Musibatlar oʼtishgaku oʼtadi, lekin oʼzi bilan birga qora sochlarni, asab hujayralarini, koʼz yoshlarni, shijoatni, yoningda suyanchga yaramaganlarga boʼlgan ishonchni va uvol boʼlgan umrni olib ketadi.

👉 @umarhalil 👈

Assalomu alaykum va rahmatullohi va barokatuh

Hurmatli ustozim! Alloh sizdan rozi boʻlsin 🤲🏻. Kitobingizni oʻqir ekanman juda koʻp savollarimga javob oldim, yanada jur'atli boʻldim. Meni juda koʻp narsalar ikkilantiryotgan va qiynayotgan edi. Endi ularga yechimni shu kitobdan topdim. Qanday yashashni oʻrgandim yana bir bor. Maqsadlarimni yana bir bor koʻzdan kechirdim va oldimga oliy maqsadlar qoʻydim. Asl ishq neligin bildim, adolat neligiyu, kuchsiz adolat - sarobligini bildim. Hikmat ila himmatni bildim.

©️ Oʻquvchimdan

🎉🎉🎉

Notiqlik mahorati kursimizning 3-mavsumini boshlash arafasidamiz. Bu safar Qurbon bayrami munosabati bilan shaxsiy kursimda oʻqimoqchi boʻlganlarga hayitlik qilib bermoqchiman. Darslarimga 50% teng yarmiga chegirma hadya qilaman. Agar siz mendan notiqlik bilimlarini olish orqali qoʻrquv, hayajon, tortinchoqlikdan halos boʻlishni, ravon va jozibali gapirishni, ovoz va nafas bilan ishlashni, samarali muloqot qilishning muvaffaqiyatli qoidalarini oʻrganmoqchi boʻlsangiz @kordinator_notiq akkauntiga murojaat qilib batafsil ma’lumot olishingiz mumkin.

Oʻquvchilarimning erishgan natijalarini doim soʻrab boraman )

Assalomu alaykum, ustoz!
Bugun ikkita katta korxonaga trening o'tib berdim. Navoiy togʻ-kon metallurgiya kombinati va Favqulodda vaziyatlar boshqarmasi rahbar hodimlariga qoʻrquv va jur’at mavzusida seminar-trening oʻtib berdim. Fikrlarimni va notiqlik mahoratimni maqtashdi. Kitobingizdan juda tasirlangan edim.
Hamma darslarimda, treninglarimda
yonimda va hatto bugun ham “Jur’at” kitobingizni kelganlarga tavsiya etdim Hammalari bilimga chanqoq ekanliklari sabab birin ketin navbatda turib kitobni yozib olishdi. Sizdan yutuqlarim va bergan bilimlaringiz uchun juda minnatdorman!

Nigora Rahmatova
Notiqlik mahorati darsi oʻquvchilaridan

Siz ham notiqlik mahoratini oʻrganmoqchi boʻlsangiz, marhamat 👈

#Iqtibos

“Ustoz bir fikrimni aytsam, tobora hayajon yo'qolib omma qarshisida nutq qilish uchun kuchlar va ishonch paydo bo'lyabti! Mashaalloh, sizga rahmat, ustoz!”

Jasurbek Alixonov, oʻquvchim

Agar sizda koʻpchilik oldidagi hayajon, tortinchoqlik hissi, nufuzli shaxslarni oldida qoʻrquv qiynayotgan boʻlsa, kurs yuqoridagi oʻquvchilarim qatori sizni ham bu kabi illatlardan xalos qilishga yordam beradi.

Hayajonlanasizmi? Unda kursga murojaat qiling

Assalomu alaykum, qadrli obunachilar!

Omar Xalildan notiqlik mahorati bilimlarini, tajribalari va koʻnikmalarini olish istagidamisiz? Unda bu aynan siz uchun eng yaxshi imkoniyat oni 🤩

Bugun qurbon hayiti munosabati bilan notiqlik mahorati darsimizdan katta, ya’ni 50% foizlik chegirmani hayitlik sovgʻasi qilib yubordik. Bunday imkoniyatni qoʻldan boy bermay foydalanib qoling. Chunki, bunday chegirma har doim ham boʻlavermaydi, qolaversa joylar soni esa cheklangan.

Hayitlikni olish uchun bu yerga bosing 🎁

#Muhabbat_madrasasi

Zolim erning xotiniga qilayotgan zulmining falsafasida, haddidan oshib ketmasligi uchun, degan gʻoya yotsa, mehribon eridan halimlik olayotgan xotinning falsafasida, demak, hammasi shundoq boʻlishi kerak oʻzi, degan gʻoya shakllanadi. Muammo shundaki, zolim er har qancha xoʻrlamasin, ayolining sabri va itoatkorligini oliyjanoblik deb koʻrmasligi, itoatsiz xotinning esa eridan kelayotgan yaxshi muomalani oliyhimmatlik deb bilmasligida. Oqibatda esa zolim erlar bu falsafasi bilan ayollarni xoʻrlasa, hudbin xotinlar esa bu falsafasi bilan halim erkaklarni qadrsizlantiradi.

Ba’zida loqaydlik va qadri oyoqosti boʻlgan er vaxshiylashishi, xoʻrlangan va nomusi toptalgan xotin esa isyon qilishiga ham olib keladi. Ularning falsafasi mana shu pallada oʻzgaradi.

Oilada bir biriga qanoat va yaxshiliklariga shukur mas’uliyati boʻlmas ekan, bu oila parokandalikka mahkum boʻladi.

👉 @umarhalil 👈

Unutma, bolam! Har qanday chegarasiz qilingan himmat va oliyjanoblik bir kun kelib loqaydlik qurboniga aylanadi. Zulmga toqatli yashashga oʻrgangan bu odamlar, yaxshiliklaringa shukronalik hissi bilan qarashga ojizdirlar. Fazilatlaring rioyasiga amal qilishmasa, ularni oyoq osti qilishlariga ham imkoniyat berma.

👉 @umarhalil 👈

​​Soʻngi paytlarda mehribon va halim erkaklarga nisbatan xotinlarining haddan oshayotganlari guvohi boʻlyapman. Nahotki, ularga Alloh albatta zolim erni roʻbaro qilishi shart boʻlsa?

Paygʻambar alayhissalom ayollar uchun quyidagilarni nasihat qilgan edilar:

“Allohga qasamki, qaysi bir kishi xotinini oʻziga chorlasa-yu, xotini bosh tortsa, to eri undan rozi bo‘lmaguncha, osmondagi Zot undan rozi bo‘lmaydi”.

“Erini g‘azablantirgan - norozi qilgan ayolning, to eri undan rozi bo‘lmagunicha, birorta namozi qabul boʻlmaydi”.

Eri hozir bo‘lgan ayolga erining ruxsatisiz ro‘za tutishi va uning iznisiz birovni uyiga kirishiga izn berishi va koʻchaga chiqishi halol emas.

Afsuski, bu nasihatlarning oqibatini aksariyat ayollar unutishdi. Ular bu itoatsizliklarining mas’uliyatidan ham qoʻrqmaydigan etlarga ega boʻlishdi.

Yomon erga loqaydlik va itoatsizlik isyon boʻlsa, yaxshi erga loqaydlik va itoatsizlik esa tugʻyon, ya’ni oʻziga berilgan ne’matlarda haddan oshish hisoblanadi. Rivoyat qilinadiki, soliha ayolning moʻmin eriga boʻlgan munosabatida, qoʻlim qoʻlingizda, to siz rozi boʻlmaguningizcha, kiprik qoqmayman” deydi. Qolganlari esa uxlaydi, yeb ichadi, iznsiz ostona hatlashda davom etadi.

👉 @umarhalil 👈

#Muhabbat_madrasasi

Er va xotinning oʻrtasida kelib chiqadigan klassik ziddiyatning sababi quyidagicha:

Ayol erkakni oʻzi bilib berishini kutadi. Erkak esa ayolni oʻzi bilib soʻrashini kutadi. Yechim esa, muhtaram erkaklar! Oʻzingiz bilib beravering. Chunki, ayollar baribir soʻrab olishni yoqtirishmaydi.

👉 @umarhalil 👈

CHIN RAFIQA

Inna lillahi va inna ilayhi rojiun.

Bu kech men uchun og‘ir bo‘ldi.
Bir necha yildan beri kasallik bilan olishib yotgan rafiqam Haqqa jon taslim etdi.
Vafotidan bir soatcha burun videoda gaplashgan edim. O‘g‘lim biroz kezdirgani ko‘chaga aravada olib chiqqan ekan.
Bir soat o‘tib, o‘g‘lim ayasining vafoti haqida xabar berdi.

Men bu kech oddiygina umr yo‘ldoshimdan emas, balki sirdoshim, safdoshim, bolalarim murabbiyasi, sabr ma’dani, suyanchig‘imdan ayrildim.

Hayotidan birgina voqeani hikoya qilib bermoqchiman.
Men uni bekorga sabr ma’dani deb atamadim.
1998-yili qizimiz Ruqayya tug‘ildi. To‘rtinchi qiz bo‘lib. Qizlarim ichida eng chiroylisi edi. Qora jingalak sochlari oppoq yuzini yanada porlatib turardi.
Biroq tug‘ilgandan so‘ng kasal bo‘ldimi, yo o‘zi kasal tug‘ildimi, bilolmadik, tez-tez og‘rib qolaverdi. Kasalxonaga dam-badam qatnaydigan bo‘ldik.
Uch oylik bo‘lganida kuladigan, katta ko‘zlarini alanglatib chiroyli qaraydigan bo‘ldi.
Ayasi atrofida doim parvona edi.
Bir kuni ertalab universitetga ketdim, o‘qishlarim ko‘p, og‘ir mahallar edi. Kechki peshinda charchab uyga qaytdim. Ayolim tezda ovqat olib chiqdi, yeb turib qizimiz ahvolini so‘radim. Yaxshi, dedi.
Ovqatni yeb tugatganimdan so‘ng:
- Alloh hammamizga sabr bersin, qizimiz omonatini topshirdi, - dedi va chiroyli, ixcham qilib kafanlab qo‘ygan qizchasini olib chiqdi!
Ko‘zim yoshlanganini ko‘rib: shunisi xayrli bo‘lgani uchun bizdan olingandir balki, xafa bo‘lmang, dedi.
Do‘xtirga olib bordik, tabiiy vafot etgan ekan, qog‘oz yozib berdi. Uni olib shurta  (milisaxona)ga bordik. Baqe’ qabristoniga dafn etishga ruxsatnoma berdi.

2006-yilda yana bir farzandim – yangi tug‘ilgan o‘g‘limni Baqe’ga dafn etdik..
Ana shunday sobira ayol edi.

Ey pok Parvardigor! Ey rahmati g‘azabidan g‘olib bo‘lgan Zot!
Bir muslima bandang huzuringga borayotir..
Hayoti davomida menga - o‘z juftiga tik qaramagan, ovozini ko‘tarmagan joriyangni O‘zing rahmatingga burka! Uni Jannatdagi bu kabi sobiralarga va’da etilgan sabr qasringga joyla!
Men undan mingdan-ming roziman, O‘zing undan rozi bo‘l, Rabbim!
Yillar davomida chekkan xastalik azoblarini gunohlariga kafforat qilib, Firdavs jannatida abadiy hayot ber!
Bu yolg‘on dunyoda qolgan biz noshudlarning ham oqibatimizni xayrli qil!
Omin, omin.

Sizlar ham haqiga duoda bo‘ling, azizlar.

Inna lillahi va inna ilayhi rojiun.

Ustoz Sayfulloh Nosir

Bir insonning hayoti davomida bir qancha muhabbatlar kelib ketadi. Ammo ularning orasida betakrorigina hayoting mazmunini oʻzgartiradi. Agar sevganingdan keyin uni emas, oʻzingni oʻzgarayotganingni his qila boshlasang, darhaqiqat muhabbatga kirishibsan. Chunki, sevilish ne’mat boʻlsa, sevish esa kamolot beligisi. Shuni yodingda tut, sevilish emas, aynan sevishgina odamni oʻzgartiradi.

👉 @umarhalil 👈

Muammoga duchor boʻlganlarga qarata tabassum bilan gapirayotgan notiq garchi ularni aldayotgan, avrayotgan boʻlsa ham, avomning unga ragʻbati va ishonchi ortadi.

Tashvishlarga koʻmilganlarga qarata kuyinib gapirayotgan notiq, garchi haqiqatni aytayotgan boʻlsa ham avomning unga ragʻbati va ishonchi ortmaydi. Sababi, fikriy falajlangan avom masalaning mohiyatini emas, qanday yetkazilishini oson ilgʻaydi.

Shu uchun kuldirganlarning oshigʻi koʻp, kuyinganlarning dushmani.

👉 @umarhalil 👈

Musibatlardan, boshqa zolimlar va kaslar tomonidan kelayotgan aziyatlardan charchab oʻz joninga qasd qilmoqchi boʻlganingda, Robbingning bu boradagi man qilishi yodingga tushib shashtingdan qaytasan. Allohning bu taqiqi, ishonki, dunyodagi birorta tashvish yoki ablaxlarning qilmishlari joningni qurbon qilishing arzimasligidir. Senga berilgan umr, sening joning bunday tashvishlardan ancha oliy va qimmat turadi. Uni bergan Zotga arzimas narsalar bilan qurbon qilib qaytarilmaydi. Hatto, hayotingni soʻngi nuqtasi ham sharafli yakun topsin.

👉 @umarhalil 👈

Oqqantlar erib koʻzdan gʻoyib boʻlganda choyning ta’mini shirin qilib ketgani kabi, yoningizda shunday insonlar borki, ular hayotingizdan gʻoyib boʻlganda ham shirin xotiralarni qoldirib ketadi.

👉 @umarhalil 👈

Audiokitoblarni, hikoyalarni sogʻingan vatandoshlarim! Ozgina sabr qilinglar, oz qoldi…
Yana ijodga qaytaman, bu ijod, bu qobiliyatni uvol qilish yaramaydi. Bu iste’dod orqali millionlab vatandoshlarimning fikri, qalbi va hayoti oʻzgarishi kerak.

👉 @umarhalil 👈

Qachondir ikki sevishgan bu oilaning qaysi birida his-tuygʻular chekinib oʻrnini ehtiyojlar egallasa bu oilada muhabbat maktabi tugaydi. Bunday er uchun ayol faqat toʻshak va qorin gʻamida kerak boʻlsa, bunday ayol uchun erkak asosan chiqimlarda esga olinadigan matohga aylanadi. Oliyjanob muhabbat tark etgan bu kongil uyini endi maishiy qadriyatlar egallaydi. Bir biriga tortuvchi bu tuygʻularning oʻrnini, bir biridan itaruvchi loqaydlik egallaydi. Bu oqibatlar oilalarning yoʻqchilik, musibat, masofalar bilan sinalganida kelib chiqadi. Sevgining haqiqati mana shu sinovlar davrida chigʻiriqdan oʻtadi. Koʻp oilalar katta umid va da’volar bilan oʻz muhabbatlariga ishonib nikoh bogʻlashadi, ammo aksariyatlarining natijasi sinovlar davrida oʻzgaradi va magʻlubiyatga uchraydi.

👉 @umarhalil 👈

Аyolning aqli va qalbi boʼm-boʼsh boʼlsa, unda na maktab madaniyati va na masjid ibodati boʼlmasa, undan kutilgan tarbiya qayerdan paydo boʼlardi?! Аyoli faqat taom hozirlash va rohat bagʼishlashgagina yaroqli jonzot boʼlgan jamiyat, aslo isloh boʼlmas jamiyatdir.

Shayx Muhammad Gʼazzoliy

👉 @umarhalil 👈

Muhabbat madrasasi | Omar Xalil

Bu dunyoda oqqant kabi yashang…

👉 @umarhalil 👈

Muhabbat madrasasi | Omar Xalil

His-tuygʻularsiz aql choʻloq, aqlsiz tuygʻularning esa koʻzi koʻr.

👉 @umarhalil 👈

#Sheriyat

Madinaga yoʻlim tushsa qaniydi…
She’riyatni sogʻingan muxlislarimiz uchun tongi tuhfa ☘️

👉 @umarhalil 👈