صبّوا دموع الأحزان، عزّوا المصطفى العدنان، إنه لمصابٌ عظيم، ويومٌ أليم، فيه رحيل شمس العارفين، ومنارة الأولياء الطاهرين، صادق آل محمد (ص) …

عظم الله لك الأجر يا سيدنا يا صاحب الزمان، ورزقنا الله وإياكم في الدنيا زيارته، وفي الآخرة شفاعته
#عظم_الله_اجوركم بذكرى استشهاد شيخ الفقهاء

من ارض الجوادين وذكرى استشهاد الأمام الصادق تمت لكم الزيارة بالأنابة عن جميع مشتركين قناة الشاعرة ام علي الأماره
وقراءة زيارة عاشوراء وزيارة ال يس وصلاة ركعتين هديه لكم

ذكرتكم بالدعاء لقضاء حوائجكم جميعأ

خادمتكم الشاعره ام علي الأمارة

قصيدة للحسين عليه السلام

من ديوان #انوار_الشفاعة

{حسين ميتنه}

حسين ميتنه ونون لمصابه
هناك يشفع بالحشر لحبابه

ابد ماينساهم
حسين يتلكاهم

هناك يشفع بالحشر لحبابه

•───✧◐◐✧───•

حسين ماينسه احبابه بلممات
يحظر الهم بالكبر بالمظلمات
الچانو ايخدمونه بأيام الحيات

حسين بالظلمه يمر
نور يحظر للكبر

مايخيب الخادم الدك بابه
هناك يشفع بالحشر لحبابه

•───✧◐◐✧───•

بالكبر ينفتح باب امن الجنان
نور يسطع من علامات البيان
يوكف حسين ويسويلك امان

تزول كل المظلمه
تنال اكبر غانمه

يل بچيت ودمعتك سچابه
هناك يشفع بالحشر لحبابه

•───✧◐◐✧───•

دمعتك خليها تنزل عالحسين
تفيدك بيوم الحشر والدمعه دين
فاطمه تاخذهن بحب وحنين

النزلن اعله اوليدها
طاحن ادموعك بيدها

وتطفي نيران الكلب لهابه
هناك يشفع بالحشر لحبابه

•───✧◐◐✧───•

احنه غير حسين ماعدنه سند
بالكبر يحظرنه وايام الشدد
وهسه كلنه نصيح مولانه مدد

حسين ماينسانه
بالبرزخ اويحمانه

ابد مايخسر الداس اعتابه
هناك يشفع بالحشر لحبابه

•───✧◐◐✧───•

لليريد الجنه ويريد الخلود
ويه ابو السجاد باايام الورود
بدنيته خل يعمل الخير ويزود

يمتلكله جنتين
بحب علي وحب الحسين

ياخذ الصك من علي وحسابه
هناك يشفع بالحشر لحبابه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://t.me/um_ali313

ترقبو مواجع الطف باأجزائه


الجزء الثالث من الهلال آلى اولاد مسلم
ااجزء الرابع للقاسم وعلي الاكبر والرضيع
الجزءالخامس خاص للعباس عليه السلام
الجزء السادس خاص بالأحادث والنعي
الجزء السابع خاص بالأمام الحسين

ايام قليلة ويتوفرن جميعهم بالمكاتب ان شاء الله الدواووين تفيدكم واحد مكمل للثاني
مااحچيلكم عالقصائد البدواخلهن انتم صاحبين الذوق والأختيار بالقصائد

ان شاءالله انزل الكم منهن نماذج

خادمتكم الشاعرة آم علي الأمارة

مقطع فيديو يشمل نموذج من ديوان مواجع الطف الجزء الثالث

🙅‍♀️🙅‍♀️🙅‍♀️

رد احدى الخادمات على الأخت الي سألتهم عن الدواوين شتاخذ من ديوان يناسبها

وكان الرد جميل قولآ وفعلآ على سلسلة المواجع لجميع المناسبات

خادمتكم ام علي الأماره

مقطع فديو للجزء الرابع من ديوان مواجع الطف الخاص بالشباب القاسم وعلي الاكبر والرضيع

مقطع فديو من ديوان مواجع الطف الجزء الخامس خاص بالعباس

الديوان رااقي بمعنى الكلمة انصحكم بي حبايب كلبي

كل اجزاء مواجع الطف قويات ومرتبات من جزء الثالث الى الجزء السابع

خادمتكم الشاعرة ام علي الأماره

قصيدة مربعة لأربعين الأمام علي
من ديوان #مواجع_امير_المؤمنين

{ الك هليوم }

الك هليوم سوينـه اربعينيــه
فراكك طال بويه وماالك جيه

•───✧◐◐✧───•

بعد شخصك يبو الحسنين شيعوده
عايفني ورحت والدار مزدوده
تظل روحي بغيابك دوم ممروده
كل يوم اليمر اذكر محاچيه

•───✧◐◐✧───•

حچاياتك يبويه دوم اذكرها
وياك الكعده حلوه ويامسامرها
ودارك ياعزيز الروح هاجرها
ومن يوم الشلت انه انكطع بيه

•───✧◐◐✧───•

سويت اربعينك وايست منك
كاطعته الرجه انشد منو عنك
غيابك طال بويه ومااشوفنك
محله سوالفك وكت المغربيه

•───✧◐◐✧───•

بويه الدار من بعدك تبچيني
ومن يوم الرحت ماغمضت عيني
ظلمة حجرتك بويه وتبچيني
عيوني اعله العزيز تنام مجريه

•───✧◐◐✧───•

شلون تنام عيني بغيبة الوالي
واشوفك بالحلم تتفكد احوالي
انه بغيبتك حال الهظم حالي
ياوسفه الكبر غير معانيه

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://t.me/um_ali313

نموذج من ديوان مواجع الطف الجزء السادس خاص بالنعي والأحاديث من الهلال الى الإربعين ابد متحتارون بالنعي راح تدعولي عالديوان

الشاعرة ام علي الأماره

#ماذا_لو؟!

سألك الإمام عج: هل انت ممن دعا الى مذهب أهل البيت ع بعمله قبل قوله؟ هل امتثلت لأمرهم ع بصدق الحديث واداء الامانة والأمر بالمعروف والنهي عن المنكر؟

#شهادة_ونصيحة
:
الشهيد الصدر الغيور الحسيني

الشهيد الصدر الحسيني
:
#شهادة_ونصيحة

بغض النظر عن غزير علمه وفقاهته اللامعة الجامعة
ومحابره المتنوعة ومنابره المتوهجة

فقد كان حسينيا غيورا
لديه كثير من الكتب الحسينية اشهرها
الاضواء الشذرات
ولقد انبرى للدفاع عن النهضة الحسينية بقلمه وخطبه
واجوبته
في شتى المجالات الاساسية
:
نقل لي احد الصالحين من خدام الامام الحسين في النجف
ان الشهيد الصدر كان يجلس خارج مجلسهم ولسنين طويلة
ولما نلح عليه
كان يقول
كيف ادخل واجدادي المعصومين يجلسون في الداخل

ثم
إنه كان حريصا رغم مسؤولياته على حضور المجالس الحسينية وبإنتظام
وكان يدافع عنهم امام البعث المجرم
واللعين الزبيدي

حتى
ان بعض البيوت التي تقيم المجالس قرروا هدمها
والشهيد الصدر
وقف بشجاعة ومنع ذلك معرضا نفسه للخطر

ينقل لي احد الصالحين من سكنة الحنانة
أنه في ليلة شهادته
كان النجف محاصرا بشكل كبير
والاحساس ان حدثا جللا سيقع مع كثرة رجال الامن

ولما سمعنا اطلاق النار
صاح والدي في وسط الدار
( قتلوا محمد الصدر)

محمد محمد صادق الصدر
العالم والعامل بعلمه
والشهيد الذي في شهادته شفوة للظالمين

نصيحة محب حريص عليكم
ان لم تكونوا من مريديه
والمقتنعين به
فلا توغلوا بظلمه
لا تتحدثوا عنه بالسوء
لا تغتابوه ميتا شهيدا ومظلوما
ففي ذلك سوء حظ وقلة توفيق وتجرأ في غير محله
:
الفاتحة لروحه الطاهرة ونجليه المثابرين

#بهاء_الموسوي
النجف الاشرف

نعي للعليله عليها السلام

من ديوان #ضمأ_الطف

ابوذيه ….

ابوي العافنـــي بـــداره وسافر
كلت ويه الضعن امشي وأسافر
وياهم لو رحت اصحي وأسافر
بشوفتهم ترد الروح اليه

•───✧◐◐✧───•

شد الضعن وانه اتركوني
وانظر وبس تدمع عيوني
اتوسلت بيهم ماخذوني

•───✧◐◐✧───•

سار الضعن واركض بهمه
صحت صوت تانيني يعمه
واخلافهــم راحــت اللمه

•───✧◐◐✧───•

لن صوت من ضعن النودهم
ضـــلي بـدارج هــا يبتهم
كلبي يحن ينشدني عنهم

•───✧◐◐✧───•

شيعود كعدتنه سويه
يادارنه الجانت زهيه
بوجود اهلنه اهل الحميه

•───✧◐◐✧───•

دار الأهل ضلت حزينه
ومحد يدك باب ويجينه
موحشه الدار خلاف عينه

•───✧◐◐✧───•

راحو اهلنه ومايرجعون
هيهات ويانه يكعدون
وجنهم بسفرتهم يطولون

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

https://t.me/um_ali313

ان شاء الله اليوم انزل الكم نماذج الجزء السابع من ديوان مواجع الطف الخاص بلأمام الحسين

مواجع الطف الجزء السابع الخاص بالحسين

😭😭💔💔🙅‍♀️🙅‍♀️

نموذج من ديوان مواجع الطف الجزء السابع خاص بالحسين 🔥🔥🙅‍♀️🙅‍♀️👌🏻👌🏻

ليفوتنكم الدواووين هلسنه مواجع الطف بجميع اجزائه ووووجع من اسمه مواجع

غير مبري الذمه من يقوم بأخذ المستهلات ويكتب عليهن قصائد او ياخذ المفردات وصيغة الكتابة نزلت النماذج حتى الملايات يشوفون الدواووين ومافيهن

لذالك لايجوز التلاعب بالنماذج والقصائد الزهراء خصيمه اليتلاعب

خادمتكم الشاعرة ام علي الأماره

شكرآ. جزيلآ للتصميم
من الشاعرة ام علي الأمارة ❤️‍🔥