يارسول الله

اليوم ام الحسن تبچي عله والدها
وين البلطم والبچي يساعدها
!!!!!!!!!!!!!!!!!!!!!!!!!!!!!!!!!!!!!!!!!!!!
حزنانه الاكوان اليوم حزنانه
وجه الدين كله مغيره الوانه
راح الثبت الإسلام عنوانه
عوانه تريد الزهره عوانه
عوانه عله ابوهه الفگدهه ضاهدها
!!!!!!!!!!!!!!!!!!!!!!!!!!!!!!!!!!!!!!!!!!!!
ضاهدها رحيل العلم والاحكام
تبچيله الرساله وينحب الاسلام
راح الهدم دين الشرك والاصنام
تنعاله الزچيه والجفن مانام
شلون تنام والد بعد ماعدها
!!!!!!!!!!!!!!!!!!!!!!!!!!!!!!!!!!!!!!!!!!!!
ماعدها ابو وعليهه حل مصاب
المن بعد تشكي وغاب عزهه غاب
من بعده الاصحاب تصير موش اصحاب
نار تشب عليهه وتنعصر با الباب
ضدها تصير عباد الصنم ضدها
!!!!!!!!!!!!!!!!!!!!!!!!!!!!!!!!!!!!!!!!!!!!
ضدها تصير كلهه يارسول الله
وين الگبل خلفك واگف وصله
الدين خلاف عينك مارعو اصله
باب الجذع فوگ بنيتك شثگله
باب الجذع روح بنيتك يهدها
!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

متباركين عمي

لاتقصرون أخوتي أعادة نشر + تعليق + لايك

شكراً شكراً يابوعلي
ياكل ناسي وياكل هلي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يلماخذني مني _ بس أنته التحبني
أتشتت وأضيعن _ وبحضنك تلمني
بس انته أبقه بيه _خل عينك عليه
خل تتركني كلهه _ ولاتترك أديه
محد وفه يا مولاي مثلك يلوفي محد
تتوددلي وتحبني وآنه لغيرك أتودد
الربع وخواني ماسوو مثل الانته سويته
وين الگه بشر لجلي جوه الخيل يتوسد
أغلط واجيلك  وانته تسامح
مسدوده كلهه وبابك فاتح
والطايح بحبك ماطايح...حسين
شكراً حبيبي _ مارجعتني _ غطاني خيرك
شگد عندي وادم _ بس بلحقيقه _ ماعندي غيرك
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
من زغري وعشگتك _ غذتني نعمتك
أگطع عني كلشي _ كلشي ولا خدمتك
وجهك من تديره _ وجهي المن أديره
هوه المثلي يسوه _ تضحيله بعشيره
جبيره عليه وعيونك المثلي يخدم المثلك
الخادم من صدگ مولاي كون بروحه يخدملك
مره أذكر ومره أنسه عمت عيني بشراب الماي
وأنته لخاطري معطش روحك والمصيبه أهلك
شكراً جنابك ساتر جنابي
سلبو ثيابك وانه بثيابي
منطي الشباب لخاطر شبابي
أشملني برحمتك _ يارحمة الله _ وأرحم ضياعي
ضمني بعيونك _ الدنيه غربه  _ وماألهه داعي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ربتني بجفوفك _ خاف أكبر وأعوفك
مولاي انه احبك  _ ماريدن اعوفك
جانت والله عالم _ ضايع بين وادم
شالتني رحمتك  _ وصنعت مني  خادم
مامحسوب  ألي بناسي وعليكم صرت محسوب
اريدن وحده يامولاي ساعدني على كلبي يتوب
اليحبك لازم يضحي ويخلص العمر غربه
حلاة الدنيه ضيم بضيم تخلص للخلص متعوب
ترك ذاك صليبه ودار وبحبك صبح مصلوب
شكراً جنابك ساتر جنابي
سلبو ثيابك وانه بثيابي
منطي الشباب لخاطر شبابي
طهرلي گلبي _ وغير مساره _ جيت بندامه
خليني اخدمك _ من كلب صافي _ حق الخدامه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يادين المشاعر _ خلي ايامي عاشر
من عندك أريدن _ ترزق صدري حافر
آنه بغفله طايح _ وانته بهيمه طايح
خدرك گوه عنك _ فوگ الهزله رايح
وسفه وصارت ضعونك عله ضهور الهزيله تنام
يمشن گوه ياويلي وي الجانولهن خدام
اتمنه جمرتي بيوم لاتبرد ولاتطفه
للگالوله شمأذيك گال الشام آه الشام
كلهن عرف سموهن غرايب
كل علمودي طبن خرايب
لهاي المصيبه تهون المصايب
لخاطر عيالي _ ماتو عيالك _ بين الشماته
المثلي مقصر _خلص حياته  _ وحته بمماته
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

ماتت فاطمه وماتت الحنيه
مثل هلال صارت تمشي محنيه
وديهه الترفه من النار مجويه
وحيده أم حسن والهجمو تلثميه
أم زينب ماتت مهضومه
!!!!!!!!!!!!!!!!!!!!!!!!!!!!!!!!!!!!!!!!!!!!!!
عمرهه ثمنطعش وجروحهه كبار
وحركو دارهه التفطم من النار
للمحسن وصل طارف البسمار
أويلاه عله زهرة علي الكرار
شمسويه الزهره وعصروهه
!!!!!!!!!!!!!!!!!!!!!!!!!!!!!!!!!!!!!!!!!!!!!!
اذا دارج يزهره بنار حروكهه
باجر خيم محتركه ويلسبوهه
اذا جم ضلع من عدج يكسروهه
ضلوع حسين بلحافر يطحونهه
فوك أبنج تسحك خياله
!!!!!!!!!!!!!!!!!!!!!!!!!!!!!!!!!!!!!!!!!!!!!
أذا محسنج طاح وصارت العله
باجر عبد من حضن أمه للنبله
باجر جفي حسين ومحد يعدله
وأخيته يشوفهه تصعد عله الهزله
أخته يصعدوهه عله الناگه
!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

وفه الخوه 💔

https://vt.tiktok.com/ZSDTETUc4/

آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
هليله خيم الحزن والحزن ما أكبره
من بيتهه فاطم مشت والضلوع مكسره
مثلك منو شيع گبل زهرته للمگبره
حگك لون عينك تصب ع الزچيه من دمه
آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
مصيبه ما الهه عزه ولا يكفيهه الحزن
ياصبر گلبك ع الهضم من فگد أم وابن
حيلك العالي يافحل هدمته كلمة وأن
وكل حيل ياحيدر علي هل الحچايه تهدمه
آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
ياحسرتك يا لوعتك ياصبر وين الصبر
وي ام حسن عمرك مشه يا نفع بيه العمر
الله يعينك من شفت ضلع فاطم منكسر
روحك يروح الله صفت من بعدهه ميتمه
آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
كلشي انتهه وي فاطمه المحاچي وعشرتك
وي كسر ضلع ام الحسن بينت ياكسرتك
زهرتك راحت ياعلي با الهضم يازهرتك
والعين مسطوره غصب والضلوع مهشمه
آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
تستاهل يصب الدمع لم حسن يسوه الدمع
من عدهه متكسر جنب ياهضم مو بس ضلع
ماصايره عد الخلگ زهره معصوره بجذع
وثگيل يا باب الجذع فوگهه بغل أنرمه
آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
صبرك جبير وع الارض جدم من عندك ثبت
انتهت با الهم عشرتك ياعلي بدفعه انتهت
المسمار ياحيدر علي بصدر فاطمتك نبت
هاي المصيبه ياعلي تنحب الهه أرض وسمه
آجرك الله ياعلي برحيل فاطمة
!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

‏مقطع صوتي من الهاشمي

واويلاه يافاطمه
واويلاه يافاطمه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ذبلان بستان العمر ماتت زهرتي
بس المضيعله محب يفهم حسرتي
مكسور من حيدر گلب مو ضلع ياناس
انه الجبير المانزل نزلت دمعتي
الخساره المالهه تعويض بس انتي
متي وعلي مات وياج من متي
منامج بلگلب شو بلترب نمتي
يعافيتي _ تدرين بعلي يم علي شسويتي
يعافيتي _ من دموع عيني نگعت لحيتي
مانشفت عيوني ثواني _ وين ألاحبه فارگاني
بلموت كون يصير تبديل _ بمجانهه جا بدلاني
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
من البجي يافاطمه هدلانه الجفون
بيمن أباوع للدرب ودافنهه العيون
يم الولد گلب الولد آنه الكسرته
عليج أبجي بس ولدج علي يازهره يبجون
يالوني ذبل من حيدر اللون
گاضيهه وراج شلون بشلون
ألاصبرهم گبل بيه يصبرون
ياهو الضل _ الصور كلش خفيفه وع اليحب تثگل
ياهو الضل _ الموت بسرعه بس يوصلنه يتعطل
متعوب يبجيله عله متعوب _ يامن عساهه بذمة البوب
يحصل دوه لكسرات الضلوع _ عدمن دوه لكسران الگلوب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
فرگاج يم أثمنطعش سوانه شياب
الموت ماعنده محب بس ياخذ أحباب
سديت بيبان الصبر والحلم والبال
من عصرتج يافاطمه أكره شكو باب
أبو تراب وأريدج من التراب
اخاف عليج حته من الهوه الهاب
الفاگد وجهه وين يخلي الأنگاب
أريدنه _ السهر والعشره والحب ذاك أريدنه
أريدنه _ الموت يبوگ اليحبني وأحبنه
مقسوم روحك حيدر تحير _ ماخوذ مايه شينفع البير
بثمنطعشهه ماتهنيت _ أثمنطعش مو مالت مسامير
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خلافج عبر بيه التعب لضلوع الضلوع
من جان وجهج ماتطب للبيت الشموع
حجاياتج أذكرهه جنت أترف من الماي
ماعاصره بگلبج حقد عصروج بجذوع
ماتنفع ندامه وصب الدموع
مايرجع عزيز الوجع مرجوع
أبجي عله الضلوع الهدت ضلوع
شتگله _ الفاگد گلب گلبه ويرضه شتگله
شتگله _ المضيع أبو وأم كلهن بخله
يافرگت الخلان تكتل _ شوف الصور مايقنع الكل
ياناس مو حي الله ميت _القرآن ميت بيش أرتل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

شكراً لله على حب علي
شكراً لله على حب علي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
انه حبيت طيني وگمت أعشگه
چي گالولي منك فاضل الطين
يبو روح الحنينه ويا ابو الكل
مدلل قنمبر أكثر من الحسين
صورك بلبيوت أثگال مولاي
ثگل بصورك مفطر الحياطين
يابو ثگالهه _ صل صلالهه _ شيوخ بابك تذب عگالهه
سد الساده _ ابو الصياده _ شفترك قاده _ تفر گبالهه
الحبل المتين _ قطاع الوتين _ صلى القبلتين
علي ياعلي
للحقِ أصب _ للشيمه مطب _ سيدهه العرب _ علي ياعلي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
فقارك منه چم واحد ردي تاب
ولو لايح بليس بطرفه تايب
باب الله علي شيعصيك ياباب
أرفعت بيبانهم رفع الحواجب
نثايه الماتحبك هاذه الحساب
حبك ياعلي يطول الشوارب
عشگك غاني _ للأزماني _ عشگك ثابت - والكل فاني
كامل كامل _ يابو الكافل _ يامن واحد _ مالك ثاني
مثلك ما أكو _للساقي أبو _ ياحيدر كفو
علي ياعلي
يمسهل الصعب _سديته الگلب _ غيرك مايطب
علي ياعلي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يلتگسم الخبز وتگسم الارزاق وتگسم الفوارس
ماتكشخ بملبس بلعكس بيك كشختهه الملابس
مايدرون مو بلرقم نهواك نحبك لو يخلونك الخامس
حبك عامر _ أول وآخر _ واليحبونك _أصلهم طاهر
أبونه ونفخر _ نحبك حيدر _ قبلنه وبعده _ الفلك ماصاير
ياحامي الحمه _ بيك الحگ نمه _ ياحرز السمه
علي ياعلي
ياكهف الفقير _ يلمالك نضير _ يا أعضم أمير
علي ياعلي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
كعبه ومولدك بلكعبه من صار يلشانك جزه الشان
قرآنين موجودات بلكون الكتاب وانت قرآن
الرجوله البيك لو وزعهه ربنه چا ماكو بعد با الدنيه نسوان
ياسردارهه _ ياقهارهه _ الجنه بأيدك _ وبيدك نارهه
سور وساري _ يچف الباري _ الماتتداور _ چفك دارهه
علي سر وسرور _ علي من الغفور _ هوه نور ونور
علي ياعلي
ذو الغضب الشديد _ فتاك عنيد _ صهار الحديد
علي ياعلي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يلبوكت السلم سلمي وبا الحروب ماترحم يبو حسين
الملك گالو كلامه مايعيده الكلمه وضربتك ماصارن ثنين
لأن تگسم الزلمه اليدفن أحتار الواحد لازم يحضرله گبرين
تهز الثابت _ تحچي الساكت _ بجماجم قاده _ حسابك نابت
تكر وتكورهه _ تكسر صدورهه _ العرك من دونك _ عرك بس باهت
گطاع الجذر _ كاسرهم كسر _ تكر وماتفر
علي ياعلي
ليث شما علن _ سيفك بيهه رن _ ياعود الحسن
علي ياعلي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الصافي

ثـانـي سـنـه مـاواصـلـيـنـچ 💔

https://vt.tiktok.com/ZSfV2hbA6/

رزقيني الزياره
ياأخت الغياره
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
دگ جفي باب الحب وأجه يعلن ولائه وحبه
يل با النوايه عالمه وتنطين كلشي نطلبه
جيت بطلب يم الخدر ومحلفج بذاك الخدر
ماشفت من ذاك ألالم رزقيني أشوف الگبه
أتعنالج يم الخدر _أرد أتعلم معنه الكسر _ بارد گلبي ورايد جمر _ من جمر الخيام
أرد أشهگ شهگات ألاجل _ شهگة واحد ماعنده أهل _
با الغربه وبلحسره ذبل _ والذبله الشام
كل المصايب جازي مصابج
يلماكو انسان واصل عذابج
مولاتي طلبه رايدهه منج
رزقيهه الاجدام وگفه عله بابج
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
رايد أضوگ من الألم وأرد أفتهم مضمونه
عبدج يريد دموعه دم مو ماي تجري عيونه
الزاروج گالولي حجي يوگف نبض كل عاشگ
حته الضوه عن حضرتك يازينب يطفونه
حبلج وي الضلمه عجيب _ جرحج ماصحاله طبيب _
شيداوي الصاحوله غريب _ بين ألازقه
خليني  أتغرب ونهضم _ وترزقيني هوايه ضلم
أرد أشبع يم گبرج لطم _ ومتاني رزقه
حسراتي تكبر وي مسره الايام
كل عام أزورج أتمنه كل عام
حيلي أذبه كله بعتبتج
وأتمنه مجتوف كون أدخل الشام
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بلا أسم أبوج أذانهم وبكل وكت يتجدد
يحرگون گلبج بيهه وگلبج يشب مايخمد
لسه غريبه بعينهم والهضمه يابت حيدر
ويلي يبت باب الله بليل بابج ينسد
ينسد بوجه الگاصدج _ وهم ترجعين لوحدج _ ماواحد منهم ساعدج _ والله عجيبه
يلحزنج جرني من العدم _ وخلاني أطلع من الوهم
رزقيني أصرخلج بلم _ لا موغريبه
دلالي يم عون ماتطفه ناره
رزقيني شوفت ذيج المناره
مولاتي خجلان ونتي أدره با الحال
مارايد أطلب بس الزياره
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يگلولي مولاتي الضحك يدخل صداه جوه الصحن
محد يهم بحالتج يابت علي والله زمن
لسه الشماته مشكله وتضحك أبابج عادي
يذكرونج بذاك الوضع لمن دخل ذاك الضعن
من طبيتي وضعنج لفه _ وأخوانج برماح الوفه _ يذكرونج ونتي مجتفه _ بحبال ألارجاس
من دهرج وياج أنعطف _ وتشدد حبله وما لطف
  من أسمج با السوگ نعرف _ هاي أخته عباس
خليني اعيشن لوعة دواوين
يتبده دمعي مايبقه با العين
والله هضيمه من صاحو عليج
هاي العله النوگ هاي أخت الحسين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي