​​🎀 МУҲАББАТ ҲАҚИДА 🎀

Ҳозир сизларга муҳаббат ва унинг уч даражаси ҳақидаги мулоҳазаларимни ўртоқлашишга ижозат бергайсизлар. Бу сўзни ҳамма жойда эшитганмиз. Ҳаётда, кинода, адабиётда, мусиқада ва ҳоказо. Бу ҳақда ҳар бир замоннинг файласуф ва мутафаккирлари ҳам бош қотиришган. Мен уларнинг бирортасидан иқтибос келтирмоқчи эмасман. Ҳозирги мулоҳазаларимда ҳам бирорта олим ёки тадқиқотчининг фикрий хулосаларини аралаштирмайман. Соф ўзимнинг кузатувларимнинг хулосаларини гапириб бермоқчиман. Демак, муҳаббат менинг назаримда уч даражадан иборат бўлган боғланиш санъати. Нега буни санъат деяпман, сабаби муҳаббатга, албатта билим ва тажриба керак бўлади. Шу ерда айримларда савол туғилган бўлиши мумкин, бир кўриб қолганда севиб қолиш мумкинку деб. Бунга билимни нима алоқаси бор? Мана шу савол туғилган муштарийларимга айтардимки, бу муҳаббат эмас, маҳлиё бўлиш. Сиз ҳаётда кўраётган «севги» образлари шунчаки маҳлиё бўлиш, вақтинчалик ёқиш ҳисси (нега вақтинчалик, чунки вақт ўтиб муносабатлар яқинлашгани сари ёқмайдиган деталлар чиқишни бошлайди) бўлиб, бу муҳаббатни критерияларига жавоб беролмайди. Энди юқорида айтганим муҳаббатни уч даражаси ўзи нима? Муҳаббат уч даражага бўлинади, яъни буни 3 босқич десак ҳам тўғри бўлаверади.

1) Тобелик босқичи
2) Савдогарлик босқичи
3) Эҳсон даражаси

Биринчи босқични ҳаммамиз ўтаганмиз ва ўтаяпмиз ҳам. Мутелик босқичини, қуллик, қўрқув ва тобелик даражаси десак ҳам бўлади. Бу босқичда, банда Аллоҳга қўрққанидан тобе бўлиб боғланади. Аллоҳ таоло ҳам бандаларини айнан мана шу биринчи босқич билан ўзига бўйсундиради. Масалан, Дўзоҳ азоби, қабр азоби ва бошқа қаҳр-ғазабга учрайдиган амаллардан тийилиш учун қўрқув ила Аллоҳга боғланасиз. Фарзанд мисолида эса бола ота-онасидан қўрққани учун унга боғланиб туради. Ота-онасининг жазолашидан қўрқиб айтганларини қилишга, уларни ғазабига учрамасликка, уларсиз яшолмаслигидан қўрқиб уларга муҳаббат қўяди. Эр ва хотин ўртасидаги айрим муҳаббат ҳам айнан ушбу қўрқув босқичидаги, яъни эрининг қаҳрига учрашдан чўчиб яшовчи аёл, ёқмай қолиш, эътибордан қолиб кетиш қўрқувидан боғланган хотин ёки аёлининг ташлаб кетишидан чўчиб яшайдиган эр муносабатларининг даражаси биринчи босқич, яъни тобе бўлиб боғланиш муҳаббати дейилади. Бу даражадаги инсон ўзини шу босқичда эканини билиш осон. Кимга ёки нимага муҳаббат қўйган бўлсангиз, уни жазоси ёки йўқотишдан қўрқув бўлса, демак сиз айнан шу босқичда турибсиз. Ҳудди шу каби кимдир сизнинг жазойингиз ёки воз кечишингиздан қўрққанидан сизга боғланиб турган бўлса, у ҳам сизга нисбатан шу даражада турган бўлади. Қўрққани учун сизни айтганларингизги қилади, қўрққани учун сизга яхшилик қилади, қўрққани учун сизни севади.

Иккинчи босқич бу - савдогарлик даражаси. Яъни, бунда сендан угина мендан бугина принципига асосланади. Аллоҳ таоло ҳам бандасини биринчи босқичдан иккинчисига кўтаради. Агар сен Аллоҳ буюурган яхши йўлдан юрсанг, Уни доим зикр қилсанг, намоз ўқисанг, рўза тутсанг савоб берилади сенга. Яъни, қилган ишларинг эвазига жаннат мукофотини оласан. Бунда сен савдогарга айланасан. Аллоҳга қиладиган муҳаббатинг олди-берди тамойилига асосланади. Фарзанд ҳам иккинчи босқичда мен катта бўлсам ота-онам қилган яхшиликларини қайтаришим керак деган тушинчада бўлади. Яъни, болалигида едирган, кийдирган, химоя қилган ота-онасига жавоб қайтаради. Қилган яхшилигига яхшилик билан жавоб қайтариш олди-берди тамойилига асосланган муҳаббатга ўтади. Бунда фарзанд ота-онасидан қўрқмайди, балки уларни ўзига яхшилик қилгани учунгина яхши кўра бошлайди. Фарзандга қилган яхшиликлари учун муҳаббат қўяди ва уни қайтаришим керак деган туничада яшайди. Эр-хотин муносабати, устоз шогирд, дўстлик ўртасидаги кўпгина муҳаббатлар ана шу принцип асосидаги муҳаббатдир. Масалан, қайси дўстинг сенга яхши бўлсагина унга дўстона муҳаббат қўясан. Унга ҳам савдогарлик қилиб яхшилик билан жавоб қайтариб турасан. Эр-хотинлик ўртасида ҳам шундай эрим ёки хотиним менга яхши муносабатда бўлса мен ҳам унга шундай бўламан. Менга вафодор бўлса мен ҳам содиқ бўламан, менга ширин сўзлар айтиб турса мен ҳам унга айтаман, деб яшайди.

​​Давоми

Бу босқичда кўп конфликтлар, норозиликлар содир бўлади. Чунки, бунда берган одам муносиб жавоб олмаса, албатта норози бўлишни бошлайди. Нега оқибатинг йўқ, нега қўполсиз ширин сўз айтмайсиз, нега доим мен қўнғироқ қиламан, сиз қилмайсиз, ўзинг биринчи телефон қилмасанг нега мен қилишим керак? Каби талаблар, тортишувлар юзага чиқади. Демак, сиз намозингизни, рўзангизни, ҳар бир яхши амалингизни савоб учун, жаннатдаги мукофотлар учун қилаётган бўлсангиз, отангиз ва онангизга айнан қилган яхшиликлари, тарбиялари учун уларга яхшилик қилиш истагида яшаётган бўлсангиз, турмуш ўртоғингиз сизга яхши муомала, ҳурмат, содиқлик, мурувватли бўлгани учунгина сиз ҳам ўзингизни шундай тутаётган бўлсангиз, яъни сизга яхши муносабатда бўлгани учун унга ҳам яхши муносабатда бўлаётган бўлсангиз, дўстларингиз ёмон муносабат қилса ҳам уларга яхши муносабатда бўлолмаётган бўлсангиз сиз иккинчи босқичдасиз.

Учинчи босқич эҳсон даражасидаги муҳаббатдир. Бу энг олий мақом, муҳаббатнинг энг юксак поғонаси, чўққиси демакдир. Бу даражадаги одам ҳеч қандай эвазсиз севадиган инсондир. У Расулуллоҳ соллаллоҳу алайҳи васаллам дир. У Навоий орзу қилган «комил инсон» ғоясидир. У тасаввуфнинг мақсадидир. У Аллоҳга бирор бир ибодатини қўрққанидан ёки савоб умидида қилмайди. Аллоҳни севгани учун, уни розилиги учун қилади холос тамом вассалом. У дўзоҳ азобидан қўрқиб намоз ўқимайди, у жаннатга кириш учун намоз ўқимайди, у Аллоҳга бўлган муҳаббатидан завқланиш учун ибодат қилади. Тобе муҳаббат намозида Аллоҳнинг азобидан қўрқиб ибодат қилади, савдогар муҳаббат намозида Аллоҳнинг савобидан умид қилиб ибодат қилади, Эҳсон муҳаббати эса Аллоҳнинг муҳаббатидан лаззат олиш, ҳушуъ ва хузу, буюк завқ ва шавқ учун ибодат қилади. Бу даражадаги фарзанд ота-онаси унга яхшилик қиладими, ёмонлик қиладими, уларга ҳеч қандай эвазсиз эзгулик қилаверадиган фарзанддир. Улар болалигида қарамаган бўлса ҳам улар қариганда қарайверадиган фарзанддир. Аёлидан ҳеч нарсани талаб қилмай севадиган, жуфти ҳалолини у муносабатда биринчи бўлмаса ҳам ўзи биринчи бўлиб ширин сўз айтишга шошиладиган, ўзи биринчи бўлиб меҳр кўрсатадиган, ўзи биринчи бўлиб яхшилик қайтмаса ҳам тинмай қилаверадиган инсон у. Агар турмуш ўртоғи ёмон ахлоқли бўлса савдогар каби қилганларини миннат қилмайди, яхшиликни талаб қилмайди, ташлаб кетишидан қўрқмайди, балки, ана шу ахлоқсизлигини тўғрилаш учун яхшилик қилаверади. Бу даражотни тасаввуф тарбиялаб камолга етказади.

Ҳар биримиз мана шу босқичлар орасида ўйнаб турамиз. Ҳар даражани мутлақо эгаси бўлмайди. Сиз доимий ҳаммага тобе ёки савдогар, муҳаббатда бўлолмайсиз. Ёки битта инсонга уч босқичда баъзида пастлаб, баъзида кўтарилиб турамиз. Ва яна кимгадир тобе, кимгадир савдогар, кимгадир эҳсон даражасида бўлиб туришингиз табиий. Масалан, Ота-она ўз фарзандига эҳсон даражасида муҳаббат қилади. Фарзандидан уларга бирорта наф бўлмаса ҳам севиб уни ардоқлайверишади. Ҳудди ўша ота-она ўз тенгдош дўстларига савдогар даражада бўлади. Аллоҳга эса қўрқув билан боғланади. Кўриб турганингиздек, ҳар даража битта одамда мужассам бўлиб турли йўналишларга тақсимланиши ҳам мумкин. Мутлақо тобе муҳаббатда қолиш инсонни иродасини яксон қилади. Мутлақо савдогар муҳаббатдаги инсон капиталистик хусусиятли шахсга айланади. Яъни, ҳар бир муносабатни айрибошлаш, шахсий манфаат тамойилидан ўрнатади. Хойинлик ҳам, ташлаб кетиш ҳам, тоқатсизлик ҳам, асаб емирилиши ҳам шу босқичда рўй беради. Чунки, саломга яраша алик олинмаса ҳеч қанақасига барқарорлик бўлмайди. Эҳсон даражасида эса одамларга мутлоқликка етишнинг иложи йўқ, менимча. Фақат, имконият доирасида тарбиялаб эгаллаш мумкин.

© Омар Ҳалил

Бу фейсбукда дўстларим орасидаги аккаунтнинг биографияси. Шиорга эътибор беринг. Эсладингизми? Бу когнитив диссонасга учраган қизнинг иккинчи вариантни танлагани. Одам ҳаётга шунақа таҳлилий назар билан қарайдиган бўлиб қолади 😅

Каналда бир муҳим сўровнома ўтқизаман. Илтимос қилардим, жонсиз жасадга ўхшаб кўриб туриб, биттагина кнопкани босишга лоқайдлик қилмасдан қатнашишларини. Бу қўядиган материалларим учун муҳим. Эътиборсиз қолдирмайсиз деган умиддаман, азизлар.

Пайғамбаримиз Муҳаммад алайҳиссалом айтадилар:

«Муҳаббат қилганларга никоҳдан бошқа тўғри йўл топилмайди».

Ибн Можа ва Ҳоким ривоятлари.

👉 @umarhalil 👈

​​Раҳматли отамиз Норматов Бошбек иккинчи Жаҳон уруши қатнашчиси бўлганлар. Бола эдим. Отамиз одамни титратиб юборадиган бир воқеани онамизга гапириб берганлари ҳамон эсимда.
-Вязьма йўналишидаги бир чоғроқ шаҳарчани душмандан озод қилдик, – дея гап бошлади отамиз. – Қаҳратон қиш. Икки қаватли ёғоч уйлар, кўча тўла ўликлар... Бир уйнинг иккинчи қаватига чиқсам, латта-путталар уюми ёнида бир аёл ўлиб ётибди. Битта ҳам душман йўқ – қочиб кетишган шекилли. Энди ўгирилиб кетмоқчи эдим, ўлик ёнидаги латта уюми қимирлагандай бўлди. Очиб кўрсам, ё қудратингдан, тирик чақалоқ ўлик онасини эмиб ётибди!.. Деразага югуриб бориб, пастдаги ҳамширани чақирдим. Зудлик билан ҳамшираю врачлар етиб келишди. Ҳайратланарли жойи шундаки, мурда совуқда қотиб қолган бўлса ҳам чақалоқ эмаётган кўкрак юмшоқ ва иссиқ эди, иккинчиси қотиб ётибди! Ҳарбий врачлар ҳам ҳайратда: одам ўлгандан кейин узоғи билан йигирма дақиқадан сўнг организмдаги барча аъзолар ўз фаолиятини тўхтатиши керак-ку!.. Врачларнинг айтишича, бу аёлнинг жони узилганига ўн кун, бўлмаганда бир ҳафта бўлган экан!.. Ҳамширалар тезда гўдакнинг таглигини алмаштиришди, қайтадан йўргаклаб, шинелга ўрашди. Орадан кўп ҳам вақт ўтгани йўқ, бир пайт қарасак, ҳозиргина чақалоқ эмиб турган қайноқ ва юмшоқ кўкрак ҳам иккинчисига ўхшаб совуқда қотиб ётибди. Худди жигаргўшасининг ишончли қўлларга тушганидан хотиржам бўлгандай... Биров гапириб берганида икки дунёда ҳам ишонмасдим, ўз кўзим билан кўрдим ахир... – деб отамиз ҳикоясини тугатдилар.
Нима бу? Бу не синоат, не мўъжизаки, она ўлганидан кейин ҳам юрагининг бир парчасига уммон қадар меҳр, осмон қадар муҳаббат соғинса! Табиат қонунларига бўйсинмайдиган, тиббиёт қонунларини тан олмайдиган ОНА МЕҲРИ олдида бутун борлиқ таъзимда.

© Шароф Бошбеков

Аллоҳнинг мўжизасимиз. Тана аъзоларимизнинг мураккаб тузилмаси, ақл бовар қилмас лойиҳамиз.

👉 @umarhalil 👈

#ҲАДЯ

Шу вақтгача мен билан бирга бўлиб келаётган содиқ муштарийларимга ажойиб туҳфамни улашмоқчиман.

Анбиёлар қиссаси

Мазкур электрон китобни 2014-йилда тартиблаб таснифлашни бошлаганман. Бир йил мобайнида имкониятим борича изланиб 2015 йилда тугатанман. Бу каби пайғамбарлар қиссаси кўплаб китобларда ёзилган. Буларни орасида турли заиф ривоятлар ҳам бўларди. Мен анъанавий йўлдан бормай, диний матнларни соф Қуръон ва саҳиҳ ҳадислардан олинганини текшириб, йўқларини Мусҳаф асосида тўлдирдим. Бундан ташқари кўплаб пайғамбарлар қиссасига илмий ёндашувларни ҳам қўшдим ва энг муҳим янгилик, қиссаларга илмий таҳлиллар ёзиб чиқилган. Ҳар бир пайғамбар тарихини ўқир экансиз, уни ҳам диний тафаккур, ҳам илм-фан ҳамда тарихий чигалликларга ҳам ечим топасиз. Китобни ўқиб бўлганингиздан сўнг, менга @M_Nematoff таассурот ва фикрларингизни ёзиб қолдиринг. ✍ Ёқимли мутолаа тилайман. 📖

👉 @umarhalil 👈

Биз ҳаммамиз хатолар заминида туғилганмиз. Ечим бақир-чақирда эмас, ғазабни сочишда ҳам эмас, балки янада зиёда муҳаббатда, яъни севгидадир.

👉 @umarhalil 👈

​​Инфекция юқишидан эҳтиёт чоралари кўрилишига тарғиб бўлаётган бир вазиятда баъзи одамларда «Ҳудо асрайман деса ўзи асрайверади» деган гапларга дуч келиб қоляпман. Бу янглиш тушунча. Шахсан ўзим билан шундай ҳолат юз берганди. Тошкент карантинга ёпиладиган куни уйга қайтаётган эдим. Бироз овқатланиб олиш учун автотураргоҳдаги буфетга кирдим. Тамадди қилиб бўлганимдан сўнг пулни қерга қўйишни сўрадим. Сотувчи аёл менга бераверинг деб қўлини узатди. Ҳозиргина шу қўлингиз билан таом тайёрладингиз энди эса пулни ушлаяпсиз, демак шундай олди-берди қилаётган экансиз, инфекция юқса нима бўлади? Бундан ташқари пулдан кир нарса бўлмаса дедим. Шунда сотувчи: «Э, Ҳудо асрайман деса ўзи асрайверади» деб қолди. Шунда усталик билан: «Анави ёнаётган газдаги оловга қўлингизни тутингчи, қўлингиз куядими?», дедим. Сотувчи: «Ҳа, куяди-да», деб жавоб берди. Мен: «Агар қўлингизни тутмасангиз ўша оловда куймайди, тўғрими?» деб қамалга олдим. «Ҳа» дегандек бошини қимирлатди ҳайрон қараб. Ҳудди шундай, агар балога ўзингни урсанг ажалинг етади, ўзингни асрасанг Аллоҳ берган умрни яшайсан. Ўзини асрамаган одам Роббимиз берган умрни ҳам увол қилади. Умр, соғлик Яратганнинг буюк неъмати эканини ҳалигача сингдира олганимиз йўқ бизлар. Ўзингизни эҳтиёт қилинг дейилаётганда «Ҳудо асрайди» деб ақллилик қилаётганларнинг мана шу эътиқоди битта гугурт оловининг олдида ўзгариб қолади.

Қазо ва қадар, ризқ, ажал борасида тушунчаларимиз бузуқ шаклланиб қолган. Соф илм йўқ халқимизнинг аксарият қисмида. Айнан шу бузуқ установкалар жамиятни кўп жабҳаларини регрессияга олиб келадиган омил эканини айтиш мумкин. Тақдирни англаш, тушиниш борасида яхши манбалар бўла туриб ўқимай ёмон аҳволга келиб қолинган. Шу ҳақда катта таҳлилий блог ёзмоқчи бўлиб турибман. Шояд, одамларга тарқалиб миялари очилса.

👉 @umarhalil 👈

Қуръони Каримдан 8D замонавий форматида қироат. Қулоқчинда (наушник) эшитиб мазза қилиш тавсия этилади. 🎧

👉 @umarhalil 👈

Қуёшимизнинг ўрнида Қутб юлдузи турса ерда қандай кўринган бўларди 🙂

Бетимсол ҳиммат соҳиби!

«10та Ferrari, олмосдан ясалган 20та қўлсоат ёки 2та самолёт олиб нима қиламан? Бу нарсалардан менга ва одамларга нима наф?

Очлик нималигини биламан, чунки бошимдан ўтказганман. Далада ишлашимга тўғри келган. Ялангоёқ футбол ўйнардим. Ўқишга ва яна бошқа кўп нарсаларга имконим бўлмаган.

Ҳозир эса шу футболнинг ортидан топган пулим билан одамларга ёрдам бера оляпман. Мактаблар очдик, стадион қурдик. Ўта қашшоқликда ҳаёт кечираётган одамларга кийим-кечак, пойабзал беряпмиз... Сенегалнинг жуда камбағал туманларидан бирида яшаётганларнинг ҳар бирига ойига 70 евродан берамиз.

Шоҳона ҳаёт, данғиллама дала ҳовли, киборларча сайр-у саёҳатлар ва самолётларни кўз-кўз қилиш менга керак эмас. Мен бундан кўра ҳаёт менга берган нарсаларни халқим билан бўлишишни афзал кўраман».

Садио Мане,
«Ливерпуль» ҳужумчиси

«Авлиё Қайнона» ҳикоясининг муаллифи Зулфия Маҳмуд исмли аёл эканини етказишди бугун.

Менда муаллифи ҳақида маълумот бўлмагани боис уни тўғридан тўғри воқеа қаҳрамонининг ўз кундалигида ёзилган деб уни суриштирган эканман.

Муаллифни каналига кириб ижодини кузатишингиз мумкин @zulfiyamaxmudova

#ибрат

Қачонки уммат фикр юритишдан тўхтаса...

Ичимдаги дард, одамларга айтиб келаётган гапларимни Azon.tv да ҳам мултипликация тарзида хитоб қилишибди. Хуллас, кўришингиз шарт! Бошқаларга ҳам кўрдиришингиз шарт!

👉 @umarhalil 👈

Фотиҳа сурасининг 8D форматдаги версияси.

🎙 Мишарий ибн Рошид

👉 @umarhalil 👈

​​«Ислом» ҳақида

Тафаккур қилишни яхши кўраман. Энг севимли машғулотим. Роббим ҳам ўзининг дастурида ақл юритишга, тафаккур қилишга жуда кўп даъват қилган. Булар беҳудага бўлмаса керак, тўғрими? Диннинг номи нега «Ислом» деб аталиши ҳақида тафаккур қиламиз. Бу ҳаётнинг ҳамма соҳаси, муносабатлари бир бирига боғлиқ яратилган. Туғилишингда туғадиганга қарамсан, катта бўлишингда боқувчинга, тирик яшашингда овқат ейишга, таом учун пул топишга, маблағ учун ишлашга, меҳнат қилиш учун иш берувчига ёки маҳсулотингни ҳаридорларига боғлиқсан.

Исломнинг луғавий маъноси таслим бўлиш, Яъни Аллоҳнинг иродасига, унинг дастурига, йўлланмасига риоя қилиш учун таслим бўлишни англатади. Европа Ренессанс даври фалсафасида эркинлик, адолат, инсон ҳуқуқлари, ҳурлик каби ғоялар ҳақида назарий бахслар бошланган. Бу мунозаралар ХХ асрда жуда авжига чиқиб кенг тарқалди. Бу таълимотларнинг якуний хулосаси дин бу - эркинликнинг душмани деган тушунчани берарди. Бундай фикрлар ўз-ўзидан келмаган, албатта. Ўрта аср Европа ва Америка қитъасининг ҳукмрон дини Ҳристианлик деградация(бузилиш)нинг чўқисига чиққан эди. Тарихнинг мудҳиш саҳифасига айланган инквизиция, черковнинг мутлақ ҳокимтятни қўлга олиши, давлатни феодал мулкчиликда бошқарилиши, индулгенсия каби гуноҳларни «каффорат» қилиб бериш хизматлари одамларни фаровон ва адолатли турмушга бўлган иштиёқларини армонга айлантириб келган. Ҳуқуқлар писта пўчоқ бўлган бундай муҳитларда инқироз бошланиши аниқ эди. Юқоридаги фалсафий таълимотларнинг, ҳокимият назарияларининг майдонга чиқиши мана шу ҳаёт тарзига исён ўлароқ чиққан десам адашмайман. Саноат инқилоби даври ва Информацион даврга келиб динлар эркинликнинг катта душмани дея қараладиган ғоялар вужудга келди. Феминизм, инсон ҳуқуқлари каби ижтимоий-сиёсий ҳаракатлар инсонни диндан ҳоли концепсиясини яратиб олган.

Ислом динининг ҳам уларнинг қора рўйхатидан жой олишига сабаб, Ислом ҳокимият бошқарувида тўрт ҳалифадан кейинги уламолар кенгаши сайловининг туггатилиши ҳамда феодал ворисийликка, ҳокимиятни оилаларни ўзида мерос қилиниши, кейинчалик мусулмон дунёсида непотизмнинг авж олиши, яъни ҳокимият мансабларида қариндош-уруғчиликка эътибор берилиши мусулмон давлатларида адолат, инсоннинг ҳуқуқлари, таназзулини бошлаб берди. Динни англашда тафаккурдан кўра нақлнинг аҳамияти устун бўлиб кетиши оқибатида анча-мунча муросасиз тўқнашувлар рўй берди ва бермоқда. Мусулмонларнинг ўз айблари сабабли исломофобия деган ижтимоий-сиёсий ҳакарат юзага келди. Бу ҳаракатдан айрим сиёсатдонлар ричаг сифатида фойдаланяпти ҳам.

Мавзуни моҳиятини тушиниш учун бироз «ўтлаб» кеттик, энди ўзимизнинг гапга қайтамиз. Диндан ҳолиликни эркинлик, ҳурлик дея тарғиб қилиш, аслида бир одамни исломнинг қарамоғидан чиқариб бошқа «енага»нинг тасарруфига солиш холос. Динга эътиқод қилмаган одам ўзини эркин инсонман деб айта олмайди. У қайсидир давлатнинг фуқароси. Ўша давлатнинг ички қонунларига бўйсунишга, таслим бўлиб яшашга, ўша қоидаларга риоя қилишга мажбур. Айниқса, ҳозирги даврда ҳеч қайси жамиятдан айро ҳолда яшашнинг иложи йўқ. Икки давлат чегараси ўртасидаги бўш жой нейтралкада яшаши мумкин, лекин ҳеч ким хоҳламайди буни ))).

Цветофорнинг қизил чироғида тўхташга буюруқ олган одам, ҳарбий резервга давлат олдидаги бурчини бажаришга кетаётган фуқаро, фаолияти учун давлатга солиқ тўлаётган тадбиркор, пулсиз яшай оламан деган инсон биз эркин инсонмиз деб айтиши ҳақиқатга тўғри келмаслигини биласиз. Биз доим қайсидир дастурнинг риоясини қилиб яшашга мажбурмиз. Фақат, қайси дастурни танлаш ихтиёри ўзимизда. Ислом дастурини танлаган одам, Аллоҳнинг қонун-қоидалари бўйича яшаши керак. Шу билан бирга жамият дастурларига ҳам (давлат, ташкилот, муассаса в.ҳ) риоя қилиб яшашга мажбур. Якуний хулосам шуки, Ислом бу - Аллоҳнинг бошқарувига таслим бўлиш. Унга риоя қилиш. Мен мусулмонман деяётганингизда, Аллоҳга таслим бўлган инсон эканингизни унитманг.

Ушбу мулоҳазаларни ҳозиргина ҳовлимизда майдалаб ёғаётган ёмғир остида ёзиб ўтиргандим. Коронавирус туфайли табиат анча тозаланганини ҳис қилдим. Ўзингизни эҳтиёт қилинг, вақтингизни унумли ўтказинг.

👉 @umarhalil 👈

Каналимиз обуначиси бўлган бир синглимиз сийратга оид китоблардан ҳам жойлашимни сўрагандилар. Сийрат илми борасидаги энг илмий деб топилган манбалардан бири Сафиюрраҳмон Муборакфурийнинг «Ар-раҳойиқ ал-маҳтум» асаридир. Ушбу асардан юртимиздаги сийрат бўйича кучли мутахассис Абдул Азим Зиёвуддин ҳам ўзларининг «Сиз пайғамбарни кўрганмисиз?» деб номланган китобларини ёзишда асосий манба сифатида фойдаланганлар.

Ёқимли мутолаа тилайман 📖

👉 @umarhalil 👈