Instagramda tinimsiz give konkurs oʻtkazadigan bola bor. U bu ishi orqasidan katta daromad topadi va komfort maqsadlarini amalga oshiradi. Eng qizigʻi faqat givchining oʻzigagina katta foyda olib keladigan bu konkursning tekin xizmatchilari odamlarning oʻzi boʻladi. Yuz minglab odam faqat bir necha kishigagina yetadigan yutuq uchun konkursning murvatlari vazifasini bajaradi. Yana ham qizigʻi esa ana shu yuz minglab odam yutuq chiqadigan sanoqli odamlar qatorida boʻlishim mumkin degan ishonch bilan xizmat qilib beradi. Odamlar qanchalik koʻp boʻlsa yutuq chiqish ehtimoli ham shu qadar kamayib borishi aqliga kelmaydi. Eng yomoni esa boshqalarning sahifasini va shaxsiy chatlarini iznsiz shu kabi axlatlarga toʻldirib tashlashlari boʻladi. Bu givlarga ergashgan noshut olomon na yutuqqa erishadi, na savobga. Faqat boshqalarni bezovta qilgani qoladi xolos.

Mamlakatda sogʻlom aql qanchalik kamaysa, dangasa aqllarni tekinga oʻynatadigan aqllar chiqib kelaveradi. Agar talab boʻlmaganda, taklif ham boʻlmasdi. Ahmoqgarchilikni toʻxtatish mumkin - faqat qilmaslik bilan!

👉 @umarhalil 👈

​​Har qanday yomon maqsadlar yaxshilik ortiga berkinib keladi. Chunki, biror bir inson yomon niyatlariga birorta ham ishonch eshiklari ochilmasligini juda yaxshi biladi. Shu uchun yovuz maqsadlar yaxshilik qilish da’vosi bilan hayotingizga kirib oladi. Bunga tarix doim guvoh boʻlgan va boʻlyapti.

Xalqini aldab xorlikda qoldirganlar ham avval yaxshi da’volar bilan hokimiyatga kelgan. Bebaxt qizlarni koʻpaytirgan firibgar yigitlar ham avval yaxshi gaplar bilan ishonchga kirgan. Erlarning orini sindirgan xotinlar ham avval iboli koʻrnib hurmat qozongan. Kelinlarni qulga aylantirgan qaynonalar ham avval yaxshi va’dalar bilan koʻngil ovlagan. Sherikchilikni sindirganlar ham avval omonatdorlik qilib ishonch qozongan. Umuman insonning ichonchi oʻlishiga yomon maqsadlarning yaxshilik libosiga oʻralishi sabab boʻladi. Oqibatda ishonchi singan bu insonlar yaxshiliklarga ham negativ qarashga odatlanadi. Jamiyatda negativ munosabatlarning shakllanishiga yaxshiliklarning yomonlikka xizmat qildirilishidan kelib chiqadi. Chunki, hech bir razillik oʻz razolatini yalangʻoch holida namoyon qilmaydi, u albatta “yaxshilik” libosiga kiydiriladi.

Bunday vaziyatda nima qilish kerak ekanligi borasida ham darslarim orqali takliflar berib borishga harakat qilaman.

👉 @umarhalil 👈

Kuz. Maydalab yomgʻir yogʻishi. Soyabon, uchtasi birda issiq coffe, Yevropaning qadimiy koʻchalari. Bir juft hamroh. Yayov yurib hayot haqida suxbat.

Bu mening eng sevimli muhitim, sevimli lahza, sevimli kayfiyat, sevimli hislar, sevimli munosabat… 🌧️☔️☘️🕊️

👉 @umarhalil 👈

Berilib gapirayotganimda parcha videoga olib qoʻyishibdi. Yaxshi gaplar gapirgan ekanman 😌

(Nima uchun romantizm janridagi hikoyalarni oʻqishim haqida gapirayotgandim)

👉 @umarhalil 👈

Yalangʻochlik avrat hisoblanadi. Sababi uning ortidan fitna chiqadi. Bilimsizlik ham avrat hisoblanib, u ham fitnaga sabab boʻladi. Shunday ekan uni ilm bilan satr qilish shart.

👉 @umarhalil 👈

Toshkentdagi Avstriyaning IMC Krems universiteti talabalari men haqimda taqdimot qilishibdi va birinchilikni olishibdi. 🥳 🥳 🥳
Ukalarim va singillarimni tabriklayman!

Anaqa, agar yaxshi baho kerak boʻlsa kelovraslar 😎 😎

👉 @umarhalil 👈

#YUMOR

Hech qanday internet yoʻq, telefon yoʻq.. Hamma hayotning oʻzidan zavq olib yashayotgan davrlar 😂

©️ Abdulaziz Saidalixanov

👉 @umarhalil 👈

Siz eshitgan va ba'zilar eshitmagan islomiy muhabbatga to'la bo'lgan Xurshida Xurramovaning Bir Muhabbat Qissasi nomli hikoyasi. Omar Xalil ijrosida. Endi to'liq holda youtube sahifamizda.

Havola: https://youtu.be/ykiuCfRsNrE 👈

Siz eshitgan va ba'zilar eshitmagan islomiy muhabbatga to'la bo'lgan Xurshida Xurramovaning Bir muhabbat qissasi nomli hikoyasi. Omar Xalil ijrosida.

@Umarhalil | 🎧

Bachkanalik va sa’viyasizlikka olib keluvchi pozitivlik

Odamlarda muammo va tashvishlarni oqilona hal qila olishga na qonuniy, na huquqiy, na diniy asoslar ishlamayotganda ularning ichki psixik inqirozi kuchaya boradi. Endi bu pessimistik vaziyatdan olib chiqadigan yagona yoʻl pozitiv kayfiyatga oʻzini yoppasiga urish boshlanadi. Tabiiyki, bunday kontentga talab oshishni boshlagandan keyin ijtimoiy tarmoqlar bachkana qiliqlar va beldan past hazil qiluvchilarga toʻlib toshadi. Tomoshalarning millionlagan oqimi shu kabi masxarabozlik koʻrsatuvlarga yoʻnaladi. Ular esa bu talabdan oshigʻi olchi boʻlganday yanada shuxrat va boylik orttirishadi. Hozirgi kunda jamiyatimizdagi shuxrat va boylik topayotgan tiktoker yoki vaynerlarga boqsangiz oʻsha shuxrat va boylikka koʻmilish evaziga oʻz millionlagan tomoshabinlariga faqat bir narsa - pozitiv kayfiyat yedirayotgan boʻlishadi. Oqibatda intellektuallar talabsizlikdan kasodga uchrab oʻzini boshqa ishga urgan yoki chet mamlakatlarga chiqib ketishidan oʻzga chorasi qolmaydi. Oqibatda bachkanalik va jinnilikni tomosha qilaverib qoʻllab quvvatlagan shu avomning oʻzi axloqsizlik urchigani, sa’viyasizlik koʻpayganidan taajjubga ham tushib qoʻyadi. Tashvishlardan vaqtinchalik qochishga urinilgan bu pozitivlik huddi demidrolga oʻxshab ta’sirini yoʻqotishni boshlaydi. Ta’siri tarqab yana oʻsha tashvishli hayotga roʻbaro kelganida koʻzlarni katta ochib reallikni tan olishga majbur boʻladi. Toki har bir shaxs mas’uliyat bilan huquqiy millat boʻlishga oʻzida jur’at topmas ekan, aldamchi pozitiv kontentlar, treninglar, kouchlarni bor puli bilan sugʻorib yuraveradi. Badalini esa dorining ta’siri tugagandan soʻng hazm qilishiga baribir toʻgʻri keladi.

👉 @umarhalil 👈

Jur’atli boʻla boshlaganimdan keyin hayotim oʻzgarishni boshlagan.

Orzu-istaklar, maqsad va gʻoyalar roʻyobga chiqishi uchun birinchi qadam jur’atdan boshlanadi.

Omar Xalil

👉 @umarhalil 👈

Taqdimot boʻlib oʻtadigan “Mezana ilm markazi” geolokatsiyasi

👆👆👆👆👆