#YANGILIK

Bugun sizlarni xushnud qiladigan yaxshi xabarimni e’lon qilish fursati keldi. Tez kunda ovozlashtirilayotgan yangi audiokitobni taqdim etishni boshlaymiz. Ushbu asar qahramoni mening sevimli kumirim, hazratim Abu Bakr Siddiq boʻladilar. Ushbu ishga homiylik qilayotgan, oʻzidan sadaqayi joriya qoldiraroyatgan, ilmni qoʻllab quvvatlab tarixda iz qoldirayotgan birodarimizni ham duolaringizda eslab qoʻyishingizni iltimos qilardik. Va mana shunday ilmga sarmoya qiladigan joʻmard millatdoshlarimiz koʻpayishini tilab qolamiz.

👉 @umarhalil 👈

Meni bir narsa oʻylantiradi 🤔

Nima uchun shirin va yoqimli hidlar havoda koʻp turmaydi. Atrofdan tez tarqalib ketadi.
Lekin, sassiq va achqimtil hidlar havoda koʻp saqlanib turadi. Hatto bir necha kun ketmaydi.

Masalan, uyimiz binosidagi liftga necha marta tushgan boʻlsa yoqimli hidlar qaytib kelgunimcha uzogʻi bilan 2 soatdan keyin yoʻq boʻladi. Bir kuni kimdir achigan qaymoq bilan liftga kirgan ekan. Sassigʻi 3 kun turdi va chiqqan odamni azobladi. Nega shunaqa a? 😁

👉 @umarhalil 👈

​​Men falastinliklarning vatanparvarligiga qoyil qolaman. Yarim asrdan ziyoda vaqt davomida Isroilning bosqinchiligiga qarshi kurashdan toʻxtamaydi. Yarim asrlik zoʻriqish, mislsiz talofotlar, yoʻqotishlar, qurbonlar, qashshoqlikka qaramay falastinliklar oʻz yerlari va muqaddasotlari uchun kurashdan aslo toʻxtagan va magʻlubiyatni boʻyniga olgan emas.

Qaniydi oʻzbeklarda ham mana shunday joʻmard vatanparvarlik boʻlsa, mana shunday metin iroda boʻlsa. Bir oʻzbek Putin bizni boqadi desa, biri biz Rossiya panohiga kirishimiz kerak deydi. Biri Xitoyning kirib kelishidan xavfsirasa, biri Xitoyning kelishidan faqat manfaat borligini ustun koʻradi. Biri esa bizni taqdirimiz umuman qiziqtirmagan AQSHni yoʻlchi yulduz deb biladi.

Bundan ikki yilcha avval Kamolon mahallasidagi rus bosqinchilarining xotirasiga oʻrnatilgan chesovnikni hukumatimiz ta’mirlab berganida bu xalqning tuki qimirlamagandi. Holbuki, oʻsha askarlar Toshkent ximoyasiga chiqqan bizning otalarimiz va onalarmizni oʻldirgan edi.

Suratda kuni kecha Gʻazo sektoridan Isroilga javoban otilgan raketa hujumlari va Isroilning temir gumbazining samodagi koʻrinishi aks etgan.

Yaqinda Koreya kinoijodkorlari tomonidan ishlangan “Men taxi haydovchisiman” deb nomlangan filmni koʻrib tugatdim. Unda Gvanjou xalqining harbiy diktaturaga qarshi qoʻzgʻoloni aks etadi. Shu epizodda bir namoyishchi bolaning gapi yodimda qoldi.

“Umrim oxirigacha birovning irodasiga qul boʻlib yashagandan koʻra, bir kun oʻz irodam bilan halok boʻlganim afzal”

Falastin xalqiga xayr va ofiyat tilayman. Xulosani oʻzingizga qoldiraman.

👉 @umarhalil 👈

Bolaligim oʻsgan mahallada suv artezianlari koʻchalarda aqlimni taniganimdan beri oqib yotadi. Aslida undan ham avval mavjud boʻlgan. Oʻzim bilganim chorak asrdan beri oqib yotgan chuchuk suvning qanchasi shunchaki ariqqa oqqani va shunchaki tomorqalarga ishlatilgani tasavvur qilishga ham qoʻrqaman. Dunyoda suv tanqisligini bilganimdan keyin oʻsha artezianlarni yoʻl-yoʻlakay oʻchirib yuradigan boʻlgandim. Lekin, koʻpchilikning bunga befarqligi koʻngilni tashvishga solaverardi. Bugun oʻsha tashvishlar jiddiy havotirga ham olib kelibdi.

👉 @umarhalil 👈

Inson qanchalik kam bilsa, shu qadar notoʻgʻri fikrlaydi. Xato fikrlar notogʻri qarashlarni shakllantiradi. Notoʻgʻri qarashlar notoʻgʻri hayot tarzini yaratadi. Notoʻgʻri hayot tarzi noʻtoʻgʻri xulosolarga olib keladi. Notogʻri xulosalar oʻzini va boshqalarni asllikdan uzoqlashtiradi, adashtiradi.

Omar Xalil

👉 @umarhalil 👈

Birovlarga zulm qilayotgan boʻlsang, bunga meni majburlashdi, ota-onam shunday talab qoʻyishdi, rahbar shuni buyurdi, oʻshanda vaziyat shunaqa edi degan vajlar oʻtmaydi. Har kim oʻzi javob berishini yodimizda saqlashimiz kerak.

👉 @umarhalil 👈

Қўлида яхши даромад келтирадиган ҳунари ёки билими бўлмаган одам оғир мехнат қилса ўзи айбдор. Лекин, қўлида гулдек ҳунари ёки юксак билими бўла туриб камдаромад ва оғир мехнат қилишга мажбур одамни кўрсангиз бунга жамиятнинг ўзи айбдор бўлади. Чунки, мамлакат бундай кадрларга етарли шароит ва яхши маош тўламагани оқибатидан юзага келади. Қийинчиликдан нолиганларнинг ҳаммасининг ҳам оғзига ношукур деб уришдан тийилиш лозим. Сабаби, айрим нолалар ўзимизнинг зулмимиз ва лоқайдлигимиздан келиб чиқади. Зотан зулмга шукр қилишга танбеҳ бериш адолатсизликка шароит яратиш. Бу эса Парвардигорнинг фарзи аъйнига нисбатан ақлсизларча қилинган қарши юришдир. Мўмин киши ҳар нарсада олтин ўрталикни топишга интилиши, ҳатто гапиришда ҳам нимани, қаерда, қайси ўринда, қай даражада гапиришнида фаросат билан бажариши лозим.

👉 @umarhalil 👈

​​НОНКЎРЛИК...

Туркиядаги Ўзбек аёлларининг ҳуқуқларини ҳимоя қилиш жамияти асосчиси Озода Исломова:

— Ишимизда нохуш ҳолатлар ҳам бўлиб турадими? Ҳа, афсуски, бор бундай ҳолатлар. Бир воқеани айтиб берай: бир аёл бемор бўлиб Истанбулдаги касалхонада даволанди. Узоқ муддат даволанишдан сўнг касалхона 108 минг доллар ҳисоб чиқариб берди. Табиийки, у аёлда бунча пул йўқ. Биз касалхона раҳбарияти билан, ундан юқори ташкилотлар билан мулоқотга киришдик, консулхона ҳам бу ишга аралашди ва узоқ музокалардан сўнг Туркия томон ватандошимизни касалхонадан чиқариб юборишга кўнди. Тасаввур қиляпсизми, Туркия томони 108 минг долларнинг баҳридан ўтди. Бунга эришгунча озмунча ҳаракат қилмадик. Аёлни Ўзбекистонга кузатиш асносида шунақанги шармандали иш бўлдики, асти қўяверасиз.
Касалхонадан чиқар кунимиз етиб бордим, самолётгача кузатиб қўйишим керак. Бир пайт касалхона эшигидан чиқаётганимизда детектор ишлаб кетди, дарров қўриқчилар етиб келишди, аёлнинг юкларини текшира бошлашди. Не кўз билан кўрайки, ватандошимизнинг сумкаларидан касалхонага тегишли чойшаблар, матолар чиқиб кела бошлади. Ҳар бир сумкани очишганида ўғриланган ашёлар чиқди. Ер ёрилса-ю, кириб кетсам!
Менга ҳам ўша жиноятнинг шериги сифатида қарай бошлашди. Полиция чақирамиз, қамаймиз, дейишяпти, мен буёқда ялиниб ёлворяпман: “Илтимос, ундай қилманг, бу аёл ватанга қайтиши керак, самолёти учай деб турибди”, дея. Тиз чўкмаганим қолди, холос. Энг ёмони биласизми нима? Рация орқали “ўзбек ватандоши ўғрилик устида қўлга тушди”, дея хабар беришаётганида адойи тамом бўлдим. Ватаним, миллатим учун уялдим, хўрлигим келди. Ўзи Туркия томони комада ётган ўша аёлни оёққа турғизиб берди, 108 минг доллардан кечиб турибди, нега ўғрилик қилади ахир? Шу аёл хасталиги вақтида бошидан охиригача ёнида туриб берган бизни, консулхонани, ватандошлари шаънини ўйласа бўлмайдими? Шуми марҳаматга жавобан раҳмат?


Инсонни паразитга айланишига ҳаётий мисол бу. Диёнатсиз ҳаёт тарзи, эътиқодга кўра яшамай, яшашига кўра эътиқод қилишнинг натижаси. Жуда таассуфдаман (((

Agar qiz oʻzini yigitning oyogʻi ostiga tashlamasa, yigit ham uni oyoqosti qilolmaydi. Ya’ni, nikohdan avval yigitlarga kelajagini, qoʻlini va tanasini topshirish nasiyaga olingan poyondozdir. Sababi, yigit kishi hech qachon nikohini zinoning ustiga qurishni istamaydi. Siz esa shunchaki koʻngilxushlik qurboni boʻlib qolaverasiz. Nikoh - bu avvalo qiz bolaning sugʻurtasidir.

Omar Xalil

👉 @umarhalil 👈

Qadriyatlarga boy maskanda, sizning talablaringiz ila yangi mavsum start olmoqda!

💡 Kompas Liderlar akademiyasida qabul boshlandi. Bu yerda siz:

- Siyosiy savodxonlik;
- Notiqlik san'ati;
- Oilaviy munosabatlar;
- Moliyaviy bilimlar;
- Shaxsiy rivojlanishda odobning o'rni va yana bir qator kerakli bilim hamda tajribalar bilan tanishtirib borilasiz.

Eng muhimi, siz akademiyada tahsil olganingizdan so'ng jamiyat uchun kerakli lider bo'lib yetishasiz!

🔥 Kompas Liderlar akademiyasining navbatdagi mavsumiga yozilish uchun ro'yxatdan o'ting va biz bilan hoziroq bog'laning!

☎️ +99855-500-71-71

📩 Telegram: @Manager_kompas

👉🏻 Ro'yxatdan o'tish uchun havola

🧭 Kompas Liderlar akademiyasi - o'ziga xos qadriyatlarga asoslangan ta'lim tizimi!

Telegram | Instagram | YouTube

Aziza Umarning yozishicha, 3 yoshli qizaloqning onasi Turkiyaga ishlash uchun ketadi. Qizni esa oʻz holasining qaramogʻiga qoldiradi. Bola tinimsiz kaltaklanib kelishi oqibatida oʻlib qolgan.

Kuchsiz va ojiz bolalarning zulm kaltagi ostida qolib nobud boʻlishi bilan bogʻliq xabarlarni eshitsam yuragim yorilib ketay deydi. Koʻzlaring ostida moʻltirab qarab turgan, jajji qoʻlchalari bilan oʻzini ximoya qilishga urinayotgan, har bir kaltakning ogʻrigʻidan nola qilib ingrab yigʻlayotgan ojiz bolani oʻldirar darajada kaltaklash uchun boshda turgan miya qay darajada, nima sabablar bilan bu qadar chirigan boʻlishi mumkin? Bunaqa vaxshiyga aylanish motivlari nimada?

Bundan avval kasalxonada chaqaloqni siltab urayotgan ayolni koʻrib ham etim uvishib ketgandi. Endi bunisi boʻlsa bira toʻla oʻldirib ham qoʻyaqolibdi. Aziza Umarning berayotgan takliflarini davlat siyosati darajasida amalga oshirilishi tarafdoriman. Diyonatli insonlarning jamiyatdagi vazifasi, zolimlarni tiyib turish, mazlumlarni ximoya qilishdir.

Bugun “Hadicha onalar klubi” taklifi bilan “Tashtermal” sanatoriyasiga keldim. Suratdagi tosh ichidagi joʻmrak yer tagidan chiqadigan tabiiy issiq suvga ulangan ekan. Aytishlaricha, sanatoriya 10 yil davomida “Hydrolife” kompaniyasi asoschisi tomonidan qurilibdi. Juda koʻrkam, komfort, toza klimat, zamonaviy dam olish va sogʻlomlashtirish markazi boʻlibdi. Inshaalloh, otamiz va onamizni shunday maskanlarga yuborish hamda ularga shunday xizmat koʻrsatishni nasib qilsin.

Shu bilan birga tashkilotchilarga minnatdorchiligimni aytib qolaman.

👉 @umarhalil 👈

Nima uchun xalqda dindorlik rivojlansa ham, jamiyatda musulmonlar koʻp boʻlsa ham yomonliklar kamayish oʻrniga koʻpayib bormoqda degan savolga javobim:

Sababi biz bir birimizning oldimizdagina Allohga itoat qilamiz, lekin hech kim koʻrmaganda xohlaganimzni qilamiz.

Oʻzimizni koʻrsatishimiz dindorlik rivojlanayotgandek taassurot bersa, maxfiy ishlarimiz yomonliklarga doya boʻlaveradi.

👉 @umarhalil 👈

Rosululloh sollallohu alayhi va sallamni sogʻinganlar uchun she’riyat boʻstoniga sayr qilamiz.

👉 @umarhalil 👈

Шайх Абдулҳамид Кишк раҳимаҳуллоҳдан (1996 йил саждада вафот этган олим):

- Нега сиз Миср матбуотининг меҳмони бўлмайсиз? - дея сўрашди. У киши шундай жавоб берди:
- "Аллоҳнинг Каломини ҳожатхонада* гапирилмайди".
============================
* Миср матбуоти фиръавнона зулми, мусайламача ёлғони билан номи чиққан.

@MubashshirAhmad

Biri ayolini boʻgʻizlagan, biri ayolining jasadini mashinasida ikki kun saqlab yurgani haqidagi xabarlar 3 kundurki na miyamda, na qalbimda halovat qoldirmayapti. Yaxshilab e’tibor beringlar, borgan sari vaxshiylashib boryapmiz. Na hayvonlarga, na odamlarga rahm-shafqat hissimiz kelmay qoʻyyapti. Oʻz yaqinlarini oʻldirib yubora oladigan darajada radikal vaxshiyga aylanib boryapmiz. Davlatning bosh vazifasi kuchlilarni tiyib turish, kuchsizlarni ximoyalashdan iborat. Hozir davlat jamiyatda adolatni ta’min etish bilan jiddiy shugʻillanmasa, kuchlilar zaiflarni oʻldiraversa, xoʻrlayversa, oqibatda koʻzi qonga toʻlgan, zulmdan zada boʻlgan ultra radikal kuchlar tugʻilishni boshlaydi. Ularni nafrat va alamdan boshqa mezonlari boʻlmaydi. Ular keyin xoʻl-u quruqni baravar yakson qiluvchi guruhlarga aylanadi. Axborot erkinlashib ketgan bugungi kunda odamlarni har kuni oʻlimlar, jinoyatlar, oʻgʻriliklar haqidagi axborotlarni tinimsiz qabul qilishi ortida va eng xavflisi bu jinoyatlarga insonlar koʻz oʻngida adolatli jazo berilmasligi jamiyatda radikal kayfiyat va munosabatlarni shakllanishiga olib keladi. Ayrimlarda hatto oʻlim jazosini, kerak boʻlsa ommaviy qatl bilan boshqalarni tiyishga chaqirish talablari chiqayotgani bejizga emas. Odamlar orasida nima ziddiyat chiqsa uni insoniy prinsiplar asosida hal qilishni oʻrniga, oʻldirish bilan yechim qilinmoqda. Bu daxshat, bu fojea!

👉 @umarhalil 👈

​​Prioritetni toʻgʻri belgilab olish boʻyicha fasohatli va sodda ifodali mem ekan. Hayotingizdagi prioritetni notoʻgʻri belgilash hayotingizni tartibga solishni oʻrniga izdan chiqaradi. Masalan, sizni prioritetingiz nima qilib boʻlsa ham mansabdor boʻlish, keyin jamiyatni isloh qilishni oʻylab harakat qilsangiz jamiyat battar ahvolga keladi. Sababi prioritet notoʻgʻri! Mansabdor boʻlish avval emas, keyingi ish. Mansabgacha boʻlgan davrda siz oʻzingizda halollik va omonatdorlikni, bagʻrikenglik, muloqot madaniyatini oʻzlashtirishingiz kerak. Ana shundan soʻng mansab navbati kelishi lozim. Mansabgacha boʻlgan xususiyatlar oʻzlashtirilmasdan kursiga oʻririlsa ham oʻzini, ham boshqalarni hayotiga zarar olib keladi.

Jamiyatimizda inson oʻzining xulq-atvorini toʻgʻirlash va fazilatlarini shakllantirib olishdan avval, pul koʻpaytirib olish va yaxshi yashash uchun komfort qilib olishni ustuvor hisoblaydi. Natijada, bularga erishishda halol-haromga, birovning haqqiga rioya qilmaydi. Bular ikkinchi darajali ish boʻlib qoladi. Birinchi oʻrinda mol-mulkka ega boʻlish muhimroq boʻladi. Bunday nosogʻlom prioritet bilan boy boʻlgan odam esa, keyinchalik halol-harom, toʻgʻrilik haqida tushunchalarni oʻzi bilan bogʻlab gapiradigan boʻlib qoladi.

Hayotingizni toʻgʻir kompas bilan belgilab oling. Hozirgi turmush tarzingizni va pozitsiyangizni qayta koʻrib chiqing, taftish qiling. Prioritetlaringiz toʻgʻri qoʻyilgan yoki qoʻyilmaganini aniqlab chiqing.

👉 @umarhalil 👈