من المنان حيدر
أسد الرحمن حيدر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ياقبله _للحب وأهل الغرام _ياتعريف السلام _ ياجوهر
حبيتك _ حب عابر للحدود _ يلما مثلك ودود _ بيك افخر
جاذبني _حبك من الأخير _يا أحله وأغله أمير _ياحيدر
مامله مامله _ مثله ولا مثله -_كله حلو كله_مولا النور
ع الينخه مايبطي _معطي من المعطي _ يتلثم وينطي _للمعسور
مولانا الكرار _ معشوق الاحرار _ مضمون ألاصرار
لو كلهه تحب حيدر _ماخلق الله النار
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ماتنعد _ أفضالك والصفات _يا ملاك الحياة _ ماتنعد
ياوالي _كلمن ماله ولي _ أحله اسم علي _ يامسند
منو مثلك _من نور الله نخلق _ وشتقك منه شق _ وتخلد
ماتكفي اشعاري _ للعطفه جاري _بصوته حجه الباري _ب الاسراء
خالق من الخالق _ رازق من الرازق _قرآنه الناطق _في الارجاء
اسمه شگد مملوح _ تارس ريت الروح _ منجي سفينة نوح
دخيل المخطوط أسمه _ بعرش الله وع اللوح
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أوحى الله _ وحيً منه نزول _قد جاء للرسول _تمهيده
ياطه _بلغ للعالمين _أمير المؤمنين _ شيل أيده
شالاهه _نادى ياخلق الله _ علي ولي الله _تجويده
كلمن رفض يخضع _مو طاهر المرضع _ سجداته ماتنفع _ دون الولايه
حل كلشي ماينحل _ من البشر أفضل _أول على ألاول _فوگ البرايه
يم حيدر حلهه _ كل صعبه يشلهه _ السمه يندلهه
يتباهه الله بحيدر _ ع الوادم كلهه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
اشجعهم _لو صفت الجموع _ مايلبس الدروع _ حيرهم
أفعاله _ تشهد بيهه السنين _ماشالوه أربعين _خيبرهم
بجفوفه _حل لكل الصعاب _ماخله بيهه باب _ قاهرهم
صولاته مشهوره _ يتفايض حروره _ ليهسه مفطوره _منه الروس
واللاحه فقاره _ ماتنلگه أخباره _سطراته جباره _ بيهه دروس
لايوجد طبعه _ يازلمه يجرعه _ أول بلفزعه
معلگ يبقه الطگه _مابين السبعه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

https://t.me/mohmed_mosslim
السلام عليكم خدام مولاي سيد الشهداء
الشاعر محمد مسلم البصره.. الزبير أتمنه تتعاملون وياه عله حب مولاتي فاطمه عليها السلام دزوله الحانكم وتعاونو عله الخدمه وراح يكون بخدمتكم بكل مايملك جزاكم الله خير الجزاء

نرجو الاشتراك بلقناه جزاكم الله خير

نرجو ألاشتراك با القناه جزاكم الله خيراً

ياقمر العشيره
ياقمر العشيره
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
للقوم برز _ والموت وجز
أبن حيدره _ عباس أرتجز
أسمه مخوف شكد ناس _ فراس وأبن فراس
مايتوصف المهيوب _ماأدراك ما عباس
هيبه وصاعدله كحيله _ موباب الطف يشيله
حيل من الله بجفينه _ يتباهه حسين بحيله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
كفيه نهر _ ساعة القدر
يا أهل الضلام _ قد جاء القمر
يم جدمه ألاثكال خفاف _حته الموت منه يخاف
صارت من برز ليهه _ دكات الكلب تنشاف
يكتل وادم بعيونه _ دخيله شمحلات فنونه
رجليه بلكاع يخطن _كاسر ضهر الميمونه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
قاهر الصفوف _ كاسر ألانوف
كا البرق هوى _ في أرض الطفوف
حي الله كمر عدنان _ مثل البرق بلميدان
جبيره الكاع بس من طب _ ضاكت بيهم الكيعان
بلكلفات ولا يهتم _ عالم لا مايتعلم
مو مثل الباب أطباعه _ مايرجع من يتقدم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ذكره يدور _ في كل العصور
في كل زمان _ رأسه يفور
كريم ولايرجع ضيف _ من سيفه عرفنه السيف
مايعشك البارد دوم _حر براسه يجوي الصيف
واحد وتضل بس واحد _ وتلوك عليك القائد
تهوه الحر من صيارك _ عمرك ماتهوه البارد
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

نرجو ألاشتراك با القناة جزاكم الله خيراً

يامولا ياحيدر يامولا
يامولا ياحيدر يامولا
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد ع الأسباع يابسمله ويافاتحه
ملح السموات وألارض بسمك مالحه
يارهبة الله أول بكل ساحة حرب
يمطيح هواي موفصل وادم طايحه
يامن غالي وماتتقدر _ يا لغز الله المايتفسر
يلگبلك محد گلوله _ أنا أعطيناك الكوثر
عقول الوادم بيك أحتارت _ وشگد وادم منك غارت
الله يگلك هاي الدنيه _ لو ما شخصيتك ماصارت
سيد ع النجم شهم مهم علي يامن هوه منان
يامن ينگل گبل ثگل للسمه يمم الرحمن
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
نور عله كل نور يلتارس عيون الأمم
يمعلم أدريس علمته يكتب با القلم
مو قاب قوسين كنت دنواً مقترب
يامن عله العرش نخطت اله ايد وقدم
كلشي يجف ونته تضل جاري _ حبك شاغلني من صياري
حبيتك جي محد مثلك _ بحروفك يتباهه الباري
سويت المحد سواهه _ يلتنطي الناس الأواهه
اعلم أني ماسويتك_لولا حيدر گل لطاهه
بيك المعجزه غزه جزه فضلك ع الوادم هاي
من مثلك بشر ضهر گدر مثلك يمشي عله الماي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
لو ما علي صاح موسى ولا شگ البحر
يامنجي يونس والحوت لسمك وحده خر
هوه بشر كيف گدرو يوصفونه بشر
يامن تجلا فيه الإله وضهر
خل يقنع كلمن مايقنع _ ع الأول حيدر يتربع
بلعلم انزع من الباري _ حيدر أنزع بس ماينزع
النازع معروفه حجايته _ شفرات الفقار بذاته
حيدر موبس بفقاره _ وادم نزعت من خزراته
دخيله شكد كلف الف نتف ينتف بجفوفه الناس
عمره ولابرد أشد أسد شيبرده البي عباس
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مايرجع بيوم حيدر اذا كر مايفر
انطرحايط البيت لسمه گبل طر الفجر
من يسطر أنسان سطراته كلش تختلف
موبس بلنسان سطراته تعبر للبزر
حيدر خي يخلونك سابع _ بكل صفحه يخلونك طالع
زلمتهم ماقالع شوجه _ ونته بجفك خيبر قالع
اول واحد وآخر واحد_ع المهره بعمره ولاصاعد
ليش يسألونه وجاوبهم _ ماأشرد لا الحگ شارد
بس هوه السبع جرع درع مايلبس عده دروس
فقاره البهي شهي نهي ينهه ويأمر ع الروس
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

علي يامولاي
علي يامولاي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يا أنيسِ في وحشتي ياطبيب ألي
ذكرك عله لساني أكثر حته من هلي
ينفطم كل واحد من زغره أكيد
كلشي فطموني منه بس أنته ياعلي
علي علي باسط الرزق علي
علي علي ملك النطق علي
علي علي آية الله العضمه
علي علي مرجع الخلق علي
به مفتون _ أنه المجنون
جنوني صار _ب أمير الكون
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بلوصف مايوصفونك تعجز الجهود
سر الأسرار الخالد والباقي للخلود
ما خلقت سماء ولا أرض لولاك
يعني لوما حيدره ماصاير الوجود
علي علي دخيلهه عيونه علي
علي علي مايوصفونه علي
علي علي طه والباري علي
علي علي بس يعرفونه علي
هوه المحشر _ هوه المصدر
اليريد الله _ يحب حيدر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أعضم وأشجع مخلوق تعرفك الناس
بلحرب مادنگ راسك ياشموخ الراس
ماتباوع للبضهرك كلهه متعجبه
ماتباوع لأن ضهرك بي وگف عباس
علي علي سورة الرعد علي
علي علي موفي العهد علي
علي علي في غابة الدنيه
علي علي أنته ألاسد علي
منو يگدرك _ صعب قدرك
وأبوفاضل _ لزم ضهرك
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يابحر مالك مقياس وباقي ماتجف
سيفك مسكت جم واحد ينعد بألف
من يبين ذو الفقار يضيع الجموع
لا كلف الا حيدره ماكو اي كلف
علي علي سيد الغضب علي
علي علي للجنه مطب علي
علي علي كل تشهدله يضل
علي علي خالس العرب علي
شجاع الناس _ هوه الفراس
شبه ماله _فقط عباس
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي