Қайси даъватчининг маърузасини эшитганимда йиғласам уни йўлчи билдим, кимни маърузасидан таъсирланмасам уни бошқа эшитмадим. Қалбида Аллоҳга чин муҳаббати бор одамнинг даъвати ҳам қалбга кириб боради ва эшитган одамни ўзига маҳлиё қилади, йиғлатади, руҳлантиради. Динда даъвогарлик қилади, юзлаб маърузалар айтади, лекин бирортаси ҳам юрагинга етиб бормайди. На йиғлатади, на руҳлантиради, на эсингда қолади. Бугун Акром Малик билан Ҳазрат Навоий раҳматуллоҳи алайҳнинг асарлари шарҳида Росулуллоҳ соллаллоҳу алайҳи ва салламнинг маҳшар куни умматларини шафоат қилиш учун дам сирот тарафга, дам тарози тарафга, дам азобга ҳукм қилинаётган умматлари томонга югуриб шафоат қилиш ғамида елиб-югуриб юришлари ҳақида эшитиб кўзимдан ёшим қуйилиб келди. Я Росулуллоҳ! Жонингиз чиқар онда ҳам «Умматим!» деб жон бердингиз! Сизни жудаям қаттиқ соғиндим!!! Жудаям қаттиқ!!!

👉 @umarhalil 👈

Абу Ҳурайра розияллоҳу анҳудан ривоят қилинади: Росулуллоҳ соллаллоҳу алайҳи ва саллам айтдилар: «Қачон дини ва хулқига сизлар рози бўладиган кишидан совчи келса, унга турмушга беринглар. Агар ундай қилмасангизлар, ер юзида фитна ва кенг фасод бўлади».

Халқимиз бу суннатга амал қилишда йўлдан озди. Дини ва ҳулқи қолиб, бойлиги ва мансаби, ҳусни, ҳашамати биз учун авторитетга айланди. Қиз ва йигитнинг тарбияси у ёқда турсин, отасининг обрўси ва онасининг мартабасига қараб никоҳ боғлашга ишқибоз бўлиб кетдик. Бу бойликни, бу обрўни остида дин турадими-йўқми, қизиқмаймиз. Оқибатда оилаларимиз фитна-фасодга гирифтор бўлиб бахтсизликка мубтало бўлиб ётибди. Энг яхши йўл бу - суннат йўли. Йўлимизда юрайлик, йўлдан чиқмайлик.

👉 @umarhalil 👈

Сизларга янги хушхабар айтиб қўймоқчиман. Тез кунларда ушбу асарни ўзбекча аудиокитоб ҳолида ёзишга киришаман. Таржима ишлари тугаб, таҳририят ишлари бошланган. Ана ундан кейин Омар Ҳалил ижросида аудиокитоб ҳолига келтирилади. Ижодкорларни дуоларингизда эслаб турсангиз, шоядки, Аллоҳ қилаётган ишларимиздан рози бўлсин.

👉 @umarhalil 👈

Омар Ҳалилнинг шахсий кутубхонаси учун махсус нашрга тайёрланган китоб. Матнларни йиғиб таснифладим, муқова дизайнини ишладим. Бу бежирим китоб фақат бир дона чиқади. Фақат ўзимга 😅

👉 @umarhalil 👈

Муҳаббат, дедик;
Сени севдим, дедик...
Ё Раббим !
Лек нафсимиз туғёнларидан кеча олмадик...
Ахир Сени севган "ўлмоғи" керак эмасми?!
Нафсни бўғиб, қатл этмоғи керак эмасми?!
Ҳар онда уни парвариш этмаяпмизми, ахир...
Севги иддаоларига вафо қилиб қадам қўймоқ ўрнига, тилимизни беҳуда савдога ўргатмоқдамиз, холос...
Бир чечакнинг қор тагида сўлгани каби, Муҳаббатни ҳам нафснинг булдуруқлари ўлдиргай...
Ошиқликка даъво қилар экансан, аввало ишқингга Муҳаббат олови ила жон ато эт. Шавқлар қалбингда алангалансин.....

© Бинту Исмоил

Манба: @Fariduddin_Attor

Суратда 🌸 ал-Вадуд 🌸 деб ёзилган бўлиб, бу Аллоҳнинг исмларидан биридир. Унинг маъноси: барчага яхшиликни раво кўрувчи деганидир.

👉 @umarhalil 👈

Омар Ҳалилнинг шахсий кутубхонаси учун тайёрланаётган китобларнинг навбатдагиси. Муқовасини ишлаб чиқдим. Матнни тартиблаш ва ички дизайнга ўтаман. Сизлар учун энг қизиғи, тез орада буни электрон версиясини сизларга ҳам улашаман 🌸

👉 @umarhalil 👈

Бир неча кунлар аввал ақида китобларни тавсия қилгандим. Шу мавзуда улуғ китоб саналган асар, забардаст олимларнинг таржима қилишларигача қизиқарли бўлган Сирожиддин Ўшийнинг «Бадъул аъмолий» асари ва унга ёзилган шарҳ китоби қайта нашр қилинган. Ичида ҳозирги кунда ҳам ихтилофли, зиддиятли бўлган мавзуларни таҳлил қилиши билан китоб қизиқарли ўқилади. Аҳли сунна кишиси учун муҳим ақидавий манба бўлиб хизмат қилади. Китоб «Azon kitoblari» марказида бор.

👉 @umarhalil 👈

Бир ойча аввал Шайҳ Муҳаммад Саид Рамазон Бутий роҳимаҳуллоҳнинг «Фиқҳус Сийра» асарлари ўзбек тилида «Сийратни англаш» номи билан сотувга чиққан. Асар 2010 йилларда Қирғизистонда раҳматли шайҳ Алоуддин Мансурнинг фарзандлари Зиёуддин Мансур томонидан таржима қилиниб чоп этилган. Бугунга келиб энди бу мўтабар манба она тилимизда ҳам нашр қилинди. Сиз «Тарихи Муҳаммадий», «Саодат асри қиссалари», «Раҳиқ-ул Маҳтум», «Нурул Яқийн» каби асарларда сийратдаги воқеаларнинг тўлиқ баёнидан хабардор бўласиз, «Сийратни англаш» китобида эса Рамазон Бутий ҳазратлари сийратдаги воқеалардан сизга дарслар ва хулосалар чиқариб беради.

Бунақа китобларни олвогандан кейин мана шунақа уйқи келмай ўтираверамиз )))

Ҳа, айтганча, китоб Азон китоблари марказида бор. Фақат саноқли қолган холос.

👉 @umarhalil 👈

#МУТОИБА

Ўқиганга тегаман дейсизлар. Ўқиб дунёни эгаллармиди? Нари борса кутубхона очади холос 😅

👉 @umarhalil 👈

#САРҲИСОБ

Шу вақтгача Омар Ҳалил каналидан қандай манфаат олдингиз ва ундан яна нималарни кутасиз?

Фикрларингизни комментда қолдиринг. Кейинги фаолиятимизда сизнинг истакларингизни ҳам амалга оширишга ҳаракат қиламиз.

Намоз ўқиб ҳам, рўза тутиб ҳам, каъбани тавоф қила туриб ҳам дўзоҳга тушишимиз мумкин десам, ишонасизми?

Юқори сифатлиси бу ерда

👉 @umarhalil 👈

Омар Ҳалил шахсий кутубхонаси учун биринчи чиқарилган китоб. Электрон вариантини ўқиш истагида бўлган ҳар бир обуначимга ҳадя қиламан. Кимга керак бўлса, шахсий чатга ёзинглар, ташлаб бераман.

👉 @umarhalil 👈

Гапни очиғи, бу асарни топиб, ҳозирги китоб ҳолига келтириш ва муқовасини ишлаб чиқиш борасида анча мехнат кетди. Ўзим билмаган дастурларни ўрганишга ҳам тўғри келди. Тан олиб айтаман, китоб тайёрлаш анча мураккаб ва қийин иш экан. Йигит кишига минг ҳунар оз деганларидек, бу ҳам менга бир ҳунар бўлиб қолди. Буларнинг ҳаммаси сиз қадрли обуначи китобхонлар учун холис қилинди. Сизларни китобга бўлган ташналигингизни кўриб, тўғриси шунча машаққатлар, кўзимни тиниб қолишлари, ишдан кейинги давом эттирган чарчоқларим чиқиб кетди. Хато қилган бўласам, Ўзи кечирсин.

👉 @umarhalil 👈

Минорнинг «носталгия»сини кўриб болалик пайтларимни хотирлаб, роса қумсабман. Бу расм Омар Халилнинг боғчага бориб юрган пайтлари. Жуда юввош, кам гап бўлган. Келинг, бир болалик пайтларимизни эслайлик. Болалигингиздаги жажжи суратларни шу пост остида қолдиринг )))

👉 @umarhalil 👈

​​Мусулмонларга, хусусан ўзбек халқига мафкурадан кўра ҳаққа ишониб яшашни ўргатадиган, сиёсий ўйинчоқ эмас, тафаккур кўзи очиқ миллатни шакллантириш сув ва ҳаводек зарур. Майдон бўш. Кимдир шу соҳада миллатни фикрат кўзини очиш учун нимадир қилиши керак. Таваккул ила татамига Ҳамид Содиқ ака чиқдилар. Чехословакияни диктатурадан олиб чиқа олган, шахсларни катта оға таъсиридан халос қила олган, Чехиянинг биринчи президенти Вацлав Гавелнинг «Кучсизлар кучи» (Заифлар кучи) асарини таржимаси билан бошладилар. Бу асар одамларни ёлғон мафкура иллюзаларидан кўра ҳаққа амал қилиб яшашга чақирадиган, одамларни қандай алданиб яшаётганларини фош қилиб берган асардир.

Бир оёқда юрадиган одамнинг мувозанати ва ҳоли заифлашади. Икки оёқда бўлса мувозанат мустаҳкам бўлади. Заифларнинг кучи ҳам айнан шунда. Онгни очиб, бирликда ҳаракатланиш.

Сиёсий мавзудаги китоб тақдимотига бу қадар кўпчилик келишини кутмагандим. Ҳатто аёл ва қизларимизни қизиқиши ҳам яхши сигнал.
Тақдимотда иштирок этган барчага раҳмат айтаман. Хусусан, Ҳамид Содиқ, Бахтиёр Ирисметов, Сардор Салим, Акром Малик, Ғайратхўжа Сайид Али акаларга миннатдорлик билдираман.

Аллоҳга беҳисоб шукурлар бўлсин. Нақшбандий тариқатининг катта валийларидан бўлмиш Ҳазрат Навоий роҳимаҳуллоҳнинг инсонни руҳан тарбият қилиш ва юксалтириш борасидаги «Ҳайрат ул-аброр» асарларининг «Муқаддима» қисми Акром Малик акамиз томонларидан мукаммал шарҳ ила чоп қилинди. Энди Навоийни ҳеч қийналмасдан, луғат титкиламасдан осон англаш мумкин. Алишер Навоийнинг матнларини, у зот кўтарган ғоя, нафс ва жамият тарбияси ҳақидаги услубларини фалсафа (шахсий мулоҳазалар) деб таништиришар эди. Акром Малик бизга Ҳазратни чин маънодаги Низомиддин (диннинг низоми) эканликларини исботлаб бердилар. Асарларидаги ҳар бир ғоя, услуб ва муножотларда оятлар ва илоҳий муҳаббат борлигини очиб беридилар. Китоб 3000 дона чиққан холос. Обуначиларимга тезроқ олиб қолишларини тавсия қиламан.

Буюртмани қуйидаги бот орқали амалга оширсангиз бўлар экан:

@Hayrat_ul_abrorbot