Odamlar to oʻlim bilan roʻbaro boʻlmaguncha, ularni yashash uchun nimalarga qodir ekanini bilib boʻlmaydi.

Odamlar oʻlimlari aniq boʻlgandagina xatolari haqida mas’uliyatli boʻlib qolishadi.

Men saratonga chalinib oʻlim vaqtim ma’lum boʻlgandagina hayotni qadirga yetishni, oddiygina suvni ham boshqacha nigoh bilan ichishni boshladim.

Assalomu Alaykum! Hayrli kech! “Muhabbat madrasasi” audokitobi menga juda yoqdi. Real voqealarga asoslangan, xayotda ko’p kerak bo’ladigan ko’rsatmalar bor ekan. Ayniqsa ajirim, yolg’izlik va shunga o’xshash dardli kechinmalarning ildizi fitratdan uzoqlashuv ekanligini angladim. Bu kitob xayolimda bir kino singari gavdalandi. Voqealar ketma-ketlikda ko’z oldimda gavdalanib, aniq va ravshan xolatda kitobni angaladim. Bu borada sizga ham raxmat demoqchiman. Kitobni maromiga yetkazib o’qigan ekansiz uni tinglagan odam zerikmaydi. Siz kabi dini va kasbini sevuchilar ko’paysin!

Aynan men Omar Xalilning kitobini olish uchun do'konga kirmagan edim. O'qish uchun ichiga kirib ketadigan kitob izlashga kirgandim. Aynan tanlovda adashmaganimni his qildim.

Bu kitobni hamma ham O'zbekistonda turib yozolmaydi, nashr qildirolmaydi nazarimda.

Kitob ko'pchilik ochib berolmagan haqiqatlarga to’la. Bu kitobni o'qishni boshlar ekansiz, behosdan ichiga sho'ng'ib ketganingizni sezmay qolasiz. Kitobni yosh-u qari birdek o'qib chiqishi va hayotiga tadbiq qilishi shart va zarur deb hisoblayman.

O'qib chiqing va fikr mulohazalaringizni albatta biz bilan bo'lishing. Allohga omonatsiz

Omar Xalil muallif ustozga alohida rahmat.

❤️Jur'at
✍🏻 Omar Xalil

Hozirgi uyqungni ham o'zgartirolmaydigan maqomingda dunyodagi illatlarni o'zgartirolmasligingni tushungin.

You tube'dagi qisqa hikoyalari bilan hammaga mashhur bo'lgan Omar Xalilning ushbu kitobi yurak-yuragimdan joy oldi🫀.

Kitob 4 ta qismdan iborat bo'lib, ular, jur'atlilar yo'li, oshiqlar yo'li, adolatlilar yo'li va mutafakkirlar yo'li deb nomlangan. Har bir qismda muallifning har xil mavzulardagi fikrlari jamlangan.

Kitob o'qirkanman, ba'zida umuman mavjud bo'lmagan olamlarga, ba'zida bir necha asrlar avvallarga, ba'zida kelajakka yoki boshqa davlatlarga sayohat qilardim. Lekin bu kitob hozir ayni damda bizda, O'zbekistonda, atrofimizda sodir bo'layotgan voqealar haqidagi xolis fikrlar jamlanmasi ekan va bu meni shokka tushirmay qo'ymadi. Jamiyatimizdagi hamma narsa ochiq-oydin, yashirmay yuzaga chiqarilgan. O'qib ancha-muncha hayratlanishingiz tabiiy)

Menga "Oshiqlar yo'li" bobi judayam yoqdi. To'g'risi, nahotki bizdayam shunaqa sog'lom fikrli odam bormi deb o'zimga sig'may ketdim. Qiz va yigit o'rtasidagi sevgi bir umr 7dan 70gacha bo'lgan hamma tarafidan qoralanib kelinadigan jamiyatimizda Omar Xalil bunga shunaqangi chiroyli ta'rif beribdiki, qoyil qoldim. Akayam qo'l ushlashib yuraverishsin, bu yaxshi degani yo'q, noto'g'ri tushunib olmanglar, iltimos 😅

Hamma, ayniqsa, yigitlar o'qishi kerak bo'lgan kitob deb hisoblayman. Yigitlarga ham o'ta go'zal nasihatlar bor ekan. O'qib hayotingizni o'zgartirgingiz kelib qoladi, aniq 😊.

Xullas, kitobni shunchaki sevdim. Kitoblarim orasida 8 oy turib, 2 kunda o'qib qo'yilgan va yuragimdan chuqur joy olgan kitob bo'ldi.