HADYALAR O‘Z EGALARIGA YETIB BORDI… 🎁
Alhamdulillah, mehr bilan yo‘lga chiqqan har bir hadyamiz o‘z egasini topdi.
Kimdir yaqinini xursand qildi,
kimdir uzoqdagi insoniga mehrini yubordi,
kimningdir qalbiga esa go‘zal bir esdalik bo‘lib kirdi.
Bizga ishongan va bu go‘zal hadyada ishtirok etgan barchangizga chin qalbimizdan rahmat!
Alloh hadya qilgan qo‘llaringizni,
hadya qabul qilgan qalblaringizni hamisha xursand qilsin. 🤲
Har bir hadya — bir mehr.
Har bir mehr — bir duo.

Bir kitob. Bir jumla. Bir o'zgarish…
Ba’zan hayotimizda shunday kitob uchraydiki, uni yopganimizdan keyin ham qalbimizda davom etaveradi.
Bir jumlasi xayolimizdan ketmaydi…
Bir qahramoni yodimizda qoladi…
Bir voqeasi esa o‘zimizga qarashimizni o‘zgartiradi.
Balki sizda ham shunday kitob bordir…
📖 Ayting-chi, hayotingizda iz qoldirgan kitob qaysi?
Va eng qizig‘i:
Agar o‘sha kitobni bugun yana bir marta tinglash imkoniyati berilsa — tinglarmidingiz?
👇 Kitob nomini yozing va nega aynan u siz uchun qadrli ekanini biz bilan bo‘lishing.
Balki sizning javobingizni o‘qib, yana bir inson o‘sha kitobni izlab qoladi…

“Hayotingizda iz qoldirgan kitob qaysi?”
Javoblaringizni o‘qib, rostini aytsam, hayratda qoldik… 🥹
Kimdir bir kitob sabab yig‘laganini,
kimdir bir kitob sabab uyg‘onganini,
kimdir esa aynan bir kitobdan keyin kitob o‘qishni boshlaganini yozdi.
Eng ta’sirlisi — ayrim kitoblar sizlar uchun shunchaki kitob emas ekan…
Kimdir uchun — otasining xotirasi.
Kimdir uchun — hayotidagi burilish.
Kimdir uchun — Islomni yanada chuqurroq anglashga sabab.
Kimdir uchun esa — qayta-qayta o‘qigisi keladigan bir olam.

Bugungi juma hadyasini siz tanlaysiz.
Bugun sizlarga kichik bir hadyam bor.
🎧 Qaysi audio kitobimizdan bir parcha eshitishni xohlaysiz?
Izohlarda kitob nomini yozing. 👇
Qaysi kitob nomi eng ko‘p yozilsa,
aynan o‘sha kitobdan sizlar uchun eng ta’sirli parchani chiqarib beraman.
Bugun kitobni men emas, siz tanlaysiz.
👇 Qaysi kitobni eshitishni xohlaysiz?
Nomini yozib qoldiring! 📖

🎧 Nihoyat, kutganingiz tayyor!✨
Bir oz vaqtni o‘zingizga ajrating, quloqchinlarni taqing va shunchaki tinglang...
Ba’zan birgina fikr ham insonning o‘ziga bo‘lgan munosabatini o‘zgartirib yuborishi mumkin.

🌿 BUGUN O‘ZINGIZGA BIR SAVOL BERING...
Tasavvur qiling...
Siz uchun juda qadrli inson katta xato qildi.
Uning ko‘ngli cho‘kdi va sizga shunday dedi:
— Men yana eplay olmadim...
Men hech narsaga yaramayman shekilli.
Siz unga nima degan bo‘lardingiz?
Uni ayblarmidingiz?
Xatosini yuziga solarmidingiz?
Yoki aksincha, tushunishga va dalda berishga harakat qilarmidingiz?
Endi esa bundan ham muhimroq savol:
Xuddi shu xatoni O‘ZINGIZ qilganingizda, o‘zingizga qanday gapirasiz?
Ba’zan biz boshqalarga aytishga tilimiz bormaydigan darajada og‘ir gaplarni o‘zimizga bemalol aytamiz.
«Nega yana shunday qildim?»
«Mendan hech narsa chiqmaydi.»
«Boshqalar uddalayapti, men esa...»
«Men bundan yaxshiroq bo‘lishim kerak edi.»
Balki insonning o‘ziga bo‘lgan munosabati ham aynan shu yerdan boshlanar...
Bugun kun davomida shu mavzu haqida gaplashamiz.
👇 Siz-chi? Xato qilganingizda o‘zingizga qattiq gapirasizmi?

Xato qilganingizda, ichingizdagi ovoz sizga nima deydi?
Biror ishni eplay olmadingiz. Noto‘g‘ri qaror qildingiz. Yoki kutgan natijangizga erisha olmadingiz...
Shunday paytda o‘zingizga odatda nima deysiz?
📊 OVOZ BERING 👇
🔘 Mayli, xato qildim. Tuzataman.
🔘 Nega men doim shunaqa qilaman?!
🔘 Men bundan yaxshiroq qilishim kerak edi.
🔘 Boshqalar uddalayapti, men esa...
🔘 O‘zimdan hafsalam pir bo‘ldi.
Ko‘p o‘ylamang. Sizda birinchi bo‘lib paydo bo‘ladigan javobni belgilang.
Kechroq natijalarni birgalikda tahlil qilamiz.

Qur’oni Karim ma’nolarining izohli tarjimasi:

52 - Tur surasi

QIZIQ, O‘ZIMIZGA BUNDAY MUNOSABATNI KIM O‘RGATGAN?
Bugungi javoblaringiz orasida bir gap ko‘p takrorlandi:
«Nega men doim shunaqa qilaman?»
O‘ylab ko‘ring...
Do‘stimiz xato qilsa, uning bir xatosidan butun shaxsiga hukm chiqarmaymiz.
Ammo o‘zimiz xato qilsak, bir voqea birdan:
«Men nega shunaqaman?»
«Mendan yaxshiroq chiqishi kerak edi...»
«Boshqalar uddalayapti, men esa...»
degan ichki suhbatga aylanib ketadi.
Eng qizig‘i — biz buni ko‘pincha shafqatsizlik deb ham bilmaymiz.
Uni talabchanlik, vijdon, mas’uliyat, hatto o‘z ustida ishlash deb ataymiz.
Lekin ular rostdan ham bir narsami?
O‘ziga talabchan bo‘lish bilan o‘ziga shafqatsiz bo‘lishning chegarasi qayerda?
Siz bu chegarani qanday ajratasiz?
Javoblaringizni yozing.
Keyingi suhbatimiz aynan shu yerdan boshlanadi.

🌿Izohlaringizni birma-bir o‘qib chiqdik...
Kimdir o‘zini ko‘p koyishini yozdi. Kimdir o‘ziga shafqatsizligini hatto normal deb bilishini. Yana kimdir kechira olmay qiynalayotganini...
Bir narsani sezdik: ba’zan insonning eng og‘ir suhbatlari boshqalar bilan emas, o‘zi bilan bo‘lar ekan.
O‘zimizdan ranjiymiz, o‘zimizni ayblaymiz, yana o‘zimizni ovutishga harakat qilamiz...
Siz yozgan har bir izoh biz uchun qadrli. Chunki keyingi suhbatlarimizni aynan siz aytgan kechinmalar asosida davom ettiramiz.
Bu mavzuni hali birga chuqurroq ochamiz...

Qur’oni Karim ma’nolarining izohli tarjimasi:

53 - Najm surasi

🍂Bir narsaga e’tibor berganmisiz?
Yaqin insonimiz qiynalsa:
«O‘zingni buncha ayblama...»
«Qo‘lingdan kelganini qilding...»
«O‘zingni ham ehtiyot qil...»
deymiz.
Ammo shu gaplarni o‘zimizga aytishga kelganda, ichimizda nimadir qarshilik qiladi:
«O‘zimga yon bosib ketmayapmanmi?»
Qiziq...
Nega mehr boshqalarga berilganda fazilat,
o‘zimizga berilganda esa zaiflikdek tuyuladi?
Siz o‘zingizga ham yaqin insoningizdek munosabatda bo‘la olasizmi?

Bir kun o‘zingizga bergan va’dangizni bajarmasligingiz — muammo emas.

Ammo bu holat qayta-qayta takrorlansa, ichingizda sekin bir fikr paydo bo‘lishi mumkin: “Men baribir o‘zimni o‘zgartira olmayman…”
O‘ziga ishonch faqat katta yutuqlardan qurilmaydi. U har kuni o‘zingizga bergan kichik va’dalaringizni bajarishdan ham quriladi. Chunki boshqalarning sizga ishonishi muhim. Lekin o‘zingizning o‘zingizga ishonishingiz undan ham muhimroq. Bugun katta o‘zgarish shart emas. O‘zingizga bitta kichik va’da bering. Va bu safar uni bajaring.

🌙 Bugun kun tugashidan oldin...O‘zingizga bitta kichik va’da bergan edingiz.
Balki 5 bet kitob o‘qishdir.
Balki 10 daqiqa mashq qilishdir.
Balki 20 daqiqa yurib, audiokitob tinglashdir.
Yoki telefonni ertaroq chetga qo‘yishdir.
Bajardingizmi?
Agar hali yo‘q bo‘lsa — kun tugamadi.Bugun sizdan katta natija talab qilinmayapti.
Faqat o‘zingizga bergan bitta so‘zingizning ustidan chiqishingiz kifoya.
Chunki o‘ziga ishonch:
“Men hamma narsani uddalay olaman” degan fikrdan emas,“Men o‘zimga bergan so‘zimga ishonishim mumkin” degan tajribadan ham quriladi.Bugun shu tajribani o‘zingizga bering.Ertaga natijalarni birga ko‘ramiz.