‏لولا هقوةٍ تشرق علي كل مطلع نور
‏ما حققت من غايات عمري ولا غايه .

يشتاق لك بالحيل قلب تمناك .

يا كيف اعاتبه وهو قاصد خطاه .

اتصبر واقول اني على البعد قاوي
والله اعلم بقلب فيه الاشواق حيه .

ما كل ريشٍ على الطير يرفع جناحه
بعضه يرفعه للعز وبعضه يرفعه للخد

الصقر ريشه غالي في جناحه
وريش النعامه غالي ف الوسايد

أنا أنتظر شخص يخلف كل مايوعـد
‏ياعابرين المكان يضيق بوجودي

‏أنا معي ورد لكن مامعي موعد
‏اللي مواعد حبيبه ياخذ ورودي

وإن اشغلوك اللي لهم عدة وجية
اضحك لهم ضحكة وسيع البنايد .

يوم شفت الورد ينبت على أطراف الطريق
قـلت اكيـد أنُّك تمرين دااايم من .. هنا .

يوم عادك تكره السبت وتحبّ الربوع
جعل كل أيام عمري ربوعٍ في ربوع .

إن غبت خلوني على راحتي شوي
أحس في بعدي عن الناس خيرة .

يهون لو أشرب أوجاعي على ريقي
‏إلا زعلك إنت .. ما أحبه ولا لي به .

‏يضيعون في شخصيتي معشر الفاهين
‏ولا يفهمني .. إلا طيّب من ظهر طيّب .

- قلل هقاوِيك وكثّر قهَاويك .

ليت دارك يّ غناتي قرب داري
‏ليت بيني وّ بينك شارع وسكه .

يا قبالٍ لو أشوفه ما أملّه .

العُمر مره وأنا عُمري معاك .

غلاك لو ضيعنيّ الوقت ما ضاع .

بديت تغيب عن دنيايّ كثر ما كنت لي فيها .

بعض البشر عالي مقامه ولو غاب
‏مثل النقوش اللي بقت في حجرها

‏مرت عليها دهور وعصور وأحقاب
‏عيّت تروح اخلآص للي حفرها

لو تنكسر و تْطيح من طولك
الناس ، لا تدري عن احـوالك

إفرح اذا شفت الفرح حولك
و اذا بتحزن .. احزن لحالك !