Ҳаётимдаги олий мақсадим Роббимнинг муҳаббатини қозониш. Бу йўлдаги вазифам эса фақат яхшилик қилиш. Бу менинг шу дунёдаги шахсий миссиямни белгилаб беради. Ҳар қандай ишда, жойда, вақтда яхшилик қилиб қолишга ҳаракат қилиб яшайман. Сиз ҳам олий мақсадингиз ва шу мақсад сари олиб борадиган вазифаларингизни аниқлаб олганмисиз?

👉 @umarhalil 👈

Аллоҳнинг розилиги йўлида янги йўлга чиқдик. Янги лойиҳа, янги фаолият билан тез кунда медиани забт этиш йўлида.

👉 @umarhalil 👈

Раҳбарнинг сийратию сувратида ислом бўлмаса, ундан қандай қилиб яхшилик кутяпсиз?

Дин эса икки тиғли қуролга ўхшайди: агар у яхшилар қўлида бўлса, адолат, фаровонлик ва яхшилик боиси бўлади. Агар ярамас қўлларда бўлса, нафрат, қотиллик, иккиюзламачилик ва манфур кимсаларга хизматкорга айлантирилади.

Доктор Салоҳиддин Куфтаро

👉 @umarhalil 👈

Юртимизни чинакам тараққий этиши, давлатни ҳақиқий халқ манфаати учун ишлайдиган бўлиши учун Совет даври ва мустақиллик даври давлат тизимида умуман ишламаган, яшамаган бир одам бўлиши керак, деб ўйлайман.

👉 @umarhalil 👈

Вацлав Ҳавелнинг «Кучсизлар кучи» китоби тақдимотида, Sardor Salim ака: «Асар ҳақида бир оғиз сўз билан таъриф берилса, у фақат ҳақиқат учун яша, ёлғонларга рози бўлма, дейди», дея фикр билдирганди.

Олдингизда мураккаб дилемма:
1. Ҳақ йўлда умрни йўқотиш.
2. Ноҳақ йўлда тирик қолиш.

Оқибатда ким ютади?

👉 @umarhalil 👈

Shogirdim Omina Moida restorani devoriga go‘zal suratlar chizib undan ajoyib videoblog ishlabdi. Sizlarga ham ilindim )

👉 @umarhalil 👈

Барака топсин! Аёлим билан Тошкентда яшай бошлаганимизда кўп қаватли бинодаги қўшниларга бегона бўлишига қарамасдан, овқат улашарди. Ҳолбуки, пойтахтдаги аҳоли турли жойлардан келиб яшаши туфайли ҳамма бегонасираган, қўшничилик-биродарлик деган қадрият яхши шаклланмаган. Сизчи? Қўшнингизга қачон охирги марта яхшилик қилгансиз?

👉 @umarhalil 👈

Шахсий ривожланишда кибрга берилиш олий мақсадни поймол қилади.

Сизда ҳам шундай бўлганми?
Telegram | Instagram |YouTube

Omar Xalil
Мусулмоннинг ақидавий стратегияси
Telegram | Instagram | YouTube

Биз жамоатнинг муаммога бўлган муносабатини қоралаш ва уларга маънавий босим қилишдан кўра, ечим беришимиз диннинг мақсадига мувофиқ бўларди.

Ҳаво ўта даражада иссиқ бўляпти, одамлар қийналиб, бундан нолияпти. Модомики, шундай ҳарорат бўлаётган экан, кўчада кимдирлар дарахтларни кесаётган бўлса, тўхтатинглар. Жамоатдагиларнинг ҳар бири, агар қодир бўлса, кўчат, дарахт экинглар. Шунда, ҳаво ҳарорати исиб кетганда ўша дарахтлар ўзимизга соя салқин бўлади. Юртни яшнатсак, бундан фақат ва фақат ўзимизга фойда. Муаммойимиз ҳам аста ҳал бўлади, мазмунида бўлиши керак эмасмикин, деб ўйлайман.

Каналимдаги обуначилар, сизлар кўчат экасизми?

👉 @umarhalil 👈

Бизнес Аллоҳнинг розилиги учун қилиниши лозим!

👉 @umarhalil 👈

Бизни айримлар тарк этар, шунча мехнатларга лоқайд бўлиб индамай турар, фойдасини олиб кейинчалик сурар. Биз ҳаммага таъсир ўтказишга даъвогар эмасмиз. Мана шуларнинг орасида қалб қалбга боғланадиган инсонлар бор. Аллоҳ ана ўшаларга мушарраф қилади мехнатимиз самарасини. Аллоҳ сиздан ҳам рози бўлсин, дўстим!

👉 @umarhalil 👈

Зиёдуллоҳ оғам байрамга ажойиб лавҳ ҳадя қилиб кетдилар. Аллоҳ рози бўлсин! Ҳадя улашиш суннат: у орада меҳр-оқибат ва яхшиликларни ёяди. Сиз ҳам ҳадя улашинг )

👉 @umarhalil 👈

Аллоҳга шукур, юртимизда аҳолини динга қайтиши ва имкон доирасида диний қоидаларга риоя қилиш иродаси шаклланиб боряпти. Лекин, Совет даври ва мустақилликдан кейинги 25 йиллик динга бўлган репрессия ва босим ўзбекларни диндан узоқ ушлаб туриш мақсадида олиб борилгани, вақт ўтиб жамиятда исломофобиянинг палак отишига шароит яратиб берди. Бугунги кунда, хусусан, ёш қизларнинг рўмол ёки ҳижоб ўрашига ота ва онадан қаршилик ёҳуд мактаб ҳамда ўқишдан бўлган ғайриҳуқуқий босим оқибатида қизларимизнинг зиддият-аросатда қолаётгани, аёлларнинг эндигина сатри авратга риоя қилиши натижасида ишлаётган ишхоналарида келишмовчилик чиқиб, ишдан кетишларига мажбур бўлишлари ҳолати кўпайиб бормоқда. Мени назаримда, кўп бўлмаса ҳам ёш йигитларни ислом динига рағбати уйғониб, дўстлари доирасини (кругини) ўзгартириши, аввалги ҳаёт тарзини кескин исломга риоя қилиш орқали ўзгартириши айрим исломофобияга чалинган ота-оналар, яқинлар томонидан тазйиқ ва босимларга учрашига сабаб бўляпти. Хулоса қилиб айтганда, айрим аёл-қизларимиз ва ёш йигитларимиз шариатга риоя қиламан деб, оилалари ҳамда ишхоналари билан муаммога дуч келиб ечим тополмай қийналишяпти.

Шу масала юзасидан тез кунда Азон кафеда устоз Мубашшир Аҳмад иштирокларида исломофобиядан азият чекаётган, динига риоя қилиш борасида оиласи ва ишхонаси билан қарама қарши муаммога дуч келиб қийналаётган ёшларга муаммони ҳал қилиш, муроса қила олиш, исломофобияни енгиш борасида амалий тавсиялар, йўл-йўриқлар ўргатиладиган семинар-тренинг ташкиллаш режамиз бор.

Кимда ким шундай муаммога учраётган бўлса, менинг аккаунтимга @omar_xalil алоқага чиқинг ёки шундай танишларингиз бўлса уларга далолат қилиб қўйинг.

👉 @umarhalil 👈