⭕️⭕️⭕️⭕️

Telegram ijtimoiy tarmog'ida e'lon qilingan tanqidiy post yuzasidan RASMIY MAʼLUMOT!

Joriy yilning 7-fevral kuni soat 12:00da, Telegram ijtimoiy tarmog'idagi "Tashkent Land" guruhida, 2 ta “Yutong” rusumli elektrobus haydovchisining qoidabuzarligi oqibatida elektrobusga texnik shikat yetganligi haqida tanqidiy post joylashtirildi.

🔹Mazkur holat yuzasidan, “Toshshahartransxizmat” AJ quyidagilarni ma'lum qiladi:
Ushbu holat bugun soat 11:00 larda kuzatilgan bo'lib, bunda "1-Avtobus saroyi" filiali tasarrufidagi "Yutong" rusumli, davlat raqami 01/ 097 MKA bo'lgan 28-sonli yo'nalish haydovchisi X.A avtobusni Yashnobod tumani, Mahtumquli ko'chasi bo'ylab boshqarib kelib, "Uspenskiy nomidagi musiqa maktabi" bekatiga to'xtayotgan vaqtida, shu bekatda to'xtab yo'lovchi tushirayotgan "5-avtobus saroyi" filiali tasarrufidagi "Yutong" rusumli, davlat raqami 01/ 086 NKA bo'lgan 44-sonli avtobus bilan yonlama oraliq masofani saqlamaganligi oqibatida 28-sonli avtobusning o'rta eshik qismi hamda 44-sonli avtobusning chap tomon orqani ko'rish oynasining korpus qismi bilan bir-biriga tegib qirilgan. Sodir etilgan to'qnashuvda tan jarohati olganlar yo'q.

Hozirda mazkur yo'l-transport hodisasi Toshkent shahar Ichki ishlar bosh boshqarmasi Yo‘l harakati xavfsizligi boshqarmasi xodimlari tomonidan o'rnatilgan tartibda rasmiylashtirilganligini ma'lum qilamiz.

❗️Hurmatli haydovchilar! Siz transport vositasini boshqarayotgan vaqtingiz nafaqat o‘zingizning balki, yo‘lovchilarning ham hayotiga javobgar ekanligingizni unutmang.

📌Aziz yo‘lovchilar! Yuqoridagi kabi holatlar kuzatilgan taqdirda “Toshshahartransxizmat” Aksiyadorlik jamiyatining 1062 ishonch raqamiga yoki tashbus.uz veb-saytining "Aloqa➡️Fuqarolar murojaati" bo'limi orqali murojaat qilishingizni hamda avtobus haydovchisi amalga oshirayotgan qoidabuzarligi haqida xabar berishingizni so'raymiz!