الشاعر سيد حيدر الصافي

بني علي _ على الدنيا بعدك العفا
بني علي _ على الدنيا بعدك العفا
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
للخيم صوتك وصل _ وگلبي عن جسمي أنفصل
سبگ جدمي الگلب يوليدي من أجيت
الله يدري شگد دعيت _ الله يدري شگد بچيت
أبچي بس مابينت يبني بچيت
أدعي ألك ما أدعي ألي _ ربي مابي شي علي
حته تسلم ادعيه هوايه قريت
طحت من المهر ليك _گلت بلكت فزه بيك
من شفت حالك يحالي تحسريت
يبني تعناك حسينك _ يمسح دمعاته بردنه
شامت واگف يم شامت _ متانيني عليك أتدنه
واحد سمعني حجايه _ مت بساعتهه أتمنه
گلي حسين ارجع ارجع _ من ذبح أبنك خلصنه
ولدي _فز ياعزيز الگلب_فز يابعد كل هلي مابيه ع الحسرات
ولدي يذبحني هاذه الوضع _ حركلي لو بس صبع خنسكت الشمات
علي العذال هواي _ علي بس گوم وياي _ علي بويه علي
علي مفرع وأنعاك _ أريد الموت وياك _ علي بويه علي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مفرع بصفك حسين _ شيبي واصل مدري وين
يبني بچيت الفگد والما فگد
بيدي أحركهن أديك _ أرد أسكت الناس بيك
أرد أقنعهم علي وليدي گعد
نگالت عليه الغريب _ علي بيه شگد ثغيب
ياهو مثل الأكبر مضيع ولد
ياچبير الگلب حيف _ واصل لخدك السيف
السيف ماخلاني أحط خد عله خد
متفرهد حسنك كله _ واليمك هم متفرهد
يلمتمدد ع الرمله _ حسين بصفك متمدد
ردتك تتحرك گوه _ گمت أشهگ بلكت تگعد
أول تالي تخليني _ أتوسل مامتعود
ولدي _لاشمه لاتنحضن _ شمسوي بيك الطعن _ يارسمي ماكو رسوم
ولدي _شوغات أبوك أنترس _ مابي يجر النفس _أتوسلك بس گوم
أبوك يريد الصوت _ أبوك يريد يموت _ علي بويه علي
العفه عله الدنيه يگول _ علي الاكبر مكتول _ علي بويه علي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
شاب أبوك أگعد يشاب _ ليش نايم ع التراب
ليش هيج وليدي طولك غيرو
تعب نايم يم تعب _ لساني ولسانك خشب
الدللك هم يلمدلل عطشو
هاي ماصارت يحوك _ منذبح تذبح أبوك
حلوه هسه ثنينه علينه اليبو
نار ابوك بگلبه نار _ ياهو اليشيلك أحتار
تعبوك وحيل عودك تعبو
ياهو يخففهه جروحي _ ياهو عليك يعاوني
كل الفگدن ماحزنن _ يوليدي عليك بحزني
گاضي وماشايل روحي _ بس رايد أشيلك يبني
أرد أسمع آخر بويه _ من لسانك سمعني
ولدي _ أنهض علي يلسخي _ گالولي لا تنتخي _ بوليدك المذبوح
ولدي _ بحسينك تشمتو _ من ماگمتلي حچو _ ترسوني بويه جروح
علي تقبل ويهون _ أضل مخطوف اللون _ علي بويه علي
للمخيم ماريد _ أرد مكسور وحيد _ علي بويه علي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بيش أردن للخيم _ مبين عليه ألالم
ألالم مو مثل الدمع ماينمسح
هاي أول مره هاي _ أمشي ماتمشي وياي
چنه من نمشي صبح ويا صبح
شرد أگل لمك يحيد _ تشوفني راجع وحيد
شلون أضم جرحي وعله طولي جرح
من أگلهه وليدي مات _ وعلي تفارگهه الحياة
شلون أگللهه يلكبر منذبح
علي بويه أگعد فدوه أگعد _ رد الرباك بحيله
خل نرد سوه للخيمه _ والهم البيه تشيله
شيصبرني گبال أمك _ ومن ضهري شيخفي الميله
تموت امك لو گلتلهه _ مات وليدچ يا ليله
ولدي _ أمك عمر تنتضر _ ومحسبه يوم الكبر _ تسندهه من أتميل
ولدي _ شيقنعهه ضل بس جسد _ ماعنده راس الولد _ والهضمه فوگك خيل
علي مانگطع نوح _ لحد طلعان الروح _ علي بويه علي
ربانه يضمه تراب _ربانه بلايه ثياب _ علي بويه علي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الصافي

6.5K views20:35