Salomatmisizlar?

Yaxshimisizlar yaxshilar?

Farzandi Bilan yaxshi kelisha olmaydigan ota onalarning 8 ta belgisi

1-Empatiyaning yo'qligi

Ota-onalar ko'pincha bolaning his-tuyg'ulari bilan qiziqishmaydi yoki e'tibor birishmaydi.

Aytiladigan gaplar: Bolani xis-tuyg'ulariga Pashshadan fil yasama, bir pas jim tur, mening ham o'z muammolarim bor.

Oqibatlari: bu xolatda Bola o'zini tushunilmagan va yolg'iz his qilishi mumkin, bu esa o'ziga bo'lgan baxosi va ishonchini pasayishiga, his-tuyg'ularini esa ifoda qilishda qiyinchiliklarga duch kelishiga olib keladi.


2. DOIMIY TANQID

Ota-onalarlar farzandinig harakatlarini yoki tashqi ko'rinishini tez-tez tanqid qilishi.

Aytiladigan gaplar:

Qolingdan xech bir ish kelmaydi", «Hech qachon to'g'ri ish qilolmaysan.

Oqibatlari: Bolada oʻzida

kamchilik hissini rivojlantirishi, xatolardan qo'rqishi va yangi sinovlardan qochishga moyil bo'lishi.

3. KUCHLI NAZORAT VA MANIPULYATSIYA

Ota-onalarning bola ustidan kuchli nazorati va bolaning har bir qaroriga aralashishi.

Aytiladigan gaplar: «Agar meni

yaxshi ko'rsang, aynan shunday qilasan.» " san bilmisan mani etkanimday qilasan

Oqibatlari: Bola o'z tanlovilari

ahamiyatsizdek his qila boshlaydi, erkin fikrlash qobiliyati pasayishi, bu esa qatiyatliylik va oʻziga bo'lgan ishonchini yo'qotishiga olib kelishi

4. BOLALARNING EHTIYOJLARINI E'TIBORSIZ QOLDIRISH

Ota-ona bolaning emotsional yoki jismoniy ehtiyojlariga ahamiyat bermasligi.

Aytiladigan gaplar: «bugun emas keyin, xozir zaril ishlarim juda xam ko'p.», " xozir charchaganman, keyin.."


Oqibatlari: Bola oʻzini kerak emasdek his qilishni boshlaydi va bu esa sizga bo'lgan ishonchni va emotsional bog'liq lik muammolariga olib keladi.

5. AYBDORLIK HISSI BILAN MANIPULYATSIYA QILISH

Ota-ona bolani boshqarish uchun unda aybdorlik hissini uyg'otishi.

Aytiladigan gaplar: «Agar bu ishni qilmaganingda, men o'zimni bunchalik yolg'iz yoki yomon his qilmas edim.>>>

Oqibatlari: Bola doimiy xavotir, aybdorlik va stressni his qilishii. bu esa uning emotsional xotirjamligiga salbiy ta'sir ko'rsatadi.

6. BOLANI O'Z MAQSADLARI YO'LIDA TARBIYALASH

Ota-ona bolani o'z orzu-maqsadlari yo'lida tarbiyalashi

Aytiladigan gaplar: «Sen boksyor

bo'lishing kerak yoki men kabi muvaffaqiyatli bo'lishing lozim va xamma bu falinchini o'g'li desin.

Oqibatlari: Bola ortiqcha bosim

va qo'yilgan-kutilayotgan talablarni bajarish majburiyatini his qilishi, bu esa bolada kuchli stress va o'z shaxsiyatini yo'qotishga olib keladi.

7. QO'LLAB-QUVVATLASH VA RAGʻ BATLANTIRISHNING YO'QLIGI

Ota-ona bolaning qiziqishlari va mashg'ulotlarini qo'llab-quvvatlamasligi, uning muvaffaqiyatlarini rag'batlantirmaligi.

Aytiladigan gaplar: «Bu ishini nima keragi bor? undan ko'ra foydaliroq ish bilan shug'ulansen, yahshiroq bo'lar edi.

Oqibatlari: Bola o'z yoqtirgan

mashg'ulotlariga boʻlgan motivatsiyasini va qiziqishlarini yo'qotadi. bu esa kelajakda bolaning rivojlanishiga va oʻzini baholashiga salbiy ta'sir qiladi

8. EMOTSIONAL BARQARORLIKNING YO'QLIGI

Ota-ona kayfiyatining keskin o'zgarib turishi. Bu esa uyda tarang va oldindan aytib bo'lmas muhitni yaratadi.

Aytiladigan gaplar: «meni kayfiyatim zo'r edi, lekin sen bola uni buzding.

Oqibatlari: Bola doimiy xavotir

va stressni his qiladi, chunki bola ota-onaning kayfiyatini keskin o'zgarishlariga qanday munosabatda bo'lishni bilmaydi.

Bu esa bolada emotsional nomutanosiblikni va kuchli xavotirlik xissi muammolariga olib keladi.

HAMMASIGA AYOL AYBDORMI?

Qo‘shnimizning eri bir ayolga "ilakishib qolibdi". Qaynonasi esa hech qanday hijolatlik yo‘q, kelinini ayblayapti. O‘ziga qaramas ekan. Bitta erni ham eplolmabdi...

Bir yosh kelin qaynonasi va erining zulmlariga chidolmay kechasi uyiga ketib qolibdi. Joniga tekkanidan. Hammasidan to‘yganidan. Lekin uning "oyoq olishi" o‘zi avvaldan chatoqmish...

Ko‘p bolali bir ayol har doim farzandlariga ta‘lim-tarbiya berar ekan. Tinimsiz oilasi, ilmi tashvishida yurar ekan-u, u idishni vaqtida yuva olmagani yohud uyini chinni-chaman qilib o‘tira olmagani uchun dangasa va "polpis kelin"mish...

Ertalab mashinada ketyapman. To‘satdan bir erkak: "to‘xtang, orqadagi yuklarimni bitta ko‘rib olay. Sanatoriyga ketayotgandim. Pulim qoldi-yoov". Yoshi kattaroq ayol hozirjavoblik bilan: "Ayolingiz e‘tiborsiz ekan-da". Ayol kishi hushyor bo‘lishi, erini " eplab" yurishi haqida ancha ma‘ruza o‘qob ketdi... Xayriyat, puli topildi. O‘zi adashib sumkani boshqa yeriga solib qo‘ygan ekan...

Jamiyatimizdagi eng katta illat ayolni ayblash, uning gardaniga eshshakning yukidan-da og‘irroq yukni yuklash avj olib bormoqda. Va eng achinarlisi, bu yukni ayollar yuklamoqda. Ayolni sindiruvchi boshqa bir ayol. Mazlumlar ham ayollar va zolimlar ham ayollar bo‘lib qolmoqda. Aslida ayolning dardini ayol sezishi kerak emasmi? Ayolni dardini ayol olishi, unga yordam berishi kerak emasmi?!

Gulchiroy Asqarali qizi
@bolajontwins

https://t.me/YaqinOzbek

Afsuski bularning barchasi ayni haqiqat. O'qiyapmanu ichimda ha, to'g'ri xuddi shunaqa deyman. Bu jamiyatimizda go'yo yozilmagan, lekin doimo amalda qo'llanib kelingan tushunchalar va qoidalarga o'xshaydi. Ya'ni qizlar ham kichikligidan shu narsalarni eshitib katta bo'lishganligi uchunmi kelin bo'lishganda ham har bir narsa uchun o'zimizni aybdor his qilib turamiz.

Men ham bu yuqoridagi keltirilgan misollardan "dangasa" kelin nomiga to'g'ri kelar ekanman. Rostdan ham uyimiz har kuni yig'ishtirilib, tozalansada hech ham saranjom holatda turmaydi. Qanday qilib ham chinnidek tursin, axir bu uyda 3 nafar bolaligini mazza qilib yashayotgan, o'yinchoqlarini istagandek o'ynayotgan, hayoliga kelgan turli g'oyalarini ro'yobga chiqarib nimalardir yasab, chizib, sinab ko'rayotgan va ma'lum bir chegaralar asosida juda ham erkin o'sayotgan bolalar bo'lsa deyman o'zimga o'zim. Yaxshiyam alohida yashar ekanmiz, bo'lmasa men ham har kuni faqat dakki eshitadigan "aybdor" kelin yoki farzandlariga hech ham vaqt ajrata olmaydigan lekin oshxonadan chiqmay, hamma ishni eplaydigan kelin bo'larmidim...

To'g'risi, kichik yoshdagi bolalar bilan uyni doimiy tarzda ozoda va saranjom saqlash men uchun imkonsizdek tuyuladi. Rostdan ham, agar aksi bo'lsa u uyda bolalar nima qilishadi deb o'ylayman. Masalan, biznikida televizor ham yo'q, shuning uchun bolalarda hech qanday ekran vaqti bo'lmagani uchun doimiy tarzda kunlarimiz asosan birga o'ynash, kitoblar o'qish, oldindan tayyorlab qo'yilgan o'yin va mashg'ulotlar bilan shug'ullanish, nimalardir birga pishirish bilan o'tgani uchun ham men qayerdan ham ovqat qilib, ham uyni tozalab, qolgan minglab ishlarga qanday qilib ulgurishim mumkin? Shuning uchun ham menga imkonsizdek tuyuladi.

Lekin ochig'ini aytaman, agar qaynonamlar kelsalar menda ham darrov avtomatik tarzda "chaqqon" kelin funksiyam yoqiladi va tabiiyki har doim bolalar bilan ulguradigan ishlarimizning anchasi qolib ketadi.

Xullas, bir kuni oilaviy dam olishga ketyapmiz. Bir necha kun qoladigan bo'lganimiz uchun sumkalarimiz ko'proq. Hamma mashinaga o'tirdi va keyin bilsak bir sumkachada chaqalog'imning kerakli narsalari uyda qolib ketibdi. Shunda turmush o'rtog'imlar ha mayli unda men borib olib kelaman deb ketdilar. Qaynonamlar esa "bu bolam boshqacha, agar anu ukalari bo'ganda xotinlari rossa gap eshitib olishardi, ham ular unaqa borib olib ham kelishmasdi" deb qoldilar. Xullas, xulosa hammaning o'zidan.

Endi bu masalaga yechim sifatida men faqat va faqat ilm olishni ko'raman. Inson bu dunyoga nima uchun kelgani haqida ko'proq tafakkur qilib Allohga yaqinlashsa shunda boshqalardan xato topib aybdor qilish o'rniga o'zini isloh qilish bilan band bo'larmidi.

✍Aziza Karimova

https://t.me/YaqinOzbek

Yaxshimisizlar? Bilaman juda kamnamoman Sababni 2 ta toodleri borlar bilasizlar?😅

In Shaa Alloh Manfaatli post qilaman. Nima haqida boʻlishini xohlaysizlar

Assalamu Alaykum va rahmatullohi va barakatuh bugungi mavzuimiz Hatna haqida boʻladi. Oʻgʻil bolalarning onalariga juda kerakli mavzu. 2 ta oʻgʻlimni ham hatna qildirgan ona sifatida hatna haqida aniq fakt va malumotlar beraman. In Shaa Alloh

Xatna - o'g'il bolalarda olatning chekka terisini kesib olib tashlash marosimi. Ushbu marosim turli madaniyatlarda va dinlarda turlicha ma'noga ega.
Islomda xatna
Xatna islomda muhim ahamiyatga ega va ko'pchilik musulmonlar uchun diniy burch hisoblanadi.
Qur'onda xatna haqida to'g'ridan-to'g'ri ko'rsatma berilmagan, ammo hadislarda bu marosim Muhammad payg'ambar tomonidan bajarilganligi va tavsiya etilganligi aytiladi.
Xatna odatda bolaning tug'ilganidan keyin 7 yoshgacha bo'lgan davrda amalga oshiriladi.
Xatna qilishning afzalliklari haqida turli tibbiy dalillar mavjud. Jumladan, xatna qilingan bolalarda siydik yo'llari infeksiyalari va olat saratoni kamroq uchraydi.

Xatna qilishning boshqa sabablari
Gigiyena: Xatna olatning boshini toza saqlashni osonlashtiradi.
Madaniy an'analar: Ba'zi madaniyatlarda xatna qilish yigitning balog'atga yetganligini bildiradi.
Tibbiy ko'rsatmalar: Ba'zi hollarda, masalan, fimoz (olat terisining tortilishi) kabi holatlarda xatna qilish tibbiy zarurat bo'lishi mumkin.
Xatna qilish tartibi
Xatna odatda shifokor yoki maxsus tayyorlangan mutaxassis tomonidan amalga oshiriladi.
Marosim odatda mahalliy og'riqsizlantirish ostida o'tkaziladi.
Xatna qilinganidan keyin olat bir necha kun davomida tuzaladi.
E'tibor berish kerak bo'lgan jihatlar
Xatna qilish to'g'risida qaror qabul qilishdan oldin shifokor bilan maslahatlashish zarur.
Xatna qilishning mumkin bo'lgan asoratlari haqida bilish va ularga tayyor bo'lish kerak.
Xatna qilishdan keyin yarani parvarish qilish bo'yicha shifokor tavsiyalariga amal qilish lozim

Xoʻsh bizda qanday boʻlgan?. 1-farzandimni 6 oylikda hatna qildirganmiz. Deyarli 1 kun yigʻlab gʻinshib yurgan 1 hafta ichida yangi hilt paydo boʻlib bitgan. 2-farzandimni esa 18 kunligida hatna qildirganmiz unda judayam tez bitgan 3-kuning oxiriga borib hilt hosil boʻlib bitishni boshlagan.
TEZROQ BITISHI UCHUN KERAKLI MASLAHATLAR: doktorni oʻzi buyurgan muolajalrni qilish, romashka cheredali suvlarda yuvish,(hilt qoplagandan keyin yuviladi)

Qancha yoshligida qilinsa shuncha yaxshi boʻladi deb hisoblayman sababi katta boʻlgan pichoq yoki doktorning anjomlaridan ham qoʻrqishi mumkin. Toʻgʻri birinchi 3 kunlik qiyin oʻtadi bu tabiiy hol. Lekin shuni guvohi boʻlganman koʻp katta bolalarda undan ham qiynroq boʻladi xojatga chiqishga qoʻrqish, har hojatga borganda sterikalardan Uni yoshga toʻlmay qilish ancha ossonroq deb hisoblayman.

Xatna qilinganda qaysi holat havfli va shifokorga olib borish kerak?

Kesilgan joydan ko'p miqdorda qon chiqishi

Xidli yiringlar

Bola ovutib bo'lmas darajada bezovta bo'lishi

Bolaning tana harorati koʻtarilishi

10 soatgacha siymaslik holatlari kuzatilsa darrov shifokorga olib borish lozim

Sizchi bolangizni hatna qildirganmisiz? Sizda qanday oʻtgan. Savollar boʻlsa marhamat