TələbəPlus Kartı artıq UNEC-də!🎉

Bu kart tələbələr üçün çoxsaylı üstünlüklər və unikal imkanlar təqdim edir:

📚 Təhsil, şəxsi inkişaf və digər sahələrdə endirimlərdən yararlanmaq imkanı əldə edəcəksiniz.

#UNEC #TələbəPlus

Hörmətli UNEC tələbələri!

Bu gün minimum 6.5 bal toplamış UNEC təhsilverənləri və təhsilalanlarının IELTS imtahanı ödənişlərinin Təhsilin İnkişafı Fondu (TİF) tərəfindən onlara geri qaytarılması sahəsində UNEC rektoru Ədalət Muradov, TİF İdarə Heyətinin sədri Elnur Nəsibov, TKTA İdarə Heyətinin sədri Tural Əhmədovla əməkdaşlıq müqaviləsi imzalayıb.

Minimum 6.5 bal toplamış UNEC təhsilverənləri və təhsilalanlarının IELTS imtahanı ödənişlərinin Təhsilin İnkişafı Fondu (TİF) tərəfindən onlara geri qaytarılması sahəsində əməkdaşlıq müqaviləsi barədə suallarınızı bu forumda ətraflı qeyd edin:

https://forms.gle/X3vgjo21dWsGsGC5A

📢 Əziz tələbələr!

UNEC Tələbə Həmkarlar İttifaqı Komitəsi tələbələr tərəfindən təklif olunan layihələrin həyata keçirilməsini planlaşdırır. Bu təşəbbüs çərçivəsində sizə yaradıcı, fərqli və yenilikçi ideyalarınızı təqdim etmək imkanı verilir. Layihələrinizi reallaşdırmaq üçün bizimlə bölüşün!

TƏLƏBLƏR:
• Təklif olunan layihələr tamamilə orijinal olmalıdır;

• Layihələr, ölkə daxilindəki tələbə kütləsini geniş şəkildə əhatə etməlidir:

• Reallaşdırılması mümkün olan layihələr təklif edilməlidir;

• Layihələr tələbələr arasında müsbət təsir yaratmalı və yadda qalan olmalıdır.

🔗 Qeydiyyat linki: https://forms.gle/tb9zybFmZVfqpsfA7

Azərbaycan Dövlət İqtisad Universiteti (UNEC) Tələbə Həmkarlar İttifaqı Komitəsinin (THİK) təşkilatçılığı ilə 20 Yanvar faciəsinin 35-ci ildönümü ilə əlaqədar olaraq Tələbə Həmkarlar İttifaqı Komitəsinin sədri İlkan Əliyev, THİK fakültə sədrləri və fəal tələbələr universitetin Memorial Kompleksinin qarşısına gül dəstələri düzərək şəhidlərimizin ruhunu bir dəqiqəlik sükutla yad etmişdirlər.

https://www.instagram.com/p/DE7AszmumoT/?igsh=d2luZmZpMmt4b2Fq

UNEC olaraq, ölkəmizdə biznes ekosisteminin inkişafına töhfə vermək və tələbələrimizi ilhamlandırmaq məqsədilə yeni “CEOTalks” layihəsinə start veririk.

Bu unikal forum formatında keçiriləcək tədbirdə müxtəlif sahələrdən olan tanınmış şirkətlərin CEO-ları bir araya gələcək. Tədbir zamanı rəhbər şəxslər öz peşəkar təcrübələrini paylaşacaq, biznes idarəçiliyi, liderlik, strateji qərarların qəbulu və uğurun əsasları ilə bağlı dərin məlumatlar verəcəklər. Forumda hər görüş üçün iki rəhbər şəxs və bir moderator iştirak edəcək, bu da müzakirələri daha dinamik və maraqlı edəcək.

“CEOTalks” platforması iştirakçılara biznes və idarəçilik sahəsində ən son trendlərlə, innovativ yanaşmalarla və real iş dünyasının qarşılaşdığı çətinliklərlə tanış olmaq üçün unikal imkan təqdim edəcək.

Layihə barədə ətraflı məlumat UNEC İnnovativ Gənclər Təşkilatının və UNEC-in rəsmi sosial media səhifələrində paylaşılacaq.

Qeyd edək ki, “CEOTalks” tədbirlərinin hər bir görüşü tam versiyada UNEC-in rəsmi YouTube kanalında yayımlanacaq.

Gələcək liderləri “#CEOTalks”-da gözləyirik!

@uneceduaz

❗️Hörmətli tələbələr,

20 Yanvar - Ümumxalq Hüzn Günü ilə əlaqədar olaraq, UNEC KİM-in 24/7 Kitabxanası 19 yanvar saat 23:59-dan 21 yanvar saat 07:59-dək fəaliyyət göstərməyəcək.

Kitabxana, 21 yanvar saat 08:00-dan etibarən yenidən fəaliyyətinə davam edəcək.

Nəzərə almağınızı xahiş edirik.

@uneceduaz

Qanlı yanvar faciəsinin 35-ci ildönümüdür.

20 Yanvar faciəsi Azərbaycanın müstəqilliyə aparan yolunda yeni mərhələnin başlanğıc nöqtəsi oldu. Bu, ləyaqətini qorumaq üçün hər cür qurban verməyə hazır olan millətin tarixində şərəfli bir səhifədir.

Allah bütün şəhidlərimizə rəhmət eləsin!

UNEC Tələbə Həmkarlar İttifaqı Komitəsinin rəsmi Facebook səhifəsinə qoşulun!💙🌟

Tələbə həyatı ilə bağlı ən maraqlı xəbərlər, tədbirlər və layihələrdən xəbərdar olmaq üçün bizi izləyin! 🎓🌟

Link aşağı hissədə və QR kod-da yerləşdirilmişdir.💙

Keçid linki : facebook.com/unecthik

Hörmətli tələbələr!

Xarici dildə işgüzar və akademik kommunikasiya fənni ilə bağlı yaradılmış aşağıdakı formda sizə qaranlıq qalan suallarınızı, təkliflərinizi və eyni zamanda problemləri burada qeyd edə bilərsiniz.

Sual və təklifləriniz UNEC Xarici dillər departamentinin direktou fil.f.d., dos. Aysel Xəlilova tərəfindən cavablandırılacaq və müraciətlərinizə baxılacaqdır.

Link:
https://forms.gle/SvkH5mFsogwDXCqZ9

Dərin kədər hissi ilə bildiririk ki, UNEC “Beynəlxalq Magistratura və Doktorantura Mərkəzi”-nin məzunu və Azərbaycan ordusunun hərbi qulluqçusu Camal Hüseynov odlu silahdan açılmış atəş nəticəsində vəfat edib.

Camal Hüseynovun ailəsinə və doğmalarına dərin hüznlə başsağlığı veririk, səbr diləyirik!

Allah rəhmət eləsin!

Bilirsinizmi?

Azərbaycanın ali təhsil sistemində ilk dəfə UNEC tələbələrə 24 saat və 7 gün fasiləsiz xidmət göstərən kitabxana təqdim edib!

📚 Tələbələr istədikləri vaxt dərslərinə və imtahanlara hazırlaşaraq, davamlı öyrənmək imkanı qazanırlar.

🌐 Kitabxanada tələbə və müəllimlər üçün dünyanın zəngin elektron resurslarına çıxış imkanı yaradılıb.

⏱️ Tələbələr öz rejimlərinə uyğun olaraq, günün istənilən saatlarında çalışıb, vaxtlarını səmərəli idarə edə bilirlər.

🤫 Kitabxana sakit və rahat atmosferi ilə dərs oxumaq üçün ideal məkandır.

🤝 Tələbələrin birgə işləməsi, müzakirələr aparması və layihələr hazırlaması üçün rahat və akademik mühit yaradır.

💻 Elektron resursların mövcudluğu və kitabxananın fasiləsiz fəaliyyəti tələbələrin təhsildə müasir yanaşmalardan daha effektiv və rahat şəkildə faydalanmasını təmin edir.

UNEC tələbələrinin inkişafına hər zaman dəstək olmaq üçün yeniliklərə davam edir!

@uneceduaz

UNEC “Rus İqtisad Məktəbi” üzrə Tələbə Həmkarlar İttifaqı Komitəsinin yeni sədri III kurs tələbəsi Ayan Məmmədova seçilmişdir.

UNEC THİK adından Ayan xanımı sədr seçilməsi münasibətilə təbrik edir, fəaliyyətində uğurlar arzu edirik!

“UNEC Dizayn Məktəbi” üzrə Tələbə Həmkarlar İttifaqı Komitəsinin yeni sədri III kurs tələbəsi Sənan Zeynalov seçilmişdir.

UNEC THİK adından Sənan bəyi sədr seçilməsi münasibətilə təbrik edir, fəaliyyətində uğurlar arzu edirik!