شكراً لله على حب علي
شكراً لله على حب علي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
انه حبيت طيني وگمت أعشگه
چي گالولي منك فاضل الطين
يبو روح الحنينه ويا ابو الكل
مدلل قنمبر أكثر من الحسين
صورك بلبيوت أثگال مولاي
ثگل بصورك مفطر الحياطين
يابو ثگالهه _ صل صلالهه _ شيوخ بابك تذب عگالهه
سد الساده _ ابو الصياده _ شفترك قاده _ تفر گبالهه
الحبل المتين _ قطاع الوتين _ صلى القبلتين
علي ياعلي
للحقِ أصب _ للشيمه مطب _ سيدهه العرب _ علي ياعلي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
فقارك منه چم واحد ردي تاب
ولو لايح بليس بطرفه تايب
باب الله علي شيعصيك ياباب
أرفعت بيبانهم رفع الحواجب
نثايه الماتحبك هاذه الحساب
حبك ياعلي يطول الشوارب
عشگك غاني _ للأزماني _ عشگك ثابت - والكل فاني
كامل كامل _ يابو الكافل _ يامن واحد _ مالك ثاني
مثلك ما أكو _للساقي أبو _ ياحيدر كفو
علي ياعلي
يمسهل الصعب _سديته الگلب _ غيرك مايطب
علي ياعلي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يلتگسم الخبز وتگسم الارزاق وتگسم الفوارس
ماتكشخ بملبس بلعكس بيك كشختهه الملابس
مايدرون مو بلرقم نهواك نحبك لو يخلونك الخامس
حبك عامر _ أول وآخر _ واليحبونك _أصلهم طاهر
أبونه ونفخر _ نحبك حيدر _ قبلنه وبعده _ الفلك ماصاير
ياحامي الحمه _ بيك الحگ نمه _ ياحرز السمه
علي ياعلي
ياكهف الفقير _ يلمالك نضير _ يا أعضم أمير
علي ياعلي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
كعبه ومولدك بلكعبه من صار يلشانك جزه الشان
قرآنين موجودات بلكون الكتاب وانت قرآن
الرجوله البيك لو وزعهه ربنه چا ماكو بعد با الدنيه نسوان
ياسردارهه _ ياقهارهه _ الجنه بأيدك _ وبيدك نارهه
سور وساري _ يچف الباري _ الماتتداور _ چفك دارهه
علي سر وسرور _ علي من الغفور _ هوه نور ونور
علي ياعلي
ذو الغضب الشديد _ فتاك عنيد _ صهار الحديد
علي ياعلي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يلبوكت السلم سلمي وبا الحروب ماترحم يبو حسين
الملك گالو كلامه مايعيده الكلمه وضربتك ماصارن ثنين
لأن تگسم الزلمه اليدفن أحتار الواحد لازم يحضرله گبرين
تهز الثابت _ تحچي الساكت _ بجماجم قاده _ حسابك نابت
تكر وتكورهه _ تكسر صدورهه _ العرك من دونك _ عرك بس باهت
گطاع الجذر _ كاسرهم كسر _ تكر وماتفر
علي ياعلي
ليث شما علن _ سيفك بيهه رن _ ياعود الحسن
علي ياعلي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الصافي

ثـانـي سـنـه مـاواصـلـيـنـچ 💔

https://vt.tiktok.com/ZSfV2hbA6/

رزقيني الزياره
ياأخت الغياره
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
دگ جفي باب الحب وأجه يعلن ولائه وحبه
يل با النوايه عالمه وتنطين كلشي نطلبه
جيت بطلب يم الخدر ومحلفج بذاك الخدر
ماشفت من ذاك ألالم رزقيني أشوف الگبه
أتعنالج يم الخدر _أرد أتعلم معنه الكسر _ بارد گلبي ورايد جمر _ من جمر الخيام
أرد أشهگ شهگات ألاجل _ شهگة واحد ماعنده أهل _
با الغربه وبلحسره ذبل _ والذبله الشام
كل المصايب جازي مصابج
يلماكو انسان واصل عذابج
مولاتي طلبه رايدهه منج
رزقيهه الاجدام وگفه عله بابج
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
رايد أضوگ من الألم وأرد أفتهم مضمونه
عبدج يريد دموعه دم مو ماي تجري عيونه
الزاروج گالولي حجي يوگف نبض كل عاشگ
حته الضوه عن حضرتك يازينب يطفونه
حبلج وي الضلمه عجيب _ جرحج ماصحاله طبيب _
شيداوي الصاحوله غريب _ بين ألازقه
خليني  أتغرب ونهضم _ وترزقيني هوايه ضلم
أرد أشبع يم گبرج لطم _ ومتاني رزقه
حسراتي تكبر وي مسره الايام
كل عام أزورج أتمنه كل عام
حيلي أذبه كله بعتبتج
وأتمنه مجتوف كون أدخل الشام
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بلا أسم أبوج أذانهم وبكل وكت يتجدد
يحرگون گلبج بيهه وگلبج يشب مايخمد
لسه غريبه بعينهم والهضمه يابت حيدر
ويلي يبت باب الله بليل بابج ينسد
ينسد بوجه الگاصدج _ وهم ترجعين لوحدج _ ماواحد منهم ساعدج _ والله عجيبه
يلحزنج جرني من العدم _ وخلاني أطلع من الوهم
رزقيني أصرخلج بلم _ لا موغريبه
دلالي يم عون ماتطفه ناره
رزقيني شوفت ذيج المناره
مولاتي خجلان ونتي أدره با الحال
مارايد أطلب بس الزياره
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يگلولي مولاتي الضحك يدخل صداه جوه الصحن
محد يهم بحالتج يابت علي والله زمن
لسه الشماته مشكله وتضحك أبابج عادي
يذكرونج بذاك الوضع لمن دخل ذاك الضعن
من طبيتي وضعنج لفه _ وأخوانج برماح الوفه _ يذكرونج ونتي مجتفه _ بحبال ألارجاس
من دهرج وياج أنعطف _ وتشدد حبله وما لطف
  من أسمج با السوگ نعرف _ هاي أخته عباس
خليني اعيشن لوعة دواوين
يتبده دمعي مايبقه با العين
والله هضيمه من صاحو عليج
هاي العله النوگ هاي أخت الحسين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

اولادي ومن تحتَ الخضراء
اولادي ومن تحتَ الخضراء
كُلُهُم _ فداءً _ لأ أبا عبدالله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مره عربيه وخشم سمره
بت حزام الطاهره الحره
كون عندي من الولد گالت
عشره فدوه لخلفت الزهره
ميه مربيتلك للكونه يلطاهر لو بيدي
بس ربيت أربع خياله بيهم زودي وعيدي
وين اليرعد باالملزومه والرد موش وليدي
أنهُم _ فتيةُ _ آمنو با الله
كلهم _ فداءً _ لأ اباعبدالله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حرمة الماينغلب غالب
جوهرة أبن ابي طالب
الزلم ماسوت السوته
حرمه لاچن تسوه الف شارب
مو مثل النسوان جبيره دگت با الطف ثايه
وفايه و مرفوعة هامه حي الله الوفايه
گالتله أبشر يابن حيدر فعلت موش حچايه
قد وفت _ عهدها _ للذي تهواه
كُلُهُم _ فداءً _ لأ أبا عبدالله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خلفت زلمه كلف كامل
باسل وچنه علي الباسل
لو نلم نسوانهه الدنيا
مايخلفن مثل ابو فاضل
مخطوط اسمه عله المعموره والميدان خطاطه
مايهتم لو صار ملاگه مايرجع بزماطه
بس العباس السواهه متعارك بگماطه
للوغى _ ربهُ _ للوغى _ سواه
كُلُهُم _ فداءً _ لأ أبا عبدالله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
الاسد قهارهه الفراس
لو زعل يردمهه راس براس
كافل الحره وزعيم الطف
قل وما ادراك ما العباس
يوم الطف دگ الخياله والرايه عله متونه
مايذبح ضل بس بسيفه يذبح ضل بعيونه
عباس الكرار الثاني با الحومه يسمونه
قد قضى _ عمرهُ _ خادماً مولاه
كُلُهُم _ فداءً _ لأ أبا عبدالله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

‏مقطع صوتي من سيد حيدر الصافي

ولدي علي
ولدي علي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
صاحو مات الاكبر وانه اجيتك
ونه تسابگ بدلالي ونه
فحطان عله مهري وكلي ذابل
تدري الفاگد تفحطه المحنه
لو تدري الشماته أشسمعوني
چم حچايه ابوك نترست أذنه
گالو مايلحگ مايلحگ
تونه خلصينه ذبحت أبنه
!!!!!
هسه تعدل وليدي ، سكتلي ، شماتي ، هسه يلولد تعدل
أرحم شوغتي بصفك ، آنه أدري ، فوگك أبچي ماتقبل
مو هينات خمسيني ، تخليني ، يمك ياعلي أتوسل
!!!!!
ها تگعد علي لو موت وياك _حرمات الرباك
تصب عيونه
حاچيني اذا رايدلي العيش _علي شوساكت ليش
أريد العونه
مو سهله عليك حسينك صار _وحيد وضل محتار
تغير لونه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
اليوم عليك أريد أنعه نعاوي
مالت ضايع وينعه عله ضايع
أفتح عينك تحركلي فدوه
باوع شيب أبوك شگده باوع
هسه شلون أقنعك حته تگعد
راح اتمدد بصفك وأنازع
ياهو الگبلي شاف وبعده عايش
سيف وعله خد وليده طابع
!!!!!
طلعت روحي يلغالي أحوالي تشده يلولد تشده
حگه حسين من ينعه من يبچي حگه حسين لو تيه
يبني خلصت منازع وتوسل يبني خلصتهه أنده
!!!!!
تعبني منامك فوگ تراب _ يشاب وراسي الشاب
أرحمه الفاگد
حركلي صبع من ايدك _ أبوك يريدك
وحيد الوالد
أول مره أصيحك وانته _ عله نفس السكته
جوابك رايد
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مفرع وأبچي يمك والبواچي
راس البعده بگماطه تشيبه
آخر بويه أريد أسمعهه منك
أحچيهه لأن صوتك أحبه
تطلب مني ماي منين أجيبن
وآنه لساني صاير چنه خشبه
ماأگدر أشيلنهن أديه
ياهو يشيلك وياهو الاندبه
!!!!!
وين اللي يعينوني ، ياوادم، مات أبني،وين اللي يعينوني
يوليدي اليشيلونك، يموذر ، خليهم،وي جسمك يشيلوني
خليهم يردونك ، للخيمه ، يلميت ، ميت هم يردوني
!!!!!
شلون وبيش أرد وكلي جروح _ أضل يمك ماروح
ولاشي عندي
مااگدر افارگ وجهك يوم _ تعوف النوم وگوم
يعز كل ولدي
شيرجعلي حيلي وصبري _ شيرجع ضهري
بقيت لوحدي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ماأگدر أرد صوب المخيم
وجهي من المصيبه لونه أصفر
گوه جدامه ينگلهه اليفارگ
وتدري الفارگ بكل خطوه يكبر
الكسره البلگلب أگدر أضمهه
بس شلون اضم ضهري التكسر
تموت باب الاخيام الحنينه
أمك من أگلهه مات الاكبر
!!!!!
جبت الدرب كله أبچي،وي روحي، ياروحي، ضمي ونچ وحزنچ
لاتبچين ياروحي، وتصبري ،وتحملي، لوعماته حاچنچ
ليله تموت من تسمع ، من عندي ، أبنچ مات ليله أبنچ
!!!!!
أنباگ البلگلب يا ليله نباگ _ بده من اليوم فراگ
شملنه تطشر
راح البي أمان وراحة روح _ مشه الاكبر مذبوح
لگيته موذر
راح ربانه تعب سنين سنين _ الاكبر نور العين
انتهت ي الاكبر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

هاي بت فحولهه ونوماسهه
يلمخلفه للوغه عباسهه
!!!!!!!!!!!!!!!!!!!!!
ام البنين ونعم من فاطمه
عالمه ونعمين منهه العالمه
خلفت وين اليخوف صارمه
شرسه ومخوفين كل اشراسهه
!!!!!!!!!!!!!!!!!!
كفو وتلوگلهه لو گلنه كفو
مره عربيه واصيله وبت بدو
خلفت عباس صكار العدو
ومرتفع ب الگمر دايم راسهه
!!!!!!!!!!!!!!!!!!
جابت اربع زلم مو مثل الزلم
كلهم حيود وشهم يتبع شهم
تنثلم عدوانهه وماتنثلم
ماتكفي بلوصف كراسهه
!!!!!!!!!!!!!!!!
جابت ازلام عله حدهه مسلحهه
ومن بواترهم أرگاب ملولحه
جفوفهم تطحن طحن مثل الرحه
زرعو بروس الزلم وسواسهه
!!!!!!!!!!!!!!!!
خلفت حاني الكحيله لو ركب
يصير جن يوم القيامه لوغضب
جابت العباس خطاف الرگب
الماخذ بكل المعارك كاسهه
!!!!!!!!!!!!!!!!!
ام البنين الوفيه الخاشجعه
خلفت عباس ليث المشرعه
الشگگ گماطه لخيه بمرضعه
اليفرس الجيمان يافراسهه
!!!!!!!!!!!!!!
جابت اليمه العقيله مدلله
حامل لواهه وسندهه بكربله
رجف اسباع الفله بذيج الفله
وصار مضرب للأمثال بناسهه
!!!!!!!!!!!!!
سيد حيدر الصافي

‏مقطع صوتي من سيد حيدر الصافي

‏مقطع صوتي من سيد حيدر الصافي

مولاتي ام البنين عليها السلام

يمه حسين يايمه
يمه حسين يايمه
!!!!!!!!!!!!!!!!!!!!!!!!!!!!!!!!!
وين اليسچ وي الهوه الهاب
ويگطع الصحره المالهه حساب
يرگه الكحيله التنفض تراب
يم الحسين يفك الانگاب
ويحچيله عن ضيمي والمصاب
أمك يگله راسهه شاب
عطب گلبهه عليك عطاب
أمك كتلهه مگابل الباب
ويلاه
وين اليخبر حسين أمك تنازع
!!!!!!!!!!!!!!!!!!!!!!!!!!!!!!!!!
مشلوع گلبي عليك مشلوع
مفجوعه وانعالك يمفجوع
تستاهل عيوني والدموع
ياريت ون الگلب مسموع
يامن عفتلك بشر موجوع
ماعندي غيرك يبني موضوع
گالو الجيش عليك مجموع
وخيولهم كسرتلك ضلوع
ويلاه
كسرو ضلوعك ليش يابعد ضلعي
!!!!!!!!!!!!!!!!!!!!!!!!!!!!!!!!!
حنيتلك حگ الامومه
وجهي الهجر غير رسومه
المثلك فگد محد يلومه
يگضي لطم ونياح يومه
دومه يون يلولد دومه
گالولي ميت راس گومه
ونايم چفي مو خوش نومه
عريان ومسلبه هدومه
ويلاه
ياستر هاذه الكون عريان ميت
!!!!!!!!!!!!!!!!!!!!!!!!!!!!!!!!!
شتاگيتلك يمه وغلاتك
يلماكو من عدهن صفاتك
گالولي ذبلانه حلاتك
والماي مامر بلهاتك
والخيل گالو ساحگاتك
وحرگو يغالي مخيماتك
وترسن الهيمه مدللاتك
ركضن خواتك وي بناتك
ويلاه
مدللاتك يحسين ترسن الهيمه
!!!!!!!!!!!!!!!!!!!!!!!!!!!!!!!!!
سيد حيدر الصافي

على زينب واويلاه
على زينب واويلاه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يلموتتج مابين شمات
يلجبتي عمرج كله شوغات
اليمج شماته وحفنت دموع
لاولد يمج لابنيات
ضليتي بس خيال ياروح
مذبوح يلوحدك مذبوح
بس آنه مقسومتلي الجروح
شيليهه مالت تستراحين
وخوانج عله ارماح غافين
مسكين گلب أم عون مسكين
ميتين أخوتچ لا تانين أم عون ميتين أخوتج
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يموت أحسن الماعنده جاره
وخمسينه خلصن بلمراره
كبار الهواشم بيهه يدرون
ساعات وتموت الكباره
صار الدمع والهم متاعي
وصار العمر هم ماله داعي
يلايگه عليج النواعي
شضلج بعد يلضاله خيال
كتال فگد الخوه كتال
يعين الله گلبي شگد هضم شال
ضاله أم عون خيال ومتانيتهم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يطلابة الغربه شيحلهه
انه الكتلهه فراگ اهلهه
مو لمت الخوان ياروح
التمت عليه الغربه كلهه
مشلوع حيلي وگلبي مشلوع
كسر الخواطر جازي الضلوع
من تالي صوتي يصير مسموع
متروس شيب الگلب والراس
انه ارد اموت وتضحك الناس
وين الحسين ووين عباس
بلغو الهواشم زينب تريد تموت
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ذباح فگد الاهل ذباح
راح العمر والوجع ماراح
المن بعد زينب تنطرين
روس أخوتج مرفوعه برماح
يلشايليكم فوگ السنون
ياهو الشييل جنازة ام عون
شبجي وخلص ماي البلعيون
شينام گلبه الفگد شينام
محتام يلخوان محتام
كتال زينب طبت الشام
فوك الجنازه كون أخوتي يلطمون

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي