حسن خويه
حسن خويه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حسن ياكبرت الخوان ياريحة الزهره أفيش
حسن لو تنشره من الموت أشتريتك ما أگولن بيش
ألك عازه ولا تنسد يلعازتك مو بيبان
حسن والماطلع بلطيف ضلهه طلعت بنص جيش
ناگع يردني عليك ناگع _ والماطلع تاليهه طالع
كلشي طلع من شفت الحسين _ الحافر علي رايح وراجع
گاع الله فاضت من بجينه _ وبكربله نموت أشتهينه
شيكضه موشيكض الدموع _ المذبوح أخيه گبال عينه
خلص _ صوتي _ صايح
وهلي _ خلصو _ ذبايح
طايح _ ينعه _ عله طايح
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حسن كبرت عزيزتكم من الطف يلمعتبر
هينه البلهوه يعثر زينب با الولد تعثر
آنه أدري اليلم شغله صح مخبوص بس صاحي
حسن هم صايره بوادم مطشر يلم بمطشر
تمشيتله لهفه عله لهفه _يا گلبي ماينشاف نزفه
كلفه يوادم والله كلفه _ إتيه بخيك ماتعرفه
ينشاف بيك الحزن صوبين _ من انته أخو ويكلك منين
ماصارت بواحد كبل هاي _ يومين لم حسين يومين
عثره _ بولدي _ وعثره
بجسم _ حسين _ شكبره
وذره _ بصفهه _ وذره
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حسن يلناسي كلهم بيك خلص ناسي سيف الناس
حسن والنعمه ماتنداس جاليش البشر ينداس
هيه الهضمه من تشوف ذباحت هلك تحرس
شيقنعهه بحرس كلي اليحرسهه كبل عباس
موتي يروح أم عون موتي _ جم مره صحت وراح صوتي
حداينه موش ابن اجاويد _ اليحدي الضعن ذباح أخوتي
فرجه صرت للخلگ فرجه _ عدله صدگ بس عدله حجه
يردوني أنطيح ويضحكون _ أتخيرو وين الناگه عرجه
جابو _ لختك _ عله
وين _ الناگه _ الهزله
خلص _ حيلي _ كله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حسن خلصنه من الطف وبده طف ثاني عد اختك
حسن بلشام اه يلشام من فرونه ماشفتك
ضميت الطشت عني بس هسه الطشت يفرق
حسن هوه الفرق بس راس طشت حسين وي طشتك
ذاك الطشت ضمو عليه _ وهاذه الطشت ذبل البيه
ذاك الطشت بي جبده بس هاذ _ بي راس وموت رقيه
حيرة الغربه صدك حيره _ ومن ديره نطلع نطب ديره
من كثر مامضروبه بلسوط _ محد رضه يغسل الزغيره
كلمن _ بخته _ وحضه
گالو _ گول _شغلضه
ماتتغسل _ عدنه _ المرضه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

السلام على ساكني كربلاء
السلام على قتلى نينوى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
من بعد ذاك الرحيل _ للدفن عاد العليل
وقلبه محترق _ والدمع منه يسيل
رد من بعد ذيج المسيره _ روحه من الموادع كسيره
نوخ ركابه بكربله وشاف _ ملتمه وادم شو جثيره
حاجاهم بكسره شتسوون _ گلوله اجينه نواري الاجساد
بس ماگدرنه نحرك حسين _ وضلينه محتارين حيره
واويلي گلهم خلص الحيل _خنلمه جيبولي حصيره
صاح يا بني أسد صاح _راح عزي وهيبتي راح
لم أبو وتفگدو گال _ طاح خافن منه شي طاح
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
منه اعتلى النحيب _ من بعد طول المغيب
نادى على أبيه _ هاذا أبي الغريب
دمعاته فوگ خدوده تجري _ ويصيح أنه تمنيته گبري
ماتسوه بويه الدنيه بعدك _ عمري انتهه بلايك عمري
ياهو المثل حالي وأحاجي _ يدفن أبو بجفوفه ياناس
يحجي وي روحه ولن سمع صوت _ من النحر گله يبزري
يوليدي يلسجاد ناداه _وسد رضيعي فوگ صدري
أحتار صوته من سمع بيه _ ناح واختلفت معانيه
آه مالك صدر يحسين _ آه طفلك وين أخليه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
نار الفراق فيه _ والنوح يعتليه
للأكبر أتجه _ بعد ورى أبيه
مر ربع أبو ون وتحسر _ تذكر حميتهم تأثر
بيده حفر حفره جبيره _ لم بيهه الأنصار وتكتر
وتمشه خطوات لأخيه _ ودموعه فاضن ع الوطيه
يالغالي ينعه وصوته عالي _ دمعه عله أخيه تحول أحمر
مطشر لگاه وتطشر عليه _ عينوني صاح بدفن ألاكبر
گال ماضلي بعد حيل _ ليل أبجي أنهاري وليل
دوم ماكفنهه الدموع _ خيل لخوي الداسته الخيل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بات يصيح بات _لاخير في الحياة
بلحزن راح حسير _ منكسر للفرات
حزنان أجه بكل خطوه حزنان _ جان ألامل بس للأسف جان
يمشي وجفوفه عله الخواصر _ گلبه نفجع وبروحه حيران
للعلگمي جابنه رجليه _ بلگوه نفسه يجره مخنوگ
يم عمه أجه الجان شحلاته _ شاف الگمر واويلي ذبلان
والهضمت السجاد ويلاه _ يم النهر بس عمه عطشان
شال عمه وجان دامي _ شاف بس الموت حامي
وين ياهو الدفن عمه _ وين يم النهر ضامي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

سيدي يبن علي
سيدي يبن علي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أنت أساس المبتغى
ياذا الجود ألاسبغى
من گماطك أعلنت
أنك فتاك الوغى
قام بفضل سيفك من بعد أبوك الدين
اللهُ سواكا واحد وليس ثنين
كلشي وگف با الطف جنت انته الموگفه
ضهر الولايه جنت موبس ضهر لحسين
كل عقل وصفك جزه
يامن أول مركزه
ثوب المروه ألك
بيده ربك طرزه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
انت أبو الفضل ألاشم
يلشوفك دله السهم
لم أره شخصاً مطلقاً
هو علم وشايل علم
يلراضع الغيره من أول المرضع
ياعلگمي يهزك من ساسك منگع
اتسائل وحقي عن نور ابو فاضل
من يطلع العباس شعدهه الشمس تطلع
ياهوه لكل الهوه
انته وي روحك سوه
كل ضوه بطف كربله
من جمالك هل الضوه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يامقدام وقسوره
ياعباس وحيدره
حته فطامك يختلف
يلمفطوم بگنطره
انته اللغز والحل يم العلي متروك
سبع الگانطر هاي من الزغر سموك
جازي العرك مولاي من اول صيارك
يا أول بنادم متعارك بكارورك
محد يگمطك ردت
فارس بمهدك صرت
زلمه مو مثل الزلم
گمطوك ودخنت
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
زلزلة الطف زلزله
رجفت أسباع الفله
لا مو بلسبعين الف
بيك أنترست كربله
قد جئت مصباحاً فوق ضلام الناس
والكل يعرفونك فراس أبن فراس
الماتو لحد هسه ماكو عدد ثابت
من صرختك ذيجه اني انا العباس
حته صرخاتك ذبح
تجرح وماتنجرح
هواي روس مقفله
وسيفك استاذ الفتح
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
لأمرك أنصاع القدر
فيكَ حيدرةُ ضهر
النهر بي شمرت
وادم وفاض النهر
روس الزلم مالت عيونك لمن جدحن
خزراتك وسيفك بخصومك يجرحن
معنه الشجاعه عليك مالايگ لغيرك
طحن الرحه الوادم بيهم گمت تطحن
يبن قتال العرب
تمطر رسومك غضب
باترك سيد وأله
دنگت كل الرگب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

السلام على مولاي الحسين
وخدامه ورحمة الله وبركاته
خدام الحسين أخوتي
شاعر شاب حسيني بخدمتكم
شاعريته كلش حلوه وان شاء الله
راح يخدمكم بكلشي ومايقصر
أتمنه تتعاملون وياه ونسألكم الدعاء
https://t.me/magdma

راح أخوي
راح أخوي
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
تلكي حسين يخت حسين كله حسينج أتغير
أجيتج كلي دم وشيب بس الشيب بيه أكثر
لتكولين شبسرعه اليفكد من وكت يكبر
أهو اليفكد مثل عباس بلايه خيول يتطشر
خلاني أتيه وأحير _ لميني كبل الحصير
راح السند والشباب _كبرني أخوي الزغير
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
يخت عباس ضل عباس يم العلكمي مطروح
نعيت بطور مامقري نعي المذبوح للمذبوح
البحه تصير بس للصوت ونه حته النفس مبحوح
الترد روحي من أشوفنه شو صاير يطلع الروح
طلعهه روحي كبل _ بي صاير الما حصل
خليته مو لولي _ خليته صاير وصل
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
يحله معاتب الخوان بس ع الشفته مايحله
اليتم لو للأبو جاليش ضوكني اليتم كله
يم عون الضهر يعدل بس عباس شيعدله
أثاري الماله أخو بلضيج بسرعه الموت يندله
مو بلحجر بلهدم _ عثرني فكد الشهم
يتلفت الماله أخو _ من يمشي بين الزلم
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
البلايه أخو يم عون حسبته حسبت الميتين
ميت محد يشبه فوك الكاع با العدلين
مو واحد وعبرنه ويهونون حته أثنين
خليناه بلا خوان كلهه تصيح السبعين
مثل الكمر وين أكو _يتشمتون العدو
كالوهه وتحسرت _ خ نذبحه ماعده أخو
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
شحجيلج عله المنه ولاسالم كتر منه
دم وتراب بعيونه اليشوفن مايعيننه
اخوج بكثر ماتعبان حجاله حجايه أسمعنه
آنه حسين ويكلي أريد حسين أشوفنه
كتله آنه اخوك وبجيت _ تاه الحجي وماحجيت
جفينه مكطوعه أخوج _ من ردت أشبكه أستحيت
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
سيد حيدر الصافي

لبيك ياحسين
لبيك ياحسين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أنصار الامس وأنصار اليوم
أقعاس لايرهبهم محتوم
عن نصرتهم في أستار الليل
سمعو زينب تحكي للمضلوم
جربت أصحابك سمعو زينب تحجي وي الحسين
أجتمعو وين النفل _ عدل يحشم عدل
هوسه وصار الدوي _ الهم كدوي النحل
يتقدهم  أبن مضاهر شيبه محلي السنين
مهم أكلف من مهم _ هوسو هوست عزم
مو هسه يبت علي _ باجر شوفي الزلم
شوفينه باجر شوفينه بعينج
ماواحد يوصل حد أصواوينج
خل يفخر بيهه موجوده أنصاره
الله مسوينه لعيون حسينج
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
هب جنود الفرقان الرهبان
هم كصقور ليسو ك الغربان
بسم الله ومن ثم المحبوب
بسم حسين خرجو للميدان
نصرة مولاهم عدهم أهم من كلشي با الحياة
من دخلو كربله _ دخلو ك الزلزله
نزلو كلهم نهر _ في تلك القاحله
لاتليههم أي تجاره وأي قضيه ولا كل المغريات
جتف يطخ بجتف _مابيهم موكلف
واحدهم لو يعد _ من يعدونه بألف
قاده وماصارت تشبهم قاده
صياده وحارت بيهم صياده
مدرسه للغيره والعز والشيمه
الله محييهم انصار الساده
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
من مثل حسينا يملك أصحاب
فعلو مالم تفعل هو ألاعراب
وافو با العهد وناتجهم صار
ملئو ألارض ب أجساد ورقاب
عزم البيهم من مولاهم صارو دونه درع
مدرسة مالت شيم _ عبره لكل ألامم
محد منهم عبر _ صارو سور الخيم
ربع أبن الزهراء أسباع وماگابلهم سبع
بركان بنينوه _ سوه من هدو سوه
الهوه لو صايرله راس _ گطعو راس الهوه
نوماس الغيره بيهم نوماسه
لمولاهم صارو سوره وحراسه
قوة من العالي بيهم موجوده
كلمن لاگاهم مايسلم راسه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ريحُ صَرصارُ في ذاكَ الحر
هُم ساداتُ الكرِ وليسَ الفر
ببواترِهم قد وعدوهُ اليوم
أن جماجمَ خصمهمُ تُكسر
شجعان وباترهم حاد والبشجعان أنغرس
فرد أشرس من فرد _ با الحومه بده الرعد
قصتهم تنحجي _ تبقه لولد لولد
معدودين ولمن دخلو للميدان نترس
لبسو يوم الحرب _ فوگ الدرع الگلب
سبعين وخلفو _ با السبعين الرعب
صلو فرض الحب والقبله الخيمه
تقييم العارف عبرو تقييمه
من وعدو وفو گلبوهه الحومه
بجثث العاداهم ترسوهه الهيمه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

راعي الشهامه علي مولا
عشگ النشامه علي مولا
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حبيت حيدر ولأمره طايع
حبيت حيدر ولحبه بايع
عاشگ أميري وبكلشي أحبه
حبيت حيدر أول ورابع
رافگني عطفه وحبه من الطفوله
ديني عشگته بحيدر هوه أصوله
كلش زغير ولفضي ماأگدر ألفض
وأسمه علي اليطلعلي صح من أگوله
باغض لليبغضه
بغيره ولا أرضه
لمن عشگ حيدر
گلبي گعد حضه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
شفته أبوهم كل اليتامه
جرني ورزقني حبه وهيامه
موكلهه تهوه وتحب حيدر
حب يريد وادم نشامه
ماكو عجيبه بصفه هوه العجيبه
الماجابه واحد غيره بيده يجيبه
مو طاهر الماحبه بصل الطهاره
والحب علي بس هاذه طاهر حليبه
با الماضي والحاضر
الماحبه مو طاهر
ربحان اليحبه
واللي يضد خاسر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حبيته فارس كلهه تهابه
وكت الملاحم يكتل خطابه
يوم الحرايب يرهب فقاره
غابه وأسدهه حيدر الغابه
من تبرد الملزومه حيدر لهبهه
أرواح الليعادونه من طب سلبهه
موبس رگبهم گاطع ذاك فقاره
يگطع زلم فقاره هيه ونسبهه
أشجع عباد الرب
يكضي الزلم لوطب
تتراجف الوادم
حيدر اذا يغضب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حبيته زلمه مامثله زلمه
ع الدنيه ربه يتباهه بسمه
يگسم خبزته وي اليتامه
واللي يلوحه بعركه يگسمه
بلعركه حاد ويضعف يم اليتامه
كله سلامه ولوهد ماكو سلامه
حيل الله بين جفوفه مايگضي حيله
رواه الزلم فقاره يوم القيامه
تذبح زلم عينه
عرفهم بدينه
ماينتهي حيله
حيل الله بيمينه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

‏مقطع صوتي من سيد حيدر الصافي

دخيل حروفه علي العالي
گبل كل غالي علي غالي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مولاي _ يا أنيس الخواطر
مولاي _ ياحبيب النواضر
مولاي _ انته مالك كياني
مولاي _ يا أمير المشاعر
ياكاشف الهمي _ حبك سره بدمي
گدما شغلني أسمك _ جم مره أنسه أسمي
ياجميل وفوگ الجميل _ يافريد ومالك مثيل
حبك بدلالي سكن _ حبك وماريدن بديل
بي هايم بي هايم _ من يوم المهد
بي هايم بي هايم _ ماهمت بأحد
بي هايم بي هايم _ ملاك الجسد
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سلطان _ عادل وكله رحمه
سلطان _ علمه مايگضي علمه
سلطان _هوه باب المعارف
سلطان _ نعمه من الله نعمه
أطروحة الاحساس _ ماقاسه كل مقياس
يوميه يتباهه _ الله بعلي عله الناس
عنه طه يگول بخطاب _ هوه سيد كل الصعاب
الله يطي لحيدر حكم _ هوه يحكم يوم الحساب
دخيل أسمه دخيل أسمه _ دخيل محبته
دخيل أسمه اليحجي الله _ جان بنبرته
دخيل أسمه دخيل أسمه _ دخيل الجابته
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
برهان _ حكمة الباري سطر
برهان _ قدرة العالي قدر
برهان _ قال عنه محمد
برهان _لا فتى الا حيدر
مامثله يتكرر _ بلقوه يتصدر
رب البشر گله _ أشجع بشر حيدر
علي أفضل طول الدهر _جفه بي ذ النون وسقر
ياهو مثله يسويهه هاي _ بطگه وحده يگسم بشر
أسد الله أسد الله _ نازل ب ألارض
أسد الله أسد الله _ بخصومه يرض
أسد الله أسد الله _ اللاگا ينقرض
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حيدر _ سيد عله ألاشاوس
حيدر _ ماله ند ومنافس
حيدر _موشرط يذبح بسيف
حيدر _ بنضره ذابح فوارس
فقاره مايرحم _ماناشف من الدم
تتراجف الوادم _ حيدر أذا أقدم
عن علي يگلولي گصير _ وانه أگلهم ماله نضير
علي يحجي بصوته العلي _ دخيل ربه شگد جا جبير
ما مايل مامايل _ كلش مختلف
ما مايل مامايل _ مامثله كلف
ما مايل مامايل _ ومسوي خسف
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي