Alloh bir bandani sevsa Jabroil alayhissalomga ham uni sevishni buyuradi. Jabroil ham samo farishtalariga oʻsha bandani sevishlarini aytadi. Natijada butun koinot ahli oʻsha bandaga muhabbatli boʻla boshlaydi. Parvardigorimning muhabbat nazari mening nifoq toʻla qalbimga tushib uni poklashidan umidvorman. Boyazid Bistomiy hazratlarining tabirlari bilan aytganda, mening Allohim deyishim hech narsani hal qilmaydi, magar U bandam demasa.

👉 @umarhalil 👈

IJTIMOIY ODOBLAR

Birovning eshigiga borganingda taqillatmasdan turib eshik ochib uyga qarama. Chunki uy ahli qanday vaziyatda ekanini bilmaysan. Ularni uyat va hijolatga qoʻyish odobsizlikdir.

Mehmondorchilikka borishdan avval doim uy egalarini ogohlantirgin. Ular charchagan, endi dam olgan yoki safarga otlanib boshqa rejalar qilib qoʻygan boʻlishi mumkin. Toʻsatdan kutilmagan mehmon boʻlib kelish ularni noqulay vaziyatga solib qoʻyishi mumkin.

Agar koʻchada yurishing jamoat transportida yurishni taqozo qilgan boʻlsa, koʻchaga ozoda va xushboʻylanib chiq. Noyob “ifor”lar bilan boshqalarni qiynama. Shunchaki, oʻzinga ravo koʻrmagan hidni boshqalarga ham ravo koʻrma. Oʻzingdan nafaqat yaxshi nom, balki yaxshi hid qoldirishing ham muhim hisoblanadi.

Ijtimoiy tarmoqda biror odamga savol yoʻllamoqchi boʻlsang qisqa va loʻnda qilib bitta matnda murojaat yubor. “Assalomu alaykum”ni yozib qachon alik olsa keyin savol beraman deb homtama boʻlma. Uni vaqtini hurmat qil.

Hozircha, shularga rioya qilib tur. Qolgan odoblarni izohlarda ham yozishadi )))

👉 @umarhalil 👈

Aqli yetmagan masalada negativ munosabat qilib trolling va gazlayting qiladiganlarni e’tiborsiz qoldiraman. Sababi, bu dunyoda pashshaning ham oʻz vazifasi boʻlgani kabi, negativchilarning ham oʻz vazifasi bor. Har bir mavjudot tabiatiga koʻra ish koʻrsatadi. Men maydakashlarga ham samimiy tilak bildirib qolaman. Ularga katta ishlarga yetadigan aql ber, Allohim. Ular bu dunyodan pashsha kabi gʻongʻillab oʻtib ketishmasin, ortlaridan katta ishlar qoldiradigan odamlarga aylanishsin.

Omar Xalil

👉 @umarhalil 👈

SABR HAM MEDAGA TEGADI, QACHONKI NOOʻRIN VA NOTOʻGʻRI TATBIQ QILINSA

Sabrning loʻnda ta’rifi va talqinini quyidagi misolda koʻrsatib beraman:

Oilangizda yetishmovchilik yoki nochorlik yuzaga keldi. Mana shu vaziyatda bu yetishmovchilikning sabablarini izlash hamda oʻrganish bu - aql yurgizishdir. Sabablar turfa xil boʻlishi mumkin:

1) hukumatdagi oʻgʻriliklar tufayli iqtisodiy tanazzul ta’siri ostida mexnatga kam haq toʻlanishi va narx-navoni koʻtarilishi;
2) molingizga xiyonat qilinishi yoki tunab ketilishingiz;
3) Favqulodda baxtsiz hodisa tufayli katta qarzga kirib qolishingiz.

Sabablar aniq boʻlgandan soʻng esa bu illatlar yohud favqulodda hodisaga nisbatan chora koʻrish boshlanadi - bu tavakkuldir.

Agar sabab hukumatdagi oʻgʻriliklarga bogʻliq boʻlsa, mansabdorlar halolikka chaqiriladi yoki ularga chora koʻrish talab etiladi.

Agar molga xiyonat yoki ogʻrilik boʻlsa, xoyinni jazoga tortishga, oʻgʻrini ushlashga atrofdagilar koʻmaklashishi lozim boʻladi hamda zarar qoplatiladi.

Agar favqulodda baxtsiz hodisa roʻy bersa atrofdagilar qoʻllashi kerak boʻladi yoki qoʻllashga imkoni boʻlmasa, shu ishga qodirlarga dalolat qilinadi.

Qachonki, mana shu ishlar amalga oshmasa va atrofdagilar yordam bermasa, hech kim oʻzini isloh qilmasa ana shu pallada musibat egasi sabr bosqichiga keladi. Sabrdan murod esa u endi oʻz e’tiqodi va prinsiplarida garchi zararga boʻlsa, turib bera olishiga aytiladi. Ya’ni, harom va aldov yohud oʻgʻrilik bilan chorasizlikdan chiqishga imkon boʻlganda oʻsha yoʻlarni tanlamaydi va oʻz e’tiqodida sodiq turadi. Sabrning maqsadi va vazifasi ayni mana shundan iboratdir.

Taassufki, sabrni nooʻrin talqin qilish bilan nizom buzilishi guvohi boʻlaman. Birov birovga zulm qilsa, zulmni oldini olishga mas’ul boʻlgan koʻpchilik (jamoat) mazlumga sabr qil deyishdan nariga oʻtmasligi, nochor odamga amaliy yoki dalolat qilishni oʻrniga ogʻzaki sabr qil deyish bilan cheklanib tomoshabin boʻlinadi. Zotan, mazlum sabr qilayotgan paytda atrofdagilar shu sabr davrida unga yordam chorasini qilishi shart boʻladi. Jamoat uni sabr davridan beziyon olib chiqib ketishi lozim boʻladi. Biroq, ahvol buning teskarisi.

Hazrati Umar roziyallohu anhu haqlaridagi kinofilmdagi bir epizod chuqur diqqatimni tortdi. Unda bolalari atrofida yigʻlab oʻtirgan va qozon kavlayotgan ayol yonidan Xalifa Umar oʻtib qoladilar. Shunda bolalarni nega chirqillashyapti deb soʻraganlarida, ayol ularni qorni och deb javob beradi. Xalifa qozondagi nima degan savoliga ayol suvni qaynatib qozonni taraqlatib bolalarni aldab tinchlantiryapman. Zora shu bilan uxlab qolishsa deb javob beradi hamda Xalifa Umarni Alloh jazosini bersin deb duoibad qiladi. Shunda yonidagi mulozim ayolni urishmoqchi boʻlganda, xalifa uni toʻxtatadi va ayolga u seni holingdan bexabar boʻlsachi deb savol beradi. Ayol esa bizga bosh boʻla turib bexabar boʻlsa? deya gapini tugatadi. Shu yerda Umar roziyallohu anhu ayolga sabr qil demadilar, hali yaxshi boʻlib ketadi deb quruq va’dani bermadilar yoki noshukurmisan, sendan battarlar ham borku deb jerkimadilar. Ul zotning oʻzlari baytulmolga borib ayolga don olib kelib berdilar. Qilishlari lozim boʻlgan ishni shunchaki bajardilar. Chunki, ular shariatni toʻgʻri talqin qilishardi, sabr va shukurni ham oʻz oʻrniga qarab joriy qilishardi. Bu narsalarni nooʻrin joyda tatbiq qilib vazifalaridan boʻyin tovlamadilar yoki bu shiorlarni suiste’mol qilmadilar. Shu uchun ham ikki Umar davri odillik davri boʻlib tarixga kirdi. Ular shariatdagi nazariyani togʻri tatbiq qildilar. Mazlumni ogʻzini noshukurlik bilan yopmadilar, nochorni sabr qil deb koyimadilar. Balki, ularni mana shu ahvolga solgan odamlar va vaziyatga amaliy chora koʻrdilar. Shu uchun ham bu shiorlar oʻz xususiyatini yoʻqotmadi. Biz ham bu shiorlarni toʻgʻri talqin qilsak, butun mamlakat boʻlmasa ham, oʻz atrofimizda adolatni yoya olgan boʻlardik.

Shuni unitmaslik lozimki, sabrsizlik qachonki, oʻz e’tiqod va prinsiplaridan kechishni boshlaganda yoki vaziyatni battar izdan chiqarganda yuzaga chiqadi.

👉 @umarhalil 👈

Kimning dardini eshitsang hamma oʻzini mazlum deb hisoblaydi. Huddi zolim yoʻqdek. Koʻngilxiraliklarning kengayishi va tugamasligi ham shundan. Chunki, har birimiz oʻzimizga yetgan zulmni zikr qilamiz, oʻzimiz yetkazgan zulmni emas.

Omar Xalil

👉 @umarhalil 👈

Sevgi yoʻq bu dunyoda deb yozgʻirayotgan ayrim ayollar va erkaklarning gaplariga koʻzim tushib qoladi. Ular muhabbatlariga munosib javob ololmagan yoki xiyonatga uchraganlaridan ham alamzada boʻlib shunday deyishadi. Tarixini surishtirsangiz ikkisi ham bir paytlar oshiq-u beqaror boʻlgan boʻlib chiqadi. Oxiri xayrli boʻlmagani uchun ham endi inkor qilib oʻzlarini ovutishadi. Goʻyoki, suv ichib chanqogʻi qonmagan odam suvni inkor qilganidek 😊

Sevgi faqat Allohga, bandalargamas deydiganlarga Hazrati Navoiy ushbu mazmundagi javobni aytib ketishgandi. Allohga muhabbat uning yaratiqlarini sevish bilan komil boʻladi. Yaralmishlarni sevish orqali muhabbat pillapoyalaridan Haq ishqiga chiqiladi. Ya’ni, bandalarga boʻlgan muhabbat Allohning muhabbatiga olib chiqadigan bosqichlardir. Zamindagi bir koʻngilni sevolmagan qalb, Oliy zotga oshiqlikni da’vo qilishi bekordir. Zotan, Onam bergan hadya onam berganligi uchun ham sevimlidir. Yaralmishlar Yaratuvchinikini bilgan koʻngil ularga muhabbat qoʻymasmi )

👉 @umarhalil 👈

Mahramiyat: me’yor va gʻuluv

Ayol-qizlaringizni oʻqiting, jamiyatda faol boʻlishlariga sharoit yarating. Me’yorini ushlang; hayosizlarni koʻrib gʻuluvga ketmang, alamzadalarni koʻrib iffatdan kechmang.

👉 @umarhalil 👈

Bu fotoshop yoki grafik dizayni emas. Bu Yulduzning “tugʻilishi” jarayoni Jeyms Uebb teleskopida olingan kechagi suratlardan biri. Bu haqda oʻtgan yili yozgandim. Yuqori texnologiyali teleskop Allohning moʻjizasini asl variantda tomosha qilish imkoniyatini berdi.

Manba: Nasa milliy aeronavtika sahifasidan olindi

👉 @umarhalil 👈

Oʻzinga ravo koʻrgan yaxshilikni boshqalarga ham ravo koʻrayotgan boʻlsang, bu insoniyliging borligidan. Boshqalarga ravo koʻrayotgan tanqidlaringni oʻzinga ham ravo koʻrayotgan boʻlsang, bu vijdonli ekaningdan. Bozordagi mevalarning sarasini oilanga tanlab olayotgan boʻlsang, bu oilaparvar ekaningdan, miyangdagi soʻzlarning yaxshilarini odamlarga tanlab soʻzlayotgan boʻlsang, bu oqil ekaningdan dalolatdir. Mobodo bularning teskarisi boʻlsa, sen iblisga aylanayotganingdan darakdir.

👉 @umarhalil 👈

Ummatning yaxshilari ahli oilasiga mehr-muruvvatli boʻlganidir.

Qizlarning koʻngli shisha kabidir. Ularni sindirib qoʻyishdin saqlaning.

👉 @umarhalil 👈

Ijodiy va hayotiy faoliyatim davomida birorta yupun yoki xulqi yomon qizlarni haqorat qilmadim. Ularga yopishib olib, aksariyat doʻzoh ahli ayollardir, qizlarimiz buzilib ketdi degan sharmandali ayblovlar tamgʻalab kelmadim, ularni birortasining kiyimiga osilmadim. Mening yoʻlim odamlarni qoralash, gʻiybat qilish bilan amalga oshirilmaydi. Men oʻz oldimga islomni koʻngillarga muhabbat bilan ekishni maqsad qilib olganman.

Bir necha oy oldin menga maktabda o’qiydigan bir ukamiz sinfdagi qizlarimizning deyarli hammasi axloqan buzilib ketayotgani va bundan qattiq tashvish qilayotganini yozgandi. Shunda oʻqigan hikoyalarimizni eshittirib boravering. Shoyad, yaxshilikka undar degan ma’noda javob bergandim. Bugun oʻsha ukamiz sinfdagi 90% qizlar hijoblanganini, qolgan 9% foizi esa axloqan yaxshilanganini aytib minnatdorchilik bildirib yozibdilar. Bu Parvardigorimning fazli. Shayh Muhammad Gʻazolliy aytganlaridek, agar urugʻ toʻgʻri ekilsa, u biz istagan hosilni berishni boshlaydi.

👉 @umarhalil 👈

​​Instagram directimga va telegram botga kelayotgan murojaatlar ichida beva ayollarni va muslima qizlarni ishontirib, umid berib, aldab ketayotgan yigitlar va oilali erklar haqida ma’lumotlar kelib turadi. Eng achinarlisi shuki, bunday kaslar ayollarning ishonchiga yoʻlni din va taqvodorlik qiyofasida kirib borayotgani. Sodda zehniyat, mahramlik chegarasini bilmaydigan qizlar va ersizlikdan erkakka muhtoj boʻlgan beva ayollarning nozik tomonidan koʻngliga kirib oladigan nafsi buzuq odamlarning kasridan gullarning qurib chirishiga olib kelinyapti. Anavi nafsi buzuq qilib boʻlgan ishidan keyin, anavi laqma gullarni axlatga uloqtirgandek tashlab ketyapti. Ayb mana shunday aldanishga moyil laqma gullarda ham, nafsi buzuq munofiqlarni tiyib turadigan kuchning yoʻqligi ham bu manfur ishga imkon beryapti. Bu kabi murojaatlar bilan directim yetarlicha toʻlgan. Bu meni oʻzimgina bilganlarim xolos. Hali oshkor boʻlmagan, aytilmaganlari qancha?

Shu munosabat bilan hali oila qurmagan singillarimiz va beva ayollarga mahsus va bepul boʻlgan, oʻz ichiga nasihat, yoʻl-yoʻriq, psixologik xushyorlik, yolgʻonni aniqlash taktikasi kabi hayotiy zarur mahorat darsi oʻtib berishni niyat qilib turibman. Agar buni sizlar ham zarurat deb bilsangiz, izohlar boʻlimiga xayrixohligingizni yozib qoldiring. Talabga qarab oʻylab, tayyorlanib, reja qilishni boshlayman.

Yigitlar bilan esa alohida gaplashamiz. Ukalarimiz va akalarimizga ham aytar soʻzimiz koʻp.

Hurmat bilan Omar Xalil

👉 @umarhalil 👈

Ayriliq ikki turli boʻladi:
Biri majburlikdan, biri kibrdan. Birinchisi sogʻintiradi, talpintiradi, muhabbatni alangalaydi, sadoqatni mustahkamlaydi. Ikkinchisi esa adovat va gʻashlikni kuchaytiradi. Chunki, takabbur odam oʻz xatolari va dilxiraliklarini tan olmaydi, oʻzini aybdor ekanini e’tirof qilishga xudbinligi yoʻl bermaydi va kechirim soʻrab murosa qilishga, yoʻqotilayotgan vaqtlarga achinmaydi.

👉 @umarhalil 👈

Sahobalar oʻz ayollari bilan munosabatlarini jannat ham davom etishi istab yashashgan. Hozirgi kundagi oilaviy munosabatlar bir haftaga ham bormaydigan darajaga yetdi. Bir biri bilan jannatda ham oila boʻlishni istagan juft shunga munosib muomala qilib yashagan boʻlardi.

👉 @umarhalil 👈

Qalblar shu qadar qorayib g’ashlikka toʻldiki, fahm-farosatlar shu qadar oʻtmaslashdiki, yaxshilikka chaqirsang ham, albatta unga izoh va sharh berishga majbur boʻlasan. Agar shunday qilmasang, gaplaringda yoki ishingda, albatta, fitna bor deya talqin qiladigan ksenofobiyaga giriftor tiplar topilaveradi. Alloh har narsadan fitnasiraydigan behalovat bandalariga sokinlik bersin.

👉 @umarhalil 👈

Yigit ham, qiz ham nafsiga ojizlik qilib zino qiladi. Bundan avval bu mayllarini “muhabbat” deya da’vo qilishadi. Ish boʻlib oʻtganidan soʻng, yigit nomardlik qiladi, qiz esa foxishaga aylanadi.

Bu jamiyatimizdagi nopoklik va baxtsiz oilalarni yetishtirib chiqarayotgan bitta omillardan biri xolos.

👉 @umarhalil 👈

Onam

Menga bagʻishlangan minglab olqishdan,
Bitta tarsagingiz yoqimliroqdir.

Doʻstim Sirojiddin Rustam

👉 @umarhalil 👈

Bozordagi mevalarni oʻzing uchun yaxshilarini saralab terganing kabi boshqalarga ham miyangdagi yaxshi soʻzlarni saralab ishlatishni bil.

👉 @umarhalil 👈

Instagram sahifamizga qoʻyilganiga endigina besh kun boʻlganiga qaramasdan ilk bora 1.000.000 dan ziyod e’tibor qozongan audiomiz uchun siz aziz muxlislarimizga minnadtorchiligimizni izhor qilamiz. Bu bizning yutugʻimiz. Allohga ham va sizlarga tashakkur. Inshaalloh, hali yuz millionlab insonlarning qalblariga kirib boramiz.

👉 @umarhalil 👈

Shu vaqtgacha yillar davomida global isish haqida mutaxassislar tinimsiz ogohlantirib kelishdi, turfa xil tadbirlar va taqdimotlar qilib kelishdi. Jahon hamjamiyati bunga chora koʻra olmayapti. Mavjud hayotiy tizimimizni oʻzgartirish amri mahol boʻlyapti. Kamiga Oʻzbekistondagi siyosat darajasidagi nodonlikralimizning badalini hali koʻp toʻlaymiz. Daraxt ekishni oʻrniga, daraxt kesish bilan. Bor suv havzalarini biton binolar qurish uchun quritish bilan ish yuritib kelyapmiz. Dunyodagi eng issiq hududlardan Iroq, Basra, Eronning janubi gʻarbi eng anomal issiq territoriyalar boʻlib turibdi. Eng qizigʻi Oʻzbekiston hududi ham mana shu toʻq qizgʻish ranglar qatoriga kirgan. Parvardigor nodonlik va ahmoqlikdan najot bersin. Bu dunyoda oqilona ish yuritadigan fahm va farosat bersin. Biz dunyoni isloh qilishni oʻrniga uni talash bilan mashgʻul boʻlsak, oʻzimining boshimizga balo keladi.

👉 @umarhalil 👈

Toki bir gunohni qilguningizcha oʻsha amal sizga lazzatli, chiroyli va yoqimli boʻlib tuyilaveradi. Qilib boʻlganingizdan keyin esa ichingizda quyidagi gap qiynay boshlaydi:
“Qani edi qilmasam!”

Omar Xalil

👉 @umarhalil 👈