​​Дунёқарашимиз қандай бўлса, шу йўсинда ҳиммат қиламиз!

Бир порция овқатга ёки йигирма минг сўмлик овқатга тўямиз, лекин бир дастурхон ва бир неча юзминглик таом еймиз. Бу қорнимизга қилган ҳимматимиз.

Бозорда етти юзминга бошдан оёқ кийинишимиз мумкин, бироқ бутикдан бир неча миллионлик кийим киямиз. Бу сувратимизга қилган ҳимматимиз.

Великда ёки матизда ҳам юришимиз мумкин, аммо бир неча юз миллионлик малибуни олишга ҳаракат қиламиз. Бу қийматимизга қилаётган ҳимматимиз.

Ўртача уйда ҳам яшаб, меҳмон кутиш мумкин, лекин ўн минлаб доллар сарфлаб қаср қуришга интиламиз. Бу қадримизга қилаётган ҳимматимиз.

Кичик доирада камхарж тўй қилсак бўлади, бироқ миллионлар сарфлаб дабдаба билан юзлаб одамларни меҳмон қиламиз. Бу обрўйимиз учун қилаётган ҳимматимиз.

Аксариятимизнинг ҳимматимиз мана шу маиший доирадан ташқарига чиқмай айланаверади.

Салафларимизнинг ҳимматлари динни олий қилиш ва уни ҳаётга айлантириш эди. Шунинг учун улар бор пуллари ва кучларини шу йўлда сарф қилишган.

Жадидларнинг ҳиммати тараққиёт ва миллий давлатчиликни сақлаб қолиш эди. Шунинг учун улар бор маблағларини таълимга, кучларини тарғиботига сарфлашган эди.

Ҳиндларнинг ҳиммати эса янги соҳаларни забт этиш ва касбларни эгаллашга йўналтирилган. Шунинг учун улар бор пул ва кучларини ИТ мутахассислигига сарфлашяпти

Финларнинг ҳиммати фаровон давлат қуришга қаратилган. Шунинг учун улар бор пуллари ва кучларини умумий таълимга ва бирдамликка қаратишган.

Бунақа қиёсларни кўп келтириш мумкин, аммо ҳиммати икки жағи ва икки оёғи орасидан ортмаган омманинг юзи ерга қарамасин.

Қанийди, ҳимматимиз мактабларни таъмирлашга, ўқитувчиларни молиявий қўллашга, янги соҳаларда кадрлар тайёрлашга; уларни ўқитиб келишга шароит яратиб беришга, илмий тадқиқот марказларининг моддий техник базасини тўлдиришга, лабараторияларга замонавий техникалар олиб беришга, шифохоналарни ривожлантириб зарур ускуна ва жиҳозларни олиб беришга йўналтирилса эди. Қанийди... қанийди...

Ҳатто тош кўтарса ҳам заифларни химоя қиламан, адолатни дастаги бўламан деб эмас, қоматини мақтанишга ҳиммат қиладиган аҳволда қолган.

Биз қорнимизга ҳиммат қилдик, натижада кааатта қоринга эга бўлдик.

👉 @umarhalil 👈

Ота болага пул бериб бозорга юборса, бола пулни омонат санаб, айтилган нарсаларга сарфлайди. Агар пулни ўзбошимчалик билан кўзланган мақсадга сарфламаса, отасидан жазо олишини билади. Шунинг учун омонатга хиёнат қила олмайди. Катта одам эса Аллоҳ унга даромад берганини эсидан чиқаради ва «пул ўзимники» деган ўйда истаган нарсасига сарф қилади. Қўлидаги бойлик Аллоҳ унга омонат қилиб берган ризқ эканини унитади. Болаку, ҳали ёш. У омонатдорликни академияда ўрганмаган.

👉 @umarhalil 👈

#СУЮНЧИ!!!

Сизларга ваъда қилинган таржима ишларимизнинг биринчиси якунига етди. Асар ҳозирда таҳрир қилиш учун муҳаррирга топширилган. Китоб тез орада интиқ кутаётган ўқувчиларига тақдим қилинади.

Асар араб дунёсининг машҳур мутафаккирларидан бири Мустафо Маҳмуднинг қаламига мансуб «Қуръон сирлари» китоби ҳисобланади. Асарда ҳашоротларнинг нима учун яратилгани, шариатда қўл кесилиш ҳукмининг қонунчилик нуқтаи назаридан таҳлил қилиниши, исломнинг психология фани билан кесишмайдиган нуқталари устида баҳслар, азиз авлиёларни васила қилиш билан боғлиқ мунозаралар, вақт жумбоғи, шариат низоми ҳамда динлараро фитналар мавзусида фикрий мубоҳасалар ўрин олган.

Асарни тез кунда @umarhalil каналида ўқийсиз...

​​Миллиятни ҳаётимиздаги ўрнини сақлаб қолишни иложи бўлмаса керак энди, деб ўйлай бошладим. Глобализация миллийликни четга суриб чақираверади; космополитан персоналар шаклланиб бораверади шекилли. Балки, гапларим, қарашларим хатодир, аммо бу фикрга келишимга ҳам бир нечта асослар бор. Одамларни кийими, овқатлари, яшаш тарзларини тарихий шаклланган урф-одатлари, экологик муҳити, давлатчилик бошқаруви, дини ва фалсафий қарашлари белгиламайдиган, балки бутун дунёдаги гегемон компаниялар ҳал қиладиган бўлди. Дунёни ҳар бурчагида бир хил кийимли, бир хил таом ейдиган, бир хил телефон ва гаджет ишлатадиган одамни топиш мумкин. Океан орти Америкада ҳам оқ кроссовка, кўк джинси шим, оқ футболка ва қўлига соат тақиб олган сиймони Европада ҳам, Кавказда ҳам, Ўзбекистонда ҳам, Хитойда ҳам топиш мумкин. Найкнинг футболкаларини, адидаснинг кроссовкаларини, ребукнинг бош кийимларини, тиссотнинг соатларини, туркларнинг донарларини, Американинг фаст-фудларини, Хитойнинг лағмонларини, япон сушиларини, Германия машиналарини, Корейс телефонларини дунёнинг исталган мамлакати фуқароларида учратишингиз мумкин. Ўзига хос кийиниш, таомланиш, архитектура такрорланмас урф-одат бўлган яшаш тарзимиз дунё компаниялари остида эврилиб кетишда давом этяпти. Миллият атрибутлари, белги ва элементлари глобал корпорациялар тарқатаётган маданият билан рақобат қила олмаяпти; одамларнинг турмушидаги ўрнини уларга бўшатиб беряпти. Миллият фақат маданий мерос сифатида, тарихий мансубликнинг ёдгорлиги ўлароқ тақдим қилина оляпти холос. Бир лаган атрофида овқатланадиган одатимизни алоҳида овқатланишга бўшатиб боряпмиз, атлас, адрас ва беқасам матолари араб, турк матолари олдида мавқеи тушиб боряпти, араб аёли, индонезиялик аёл ва туркиялик аёлнинг кийиниши ўзбек аёлида ҳам такрорланиб туради. Ўзбек яктаги, белбоғи, чопонлари араб ридоларига, турк-кавказ яктакларига, джинси, витровка, футболка, курткаларига ўрнини бўшатиб берди. Фикри ожизимча, миллиятни фақат тил ва тарихийлик нуқтаи назаридан ҳамда юқорида айтиб ўтганим, маданий кўргазма сифатида сақлаб қола олиш мумкин холос. Бошқа ўринларда маданий интеграциялашувни «Оммавий маданият» деб қораламасдан тан олиб, уни инсон ҳаётидаги фойдалилик ва зарарлилик даражасида ажратиб «ҳазм» қилиш ҳақида ўйлаш керак. Буларнинг барчаси субъектив фикрларим холос.

👉 @umarhalil 👈

#HISOBOT

AZON xalq kutubxonasida jami 209 ta assortimentdagi kitoblar yig‘ildi.

*

АЗОН халқ кутубхонасида жами 209 та ассортиментдаги китоблар йиғилди.

Ҳозирча...

Кутубхонадан исталган одам фойдаланиши мумкин. Фақат битта китобдан максимал 1 ҳафтага ўқиб фойдаланиш учун берилади. Кутубхонага китоб қўйиш миқдори чекланмаган. Ҳеч қандай исм-фамилия ёки телефон рақам ёзиб олинмайди. Китобларни қайтариш ўқувчининг ҳиммати ва ихтиёрига қўйилади.

👉 @umarhalil 👈

Цензура билан боғлиқ мастер-класс

Таниқли уламо, фақиҳ Абу Лайс Самарқандийнинг «Танбеҳул ғофилийн» асари, хусусан юртимизда машҳур бўлган асар ҳисобланади. Бу асарни ўзига ҳослиги шундаки, одамларни ҳаромдан, гуноҳ-маъсиятлардан максимал даражада қайтаришга мўлжалланган, жуда ўткир ва қаттиқ огоҳлантиришлардан иборат асар.

Ушбу асарнинг 1991, 2000-2001 («Мовароуннаҳр») йилги нашрларида асар 91 бобдан иборат. 2019 йилги («Шарқ», Имом Бухорий халқаро маркази») нашрида эса китоб 86 бобдан иборат.

Чиқариб ташланган 5 боб қуйидагилар:
1. Ароқ ичишдан қайтариш.
2. Зино ҳақида
3. Посбонлик
4. От чоптириш ва камонбозлик
5. Султонларга аралашиш

3 та боб отни қашқасидек тушинарли, бироқ 2 та бобни цензурага нима алоқаси бор деб, қизиқиб кўрдим. Тушунишимча, у ерда (посбонлик ва от чоптириш ва камонбозлик) ҳозирги сиёсий стереотиплар ва нотўғри талқин қилиниши мумкин бўлган нуқталари бор. Бу икки боб ҳам шу ваъж сабабли китобнинг янги нашридан жудо қилинган.

Цензура жуда қизиқарли нарса-да!

👉 @umarhalil 👈

​​#ТИЗЕР

Бир гал мендан: «Аллоҳ таоло нима учун ҳашаротларни яратди? Деб» сўралди. Шунда ўйланиб, ўзимга-ўзим айтдим: “Агар, ҳашаротларнинг ҳам фикрини билиш имкони бўлганда, албатта улар ҳам «Аллоҳ таоло инсонларни нима учун яратди?» - деган бўлар эди. Борлиқ ҳақида тафаккур қиладиган бўлсак, Аллоҳ таоло ҳар-бир нарсани ўз офати билан яратганини идрок қиламиз.
Аллоҳ таоло пахтани яратиб, унинг офати ўлароқ пахта қуртини яратди. Ўсимликларга қўшиб чигирткаларни яратди, тишларни яратди ва тиш қуртларини ҳам халқ қилди.
Аллоҳ таоло кўз касаллигини яратди ва унга қўшиб кўз касаллиги бўлмиш «трохома»ни ҳам яратди. У зот бурунни яратиш ила тумовни, меваларни халқ қилиш ила чиришни, темирни яратиб, зангни ҳам бунёд этди. Аллоҳ таоло инсонни яратди унга қўшиб, кана, бургалардан иборат, пашшаю чивин, микроблар, сил, моҳов, тошма касалликлари, вабо сингари инсонни ҳалок қилиш учун сафарбар этилган душманлардан ташкил топган бир қўшинни ҳам қўшиб яратди. Аллоҳ бу ҳақиқатни беркитишга ҳаракат қилмади, уни ўз китобида мақсадли ирода қилинган иш дея эълон қилди. У зот шундай дейди:
«Батаҳқиқ биз инсонни машаққатда яратдик» (Балад сураси 4-оят)....

...Аллоҳ таоло худди бир модда ичида манфий электрон билан мусбат протонни бирлаштирганидек, жасад билан руҳни синади».

«Қуръон сирлари» китобининг «Аллоҳ таоло ҳашаротларни нима учун яратган» боби.

Ушбу бобда муаллиф, дуалистик характердаги жараён ҳақида фикр юритади. Гегел ва Маркснинг диалектика ёки идеал мантиғи устида баҳс қилади, майда ҳашаротдан тортиб, касалликларгача, жинс ва руҳдан тортиб Америка, Россия ва Хитойнинг гегемонлик сабабларини Қуръондаги қонуниятлар билан шарҳлайди.

👉 @umarhalil 👈

Замонамизнинг икки буюк олим ва муфассирлари шайх Муҳаммад Али Собуний ва Муҳаммад Ротиб Нобулсий ҳафизаҳумаллоҳлар учрашуви.

Имом Собуний "Равоиъул баён", "Софватут тафосир" ва "Мухтасару тафсири Ибн Касир" тафсирлари муаллифи бўлсалар, шайх Нобулсий ўттиз жуздан иборат "Тафсиру Нобулсий" китобининг соҳибидирлар.

Менга икки шайхнинг бир-бирларига бўлган гўзал муносабатлари ёқди.

© Мубашшир Аҳмад

​​#ИНТЕЛЛЕКТУАЛ_ТОПИШМОҚ

Михаил Булгаковнинг «Уста ва Маргарита» асарида ўша давр ҳудосизлик мафкурасига қарши бир аргумент бадиий образ воситасида ифодалаб ўтилган. Ушбу аргумент Аквиналик Фоманинг «беш далил»ига олтинчи далил ўлароқ талқин қилинади. Ўша бадиий образни билиш учун эса Гётенинг «Фауст»ини ўқиб чиқишга, олтинчи далил нима эканини билиш учун Фома Аквинскийнинг «беш далил»и билан танишиб чиқишга, Булгаков аргументининг моҳиятини тушиниш учун эса Доктор Мустафо Маҳмуднинг «сув ва адолат» мисолидаги қиёсини ўқиб чиқиш керак бўлади.

Жавобни топган одамга китоб совғам бор!

Подсказка: келтирилган манбаларнинг ҳаммаси интернетда бор.

Вақт кетди...

Обуначиларимга тавсия:

Азон китоблар маркази ёнида асаларичилар уюшмаси бор. Ушбу маҳсулотларни ўша ердан ҳарид қилдим. Қовоқ ва асал аралашмаси, седана ва асал аралашмаси, турли хил мағиз ва майизларнинг асал билан аралашмаси ва унинг майдаланган варианти. Ҳаммаси бўлиб 117 минг сўм бўлди. Олинган нарсалар кони фойда, ҳам жуда арзон, ҳам энг ишончли жой.

👉 @umarhalil 👈

Улар шундай ўқитилди, уларга шундай таълим берилди, шу тўғри деб ўргатилди. Эндиликда айнан улар ҳудди шундай тарбия беришни бошлайди.

Энди оз бўлса ҳам тушинишни бўшладингизми, барча муаммо ва зулмларнинг ўқ илдизи таълимга, китоб ўқишга боғлиқлигини?!

👉 @umarhalil 👈

​​Ушбу китобни ўқиган одамни дунёқараши ўзгаришига ўзим кафилман. Бугун мана шу китобни ҳаётдаги мисолини сизларга келтирмоқчиман. Миллатини юксалишини, халқининг саъвиясини кўтарилишини қасд қилган йигитлар шу мақсад йўлида бир лойиҳага қўл уришибди. Бу олий ҳиммат жамоанинг хизмати шуки, бутун республика бўйлаб текинга китоб тарқатиб ўқитишдан иборат.
@ijaragakitoblar ушбу гуруҳда уларда мавжуд китоблар каталогини кўришингиз ва буюртма бериб, келишилган муддатда қайтариб юборишингиз ҳақида малумот оласиз. Китоблар вилоятлар кесимидаги тармоқларга бўлинган. Қайси ҳудудда яшасангиз ўша жойдаги мавжуд китобларни бепулга етказиб беришади.

Бундан ташқари, ушбу лойиҳага ҳомийлик қилиш, сервис учун китоблар олиб беришга ҳам таклифлар берилади. Мана шундай волонтёрлик қилаётган дўстларимиздан жуда ҳурсанд бўлдим. Аллоҳ ишларига барака берсин!

👉 @umarhalil 👈

Ер майдони Мисрникидан кичик бўлган Японияда бир юз йигирма миллиондан ошиқ аҳоли яшайди. Шу билан бирга у ерда очлик ҳам, камбағаллик ҳам йўқ. Фаровонликда японлар Американикидан ўтади. Ваҳоланки, у ерда нефть ҳам, кўмир ҳам ва ҳатто темир ҳам йўқ.
Лекин бу мамлакатда энг қимматбаҳо хазина - ҳазрати инсон бор.

Доктор Мустафо Маҳмуд

Ушбу китоб дунёга машҳур Sony корпорацияси асосчиларидан бири Масару Ибука томонидан ёзилган бўлиб, унда бола тарбиялашдаги замонавий назариялари ўрин олган. Боланинг биологик ривожланишига қараб турли хил илмий методлар келтирилган. Бола тарбиялашингиз асоси илмга таянмас экан, ўзбекча тарбия усули бўлмиш эшшак, ҳўкиз, қўзи, сўтаққул, сўлтамат ва бақир-чақирлардан ақлли авлод ўсишини кутманг!

👉 @umarhalil 👈

​​📚 Эркин Малик: янги китобимиз сизлар учун!

Қисса ва ҳикоялари кўпчилик китобхонларнинг шахсий жавонларидан ўрин олган, ўзбек оилаларининг қалбидан жой олган ёзувчи Эркин Маликнинг янги ҳикоялар тўплами бўлмиш "Болалик ва ўсмирлик кўчалари" асари чоп этилди.

Ушбу китоб ҳақида тўлиқ маълумот олмоқчи бўлган, мароқли суҳбат ва ёзувчининг ўзидан дастҳат ила китобни биринчилардан олишни истаганлар бўлса, "Azon kitoblari" марказида бўлиб ўтадиган китоб тақдимотимизга таклиф этамиз.

⌛️ Тақдимот санаси ва вақти: 20 октябр (сешанба), соат 14:00

🏛 Тақдимот ташаббускори: "Azon kitoblari" маркази.
Aхборот ҳамкори: Azon.uz ахборот портали, AzonTV онлайн телеканали, "Маданият ва маърифат" телеканали.

📍Дўконимиз манзили: Геолокация

Ижтимоий тармоқлардаги саҳифаларимиз:
Telegram | Instagram | Twitter | Facebook | TikTok

Телеграм каналимизга аъзо бўлинг: 👇👇👇
https://t.me/joinchat/AAAAAEj3hhVI0dAj0-nvNg

Кўп китоб ўқиган аҳли илм одамларни ёмон ҳулқини, такаббури ва риёсини кўриб ҳайратланманг. Ундайларнинг илми хотирасида қолган холос, қалбида эмас.

👉 @umarhalil 👈

​​Интеллектуал топишмоқнинг жавоби

Нодира: «Шайтоннинг борлиги Ҳудонинг борлигига далолат қилади».

Изоҳ: Уста ва Маргарита асарининг сюжети икки параллел воқеалар чизиғида олиб борилади. Бирида икки минг йил муқаддам одамлар орасига Аллоҳнинг пайғамбари Исо алайҳиссалом элчи бўлиб келади. Жамият эса бу эзгуликни қатлга ҳукм қилади. Бундан икки минг йил ўтиб эса, Рус империяси қулатилиб, большевиклар ҳокимиятни қўлга олиб, ҳудосизлик мафкураси асосидаги жамият дастурини жорий қилишади. Яъни, пайғамбарини қатл қилган тарихдаги бир ҳукумат, келажакка келиб бошқа ҳукумат Ҳудонинг ўзини ҳам йўққа чиқаришни бошлайди. Мана шу даврда майдонга Воланд образида Шайтон кириб келади. Ҳудосиз жамиятнинг аҳлоқсизлиги, нафси бузуқлик, фаҳшга ўч бўлиб кетган оломонни ҳаосга айлантириб, бунданда баттар аҳволга, яъни эътиқодсиз яшаётган жамиятни осонгина йўлдан оздиришга эришади. Буни Воланднинг тунги баллда Берлиознинг узилган бошини кўтариб сўзлаган нутқида фиксация қилиб ўтилганда тушуниш мумкин. Воланд «Фауст»нинг асосий персонажлари бўлмиш иблис Мефистоклга қиёс қилинади. Чунки уларнинг вазифаси ва фаолияти, деярли бир. Олтинчи далилга келадиган бўлсак, ўрта асрлар, хусусан XI-XIV асрлар оралиғида фалсафада христиан схоластикаси ривожланишни бошлаган. Скептицизм ва рационал фалсафалар муҳорабасида христиан диний ақидаларини рационал ҳимоя қилишга эҳтиёж сезилди ва бунда энг таниқли файласуф Аквиналик Фома сезиларли таъсир кўрсатган. У Ҳудонинг мавжудлиги ақидасини ўзининг 5 далилида рационал услубда исботлашга ҳаракат қилган. Доктор Мустафо Маҳмуднинг қуйидаги гаплари олтинчи далилнинг моҳиятини очиб беришга хизмат қилади. У айтадики, инсоннинг сувга ташналиги, организмга сувнинг кераклиги сувнинг ҳаётда мавжудлигига далолат қилса, зулмнинг борлиги адолатни борлигига тақозо қилади. Уста ва Маргарита асарида шайтоннинг, яъни ёвузликнинг мавжудлиги эзгуликни тақозо қилишига бу тақозолик эса чин маънода Ҳудога эҳтиёж бўлишига ҳамда шу эҳтиёж унинг мавжуд эканига далолат қилади. Бу мантиқий тафаккур. Зулмнинг бардавом бўлаётгани бу яхшилик борлигига, агар бўлмаганда ҳамма зулмкор, фаҳш ва разолатли бўлганда, ҳаммаси аллақачон барҳам топарди, ҳолбуки ҳаёт давом этаётган экан яхшилик дунёнинг ёвузлик томони билан баланс ушлаб келмоқда, деган мантиқий хулосани беради.

Ғолибамиз совға сифатида ушбу китобни танладилар 👇

👉 @umarhalil 👈

​​#ИНТЕЛЛЕКТУАЛ_ТОПИШМОҚ

Пушкиннинг «Тош меҳмон» асарида Дон Жуан учига чиққан моҳир хотинбоз. Фашҳ ишлари шу даражага чиқадики, бир бева аёлни йўлдан уришга қарор қилади. Ушбу жараённи диққат билан ўқинг. Анна эри ўлган ва шундан сўнг узлатга чекинган, фақат қора матога ўралганча, эркак зоти билан гаплашмайдиган аёл. Дон Жуан эри ўлган бева аёлни марҳумнинг қабри қошида, яъни қабристонда йўлдан уришга эришади, лекин оқибати фожеали якун топади.

Диққат савол: Дон Жуан буни қандай уддалайди?

Ҳаётидан эркак зотини чиқариб ташлаган, ўзини дунёдан узган, бутун баданини сатр қилган, эрининг қабри қошида, тушкун мотамида қандай йўл билан уни айнитиш мумкин?

Подсказка: ушбу услуб ҳатто бизнинг жамиятда ҳам ҳозиргача учрайди. Лекин, охири шармандали якун топади.

👉@umarhalil 👈

Бундан 31 йил муқаддам, 1989 йил сизнинг ота-оналарингиз ўзбек тили учун кўчага чиққан, қони тўкилган, жароҳат олган, ҳатто жон берган. Эртага фарзандим ўз тилида гаплаша олсин, мустақил бўлсин деб. Тилингизги қадрланг, ўз она тилингизда маза қилиб мулоқот қилинг, лекин бузманг, менсимай юрманг. Бу ота-оналарингиз руҳига тупуриш билан баробар.

👉 @umarhalil 👈