Интернет тармоғида ўзбек сегментларида саҳобаи киромлар ҳақида биттагина Абдуллоҳ домланинг дарслари тарқаган экан. Бошқа пичоққа илинадиган аудиоматериал тополмадим. Борлари ҳам қисқа ва парча нарсалар экан. Агар бошқа бор бўлса оммалашмагандир. Миллионлаган ўзбеклар учун бу ўта кам деб ўйлайман. Агар талаб кучли бўлса, саҳобалар шахсияти ҳақида аудиоматериал тайёрлашни ўйлаб турибман. Агар талаб кучли бўлмаса, бу ишга қўл урмай қўявераман.

👉 @umarhalil 👈

Бу расмни "саҳифам муқоваси" ўлароқ қўйганман. Чунки бундай вазиятга кўп тушаман ва ўзимни расмдаги овчидек ҳис қиламан.

Бўрини отсам, ўлиб қолади ва пастга қулайди. Бундан мувозанатни йўқотиб, ўзим ҳам жарга қулайман. Демак, ўйламай ва пала-партиш отиш ярамайди.

Агар уни отмасам, менга ташланиб ҳалок қилади.

Уни шундай отишим керакки, бўри ўлиб, жарга қуламасдан палланинг ўнг томонига йиқилиши керак ва мувозанат сақлаб қолиниши лозим.

Бу расм менинг турмуш тарзим ва ҳаётий принципимни тасвирлаган. Бунда доим Аллоҳдан тавфиқ сўрайман.

Мубашшир Аҳмад ҳафизаҳуллоҳ

👉 @umarhalil 👈

Келиним ҳар куни бизни таомлантиради, уй-жойимизни озода тутади, кийимларимизни ювиб беради, чиройли қилиб дазмол қилади, биздан қоладиган ювуқсиз идишларимизни ювиб беради, ўғлимга нима юмуши бўлса хизмат қилади, зарур бўлса оғриган жойларимизни уқалаб қўяди, набирамизни туғиб беради, едиради, ичиради, тагини тозалайди, ухлатади ва доим муҳофаза қилади. Хонадонимизда нима хизмат бўлса, ҳеч бош тортмай, балки ёқмаса ҳам, малол келса ҳам барибир қилади. Нима бўлган тақдирда ҳам буларнинг барини биз учун, ҳеч қандай эвазсиз қилади.

Онажоним шу уйга хизмати, меҳнати синган аёл. Менга уй-жой берган, жамиятда келинлик, рафиқа, она мақомларига эришишимга сабабчи бўлган зот. Ўз ўғлини менинг химоямга, кийинишимга, таомланишимга, болаларимга қайғуришга - борингки, менинг ҳамма эҳтиёжларимни таъминлаб беришга вазифадор қилиб тарбиялаган онажонимдир.

Солиҳа ва фаросатли аёллар мана шундай фикрлайди. Бахтиёр яшашни истаётган инсон яқинидан ўзига раҳмат ва марҳамат излайди, буйруқ ва талабни эмас.

👉 @umarhalil 👈

Шу ҳафта мобайнида қаттиқ бетоб бўлиб, даволаниш, муолажа билан банд бўляпман. Фейсбукдаги фаоллигим анча камайган бўлса-да, онда-сонда кузатувчи мақомида кириб тураман. Бугун икки мавзуда диндор ва секуляр қатлам ўртасидаги кескин резонансга гувоҳ бўлдим:

1. Бир телеграм каналда пойтахтдаги энг зарур жамоат транспорти бўлган метродаги тартибсизликларни диний ракурсдан тартибга солиш бўйича таклиф челленж қилинган. Таклифдаги номукаммаллик ва примитив ёндашув ўз йўлига, майли. Лекин қандай саъвияда бўлган тақдирда ҳам ўзини либерал ҳисоблайдиган секулярлар буни ҳақоратлаб, оммавий қолоқлик ва радикализмда айблаши ўз принципларига ҳам зид келади.

2. Масала, «АзонТВ» да узатилган ғусл ҳақидаги ижтимоий экспериментга секуляр қатлам тарафидан билдирилган ўта радикал муносабат. Ғусл билан боғлиқ оммавий (публик) сўровномани маданиятсизлик, кераксиз аҳмоқона мавзуни кўтариш дея, жуда қўпол муносабатлар бўлган.

Мен икки масалада ҳам, икки тарафга ҳам тўлақонли ҳайрихоҳлигимни билдирмоқчи эмасман. Гап бир биримизга бўлган муросасиз ҳамда пала-партиш реакциямизда. Юртимиздаги ижтимоий қатламлар, ижтимоий мансубликлар орасидаги муносабатлар бу даражада торайиб, совуқлашиб, мўртлашиб бораётгани мени кўнглимги хира қилади. Чунки секулярлар орасида ҳам, диндорлар орасида ҳам яқинларим, устозларим, дўстларим талайгина.

Бундай ижтимоий муаммоларни таҳлил ва уни ечишга бағишланган тадқиқотлар қиладиган профессионал социологлар керак бизга деб айтиб келардим. Айнан ўзбек характери ва аттитудаларини чуқур ўрганиб, ижтимоий ислоҳотлар қиладиган социологларга жуда муҳтожмиз. Мамлакатдаги қадриятсиз ҳаёт тарзи, сиёсий ахборот майдонидаги манипуляция қурбони бўлаётган халқ, ижтимоий ҳаос, омманинг фақат инстинктив турмуш кечирадиган биомассага айланиши - буларнинг барчаси деградацияга учраб таназзул сари кетаётган миллатни жиддий ўйга толдиряпти. Орамиздаги турли хил қарашларга бўлган тоқатсизликнинг жарлик ҳосил қилиши, кенгбағирликнинг сўнишидан шуни тахмин қилиш мумкинки, қайси қараш ҳокимиятга эга бўлса, ўзидан бошқа қарашларни яксон қилаверади. Жаҳон муросасиз ва тоқатсиз қарашли жамоаларнинг қонли тўқнашувларига жуда кўп гувоҳ бўлган. Жамиятда тартиб ва ислоҳот бировнинг, гарчи хато бўлса-да, фикри ва таклифини ҳурмат ила эшита билиш ва муштарак мақсадларда бошқа камчиликларни кечира олиш ҳамда уларга тоқатли муносабатда бўлиш орқали ислоҳ бўла олади. Бундан бошқа йўл эса фақат қирғинбарот билангина бўлади холос.

👉 @umarhalil 👈

Мардикорлар оламига хатарли саёҳат қилган журналистнинг кечирганлари ҳақида ҳикоя қилинади

https://youtu.be/mn4Dm2ugIIA

Мардикорлар оламига хатарли саёҳат қилган журналистнинг кечирганлари ҳақида ҳикоя қилинади

👉 @umarhalil 👈

Каналимиз қошидаги гуруҳда бир ҳафтада битта китоб муҳокамаси бўлиб ўтади. Канал администрацияси томонидан муйян асар белгиланиб, бир ҳафта мобайнида китобхонлар ўқиб чиқиши учун мухлат берилади. Сўнгра ҳафта охирида бир кун белгиланиб асар устида овозли чат орқали баҳс-мунозара олиб борилади. Чатда нафақат китоб ўқиганлар, балки ўқимаганлар ҳам кириб жонли кузатишлари мумкин бўлади. Ўқиган гапириб фойда топса, ўқимаган эшитиб фойда олади.

Навбатдаги ўқиш учун старт берилган китоб таниқли сиёсий арбоб Никколо Макиавеллининг «Ҳукмдор» асаридир. Асар 5 аср аввалги зеҳният билан ёзилган бўлса-да, бугунги диктатураларни, автократларнинг зеҳниятини, оммани қандай қилиб дин ва бошқа нарсалар билан манипуляция қилиб бошқариш мумкинлиги ҳақидаги қарашларни тушинишга ёрдам беради. Китобнинг электрон шаклини гуруҳдан ёки гуруҳ админларидан сўраб олишингиз мумкин.

👉 @umarhalil 👈

Отанинг қизига бўлган муҳаббати ҳеч шартларсиз ва эвазсиз қилинадиган муҳаббатнинг ёрқин намунасидир.

Қуйидаги шеър оймомо қизларимизга бағишланади 🌝

👉 @umarhalil 👈

Марди майдон бўйдоқларга бағишланган шеър экан. Ўқивордик, укаларимизга. Бахтли бўлгурлар )

👉 @umarhalil 👈

Юртимизда эгизак туғилса президентнинг исми-шарифи ва фамилиясини болаларига қўйиб, қандайдир совға кутишни тамаъ қилиш урфга кирганди. Таъмагир бўлсанг ҳам дунёдаги матохларни тамаъ қилгандан кўра, охиратдаги юксакроқ нарсаларни тамаъ қилсанг бўлмайдими, дегим келади. Назарингни паст қилмай, юқори қилганинг яхши эмасми, нима дедингиз?

👉 @umarhalil 👈

Омар Халилнинг бир мухлисаси мурожаат қилдилар. Айтишларича, оилада бешта қиз бўлиб, опалари узатилган, ўзлари эса кенжа фарзанд эканлар. Оталари, «Она қизим! Сизни ўқитамиз, олима бўласиз. Сиз туфайли мени ҳам номим янграйди. Мен бундан фахрланаман, қизим» деб айтар эканлар. Ушбу шеър ўша синглимизнинг ижод маҳсуллари бўлиб, оталари ва ўзлари учун кутилмаган сюрприз қилиб эълон қилдик.

👉 @umarhalil 👈

Бизга сайлов олди зўр ваъдалар бераётган номзодларга етказинглар. Уларга бу қизалоқнинг аҳволи таъсир қилмайди, зотан миллионлаб халқи шу шароитда яшаётганига кўникиб, уялмай ҳали ҳам ҳокимият учун курашиб ётишибди. Уларга халқни манфаати эмас, ўша халқни оёғи остидаги бойликлари керак холос. Ҳамма гап шунда.

👉 @umarhalil 👈

Каналимиз обуначиси бўлган бир акамиз томонидан ҳикоя қилинган ушбу воқеада бугунги кунимиз биродардилиги учун яхши ибрат бор

👉 @umarhalil 👈

Ўз нутқини ривожлантирмоқчи бўлганлар учун навбатдаги қўлланмани тақдим этамиз. Машғулотларни узлуксиз бажаринг ва нутқингизни чиройли бўлишига эришингиз тилакдошиман.

👉 @umarhalil 👈

Доим шу ўгитга амал қиламан ва мендан сўраганларга ҳам шуни насиҳат қиламан.

Биринчиси, ҳаммага бирдек самимий бўл. Бу - вазифа. Аллоҳ таоло ҳам, Расул алайҳиссалом ҳам шунга буюришган. Иккинчиси, кечиримли бўл. Бу - фазилат. Учинчиси, огоҳ бўл. Бу - шариат. Вазифангга риоя қилиб ҳаммага бирек самимий бўлганингда ораларида бу сифатингни суистеъмол қиладиган одамлар чиқиб қолади. Шунда иккинчи амал - кечиримли бўл. Балки, у одам нафсига қулоқ солиб, шахсий манфаати устун келиб осийлик қилиб қўйгандир. Кечиришинг хато қилиб гуноҳ қилган одамга қайта имконият беришингдир. Агар у кечирганингдан кейин ҳам яна шу фужурини қилса, унда учинчиси - химояланиш амалини бажар. Энди ундан ўзингни муҳофаза қилишинг шариатдир. Яхшиликни билганга қил, билмаганга қилиб ўзингни ҳурматингни йўқотма, уни ҳам фисқи-фужурига эшик очма. Яхши сифатлар ва амаллар пайти келганда муҳофаза қилиниши лозим. Йўқса гўзал хулқларнинг қиймати қолмайди.

👉 @umarhalil 👈

«Ўзгидромет» 9-11 октябрда Каспий денгизи шимолида шаклланган совуқ ҳаво массаси кириб келиши ҳақида огоҳлантириш берди. Ҳаво ҳарорати кечаси 1-3° даражага тушиши айтилган. «Тошиссиққувват» эса 12-октябрдан бошлаб ижтимоий муассасалар, 14-октябрдан кўпқаватли уйлар (домлар)да иситиш тизими йўлга қўйилишини маълум қилган. Ажиб, совуқ ҳаво 5 кун аввал кириб келса, одамлар унгача нима қилади? Мавусум кескин ўзгаришида касалланиш эҳтимоли ошиб кетади, бу эса бошқа томондан фармацевтика соҳаси гуллашига етакчи омил бўлиб хизмат қилади. Бу ҳолат гўёки пухта иқтисодий манёврга ҳам ўхшаб туйилиб кетади.

👉 @umarhalil 👈

Афғонистон масаласи бўйича эксперт Майкл Кугелмен қуйидагиларни қайд қилибди:

Бугун Афғонистонда

• 95% оиланинг етарли овқатланиш имконияти йўқ;

• 2 млн бола тўйиб овқат ея олмайди;

• 2022 йилга келиб 97% афғонлар камбағал бўлиши мумкин;

• 90% соғликни сақлаш тизими муассасалари ёпилган;

• Минглаб болалардан ҳар ойда 5 нафари ўлим ёқасида.

Парвардигор афғон халқига нажот берсин.

👉 @umarhalil 👈

#ПРЕМЪЕРА

«Ким Қуръондаги оятларга нафс ҳавоси билан қараса, уни маҳфий ва зоҳир шаҳватларига муносиб тушиниб олади. Агар уни иффатли одам ўқиса, ўша оятларда ҳақ ва иффатни кўради».

Др. Мустафо Маҳмуднинг «Қуръон сирлари» китобидан. Эртагаликка ушбу китобнинг битта бобини аудиокитоб қилиб чиқариш ишларини бошлаб қўйганман. Мазкур бобда: Қуръонда ўғрининг қўли кесилиши ҳукми, кўпхотинликнинг асоси ва талқин қилишдаги баҳс-мунозара, зинокорлар, фохишалик ва муртадни тош бўрон қилиш, жиноят ва жазо, қонунчилик масаласидаги нозик жиҳатлар таҳлил қилинган.

👉 @umarhalil 👈

«Қуръон сирлари» китобидан ёзилган сўнги бобнинг аудиоварианти соат 20:00 да YouTube каналимизда премъера қилинади.

https://youtu.be/N66YjQp3OKQ

#Шеърият

«Отам ҳам, онам ҳам бирдек қарибди»

Аллоҳ таъоло каломида Исо алайҳиссалом тилидан шундай марҳамат қилганди: «Мени онамга меҳрибон қилди. Жабр-ситам этгувчи бадбахт қилмади».

👉 @umarhalil 👈