Лойиҳада қатнашганларнинг фикрларини ўз ҳолича келтиряпман.

Мусулмонларда ўлик нима учун кўмилади?

Солиев Абдулла:

Инсон тупрокдан яратилгани учун яна тупрокка айланиб кетиши учун бу́лса керак мени фикрим

Зулайҳо:

Assalomu alaykum. "Islomda nima uchun insonlar ko'miladi"
Mening fikrimcha buning sabablari ko'p lekin men 2ta sabab keltira olaman.
1. Inson tuproqdan yaralgani bois boshi qanday boshlangan bo'lsa oxiri ham shunday tugaydi uning.
2. Insonning qadri juda ham ulug' u yoqilishi, yoki boshqa yo'llar orqali dafn qilinishi unga bo'lgan hurmatsizlik bo'lishi mumkin. Buni ham boshqa ko'plab hikmatlari ko'p lekin.

Bekzod:

Odam tuprog'dan yaratilgan va tuproqqa qaytishi kerak
Shuning uchun ko'miladi

Husan:

Assalamu alaikum
Yangi boshlagan loyihez davomli va manfaatli bo'lsin

Inson ko'milishi...
Ikki aka uka Hobil va Qobil dan boshlangan sunnat
Insonda ikki narsa mujassam biri tuproq yer jinsidan, ikkinchisi ruh, u esa Alloh taoladan
Shuning uchun deb o'yliman
Har ikkisi ham asl joyiga qaytadi
Jism tuproqqa, ruh Alloh huzuriga.

Jismimiz xuddi ustimizdagi kiyimdek gap, uni shu dunyoda qoldiramiz...

Abdulaziz Usmanov:

O'lik nimaga ko'miladi?

Ibrat uchun. Ya'ni, qolganlar undan ibratlanishi, Allohni eslashi, bu dunyo abadiy emasligini unutib qo'ymaslik uchun ko'milsa kerak.
Payg'ambarimiz s. a. v. Qabristonni ziyorat qilishga buyurishlari ham ibratlanish uchun edi. Boshqa dindagilarga o'xshab o'likni yoqib yuborilsa yoki hayvonlarga yem qilinsa qolganlar o'limni eslash uchun, ibrat olish uchun qayoqqa borardi. Musulmonlar shuning uchun ham boshqa dindagilarga nisbatan o'limni ko'proq eslashadi. U haqida ko'proq o'ylashadi, menimcha.

Мунисабону:

Assalomu alaykum. Odamlar nima uchun vafot etgan kishilarini yerga kòmishadi. Bu haqda kòp òylab kòrdim. Shunchaki dinimizda shunga tarģib qilingan deb aqllilik qilib javob berish mumkin lekin nega yerga kòmishga tarģib qilingan axir??? Avvalambor miyamga kelgan yagona javob shu bòldiki, biz tuproqdan yaralganmiz va tuproqqa qaytamiz. Biz asl manbaimiz bòlgan òsha tuproqga yana qaytamiz. Ruhimiz esa ruhlar olamiga qaytadi. Bu esa bizni dunyoda vaqtincha turganligimizni yana bir bor eslatadi. Biz tuproqdan bòlganimiz bois tanalarimiz ham tuproq ichida tuproq bòlib ketar balki?? Savol tuģiladi. Òsimliklar yerga singib ketishganida ular tuproqga aylanib ketishadimi? Bizga malumki òsimliklar yerga tushsa va yerostiga singib ketsa yerga ozuqa bòladi qolaversa yer osti boyliklari ham òshandan. Lekin odam tanasi òsha yerga kòmilganida u chirib yòq bòlib tuproq bòlib ketadi. (Har holda odam jasadining yerga yetkazadigan òzi xos foydalari degan mavzu eshitmaganman😁). Biroz daxshatga tushaman. Chunki Men kòrib turgan qòllarim mening butun tanam tuproq va u yana qaytadi tuproqqa. U òz ishini bajarib bòlib yana tuproq bòladi. Ruhim esa boshqa dunyoga. Xòsh tanamning va ruhimning vazifasi nima edi? Ha ular bir vazifa uchun turib turinglar deb dunyoga qòyilgandek gòyo. Chunki baribir bir kun qaytishimizni hamma biladi. Lekin shuni aytishimiz ham kerakki. Avliyolar jasadi qanday kòmilgan bòlsa shunday turadi. Hatto buni 19 asrda qabrlar ochlib odamlar òz kòzi bilan kòrishganham. Ularham tuproqdan edi har holda tuproq bòlib ketishmadiku. Ularni Alloh yerga harom qilgan. Demak odamlar jasadi yerga kòmishdan maqsad uning hidi va boshqa ozorlaridan qutulish uchungina emasdir. Balki uyga qaytish hisoblanar. Agar biz biron mehmondorchilik yoki boshqa biror joyga borsak yana uyga qaytamiz. Tanamiz ham dunyoda vaqtincha tursa yana tuproqqa qaytadi. Lekin yana savol: tuproq bizni uyimiz emasku. Qabrham bizning vaqtinchalik turar joyimiz. Haqiqiy uyimiz InshaAlloh Jannat. Demak biz yerga kòmilishimiz bu haqiqiy uyimizni kutib vaqtincha turar joyimiz.

Иштирок этган обуначиларга раҳмат айтиб қоламан.

Кўмилишнинг фалсафий ва бошқа ҳикматли тарафлари обуначилар томонидан айтилгани етарли бўлгани боис мен фақат бир табиий фаннинг маълумотларини етказмоқчиман.

Ҳар бир жонзотни вужудида Азот атомлари бирикма ҳолида учрайди. Азот бўлмаса ҳаёт ҳам бўлмайди. Ер атмосфераси таркибининг 78% азотдан иборат. Ҳар нафас олганимизда ўпкамизга азот ҳам кириб боради, лекин ҳаводан кириб борган бу азотни танамизга умуман фойдаси йўқ. Чунуки, ҳаводан кириб келган азотни организмларимиз сўролмайди. Унда қандай қилиб азотни қабул қиламиз? Аллоҳ Ерда азотнинг айланиш циклини шундай жойлаганки, эҳтиёжлар орқали у ўз-ўзини айлантириб туради. Шу пайт Исак Нютоннинг «Ҳудо оламни табиат қонунлари ила бошқаради» деган гапининг тасдиғини топгандай бўламан гўё. Биз азотни асосан гўштдан оламиз. Биз гўшт маҳсулотларини истеъмол қилиб бирикма таркибидаги азотни қабул қиламиз. Гўштини муттасил истеъмол қиладиган ўтхўр жониворлар эса азотни ўсимликлардан еб қабул қилади. Ўсимликлар эса азотни бирикма ҳолида тупроққа сингиб ўлган жонзотлардан олади. Мазкур циклда 5 та процесс амалга ошади:

1) Nitrogen fixation;
2) nitrogen assimilation;
3) ammonification;
4) nitrification;
5) denitrification.

Шу ерда биз учун муҳим нуқта бор. Ҳар қандай ўлган жонзот хоҳ ҳайвон, хоҳ одам бўлсин, агар у ер сиртида бўлса азотнинг деярли кўп қисми ҳавога азот молекуласи ҳолатида бирикиб чиқиб кетади. Натижада, ўсимлик керакли озуқани ололмайди. Цикл бузилади. Одамларни ўлганда тупроқ остига кўмилиши эса ундаги бор азот бирикмасини тупроқда сўрилишини таъминлайди. Бунда махсус бактерияларнинг хизмати беқиёсдир. Улар танадаги таркибида азот бўлган аммиакли минерал бирикмаларни олиб нитратга айлантиради ва ўсимликларнинг илдизига ташийди ва ўз навбатида ўсимликлар уни сўриб олади. Буни еган ўтхўр жониворлар, хусусан, қўй ёки қорамоллар азотни ўзлаштиради ва ўз навбатида уларни инсонлар сўйиб гўштини истеъмол қилади. Шу йўсинда Азотнинг айланиш цикли давом этади. Қабристонга борганингизда ўсимликлар ўсиб кетишига гувоҳ бўласиз. Чунки, қабристонлар азотга бой ҳудуд ҳисобланади. Нитроген циклининг процессларида, албатта, ўлган таналарнинг ҳам Ерда азот айланишига яхшигина ҳиссаси қўшилади. Ер юзида шу пайтгача мусулмонларнинг кўмилган таналари ўғит вазифасини ўтаб келяпти ва улар ҳаётнинг давом этишида муҳим омил бўлиб хизмат қилмоқда. Бу Аллоҳнинг қонунияти. Илм-фанга кириб борар экансиз, Аллоҳнинг қудратига ҳайратланиб бораверасиз. Аллоҳни олимларгина таниши бежизга айтилмаган.

Ҳайрли кун, азизлар. Кун бошида шу мусиқани эшитишни яхши кўраман. Сизларга ҳам илиндим ))

Кунни мароқли кайфиятда бўлиши учун Расулуллоҳга кўтаринки руҳиятда саловот эшитинг.

🎙Исам Бaчири

(Канал муштарийсидан тавсия)

Корона ёлғон гапирмайди, ёлғончи бизмиз.
Корона ўғирламайди, қароқчилар биз ўзимиз.
Коронани бомбалари йўқ, ҳамма қирғинни биз қиламиз.
Корона болаларни ўлдирмайди, уларни ўлдирадиган биз.
Корона ҳавони бузмайди, ифлос қиладиган биз.
Корона ранг, ирқ ва динни ажратмайди. Ажратадиган биз.
Корона бойлар қолиб, фақирларни мўлжалга олмайди. Одамларни қўрқитадиган ва одамларнинг Роббидан қўрқмайдиган ҳокимларни мўлжалга олади.

Унинг шифоси осмонда!

© Мубашшир Аҳмад саҳифасидан

#ТАВСИЯ

Агар чарчоқ босса, кайфиятингиз тушса, иштиёқингиз сустлашиб қолса на «Флеш», на бошқа мотивацион чақириқлар етказа олмайдиган кучни берадиган зикр.

Қодирия тариқатининг Туркиядаги зикр халқасидан ёзиб олинган аудио. Эшитиб танам шавққа тўляпти. Бунақанги куч олмаганман бошқа нарсалардан. Сизларга ҳам илиндим.

Ҳозир ҳам қулоқчинда эшитиб юрибман 🎧

👉 @umarhalil 👈

Тунни шу мусиқа билан ўтқизиш бошқача ҳаловат беради. Шундай мусиқалар эшитсам дунёда битта менман-у, тунда фақат ўзим учиб кезиб юрибман. Милтиллаб турган юлдузлар орасидан тўлин Ойни қувлаб учаман. У эса булутлар орасидан мўралаб тураверади.

Телеграмда кўплаб диний каналлар очилиб кетган. Шуларни ичида аҳли илмлар томонидан расмий мақомда юрғизиладинлари ҳам бор, ҳаваскорлар томонидан олиб бориладиганлари ҳам бор. Кузатишларим бўйича, аксарият обуначилари кўп бўлган диний каналлар ҳаваскор ёшларни тужжорлик мақсадида очганлари экан. Нима учун тужжор сўзини ишлатдим? Сабаби, мазкур каналларни тавсифига қарасангиз диний маълумотлар узатадиган канал бўла туриб «диний саволлар берилмасин» ёки диний саволлар «savollar.islom.uz»га берилсин деб зикр аҳлидан сўранг ҳайъатини кўрсатиб юборишади. Демак, бу канални илм аҳли назорат қилмаётганини англатади. Аксинча, реклама учун мурожаат деган жойига гувоҳ бўласиз. Аксарияти ёш йигитлар томонидан бошқариладиган бу каналлар обуначилар ҳисобига реклама хизматини тақдим этиб соққа қилишни режа қилишади. Сабаби диний соҳада одамларни исломга бўлган эҳтиёжи ва муҳаббати ташна эканлигини тижоратчи админлар жуда яхши билишади. Айримлари, таниқли олим ва ўткир воиз имомлрни номини истеъмол қилиб ҳайп ишлаб каналга одам тўплашади. Уларни тижоратига қаршилигим йўқ, фақат динни суистеъмол қилиб тужжорлик қилишларини оқламайман. Сабаби, улар плагиат билан, яъни, кўп маълумотларни муаллифлик ҳуқуқини ўчириб ўғирлаб каналга қўйишади. Бу диндор учун очиқ хойинлик. Бунда ўзимнинг интеллектуал маҳсулотларимни авторсиз қирқиб босишаётгани ўзимга ҳам алам қилади. Иккинчидан, канални аҳли илм эмас ҳаваскор ёки тужжор бошқараётгани учун ҳам у ерда фасод ривоятлар, заиф ҳадислар, текширилмасдан қўйиладиган диний характердаги маълумотлар, фейк ва ёлғон ахборотлар аралаштириб берилади. Диний маълумотлар бошқа мазҳаб ёки йўналишники эканлигига кўпинча саводи етмайди. Юз минглаб обуна бўлган одамларимиз эса уларни диндан деб қабул қилиб истеъмол қилиб келадилар. Аллоҳ таъло ҳам «динингизни кимлардан олаётганингизга боқинг» деб беҳудага хитоб қилмаган. Хушёр бўлинг, ахборот асридасиз, маълумотни филтрлашни ўрганинг, диндан деса олиб кетаверманг. Биродари ҳаққига хёнат қилаётганларга эса Аллоҳдан инсоф тилаб қоламан.

Мулк сураси (8D version) 🎧

“Ўзбекистонга лўлилар қаердан келиб қолган?”

Ўзбекистон лўлилари баъзи сабабларга кўра Европа, Яқин Шарқ ва Россиядаги “циган” суперэтноси билан қиёсланган бўлиб, уларнинг таркибий қисми сифатида кўрилади. Лекин аслида келиб чиқиши жиҳатидан улардан фарқ қилади.

Циганлар, кўпгина тахминларга кўра, VI–VII асрларда Ҳиндистондан Эронга юборилган минг нафар санъаткор ва циркчининг авлодларидир. Ўрта Осиёдаги лўлилар эса бир қанча гуруҳлардан иборат ва уларнинг бари турли асрларда турли ҳудудлардан кўчиб келган.

Улар бешта катта гуруҳга бўлинади: лўли (бошқа номлари – мугат, жўги, мазанг, мўлтони), парья (ҳиндистоний), кавол, чистони ва соғутарош.

Шулардан фақат парьялар Ҳиндистондан келгани исботланган – улар ўз тилини сақлаб қолган. Лўлиларнинг ҳам иккита номи уларни Ҳиндистон билан боғлайди: жўги – кўриниб турибдики, “йога” сўзининг маҳаллийлаштирилган варианти; мўлтони – Покистондаги Мўлтон шаҳридан келганлар маъносида.

Шундай қилиб, лўлилар ва парьялар Ҳиндистон билан боғлиқ. Қолган гуруҳлар араб истилосидан сўнг ислом динини қабул қилмай, чекка ҳудудларда қолиб кетган оташпараст аҳолининг қолдиқлари деган тахмин ҳам бор. Бунда чистони ва каволлар амирлик даврида Афғонистондан бугунги Тожикистоннинг тоғли ҳудудларига кўчган, соғутарошлар эса азалдан шу ҳудудларда яшаган маҳаллий аҳоли вакиллари деган фикр мавжуд.

Россия Империяси даврида бу гуруҳларнинг бари умумийлаштириб “цигане” деб кетилган. Кейинчалик СССР пайтида кўпгина гуруҳлар ўзлигини йўқотиб, “бир миллатмиз” деган фикрга келган. Шу боис бу гуруҳлар турли ҳудудлар турли номлар билан аталса ҳам, ўзларини битта халқ деб билади, ёки бўлмаса бошқаларга тушунарли бўлиши учун “биз ўша сиз билган лўлилармиз” деган маънода кенг тарқалган битта ном айтади. Шунингдек, Тожикистоннинг чекка ҳудудларида кавол, парья, чистони каби этногуруҳлар алоҳида ўзлигини сақлаб қолган.

Тил масаласига келсак, бу гуруҳларнинг асосий қисми тожик тилида гапиради. Ҳиндистондан келганлари ҳам, маҳаллий ўзакка эга бўлганлари ҳам араб истилосидан сўнг бу тилни қабул қилган. Фақат парьялар ўзларининг алоҳида ҳинд-орий тилига эга. Самарқандда оз миқдорда ўзбек тилли лўлилар ҳам бор.

Шундай қилиб, лўлиларни битта-ягона элат деб билиш, барчаси Ҳиндистондан келган деб ҳисоблаш хато экан. Уларни ёппасига тиланчи деб ҳисоблаш ҳам нотўғри. Азалдан лўлилар ҳамда уларга яқин гуруҳлар ҳунармандчилик билан шуғулланган. Хусусан, Пастдарғомда ва Ургутда тавоқтарош деган ҳунарманд гуруҳни учратганман. Бундан ташқари, улар орасида қурувчилар, косиблар жуда кўп бўлган.

Тахминан охирги 70–80 йил ичида улар орасида тиланчилик кенг тарқалган, бунга сабаб совет даврида уларнинг анъанавий касблари ва жамиятда эгаллаган ўринлари ўзгартириб юборилгани, колхозлаштириш, мажбурий ўтроқлаштириш сингари сиёсатлар уларнинг анъанавий турмушини йўқ қилгани, натижада кўпчилиги тирикчилик учун янги соҳалар қидиришга мажбур бўлганидир. Уларга нисбатан паст назар билан қараш ҳам, менимча, шу охирги ўн йилликларда шаклланган.

Шуларни инобатга олган ҳолда, барча ўқувчиларимни лўлиларга ҳурмат билан қарашга чақираман. Улар ижтимоий ҳимояга ва кучли рағбатга муҳтож фуқароларимиздир. Вақтида ривожланган давлатларда қора танлиларга ёки аёлларга ижтимоий ҳолатини тиклаб олишга ёрдам берилганидай, бизда ҳам лўлиларга, ёрдамга муҳтож яна қанча гуруҳларга шундай ёрдам кўрсатилиши керак. Вақти келиб улар ҳам жамиятда ўрнини эгаллаши керак.

© Элдор Асанов
Филолог, журналист

Диққат!

Уммат учун, хусусан ўзбек миллати учун ўзидан илм мерос бўлиб қолишига хисса қўшиш истагида бўлган араб тилини биладиган таржимонлар керак. Агар обуначиларимиз орасида араб тилли таржима қилиш малакасига эга кишилар бўлса, менга @M_Nematoff га мурожаат қилишингизни сўрайман. Агар шундай танишларингиз бўлса уларни лойиҳамизга жалб қилишингиз мумкин. Биз шундай кўнгилли таржимонлардан маҳсус жамоа тузиб миллатимиз маърифати, онги ва қалби юкасалиши учун ислом оламидаги энг яхши асарларни таржима қилишни йўлга қўймоқчимиз. Бу борада биринчилардан бўлиб, миллионлаб одамларнинг қалбидан жой олган мутафаккир, ўзининг фавқулодда ноёб истеъдодли тафаккури билан динни моҳиятига киришни ўргатувчи ва одамлар орасида меҳр-муҳаббат ҳамда шафқатни киргиза олган мисрлик доктор Мустафо Маҳмуднинг асарлари таржимасидан бошламоқчимиз. Ораларимизда тил биладиган дўстларимиз, опаларимиз ва сингилларимиз бор. Мана шу билимларни Аллоҳ йўлида уюшиб миллатимиз учун манфаатли қилиб тасарруф этсалар, албатта садақаи жория бўлиб қолади. Асар таржимаси бўйича бош муҳаррир Мубашшир Аҳмад бўладилар. Умид қиламанки, бу бизнинг қўлимиздан келади, иншааллоҳ. Ҳар биримиз учун Имом Бухорий каби ўз номимизни келажак авлод ўқиганда дуо қиладиган имконият бор. Имкониятни қўлингиздан бой берманг!

ОИЛАНИНГ З ТОИФАСИ

Психологлар эр-хотин орасидаги муносабатларга қараб оиланинг 3 хил тоифасини ажратишган: «Она-ўғил», «Ота-қиз» ва «Ака-сингил»
тоифасидаги оилалар.

1. «Она-ўғил» 👩‍👦 тоифасидаги оила

💪👩‍🦰 Бундай оилада аёл киши оилани бошқаришни деярли бутунлай қўлга олади, унинг ҳуқуқлари беқиёс бўлиб, ҳаттоки эркак киши бажариши лозим бўлган ишларни ҳам ўзи назоратга олади ёки ўзи бажаради, яъни у хотин эмас, балки Она ролини ижро этади.
Эрнинг ҳак-ҳуқуклари эса бу ерда жуда кам ифодаланган бўлиб, оилани бошқариш ишларига у деярли аралашмайди, яъни у оилада эр эмас, балки Ўғил вазифасини ижро этади. Оилани бошқаришнинг бундай усули иккала
томонни ҳам қониқтиради, яъни эр-хотин орасидаги муносабатлар шундай вазиятни юзага келтиради. Хотин эрини ўз ҳимоясига олади, уни бошқа эркаклардан асрайди, унга доимо маслахат бериб юради. Бу оилада сўнгги қарор хотин томондан қабул қилинади 👩‍⚖, эр эса унинг айтганларини сўзсиз амалга оширади.

2. «Ота-қиз» 👨‍👧 тоифасидаги оила

💪👨‍🦰 Бу оилада барча юмушларни эркак киши бажаради, эрнинг хуқуқлари беқиёс бўлади, у ҳаттоки аёл киши бажариши лозим бўлган оила юмушларини ҳам ўз қўлига олади, хотинига қиз болага қарагандек муносабатда бўлади. Яъни у эр эмас, балки Ота вазифасини бажаради. Хотиннинг ҳақ-ҳуқуқлари эса бу ерда жуда кам ифодаланган бўлиб, оилани бошқариш жараёнига деярли аралаша олмайди, аёл киши бажариши лозим бўлган ишларга ҳам эридан берухсат қўл урмайди, яъни у оилада она эмас, балки қиз вазифасини ижро этади. Оилани бошқаришнинг бундай усули иккала томонни ҳам қониқтиради, яъни эр-хотин орасидаги муносабатлар ушбу вазиятни юзага келтиради.
Психологик нуқтаи назардан олганда «Она-ўғил» ва «Ота-қиз» тоифасидаги оилада вояга етган фарзандларнинг ҳаёти кейинчалик хавф остида қолиши мумкин. Уларнинг кейинги тақдирини 2 хил вариантда таҳлил қиламиз:

А) «Она-ўғил» тоифасидаги оилада вояга етган қиз «Ота-қиз» тоифасидаги оилада вояга етган ўғилга турмушга чиқса, бу оила барбод бўлиши мумкин. Чунки қиз Она ҳукмронлик қилган оилада. Ўғил эса Ота ҳукмронлик қилган оилада катта бўлган. Қиз оилани Онасидек бошқаришга, яъни эрини ўзига бўйсундиришга интилса, йигит оилани худди Отасидек бошқаришни истайди ва хотинини ўзига бўйсундиришга ҳаракат қилади. Табиийки, бунинг уддасидан чикиш ўта мушкул бўлиб, тез-тез уриш-жанжаллар рўй бериб туради. Бунинг оқибатида фарзандлар тарбиясига катта зиён етади ва бу оила барбод бўлиш даражасига келади.

Б) «Она-ўғил» тоифасидаги оилада вояга етган ўғил «Ота-қиз» тоифадаги оилада улғайган қизга уйланди, дейлик. Бундай оиладан оила йўлбошчиси етишиб чиқиши анча мушкул. Чунки ўғил Она ҳукмронлик қилган
оилада, киз эса Ота ҳукмронлик қилган оилада ўсиб вояга етган, яъни «кичик» ролни ўйновчилар турмуш қуришган. Ушбу янги оилада йигит хотини йўлбошчи бўлишини хохласа, қиз бунинг тескарисини, яъни эри йўлбошчи бўлишини хоҳлайди. Уларнинг ўзлари оилани мустақил равишда бошқара олишмайди, бировларга қарам бўлиб яшашади, маслаҳат учун қиз Отасининг олдига чопса, ўғил Онасига мурожаат қилиб туради. Бу вазият узоқ давом этиб, ахийри улар оила бошқаришни ўзлаштириб олишади.

3. «Ака-сингил» 👨‍👩‍👧‍👦тоифасидаги оила

🧔🤝👱🏼‍♀ Бундай оила психологик нуқтаи назардан энг мақбул оила. Чунки бу ерда эр-хотиннинг вазифалари ўзаро тақсимланган, яъни эр оилани бошқаришнинг 60 фоизини ўз қўлига олади, 40 фоиз юмушни хотинига қолдиради. Оила бўйича муҳим қарорларни қабул қилиш эркак кишининг қўлида бўлиб, оиланинг йўлбошчиси ва ҳимоячисига айланади. Аёл киши эса унинг энг яқин маслакдоши бўлади. Демак, оилада эр ўзини худди ака сифатида, хотин эса сингил сифатида кўрсатади. Бундай оилада эркак кишининг ҳам, аёлнинг ҳам ҳуқуқлари сақланган бўлади, ота-она орасидаги бундай муносабатлар таъсири остида вояга етган ўғил аёл кишини, қиз эса эркак кишини ҳурмат қиладиган бўлиб ўсишади. Бундай оила мустаҳкам бўлиб, унинг аъзоларини ҳамма ҳурмат қилади. Уларнинг фарзандлари ҳам кейинчалик оила қуришса, ўзаро муносабатларини «Ака-сингил» тоифасидаги оилага ўхшаб амалга оширишга ҳаракат қилишади.

© Зариф Ибодуллаев - « Асаб ва руҳият» китобидан.

⚡️Карантин 10 майга қадар давом этади.

Бу борада Республика махсус комиссиянинг инфекция тарқалиши юзасидан карантин қўллаш чора тадбирларининг 2020 йил 10 майига қадар давом этиши белгиланган.

👉 @umarhalil 👈

Қизиқ маълумотга дуч келяпман. Бир пайтлар Ҳайрулла Ҳамидовнинг «Наврўз» радиосидаги «Холислик сари» радиоэшиттиришида франциялик бир аёлнинг саратон (рак) касаллигидан азият чекаётгани ва бир танишининг гапи билан Саудия Арабистонига келиб зам-зам сувига ихлос қўйиб тузалиб кетгани ҳақида ҳикоя қилинганди.

Ҳозир нейропсихолог Зариф Ибодуллаевнинг ўз асарида ёзишича Россияда бир аёл билан ҳам шундай воқеа содир бўлганлиги ҳикоя қилиняпти. Унда айтилишича, биофизиклар онкологик касалликлар билан оғриган беморларда жуда қизиқ бир ҳолатни кузатишган. Россияда юз берган бу воқеада саратон касаллиги аниқланган бир аёлни самарасиз даволашади. Врачлар унинг яқинларига «Биз қўлимиздан келганини қилдик, бу касалликни давоси йўқ», дейишади. Кўчада ўта тушкун ҳолатда келаётган бу беморни кўрган бир монах бу хомушликнинг сабабини сўрайди. Бемор унга дардини тўкиб сочади ва «Менинг яшашдан умидим жуда катта», деб йиғлаб юборади. Монах уни тинчлантириб, бир чреков ҳақида гапириб, унда илоҳий куч борлигини ва ўша ерга боришини маслаҳат беради. Аёл монахнинг гапларига жуда қаттиқ ихлос қўяди. Бундай вазиятда инсон тирик қолиш учун ҳамма нарсага тайёр бўлади.

Бемор ҳар гал у ерга борганида дарддан енгиллашиб бораётганини сезади ва тузалиб кетади. Бундан ҳайратланган бемор шифохонага боради. Докторлар барча текширувларни ўтказиб, унда саратоннинг ҳеч қандай белгиларини топишмайди. Докторлар бу феноменга жавоб тополмай қолишади. Чунки рак ташхиси гистологик ва лабаратор текширувлар асосида аниқ қўйилган эди. Зариф Ибодуллаев бу феноменни «яшашга бўлган имид ва кучли ихлос билан изоҳлаш мумкин» дея изоҳлайди.

Энди воқеага илм-фан орқали жавоб қидирамиз. Биофизиклар ўша жойни бориб текширишган ва қизиқ фактга гувоҳ бўлишган. Ҳалиги беморнинг тузалганини кўрган ва эшитган бошқа беморлар «Мен ҳам бу черковга борсам тузаларканман» деб, бу ерга қатнайверишган. Уларнинг баъзилари тузалган, баъзиларида ҳеч қандай натижа бўлмаган. Биофизиклар ўзларининг сезгир аппаратларида ўша черковда ва унинг атрофида баъзан кучли биомайдон аниқлашган, баъзида ҳеч қандай билмайдон бўлмаган. Бу ерда биомайдоннинг бир куни кучли, бир куни кучсиз бўлиб туриши сабабини аниқ исботлаб бериша олмаган. Бу жараённи биофизиклар тадқиқот қилаётгани ҳақида ахборот бераётган журнал бу ҳақда бошқа маълумот бермай қўйган. Зариф ака шу ерида ўзининг фикрларини келтиради: «Менимча, тузалишга қаттиқ ихлос қўйган беморлар борган куни ўша черковда кучли биомайдон ҳосил бўлган, «Қани, мен ҳам бориб кўрай-чи, зора тузалсам», дегувчилар борганда биомайдон ўта суст бўлган».

Биомайдон - одамлар бор жойда ҳосил бўладиган биофизик жараён. Жуда кучли ихлос билан борганлар кунидаги биомайдон рак ҳужайраларини йўқ қилиб, соғломларини ривожланишига энергетик жиҳатдан йўл очиб берган. Илм-фанда мана шундай феноменлар ҳам бўлиб туради. Бу ноёб ҳодиса. Бундан оладиган хулосам шуки, ихлос бу жуда катта куч. У ичимиздаги махсус шифокоримиз бўлган иммунитетни ишлата олади. Ислом динида нима учун ихлосга бунчалик катта эътибор берилишини англаётгандекман. Дин нима учун? деган саволга жавоб берса, фан қандай? деган саволга жавоб беради. Франциялик аёлнинг ҳам, россиялик аёлнинг ҳам тузалиб кетишида зам-зам ҳам, черков ҳам муҳим омил эмас, бу ерда ягона нарса - ихлоснинг беқиёс таъсири ётибди, десам адашмаган бўлсам керак.

👉 @umarhalil 👈

Доим қандайдир илмий ишга киришсам ўша соҳага боғлиқ бўлган мусиқани эшитиб изланиб таҳлил қиламан. Чунки, ўша қўшиқ изланишимга стимул бериб туради. Юқоридаги блогни «Доктор Ҳаус» сериалининг интро соундтреки билан ёзиб чиқдим. Ёқса, сизга ҳам илиндим 🎧

ДАЖЖОЛ «ҚАЙНОНАЛАР»

Бир синглимизнинг фотиҳалари бузилгани ҳақида хабар келиб қолди. Ҳозир жуда тушкун кайфиятда эканлар. Фотиҳа бузилишининг сабаби, бўлажак қайнонанинг қимматбаҳо жиҳозларни талаб қилгани туфайли икки оила ўртасида низо келиб чиққан. Келин тарафни ота-онасига оғирлик қилган бу талаблар кейинчалик гап-сўзларни кўпайишига олиб келган ва ор-номуси келиб, фотиҳани бузишган. Мана шундай ҳолатлар юзага келаётгани учун ёздим бу гапларни.

https://telegra.ph/Dazhzhol-%D2%9Bajnonalar-04-19

Ўзбекистон қандайдир альянсларга қўшилиши керак бўлса (зотан бундай қилмай бўлмайди), ўзига яқин ва хайрихоҳ тузилмани танлаши керак.

Туркий тилли давлатлар ҳамкорлик кенгаши биз учун энг муҳим тузилма. Тўғри унинг жаҳон саҳнидаги роли жуда оз ва тушунишимча, номи бору ўзи йўқдек ташкилот. Бунинг энг асосий сабаби шўро даврида ўйлаб топилган ва қирғинлар учун баҳона қилинган "пантуркизм" ёрлиғи бўлса керак. Туркий халқлар бирлашмаслиги ва кучаймаслиги учун мустамлакачилар томонидан ёпиштирилган бу ном энди қўрқинчли бўлмаслиги даркор.

Ҳисобимча, 200 миллионга яқин аҳолини қамраб оладиган ташкилотга аъзо давлатларда дин (қарийб) бир, тил бир, урф-одат жуда яқин, ҳатто мазҳаб ҳам (қарийб) бир. Тарихда бирлашмаган (фикрим хато бўлса узр сўрайман) давлатларнинг бирлашуви оригинал ҳолат. Бундай ҳолатни реал воқеликка айлантириш осон кечади. Энг асосийси сунъий эмас, табиий иттифоқ юзага келади. Ва муҳими, мазкур ташкилотни кучайтириш ва асосий роллардан бирини ўйнашга Ўзбекистоннинг салоҳияти етади. Бошқарилувчи бўлишдан кўра бошқарувчи мақомида бўлади.

© Мубашшир Аҳмад