كون عله التابوت احاا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
لايگه عليه النعاوي والبواچي والهضم
مره متعوبه وچبيره وضاله خيال وعضم
لا أبوي اليوم يمي ولا تون يم راسي أم
اليوم كون أخواني فوگي مگابل عليه اللطم
فوگ المهضومه عمايم هاشم تنذب
كون عله التابوت احاا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
تعبوه با الغربه كلش گلب زينب تعبوه
هاي عدمن گبل صارت ميت يسبون أبوه
لوبديهم جان حته النعش مالي چتفوه
كون جنازه الهواشم كلهه وتصيح يبوه
كون اعزاز عليه تشگ الزيج وتنحب
كون عله التابوت احاا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
تهضم الماعدهه راي وتهضم الماعدهه حل
گلبي كتاله المحنه مدري با الغربه نكتل
خاويه وكلش نحيله وگاضيه وعودي ذبل
السادة الدنيه اهلهه تموت مايمهه أهل
هم صارت هايه بنادم ميت ينسب
كون عله التابوت احا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ياخوال الولد حيهم والله ذابحني الهجر
يهل عمري العمر خلص با الطفوف وبليسر
كسرة الميته غريبه بيا ملاگه وتنجبر
كلهه هينه الموتتني طبتي لذاك القصر
من أسمع بلشام بنص تابوتي أتگلب
كون عله التابوت احاا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يمن ماجيتو اليه جايتكم يا انفال
مايله الدنيه ويه زينب كلشي بيهه هنانه مال
خلصت خمسين عمري راكبه ضهور الجمال
خلصتهن هايهيه وجايتكم ب الاحبال
خاف أتهيوني الراس عليكم شيب
كون عله التابوت احاا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
اليوم عازه عازة اهلي بلنعاوي والونين
سنين خلصنه سويه وضيع الشام السنين
مايغيرنه المصايب والحنين يضل حنين
اليوم زينب غمضتهن يابو فاضل ياحسين
ماتت مقهوره عليهه تريد اليثغب
كون عله التابوت احاا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

‏مقطع صوتي من الهاشمي

‏مقطع صوتي من الهاشمي

سيد البطحاء والكر _ أبو طالب
والد الكرار حيدر _ أبو طالب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
للما أنصفه التاريخ سولف ياقلم بشموخ
كل كاتب جهل حقه كل كلماته بيهه شروخ
للشايل أدب سادات من چان الأدب ممسوخ
شيخ بمكه ابوطالب من چانت شحيحه شيوخ
لايگتله الشيخه _الأدب منه الأدب.. أبن أطهر نسب
حيد واهله حيود من ألاوله
لا يگتله الشيخه _ هدوء بكل ضجيج _ وسقاءُ الحجيج
الناس با الماتنحل يسيروله
لايگتله الشيخه _ هله تدفع هله _ اليطبله يحمله
شيخ مكه چانو يصيحوله
گلوله للتاريخ خل يسمع
خلوه بكيفه ينزل ويرفع
خلوه يضم علوم أبو طالب
لو مو يضمه الذهب هم يطلع
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
من صاب القحط مكه صبح كل غصن ذابل
نزلك مطر ربك وچفك بعده مانازل
فضلك ع النبي معروف وتكفلته بعيونك
يامن گبل أبو فاضل للهادي صرت كافل
هيبة من الباري _ رزانه وغيره _ تحل الحيره
كل طلب ماينرفضلك واضحه
هيبة من الباري _ شوصفك ياوصف _ لطف كلك لطف
واليشرحك ماوصل با الشارحه
هيبة من الباري _ دعائك لايرد _ يحلال الشدد
يبو باء التبدي بيهه الفاتحه
بي خله خله الچفه ميلوحه
مثلك منو منطي النبي روحه
يلما بردلك چف عله العيله
مملوح يمخلف المملوحه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أكبر چذبه با التاريخ كافر گالت ألاخبار
لو عابد صنمهم زين بس چي تعبد الجبار
بس تخيلو وياي وخل يتخيل العاقل
شلون الله يعذب أنسان أبنه بچفه جنه ونار
منفرد بفعاله_ علم وكت الجهل _ جبل ماوصفه تل
عالي من العالي ذني امجاده
منفرد بفعاله _ وقار ومرتبه _ أله شچم منقبه
واحد وكلش صعب تعداده
منفرد بفعاله _ يعم خير الرسل _ يلمعدل اليزل
عم نبي ووالد أمير الساده
كل ألادله بموقفك تثبت
كلشي التريده يصير بس تقنت
چانت بمكه حچايتك ع الكل
من يحچي أبو طالب الكل تسكت
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
من باب الشجاعه شلون شخصك واحد يوصفه
من تسطرلك بنادم يوگف  گلب البصفه
يتفاخر عله الوادم اليمك عدل الوگفه
گبلك محد مخلف أسد وزلمه با الخلفه
ونعم والله ونعم _ يواحد بس عدد _ أسد ومخلف أسد
مايشبهك واحد بكل الزمن
ونعم والله ونعم _ يبو الشال الحصن _ يبو أشجع أبن
يا ابو الطگاته مايتكررن
ونعم والله ونعم _ أبو تراب الشهم _ أمير عله الزلم
لافتى الا على أبو الحسن
هاذه ابو طالب هاي تربيته
بس الله يعرف قيمته وصيته
أبنه علي المولود با الكعبه
الشگله الجدار وطلع من بيته
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

شرفونا هنا لحد يقصر

أعادة نشر 🌹

https://vt.tiktok.com/ZS6TrX72f/

تشرفونا هناا
لاتقصرون بحضوركم أدخلو ع الرابط

https://vt.tiktok.com/ZSMRok4gu/

قصيدة شجاعة العباس
ادخلو ع الرابط شرفونا

https://vt.tiktok.com/ZSM65va2x/

السلام على الحسن المجتبى
السلام عل الحسن المجتبى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
للقوافي المالحات الباشطات اليوم رخيت الرسن
فززت وين البطن والغافيات ولبو القاسم هوسن
يلصفاتك حيرت كل الصفات المصطفى عنك يگول
العقل لو كان رجل مثل الرجال جا يصير أسمه الحسن
كمال أحمديا _ رباه عليا
ماكو با الدنيه مثيله أربعين هواي ما واحد يشبهه
سوا بحله صوره _ من نور الله نوره
جان مو نور الكمر يضوي المدينه الضوه بوجهه
جمال الله برسومه _ يغالي وصعب سومه _ حسن مولى
يصفن الخلگ لو مر _ وقار وعزم حيدر _ حسن مولى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خير الله الحسن چان بوكته ذاك ولسه هوه الحسن خير
لكلشي بلدنيه نضير يصير كون والحسن بلكرم ماصحله
نضير
يامشبع صحنك الجن والاملاك يامشبع الطايره والماتطير
الزلم تدخل عدله مابيهه عواج وتطلع محدبه لأن تارسهه لير
يراعي اللغز والحل _ سخي وبلكرم أول
للكرم لو جبنه طاري الحسن أول أسم طبعاً سيقال
هلا من بعيد تسمع _ من چلماته تشبع
وين اكو معزب وصل بلكرم ماله يزرع بروس الجبال
تطب تطلع محدب _ ايا اكرم معزب _ حسن مولى
اليچهبه بهلا يشبعه _ وصل صيته للسبعه_ حسن مولى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يابو چانون اليوج ليل ونهار يلترحب بلعرب والمو عرب
اليطب لمضيفك يحس روحه هيج موش لمضيفك يحس للجنه طب
الهاك تطلع گبل لا يطلع سلام وگبل لايحجي تعرف معنه الطلب
صحره چانت گبل لا مو من فراغ بكثر ماچانونك تذبله حطب
يابو الجود ألاوحد _ يتربايت محمد
هاي تربيت الهواشم مالحين واهل ملگه وأهل عز
يلمامثلك تجيب _ يمتعب المعازيب
الفقره تدخلك وتطلع منك افقرهم ترس جيبه كنز
ولا بردت دلاله _ الكرم والله يحلاله _ حسن مولى
هذن يلگن عدمن _ يحط ليره باالتمن _ حسن مولى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بلشجاعه منين اطب منين أجيك فحل ومخلفك فحل
علي اطاك الميمنه مومن فراغ لأن شافك جبل والباقين تل
يلبرمحك طيحت ماي الوجوه وطيحت ذاك الجمل
بلعرك ماتحسب شگد الكتول معزب وطبع المعزب مايعد شگد كتل
أبن كرارهه الحگ _ بحر والفاجه يغرگ
يامكسر أطواگهه وكسرت كل الجيش هوه وذاك ثگله
شبل ياحيد ياحر _ تكر والوادم تفر
انت شبل الاسد ذاك الماتگابل والملقب أسد الله
اليثمنك  يعرفك _شجاعة علي بچفك حسن مولى
يراعبهم بسيفك _ يذابحهم بكيفك _ حسن مولى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الصافي