قصيده نخوه لأم البنين عليها السلام

المستهل 👇🏻👇🏻

نخوه انخاج/يم عباس/ والحاجه بديه
اجيت الليوم/بيه اهموم/ بس حني عليه

•───✧◐🕊🌻🕊◐✧───•

اجيت انخاج واترجاج يالحره على بختج
سمعنه بيج متقصرين بالنخوه وكصدتج
هموم اهواي عندي وجيت حليهه نخيتج
يريد امراد گل محتاج منج ياوفيه


•───✧◐🕊🌻🕊◐✧───•

اجينه الليوم متعنين ننخاج وبجينه
نبجي نصيح يالموعود عجل يمهدينه
الشيعه الليوم محتاجيك ننتظرك تجينه
ترف اللواك/تفني عداك/ بالطلعه البهيه

•───✧◐🕊🌻🕊◐✧───•


ترف الواك تاخذ ثار جدتكم البضعه
گل اسبوع منتظرين يجينه يوم جمعه
تملي الكون عدل ونور والظالم تطلعة
تنجي الليوم گل مظلوم من ايدي الدعيه

•───✧◐🕊🌻🕊◐✧───•

اريد انخاج واترجاج آه يم المحنه
متقصرين وتنصرين من جفج حشدنه
وأمضحين لجل الدين همه ومراجعنه
لجل يگون صحن حسين شامغ گل مسيه

•───✧◐🕊🌻🕊◐✧───•

بعد انخاج لرض الشام ولزينب تروحين
ومن ايدج على الابطال بدعوه ترفعين
ذوله ابطال ميقبلون زينب تسبى مرتين
ولاينعاد يوم الشام من راحت سبيه

•───✧◐🕊🌻🕊◐✧───•

المله الليوم تترجاج وأزيد الدمعة
من الزهرآء ومن حسين أتريد الشفاعه
اريد اهناك لوطبيت تحظرني البضعه
يجيني حسين يم كبري ويخفق عليه

•───✧◐🕊🌻🕊◐✧───•
بقلم المله والشاعره ام علي الأماره
غير مبري الذمه اليحذف اسم الشاعره ويتلاعب بالقصيده

https://t.me/um_ali313

موشح لمولاتي ام البنين عليها السلام
المستهل 👇👇👇


شيعو نعش الطاهره ام البنين
شيلو تابوت النجيبه بالونين

•───✧◐🕊🌻🕊◐✧───•

نوحو ياشيعه على ام الاربعه
عازو ابنها الوكع يم المشرعه
نعش امه بالدموع انشيعه
نحزن على امصابهه طول السنين

•───✧◐🕊🌻🕊◐✧───•

ماتت ام عباس محد شالهه
على النعش ماظل ولد ينعالهه
اليله كل شيعة علي برجالهه
تبجي كل احبابهه بقلبِ حزين

•───✧◐🕊🌻🕊◐✧───•

شالت من الدار مجروحة كلب
تبجي لحسين الشهيد وتنتحب
حسين يبني صاحت بدمعة عتب
ريتك تشيل النعش اه يالحنين

•───✧◐🕊🌻🕊◐✧───•


اليله يولادي اجيكم للقاء
احجي كل الصار بيه من عناء
افراكم عذبني ماعشت بهناء
فراك ابو السجاد خلصته ابأنين

•───✧◐🕊🌻🕊◐✧───•


اليله شيعتكم يشيلون النعش
وخبر موتي بالمدينه خل يطش
ماي كون على النعش واحد يرش
كلبي يبرد من اشوف ابني الحسين

•───✧◐🕊🌻🕊◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام اله

https://t.me/um_ali313

قصيده ثكيله لسفرة ام البنين ع

المستهل 👇👇👇

يم عباس الج سفره/تسولف هالبشر بيها
كلمن طالبه الحاجات/ ام عباس تكظيها

•───✧◐🕊🌻🕊◐✧───•

الج سفره يمولاتي /جربناها بالشده
سفرتج يالكريمه اليوم/باب الحاجه متسده
والج عكده يعكدوها /بالرايات الف عكده
يعكدوها بفضل اسمج/وفضل عباس راعيها

•───✧◐🕊🌻🕊◐✧───•

صرنه بيج نتوسل /وبعباس تنطونه
وكل حاجاتنايمج/ويم عباس مضمونه
حاشه ماتخيبيني/ومنج رايده العونه
ومن تكضين حاجاتي/كلبي ينسعدبيها

•───✧◐🕊🌻🕊◐✧───•

اجيت اشكيلج اهمومي/واجيتج عاكدع الرايه
عرفتج للقلب سلوى/مثل عباس وفايه
وكلمن كاصده وتنخاج/وتتعنالج اعنايه
طلبن كل حوائجهن/بسفرتج وانتي خلصيها

•───✧◐🕊🌻🕊◐✧───•

يمولاتي الكلب ينخاج/حيرانه وعليه اهموم
اتوسل بيج مولاتي/وبالباري الحي القيوم
مقامج عالي عند الله/ارفعي اجفوفج بهاليوم
نتوسل نظل للموت/حوائجنه انتي تكضيها

•───✧◐🕊🌻🕊◐✧───•

كلمن طالبه حاجه /تمد الايد عالسفره
تاخذ علك من عدها وتبجي وتسجب العبره
تون واصيح اه يحسين/آيالكسرو صدره
وهذه الطاهره الحره/لجل حسين تكضيها

•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره ويتلاعب بالكلام


https://t.me/um_ali313

قصيده لام البنين ع للحوائج

تقرى بطور العزائي هوسات

المستهل 👇👇

شدي الحيل/ يالجيتي تهوسين
هاي الهوسه لاگت لم البنين

•───✧◐🕊🌻🕊◐✧───•

شدي الحيل والهوسات عدليها
هاي ام البطل والحاجه تگضيها
متخيبج ابد يلي نخيتيها
((هاي ام عباس/ الوفايه))

•───✧◐🕊🌻🕊◐✧───•

لم عباس هوسي ولا تفترين
تستاهل لطم تستاهل اونين
اولاد اربعه ضحت للحسين
((گالت لو عشره/ نفديها))

•───✧◐🕊🌻🕊◐✧───•

هاي ام اربعه وهوسات تستاهل
هاي ام البطل بيده العلم شايل
معروف بصفاته يعدل المايل
((أمه البدويه/ معروفه))


•───✧◐🕊🌻🕊◐✧───•

بدويه ونعم هاليوم ذكريهه
وطلبي حاجتج منهه وجربيهه
تگظيهه وحق زينب واهاليهه
((وگت الشدات/ مجربيها))

•───✧◐🕊🌻🕊◐✧───•

ام عباس معروفه بوكفتهه
هاي ام الگفل زينب بحشمتهه
حاجه ماتظل يمج معطلتهه
((الحاجه بساع/ تمشيها))

•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره ويتلاعب بالقصيده

https://t.me/um_ali313

هوسات لام البنين عليها السلام


هاي ام البنين التعتنيها الناس
لوطاحت بشده تصيح يم عباس
احلفج بالجفوف وصاحب النوماس
((اليطلب منج حاجه انتي التنطينه))

•───✧◐🕊🌻🕊◐✧───•

يبدويه واحلفج بالوِلد گلهم
اشبال الحيدره وحسين خامسهم
وانتي وزينب الحره اخيتهم
((انلوذ بسدكم وأنتم تحمونه))

•───✧◐🕊🌻🕊◐✧───•

خادمتج واجيتج گون تنطيني
يم الاربعه بجاهج تكرميني
أريد بجاهج الألله تسجليني
((ويه الخدام تخليني))

•───✧◐🕊🌻🕊◐✧───•

خدامه آريد وخدمتي لحسين
آنه ويه الخدم جيناج متمسكين
نون ونوح والدمعه تغرك العين
((خدام حسين تسجلينه))

•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره ويتلاعب بالقصيده

https://t.me/um_ali313

لطم لم البنين عليها السلام

بقلم الشاعره ام تحسين

المستهل 👇👇👇👇


على ام عباس الطم لاتلوموني
اريد الطم عليها واوجع امتوني


♦️♦️♦️♦️♦️♦️♦️♦️

هاي ام اربعه ربت افاعيه
واحدهم شهم يشهدله ماضيه
صولو بلمعارك صوله حربيه
يفنونه اليوصل حدهم


♦️♦️♦️♦️♦️♦️♦️♦️

هاي امكم تعالو ابساع شوفوها
غريبه الراحله لالا تخلوها
وافتها المنيه ابساع لحكوها
الخاتونه عباس اتلكه

♦️♦️♦️♦️♦️♦️♦️♦️

وسفه ام البنين اتموت وحدها
ماعدها ولد تحظر جنازتها
يشيلوها وينزلوها بحفرتها
ماجاها مقطوع اذراعه

♦️♦️♦️♦️♦️♦️♦️♦️

وسفه ايكول كون امنه نشيعها
ياحيف البطل مااجه يودعها
ماكام اواجه بجفينه يرفعها
ياحيف انكطعن ذرعانه

♦️♦️♦️♦️♦️♦️♦️♦️

هاي ام اربعه الفكدتهم ابساع
عافتهم ضحايه نامو بكاع
اولاد اربعه حلوين الاطباع
امهم رادتهم دفانه

♦️♦️♦️♦️♦️♦️♦️♦️

كرامه ام الولد لازم يشيلوها
ام عباس بت افحول ايسموها
خل تحضر بني هاشم يوصلوها
ايشيعوها ببيارغ سود

♦️♦️♦️♦️♦️♦️♦️♦️

بقلم الشاعره ام تحسين البصره
غير مبري الذمه اليحذف اسم الشاعره ويتلاعب بالكلمات
اهدي ثواب القصيده الى روح الشاعره ام تحسين

https://t.me/a1230th

قصيده عزائيه لاام البنين ع
تقرى بالطورالجنوبي الهوسات

المستهل 👇👇👇


اجاني الموت محد حاظر اوياي
انه ام اربعه وحسين ضنواي

•───✧◐🕊🌻🕊◐✧───•

ربيت اربعه ومحد حظرني
نامو بالثرى وانكطع ضني
وكت الموت اصيح حسين يبني
((خلوني وراحو // حيرانه))

•───✧◐🕊🌻🕊◐✧───•

حيرانه اون والدمعه بالعين
ونيت وصحت يبني يالحنين
الف وسفه الزمن يختار بالزين
((لوليدي الليله // معتازه))

•───✧◐🕊🌻🕊◐✧───•

معتاز الكلب ويريد لمتهم
وكت الموت يالويلاد نادتهم
يعباس ويجعفر عون حشمتهم
((امكم نادتكم // يولادي))

•───✧◐🕊🌻🕊◐✧───•

عون اليقره يم راسي العديله
وعباس الشهم نعشي يشيله
وتراب الكبر عون اليزيله
((وعبدالله وياكم // دفانه))

•───✧◐🕊🌻🕊◐✧───•

شيفيد الحجي للنامو بكاع
ابطال اربعه وحلوين الاطباع
اخذهم مني دهري وراحو ابساع
((احا يالراحو // من ايدي))

•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام اله


https://t.me/um_ali313

نعي لأم البنين عليها السلام

👇👇👇

حكي من اون اولادي طيبين
گلهم محنه يالتنشدين
وعباس فدوه راح لحسين

•───✧◐🕊🌻🕊◐✧───•

امكم وحكي اعاتبنكم
طيبين يالزاجي لبنكم
العلي الكرار والمختار جدكم

•───✧◐🕊🌻🕊◐✧───•

ردت الوِلد خيمه عليه
للمكبره يمرون بية
راحو غفل من بين اديه
أيست يمه وهاي هيه

•───✧◐🕊🌻🕊◐✧───•

يعباس يمه ماي العيون
ردتك ييمه ويه اليشيعون
ونعشي تشيله فوك المتون
وتنصب الجادر لليعزون

•───✧◐🕊🌻🕊◐✧───•

نعشي على امتونك تشيله
واتراب اللحد بيدك تهيله
وللقبله ديروني الليله
ولومتت تقرولي العديله

•───✧◐🕊🌻🕊◐✧───•

ونيت ماينفع ونيني
والراح شيجيبه ويجيني
عليكم ييمه عمت عيني

•───✧◐🕊🌻🕊◐✧───•

نمتو ونسيتونه ياالاولاد
فراك الولد للگلب مراد
عليكم ييمه حزني يزاد

•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره ويتلاعب بالقصيده

https://t.me/um_ali313

هوسات جنوبيه لأم البنين عليها السلام

👇👇👇👇👇👇


لم عباس اجينه وگلنه محتاجين
حوائجنه گثيره الليوم متعنين
تشافي امراضنه لو جينه معلولين

تشافي امراضنه البينه وتطيبها
لو جينه وتعنينه لمجلسها
وأم عباس تنطينه حبايبها

((گضاية حاجه// معروفه)

•───✧◐🕊🌻🕊◐✧───•

هاي ام البنين الماترد طلاب
ولا سائل اجاهه وكف يم الباب
الدك باب الكريمه للأبد ماخاب

روحي بروح ملهوفه لمجلسها
الزاير ابد متعوفه الكصد يمها
وحك عباس وجفوفه وهضيمتها
((تنطيك مرادك هنا يلجيت بشده))

•───✧◐🕊🌻🕊◐✧───•

هنا يم البنين الليوم اريد انخاج
للمعلول والطايح بشده ارجاج
والما عنده ذريه وأجه اتعناج

سهلي عليهم الصعبه وقربيها
يم الاربعه فدوه دسهليها
عليج بمحسن الزهره وغواليها
((مولاتي عليهم/ فرجيها))

•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره ويتلاعب بالقصيده

https://t.me/um_ali313

قصيده لاام البنين عليها السلام

المستهل 👇👇👇

اريد امراد منج ها يبدويه
بالجفين احلفج حني عليه

•───✧◐🕊🌻🕊◐✧───•

اريد امراد اجيتج حايره اليوم
تفرحين الكلب حاير ومهموم
احلفج بالكفيل المات مظلوم
((كل صعبه ابأيدج سهليها))

•───✧◐🕊🌻🕊◐✧───•

يبدويه ومعروفه انتي بالشدات
ولقبولج اسم ياقاضيه الحاجات
ومايحتاج ادور للمرض وصفات
((بس اطلب منج تنطيني))

•───✧◐🕊🌻🕊◐✧───•

الله انطاهه من اعله المراتب
ترى بفكد الولد شافت مصايب
بس انخه تراويك العجايب
((باب الحاجات ايسموها))

•───✧◐🕊🌻🕊◐✧───•

اقري الفاتحه وسمي بااسمها
وعكدي الرايه ورفعي علمها
هذه ام البنين وماكو منها
((كل شده العندج ندبيها))

•───✧◐🕊🌻🕊◐✧───•

متقصر اذا دكينه بالباب
تنطي امرادنه ومراد الاحباب
هذه ام البنين وام الاطياب
((حاجاتج كلها تمشيها))

•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

اهدي ثواب هذه القصيده الى روح الشهيد مصطفى صادق


https://t.me/um_ali313

نعي لاام البنين عليها السلام


يحسين يمه ياضوه العين
ردتك تجي يبني يالحنين
كاتلني الهظم كثران الونين

•───✧◐🕊🌻🕊◐✧───•

لليوم ردتك يبو السجاد
ونعشي تشيله ياابن الاجواد
ريت الوكت يحسين ينعاد
لجيبلك عشره من الاولاد

•───✧◐🕊🌻🕊◐✧───•

ياعازة الويلاد عازه
هيبه ويشيلون الجنازه
ابني لوكت موتي اعتازه

•───✧◐🕊🌻🕊◐✧───•

سمعنه اليحتظر احباب يمه
يجونه وكت موته بهمه
ويتباره وي اهله الذمه

•───✧◐🕊🌻🕊◐✧───•

انا مفاركه اولادي والاحباب
خلصت عمري الدمع سجاب
وكلبي عليهم صار عطاب

•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام اله

https://t.me/um_ali313

قصيده لاام البنين عليها السلام

المستهل 👇👇

ناصب فاتحه العباس هليله يعازونه
بفكد الوالده تبجي دمه عيونه

•───✧◐🕊🌻🕊◐✧───•

ناصب فاتحه والناس تتعازه
لفكد امه يون ماحظر جنازه
ولا حاظرها ويشيع ويه اعزازه
(ما حاظر// ويه الدفانه)

•───✧◐🕊🌻🕊◐✧───•

ماحاظر يشيل النعش بزنوده
وكفاته البطل هاليوم مريوده
نايم عالنهر عباس شيعوده
(ويشيل بنعش// المهيوبه)


•───✧◐🕊🌻🕊◐✧───•

لم عباس خلنلطم جماعيه
نواسي اولادها وزينب العلويه
محله لطمة ام عباس بدويه
(وتلوك اللطمه// على الهامه)

•───✧◐🕊🌻🕊◐✧───•

هاي ام البنين وام المصاب
وزينب بالعزه تلطم عالاحباب
تصيح بصوت تهوس بالحجاب
(التشيل الهم// وين الكاها)


•───✧◐🕊🌻🕊◐✧───•

يلي جاي تتعازه لبو فاظل
لاتنسه السبيه وصيح ياكافل
لو صحتي يجيج امرادج العاجل
(ومرادج همه// الينطونه)

•───✧◐🕊🌻🕊◐✧───•

مجلس تعزيه منصوب لم عباس
هاي البشدايد ترفعنه الراس
فضلهه بكل وكت مولاتي ماينقاس
(مولاتي اويانه//وفايه)

•───✧◐🕊🌻🕊◐✧───•

بقلم المله والشاعره ام علي الأماره
لايجيز حذف الاسم ومن الله التوفيق
اهدي ثواب هذه القصيده الى روح مولاتي ام البنين الطاهره


https://t.me/um_ali313

نعي لمولاتي ام البنين عليها السلام


👇👇👇👇👇

ونيت والونه على حالي
وحيده وماكو عين والي
ومحد من اولادي اجالي

•───✧◐🕊🌻🕊◐✧───•

ردتهم وكت موتي يحظرون
وبالنعش اولادي اليشيعون
وينصبون جادر لليعزون

•───✧◐🕊🌻🕊◐✧───•

وماعندي ابنيه تجيني
وكل وكت هي التسليني
وتكول امي ماي عيني

•───✧◐🕊🌻🕊◐✧───•

ردت الولد للعازه اضمه
وبوكت موتي يصيح يمه
وتالي الوكت هاظمني هظمه

•───✧◐🕊🌻🕊◐✧───•

الله يساعد التفكد ولدهه
بالدنيه رادتهم سندهه
راحو وماكو اولاد عدهه

•───✧◐🕊🌻🕊◐✧───•

ريت حسين حاظر يشيعني
اوكت المنيه يودعني
وباللحد بيده ينزلني

•───✧◐🕊🌻🕊◐✧───•

كله ونيني لبو السجاد
وفدوه لبو اليمه هالاولاد
مرفوع راسي بولدي الامجاد

•───✧◐🕊🌻🕊◐✧───•

بقلم المله والشاعره ام علي الأماره
ومن الله التوفيق
غير مبري الذمه اليحذف اسم الشاعره وينسب الكلام اله


https://t.me/um_ali313

قصيده لسفرة ام البنين عليها السلام
تقرى بجميع الأطوار

المستهل 👇👇

سفره اليوم بالمجلس فرشناها
بااسم ام البنين وجينه ننخاها


✿────↻✿...✿↺────✿
✿────↻✿...✿↺────✿

ننخاها ونريد امراد من عدهه
هاي ام البطل والحاجه متردهه
الفوطه بالشدايد دوم نعكدهه
تزيل اهمومنه اليله ندبناها

✿────↻✿...✿↺────✿
✿────↻✿...✿↺────✿

ام عباس متقصر اعرفنهه
بكل شده ومصيبه تصير ندبنهه
وبحسين الشهيد انخن وحلفنهه
اجينه اليوم للسفره وحضرناها

✿────↻✿...✿↺────✿
✿────↻✿...✿↺────✿

نحظر بالعزيه ونجري دمعات
مهضومين وانتي ام الكلافات
عدنه اهموم مولاتي ومريضات
كل حاجاتنه يمج حجيناها


✿────↻✿...✿↺────✿
✿────↻✿...✿↺────✿

تسولف هالخلك مولاتي عنج
ماخاب الكصد واتعنه يمج
ترفعين الوباء اطلبنه منج
ادينه بمجلسج كلنه رفعناها

✿────↻✿...✿↺────✿
✿────↻✿...✿↺────✿

خادمتج المله تطلب امراد
توفيق لخدمتج كون يزداد
وتنعي وكل عزاها لبو السجاد
الخدمه بهل الوكت لامكطعناها

✿────↻✿...✿↺────✿
✿────↻✿...✿↺────✿

بقلم ✍🏻المله والشاعره ام علي الأماره
غير مبري الذمه اليحذف اسم الشاعره وينسب الكلام له



https://t.me/um_ali313

قصيده لمولاتي ام البنين عليها السلام تقره بطور الجنوبي هوسات

المستهل 👇👇

هاي ام السبع راحو يدفنوها
وسفه اعله النشامه مايشيلوها

•───✧◐🕊🌻🕊◐✧───•

جناز لنعشها اتريد عباس
تابوت الكحيله يحطه عالراس
ينزلهه بلحدهه الكله نوماس
ماعدها اولادايشيعوها

•───✧◐🕊🌻🕊◐✧───•

كون اولادها تشيع جنازتهه
ماعدها ولِد تحظر الزتتهه
هاي ام اربعه وحشه ثنيتهه
ببيارغ كون ايزتوها

•───✧◐🕊🌻🕊◐✧───•

حسين يصلي رادت عالجنازه
محله الميت تشيعه اعزازه
هاي ام الولد عازتهه عازه
صاحت يولادي وماجوها

•───✧◐🕊🌻🕊◐✧───•

الميت من يموت يريدله احباب
يم راسه يجون بدمع سجاب
وام عباس تنظر عينهه الباب
رادت بالموت يحظروها

•───✧◐🕊🌻🕊◐✧───•

يعبدالله ويجعفرصاحت بصوت
وياعباس يمه جيب تابوت
امكم رايحه ياعون للموت
الكم يايمه معتازه

•───✧◐🕊🌻🕊◐✧───•

جديد👆👆
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

اهدي ثواب القصيده الى روح سيدي ومولاي اباالفضل العباس عليه السلام


https://t.me/um_ali313

🥀 نتقدم بأحر التعازي والمواساة إلى مقام الرسول الأكرم وأهل بيته الطيبين الطاهرين (عليهم السلام) ، وإلى أبي الفضل العباس (عليه السلام) ، بذكرى وفاة كريمة الأخلاق، وقدوة المؤمنات، الزكية النقية، السيدة أم البنين (عليها السلام) .. 🍁

رزقنا_الله_وإياكم زيارتها في
الدنيا، وشفاعتها في الآخرة .. 💔🤲

زيارة ام البنين عليها السلام



أَشهَدُ أَن لا إلهَ إلا الله وَحدَهُ لاشَرِيكَ لَهُ، وَأَشهَدُ أنَّ مُحَمَّدَاً عَبدُهُ وَرَسُولُهُ، السَّلامُ عَلَيكَ يَا رَسُولَ الله، السَّلامُ عَلَيكَ يَا أَمِيرَ الُمؤمِنين، السَّلامُ عَلَيكِ يَا فَاطِمَةَ الزَّهرَاءِ سَيِّدَةِ نِسَاءِ العَالَمِين، السَّلامُ عَلَى الحَسَنِ وَالحُسَينِ سَيِّدي شَبَابِ أَهلِ الجَنَّة، السَّلامُ عَلَيكِ يَازَوجَةَ وَصِيِّ رَسَولِ الله، السَّلامُ عَلَيكِ يَا عَزِيزَةَ الزَّهرَاءِ عَلَيهَا السَّلام، السَّلامُ عَلَيكِ يَا أُمَّ البُدُورِ السَّوَاطِع فَاطِمَةَ بِنت حزَام الكلابيّة، المُلَقَّبةُ بِأُمّ البَنِين وَبَاب الحَوَائِج، أُشهِدُ اللهَ وَرَسُولهُ أَنَّكِ جَاهَدتِ في سَبِيلِ اللهِ، إِذ ضَحّيتِ بِأَولَادَكِ دُونَ الحُسَين بنَ بِنتِ رَسُولِ الله، وَعَبَدتِ اللهَ مُخلِصَةً لَهُ الدِّين بِولائكِ لِلأَئِمَّةِ المَعصُومِين عَلَيهمُ السَّلام، وَصَبَرتِ عَلَى تِلكَ الرَزيَّةِ العَظِيمَةِ، وَاحتَسَبتِ ذَلِكَ عِندَ الله رَبّ العَالَمين، وَآزَرتِ الإمَامَ عَليَّاً في المِحَنِ وَالشَّدَائِدِ وَالمَصَائِب، وَكُنتِ في قِمَّةِ الطَّاعَةِ وَالوَفَاء، وَأنَّكِ أَحسَنتِ الكَفَالَة وَأَدَّيتِ الأَمَانَة الكُبرى في حِفظِ وَديعَتَي الزَّهرَاء البَتُول الحَسَنِ وَالحُسَينِ وَبَالَغتِ وَآثَرتِ وَرَعَيتِ حُجَجَ اللهِ المَيَامِين، وَرَغبتِ في صِلَةِ أَبنَاء رَسُولِ رَبِّ العَالَمين، عَارِفَةً بِحَقِّهِم، مُؤمِنَةً بِصِدقِهِم، مُشفِقَةً عَلَيهِم، مُؤثِرَةً هَوَاهُم وَحُبَّهُم عَلَى أَولَادكِ السُّعَدَاء، فَسَلامُ اللهِ عَلَيكِ يَا سَيِّدَتي يَا أُمَّ البَنِين مَا دَجَى الَّليلُ وَغَسَق، وَأَضَاءَ النَّهَارُ وَأَشرَق، وَسَقَاكِ الله مِن رَحِيقٍ مَختُومٍ، يَومَ لايَنفَعُ مَالٌ وَلابَنُون، فَصِرتِ قدوَةً لِلمُؤمِنَاتِ الصَّالِحَاتِ، لأَنَّكِ كَرِيمَة الخَلائِق، عَالِمَةً مُعَلَّمَةً، نَقيَّةً زَكِيَّةً، فَرَضِيَ اللهُ عَنكِ وَأَرضَاكِ، وَلَقَد أَعطَاكِ اللهُ مِن الكَرَامَات البَاهِرَات، حَتَّى أَصبَحتِ بِطَاعَتكِ لله وَلِوَصيِّ الأَوصِيَاء وَحُبّك لِسَيِّدَة النِّسَاء الزَّهرَاءِ، وَفِدَائكِ أَولادكِ الأَربَعَة لِسَيِّدِ الشُّهَدَاء بَابَاً لِلحَوَائِج، فاشفَعِي لِي عِندَ الله بِغُفرَانِ ذُنُوبِي وَكَشفِ ضُرِّي وَقَضَاءِ حَوَائِجِي، فَإنَّ لَكِ عِندَ اللهِ شَأنَاً وَجَاهَاً مَحمُودَاً، وَالسَّلامُ عَلَى أَولَادكِ الشُّهَدَاء، العَبَّاس قَمَرُ بَنِي هَاشِم وبَاب الحَوَائِج، وَعَبد الله وَعُثمَان وَجَعفَر، الَّذِينَ استُشهِدُوا في نُصرَةِ الحُسَينِ بِكَربَلاء، وَالسَّلامُ عَلَى ابنَتكِ الدُّرَّة الزَّاهِرَة الطَّاهِرَة الرَّضيَّة خَدِيجَة، فَجَزَاكِ اللهُ وَجزَاهُم الله جَنَّاتٍ تَجرِي مِن تَحتِهَا الأَنهَارُ خَالِدِينَ فيهَا، اللهُمَّ صَلِّ عَلَى مُحَمَّدٍ وَآلِ مُحَمَّدٍ.

قصيده للسيده ام البنين عليها السلام

المستهل 👇👇


داكه بابج واجيت وكلبي مهظوم
جيت يم عباس اندبج زيلي الهموم
دمعتي اتصب بحزن
احلفج باام الحسن
كلبي مهظوم ونخيتج كلبي مهظوم


•───✧◐🕊🌻🕊◐✧───•

انتي باب الله الأدكه واسمج يحل الشدد
صدري لو ضاك اعتنيتج صحت مولاتي مدد
بابج اليله ادكه محيره وماكو سند
مجربه ومتقصرين
جيت احلفج بالحسين

كلبي مهظوم ونخيتج كلبي مهظوم

•───✧◐🕊🌻🕊◐✧───•

يالوفيه اليله اندبج وانتي معروفة اصل
نذكر اسمج بالشدايد بيج تتشافه العلل
مقصرين بحقج احنه وانتي بيدج كل امل
جينه يمج سائلين
نصيح ياام البنين

كلبي مهظوم ونخيتج كلبي مهظوم

•───✧◐🕊🌻🕊◐✧───•

الفاتحه امن اقراها بسمج حاجتي احسه انقظت
حايره وتعبانه اجيتج بيج اني اتوسلت
لاتخيبيني يحره ودمعتي ابابج جرت

صوتي مخنوك بونين
حايره وماكو معين
كلبي مهظوم ونخيتج كلبي مهظوم

•───✧◐🕊🌻🕊◐✧───•

بمجلسج هاليوم اجيت وجايبه كل العتب
حايره اوين انطي وجهي ويمج لكيت الدرب
احلفج بدم الكفيل الظل عله الشاطي يصب
وذاك راسه المنهشم
عالنهر طالح العلم
كلبي مهظوم ونخيتج كلبي مهظوم

•───✧◐🕊🌻🕊◐✧───•

وبعد احلفج بالعقيله الراحت بدرب اليسر
انتي يالوصيتي اخوها عينك اعله ام الخدر
دير بالك عالعزيزه وخدها ابد ماينسطر
مثل خد ام الحسن
انسطرت وضلت تون
كلبي مهظوم ونخيتج كلبي مهظوم

•───✧◐🕊🌻🕊◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له


اهدي ثواب القصيده الى روح مولاتي ام البنين عليه السلام


https://t.me/um_ali313