有爆發「反送中」運動，他與社運朋友們大概會一直處於「社運低谷」中，彳亍前進，尋覓自己的路向、著力點與位置。他原本可以盡情地看書鑽研東南亞歷史，或是了解其他國家的社會變革過程，每隔數年便去一次印尼大選採訪。

「點知最後的革命現場就在自己屋企。」

🔥第一期工會脈搏出版啦！

我們文宣部的一班有心人自發出版了一本有關工會刊物，目的是讓更多香港人了解工會的由來和作用，每期亦會訪問不同工會，以及歡迎你投稿的Q&A。

實體版將會擺放在18區黃店及議員辦公室讓市民自由索取。詳細地點我們將會稍後公佈，請留意二百萬三罷channel最新消息。

先睹為快網上版在以下網址
https://issuu.com/unionspulse/docs/unionspulse-issue001

合作或投稿歡迎電郵 unionspulse@gmail.com 查詢

踏入理事任期第二年，亦係最後一年。

回望過去一年，荒謬嘅戲碼依然每日上演。街頭抗爭嘅同路人面臨不公嘅審判、入獄、甚或流亡，唔少人失去前途、青春、人身自由、家人同摯愛。武漢肺炎疫情 一波接一波，政府仍然堅拒封關，令香港人連父母最後 一面都見唔到。民意授權嘅代議士再被DQ，再次證明議會只係個任人擺佈嘅橡皮圖章。隨住國安法實施，二十年嚟我哋自以為理所當然嘅新聞自由、言論自由，終告消失殆盡。政治審查日益嚴重，眾多民主派人士被高調跟蹤，周庭、黎智英等更被國安拘留。一夜之間，我哋都徹徹底底噉變成社會上無聲者......

接下嚟一年，理事期望可以同大家一齊將抗爭融入生活嘅每一個角落，喺生活嘅每一個範疇都「與無聲者同行」。面對社會大眾被噤聲，但願我哋有好似幫助失聲患者發出聲音嘅堅持;面對真相被政權扭曲，但願我哋有對幫助語障小朋友用啱詞語嘅執著。幫助弱勢，企喺雞蛋嘅一方，係言語治療師嘅天職。未來一年，我哋會一齊謹守崗位，善用業界平台同專業身份不平則鳴。

我哋係一群言語治療師，正如即使我哋嘅訓練未必可以令患有失語症嘅婆婆即時以言語表達，但我哋仍然有責任去幫佢搵出合適嘅溝通方法。面對後國安法時代嘅我城我地，就算未能做到「為無聲者發聲」，但願我哋仍然能堅持「與無聲者同行」。

各位同工，AGM見！

政綱連結

—————————————
周年會員大會將於2020年9月12日召開（詳情請參閱理事會於8月27日經電郵發放的會員大會通知）。如同工欲出席當天的會員大會，請預先填寫Google Form。由於是次會員大會以線上會議形式舉行，為方便計算法定人數及有票會眾的人數，故是次大會只開放予已登記的會員。

【Bauhaus員工尋人：勞工處處長陳嘉信去咗邊？】

Bauhaus 尅扣負鐘員工薪金，至今未見有負責人出嚟作任何交代，一直龜縮唔露面唔講嘢，但就「好積極」咁逃避苦主，連fb個official page都刪除埋（係，唔單止刪留言，係成個page都刪除咗），等員工唔可以再留言控訴，真係令人嘆為觀止！

不過無論個老細點衰點無恥都好，如果無香港奴工處完美配合，佢地壓榨員工嘅手段都唔會咁猖獗。

有個Bauhaus員工同我地講，勞工處喺疫情期間無開門，咁佢唯有打去1823條熱線查詢，對方嘅回答竟然係：「勞工法例無寫明有負鐘，但亦無寫明唔可以負鐘扣人工。」

嘩，呢啲說話真係難聽過粗口！無寫明唔准做，咁你奴工處就由得啲無良僱主亂咁嚟啦喎？

更何況呢個講法係完全曲解咗法例，按照《僱傭條例》第32條「扣除工資的限制」清楚列明只有9種情況下（包括缺勤、損壞貨品、借糧、預支薪金等），先可以容許僱主在一定限制下扣除員工薪金。法例條文寫得清清楚楚，「除按照本條例規定外，僱主不得從僱員的工資（或到期付給僱員的任何其他款項）中扣除任何款項」（引自法例原文）。「負鐘」既然唔係以上任何一種情況，僱主以此尅扣薪金，即屬違法，最高刑罰罰款10萬元及監禁1年。

既然已有法例清楚規定，勞工處幾時先會作出檢控，將個無良僱主繩之於法呢？勞工處處長陳嘉信係咪放緊佢嘅Long Vacation？定係繼續Work From Home？高官返緊工定放緊假，我地小市民真係分唔到囉。

陳處長咪再打官腔叫人去勞工處求助啦，既然已知道成間公司都行緊負鐘扣薪扣假，咁點解唔係勞工處主動派人去巡查Bauhaus全港19間分店，反而要員工打1823仲要隨時俾人老點呢？

#尋人陳嘉信
#勞工處定係奴工處
#係咪上市公司犯法就唔駛拉
#消失的Bauhaus專頁
#Bauhaus拎咗政府保就業及零售業補貼近1200萬

我哋最近收集咗同事返工攜帶嘅「架生」
包括頭盔，電筒，索帶，士巴拿，萬用工具等等
係日常營運同維修會用到
無論On duty定Off duty
我哋仲隨身攜帶「良知」添

港鐵新動力撐新巴車長🤜🏻🤛🏻
新世界第一巴士公司職工會
You Are Not Alone！

#我有返工架餐
#現在可以拉我

良知貼紙係酒好飲嘅阿布泰拎嘅😉

【寫信撐在囚工盟手足Leo！】

9月1日工盟手足Leo被控「管有攻擊性武器」，被判刑四個月。在囚期間手足與外界隔絕，獲得關心、鼓勵和資訊嘅渠道，好多時都要靠其他牆外手足寫信寄比佢地。

我地今次有一條google form，大家可以將想寫比Leo嘅內容填上，我地將有同事負責處理信件內容。另外如果想寄實體信，亦可將信件寄到職工盟辦事處寫明「去信予鄧建華」。

寫信比在囚手足Leo傳送門：https://docs.google.com/forms/d/e/1FAIpQLSceS69kGQPcWcUGAjG83BtxCu6_Vc97OPtnrlC2ErTjxcJIaQ/viewform?fbzx=174331607800861420

#齊上齊落 #撐所有被極權迫害手足 #歷史會說話

【工賊會又賣勞工】

工聯會新巴分會主任陳樹明接受明報訪問時指「時速十幾公里都可以撞死人」，工賊會又再次顯示出投共精神，將濫捕事件再次扭曲，漠視同業權益。又質疑未知士巴拿尺寸，難以判斷是否攻擊性武器。

自稱「永遠企響工人對面」嘅工聯會果然無錯，咁多個月嘅警暴唔讉責，有警員響電單車「扮雀仔」唔讉責，警車加速入法院險撞記者唔讉責，反而讉責自己嘅同工。

工賊會繼國安法後繼續出賣香港人，屬會又出賣自己同業，到底除咗投共外，工賊會仲有咩作用呢？

#的士泉提提你 #企響工人對面 #車速過慢都拉得你又知唔知 #JohnWick鉛筆都殺到人 #幾時讉責下燉湯明 #土製炸彈比較安全

－－－－－－－－－－－－－－－－－－
職工盟聯絡方法：
熱線：2770 8668
網址：https://hkctu.org.hk/zh-hant
Telegram：https://t.me/unionsforHK

－－－－－－－－－－－－－－－－－－
更多資訊：

‼️打工仔爆料召集 篤灰濫用「保就業」計劃問卷傳送門‼️
https://forms.gle/LMckGdjcpvb49JF69

－－－－－－－－－－－－－－－－－－
【新巴司機同時被控涉嫌藏有攻擊性武器】
https://www.facebook.com/HKCTU/photos/a.176347809072167/4496062360434002

【寫信撐在囚工盟手足Leo！】
https://www.facebook.com/HKCTU/photos/a.176347809072167/4512017892171782/

【Bauhaus員工尋人：勞工處處長陳嘉信去咗邊？】
https://www.facebook.com/HKCTU/photos/a.176347809072167/4507487539291484/