Aтрофимизда кўраётган аксар диндорлик шаклийдир. Шунинг учун ҳам у тезликда баҳсга, сўнг низога ва кейин тўқнашувга олиб боряпти. Охирида эса сўлчиларда содир бўлган муаммолар юзага келяпти.
Бу диндорлик ҳақиқий диндорлик эмас. Балки шаклий безак ва бўм-бўш шиорлар бўлиб, қолоқлик белгиси ва маданий гўдаклик аломатидир.

Мустафо Маҳмуд, "Жавобсиз саволлар" китобидан

👉 @umarhalil 👈

Сиёсий кузатувларимдан келиб чиққан ҳолда қуйидаги фикрларимни билдириб қўйсам.
Ўзбекистон, хусусан ўзбек халқи Россиянинг шовинистик сиёсатини сезиши учун бир нечта аломатлар юзага чиқиб турибди. ЕОИИга киришда ҳам алоҳида ташриф (Матвиенко), Рус босқинчиларининг хотирасини абадийлаштириш учун бутхонани тиклаш, иккинчи жаҳон уриши якунига бағишлаб қўйилган «Хотира ва қадрлаш» кунини «Ғалаба» байрамига ўгирилиши ҳамда шу аснода СССР шовинистик сиёсатининг ритуаллари бўлмиш «Ўлмас полк», «Ғалаба» боғи кабиларнинг юртимизда жорий қилиниши ва яна Россия ташқи ишлар вазирлиги вакили Захарованинг рус тилини давлат идораларидаги ўрнини сақлаб қолишга чақириғи биз-у сизга очиқ сигнал эканини англашимиз зарур. Гарчи сўз эркинлиги кўчада амал қилмаётган бўлса-да, ҳеч бўлмаганда виртуал сўз эркаинлигидан фойдаланиб шу билан боғлиқ масалаларни эътибордан чиқариб қўймаслигимиз даркор. Миллиятга раҳна солувчи сиёсий қадамларда «МТДП» биринчи навбатда ўз позициясидан келиб чиқиб баёнот бериши керак. Тассуфки, бутхона мавзусидан кейин уларга билдирилган муқаддас ишонч аҳамиятини йўқотиб бўлган. Элитада сиёсий хушёрлик ёки миллий ғурур бўлмаса-да, ҳеч бўлмаганда халқ ўз позициясида туриши керак ҳар қалай.

👉 @umarhalil 👈

«Ота-онадан бошқасига ишониш керакмас», «ота-онадан ҳаммаси сохта» деган одамларни эшитсам ҳайрон бўламан. Буни тушиниш мумкин. Улар ҳаётида бегоналардан ва ҳатто ота-онасидан бошқа яқинларидан панд еган бўлиши мумкин. Лекин, бу бутун инсониятни сохтакорликда айблашга асос бўлмайди. Бунақа гапни айтаётган одам ўз навбатида ўзини ҳам, гапини ҳам сохтага чиқариб қўяди. Чунки, ота-онадан бошқа ҳамма муносабатлар сохта деганда, ўзининг ҳам қийматини сохталаштираётган бўлади. Сабаби, шу гапни айтаётган одам бошқалар учун ота ёки она эмас, демак бу гап бўйича ўзи ҳам бошқалар учун сохта шахсият ҳисобланади. Одамларга нафрат кўзи билан эмас, мен каби хатокор деган назар билан қараш керак деб ўйлайман. Шунда низо эмас, ислоҳ мақсадга кўчади.

👉 @umarhalil 👈

Гигант тошбақа 🐢

​​Леди Макбет ва ўзбек эркаклари

Сарлавҳани бежизга Шекспирнинг қаҳрамони ва ўзбек эркаклари билан боғламадим. Буни сабабини қуйида кўриб чиқамиз.

Шекспир «Макбет» трагедиясида Леди Макбет тимсолида аёллар эркакларни қандай қилиб бошқариши ҳақидаги ўткир макр тўғрисида гапириб беради. Қуйида пеъсадан иқтибос келтираман:

«Ҳа, мен бола эмизганман, биламан тайин,
Кўкрагинга босмоқ уни нақадар ширин -
Кулиб-кулиб сен томонга талпинаркан у
Аммо сендай қасам ичган бўлсам агарда
Кўкрагимни тортиб олиб тишсиз милкидан,
Унинг бошин эзардим шу қўлларим билан».

Бу гаплар Леди Макбетнинг эри Макбетга айтган гапидан парча. Ушбу саҳнада аёл эрининг энг нозик жойи бўлмиш ғурурига шундайин усталик билан тегадики, эркакда «аёлчаликмасманми?» деган ўй келади. Оқибатда Леди эрини қиролни ўлдиришга эришади. Воқеалар давомида эса биргина қотиллик қилиб қўйган Макбет саройдаги бошқа амалдорларни ҳам ўлдириб юборади. Уларни ичида ёш қариси ҳам бўлади. Мақсад ҳокимтятни қўлга олиш. Бу йўлда Макбет хотини таъсирида хатто яқин дўстини ҳам ўлдириб юборилшига сабабчи бўлиб қолади.

Бутун бошли асар юқоридаги парча учун ёзилгандек гўё. Келинг, Асарнинг нима билан тугашини ўқувчиларнинг ўзларига қолдирамиз-да, энди биз ўзбеклар билан боғлиқ тарафига ўтамиз.

Ўзбек оилаларидаги кузатувларим асосида шуни айта оламанки, никоҳлар бузилишида, ёш эр-хотинлар муносабатига дарз кетишида, ака-укалар ўртасида оилавий ихтилоф чиқишида, кўпинча аёлларнинг таъсири доираси борлиги гувоҳи бўлдим.

Никоҳлар бузлишида қайнонанинг моддий талаблари, уй жиҳозлари ва бошқа латта-путталардаги молга бўлган ўчлик сабаб бўлса, ёш эр-хотин муносабатларига дарз кетишида эса қайнонанинг ёки эрнинг опа-сингиллари томонидан тинимсиз гиж-гижлов, аёлининг камчиликлари келтирилиб уларни эри томонидан тузатила олинмаётгани ҳамда буни куёв эплай олмаётганлиги айблови қўйилиши эрнинг ғурурига тегиш макри деса бўлади. Бу ҳудди Леди Макбетнинг эрига ишлатган ғурурига тегиш усулига қиёсласа бўлади. Натижада, аёллар томонидан ғурури эзғиланган ҳар қандай эркак ўзидаги камситилишнинг ечимини қидиришга тушиб қолади. Бу психологияда комплекс деб аталади.

Комплекс - бу шахснинг ўз ҳаётида ўз ўрнини топишда ҳалал бериб турадиган муайян муаммо. Комплексга учраб қолган шахс қандай бўлмасин бу муаммони бартараф қилишга тушиб қолади ва бу йўлда у тўғри ва ноўғри деган мезонга қарамайди, билъакс ўша муаммосини бартараф қилса бўлди. Онасининг ёки опа-сингилларининг лапашанг ва ландовур деб қарашлари эркакни уларнинг олдида ғурурсизлик комплексини ҳосил қилади. Эркак энди бу комлексдан қутилишга тиришади ва бу йўлда ҳамма нарсага тайёр бўлади. Бундан унумли фойдаланишга тайёр турган аёллар эркакнинг оғзига талоқ олдиртиради (бу бевосита ёки билвосита бўлади). Эркак аламини хотинидан олишни бошлайди, зуғум ортади, лапашанг эмаслигини исботлашда хотинига кўпдан кўп асоссиз босим ўтқизишни бошлайди. Оқибат оила парчаланиши билан тугайди.

Ҳозирги оилаларимизга назар ташлар эканман, хонадонда эркакдан кўра аёллларнинг таъсир доираси кучли эканини кўраман. Болалар ўқиши, оиладаги сарф-ҳаражатлар ўзани, фарзандлар никоҳи масалаларини аёлллар ҳал қилишда устувор бўлиб қолганини тан олиш керак.
Қўл остидаги ёш оилага таъсир кўрсатишда қайнонанинг мутлоқ ҳукмронлик қилиши, бунда қайнота чекланган доирада аралаша олиши ўзбек оилаларида аёллар бошқарувда етакчи бўлиб қолганидан дарак беради.

Кўпгина аёллар Леди Макбет каби шухратпараст, молпараст бўлгани учун бошқарувни эркаклар орқали амалга ошириб боради ва оқибатда кўпгина кўнгилсиз воқеалар содир бўлаверади.

Давомли бошқа мулоҳазалар ҳам бор эди, лекин таҳлил чўзилиб кетмаслиги ва бошқаларнинг фикрлари ҳам тўлдирувчи бўлишини истадим.

​​Ислом ечимдир! Лекин шаклий ислом ва юзаки диндорлик эмас. Балки ҳақиқати ва жавҳарида ислом бўлган дин ечимдир. У илм, амал ва гўзал хулқлар исломидир. У озодлик, демократия ва ижтимоий адолат исломидир. У фикр ва иш исломидир.

Қурайш жоҳилияти Қора тошни ким кўтариб жойига қўйиши ҳақида тортишиб, жанжалли ва қирпичоқ бўлаёзганларида олдиларидан Муҳаммад соллаллоҳу алайҳи ва саллам чиқиб қолдилар. Шунда улар: Соқолли Муҳаммад келди, демадилар. Балки амин, яъни омонатдор Муҳаммад келди, дейишди. (Чунки бу ерда мавзунинг асоси ва бошқалардан ортиқ кўрилиш сабаби - омонатдорлик эди).

Тўғри пайғамбар соллаллоҳу алайҳи ва салламга ҳар жабҳада эргашишимиз керак. Лекин фақат кўринишларининг ўзидагина тақлид қилишимиз мақсад учун етарли бўлмайди. Омонатдорликларида, гўзал хулқларида, зийраклик, шижоат, олийжаноблик, ҳалимлик, меҳрибонлик, сабр, бардош ва иймонда у зотга тақлид қилиш.. масаланинг руҳи айнан шу ердадир.

© Доктор Мустафо Маҳмуд

Дин икки тиғли қуролга ўхшайди.
Агар у ишончли қўлларда бўлса муҳаббат, ўзаро ёрдам, меҳрибонлик ва тинчлик боиси бўлади.
Аммо ярамас қўлларга ўтса, унда экстремизм, нафрат, қотиллик ва тоифакашликни йиғиб оламиз.
Динни ва унинг олий мақсадларини фаҳмлайлик. Шунда омонлик, мукаррамлик ва тинчликда яшаймиз.

© Доктор Салоҳиддин Куфтаро

Агар одамларнинг ҳаромдан кўра айбдан қўрқишини, ақлдан олдин урфни ҳурмат қилаётганини ва диндан кўра дин кишисини азизлаётганларини кўрсангиз, унда араб мамлакатига хуш келибсиз!

© Доктор Мустафо Маҳмуд

---------------------------

Таниш манзара..

© Мубашшир Аҳмад

---------------------------

Бу манзара бизга бегона эмас. Ҳозирги аҳволимиз шундай. Бизни уятимизни ҳаром ва ҳалол белгиламаяпти. Оддий урчиган мисолни олайлик:

Биринчиси, куёв келинни ўз маҳрамлигига олади ва уни боқиш нафақаси эрни бўйнида. Бундан ташқари шахсий мулкни ҳам аёл талаб қилади, яъни маҳрни. Бу исломий ҳукм. Буни акси бўлиши мумкин эмас. Энди воқеаликка ўтамиз, келин куёвни уйига сеп қилади ва буни бурчи деб қабул қилади. Агар қилмаса келин тараф маломат қилинади. Буни қилмасликни айб санайди бу жамият. Натижада ислом ҳукми қолиб, айб дея аталган нарсага риоя қилинади.

Иккинчиси, ақлдан олдин урфни ҳурмат қилиш. Бу дегани бизда тўй қилишда никоҳ маросимини тўйхонада қилиш, кортеж, артистлар иштирокида ўткизиш урф ҳисобланади. Гарчи маблағи етмаса ҳам шу урфни бажаришга интилади бу жамият. Россияга мардикорликка бориб бўлса ҳам пул топиб урфдаги тўйни қилади. Агар ақлни ҳурмат қилганда, тўйни имкониятига қараб қилганда ҳам, оилани бахтли бўлиб яшайверишига ва бунда тўйни қандай ўтиши муҳим эмаслигини англарди. Бу ҳам бизни ақлга эмас, урфга таяниб яшашимизнинг белгиси.

Учинчиси, буни ўзингиз жуда яхши биласиз.

© Омар Халил

Кинони гапириб кўрадиганларни болалиги.

Шакартой 😁

Assalomu alaykum! Sizni va yaqinlaringizni Iyd al Fitr - Ramazon hayiti bilan muborakbod etaman. Xonadoningiz va ko‘nglingizda yaxshiliklar, mustahkam iymon, so‘nmas mehr, pokiza niyatlar, islomiy nur hamda huzur hamisha barqaror va bardavom bo‘lsin. O‘zingiz va Yaratgangagina ayon bo‘lgan barcha ezgu niyatlaringiz ijobat bo‘lsin! Minoralarimizdan azon, mehroblarimizdan Qur’on sadolari aslo so‘nmasin.

#Байрам_табриги

AzonTV таъсисчиси Мубашшир Аҳмад

AzonTV Ўзбекистонда биринчи илмий-маърифий онлайн телеканал

👉 @umarhalil 👈

Аляскага айланган қибла...

Ҳилтон меҳмонхонаси қурилиши учун Абу Бакр розияллоҳу анҳунинг уйини буздилар.

Хадича онамизнинг уйини эса оммавий таҳоратхонага айлантирдилар.

Макка қай тарзда Ласвегасга айланмоқда?!

AzonTV Ўзбекистонда биринчи илмий-маърифий онлайн телеканал
------------
AzonTV менинг фаҳрим, менинг ичим ❤️🧠

👉 @umarhalil 👈

Доктор Мустафо Маҳмуднинг «Даҳрий дўстим билан баҳс» китобининг аудиоварианти

1-қисм:

Аллоҳни ким яратган?

🎙 Омар Халил

👉 @umarhalil 👈

Ваъданинг аҳамияти

Робин Шарма - «Ўлсанг ким йиғлайди?» китобидан.

🎙 Омар Халил

👉 @umarhalil 👈

⚡️⚡️ Ўзингиз ёқтирган шеър ёки ёқтирган шоирингизнинг ижодидан шахсийга @M_Nematoff юборинг ва мен сизга уни ўқиб бераман 🎙

Самад Вурғун - озарбайжонлик шоир. Обуначимизнинг таклифларига биноан қуйида ушбу шоирга тегишли бўлган шеърнинг ижросини икки хил фон мусиқасида қўяман. Қайси фон яхши тушганини ўзингиз баҳолайсиз.

Шеър ишқ ҳақида. Яъни, ҳеч бир инсон ишқ-муҳаббатсиз яшамайди. Аллоҳга бўлган муҳаббат, банданинг бандага бўлган муҳаббати ватанга муҳаббат ва хоказо. Ваххобийда ҳам, даҳрийда ҳам муҳаббат бор. Америкаликда ҳам, мадиналикда ҳам, чекка оролда яшовчи ёввойи қабила вакилида ҳам қандайдир муҳаббат бор. Ҳар бир жузъий муҳаббатлар бора-бора Яратганга бўлган муҳаббат сари етаклаб боради. Бу дунё муҳаббат учун бордир.

👉 @umarhalil 👈

🎙 Омар Халил

Каналимиз обуначисидан бир дўстимиз ушбу ҳикояни ўқиб беришимни илтимос қилган эканлар. Уйланиш учун солиҳа қиз қидириб юрган йигитнинг келин қидириши ва бир солиҳага уйланиб унинг каромати бор авлиё келин эканлигини гувоҳи бўлиши ҳақида экан. Ибратли ўринлари борлиги учун эътиборингизга ҳавола қилдим.

👉 @umarhalil 👈

🎙 Omar Xalil

Bir obunachimiz shu she'rlarini o‘qib berishimni iltimos qilgandilar. Aslida bu uslubdagi she'rlar qo‘shiq qilib kuylash uchun yozilgan bo‘ladi. Kuyga solishda ham shunga moslanadi. O‘qish uchun esa noqulayroq chiqadi. Lekin, imkonimcha harakat qildim o‘xshatishga. Ochig‘ini aytganda har bir she'rni ustida, kerak bo‘lsa, oylab ishlanadi, mashq qilinadi. Menga kelgan she'rlarni esa bir yoki ikki kunda o‘qiyapman. Shuning uchun ijroda kamchiliklar ko‘p bo‘ladi. Shuni hisobga olib qo‘yasizlar degan umiddaman

👉 @umarhalil 👈

🎙 Омар Халил

Каъбани нима учун тавоф қиласизлар?

© Доктор Мустафо Маҳмуд

👉 @umarhalil 👈