عينوني
عينوني
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
هل من جزوعً جازعً معي أُريد
هل من نصيرً ياترى انا وحيد
هل تذكروني أم نسيتم حالتي
يامن سكنتم داركم أنا شريد
هم تدرون خلص حيلي وأتوجه عله البلكت
خدودي موازيه گيعان كل فلاح مانفشت
انه النهر يوجعني هلي ماتو عطش والخيل بي شربت
يمته أرتاح ما أسمع زينب عمتك ركضت
انه ليلي ونهاري _ گاضي بلصحاري
ياهو العده وادم _ حرگتهه الضهاري
ياناس ياناس وين اليحبوني ب الگلوب
ياناس ياناس متعوب بلعباس متعوب
ياناس ياناس مسلوب جدي وحيلي مسلوب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مامن سلام قد جفى كل السلام
عيناي تسهر با البكا لا لم تنام
لم تبرد الحسرات في احشائي
قد أحرقو في داخلي تلك الخيام
مانايم كلما ريد انام الخيل تعرض وأگعد أتحسر
اتمدد وأشوف حسين متمدد ويشهگ يم علي الاكبر
گال ال ياعلي وماگام وماگام أبنه وأتحير
شيلمه يحزني جنه جسم حسين من كل زاويه مطشر
رد لخيمته وصاح _ يا ليله الولد راح
أربانه وضحكت البيت _ الربه باگته الأرماح
ياناس ياناس هاي المصايب كلهه يمي
ياناس ياناس همي يطيح أجبال همي
ياناس ياناس لدم الأعزاز يفور دمي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خطب عضيم مفجعُ خطب فضيع
قد أسقطت أوراق روحي في الربيع
بان الشجى بان ألاسى بان الذبول
وكبرت دهراً عند فقدان الرضيع
ولا خله العطش واحد عدل بهلي ولا خله
يتوازه عله أعزازي وين الغالي يندله
أنه تمنيت عبدالله يشرب ماي مو نبله
ياوسفه السهم يزحف والمازاحف يكتله
حگي معاشر الجول _ ذبحوهه الدلول
أنه الجمعو  اعزازه _ مكتول عله مكتول
ياناس ياناس زغير الهواشم ب السهم مات
ياناس ياناس حضن الرباب أنترس شوغات
ياناس ياناس وحضرو للنسوان هزلات
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
لازال في قلبي لهم حزناً يفور
من منحري أبكي لمن فقدو النحور
حزني يهيج لوقعت تبكي الحجر
وحرائري أدخلن في تلك القصور
آنه الما عطش للماي للعزازه عمر عطشان
أنه الجده ٣ أيام ضل بعازة الدفان
آنه الفوگ ضهر النوگ مسبيات أله نسوان
آنه التالي ماتالي تدخل عمته بديوان
العقيله المالهه خيال _ جفتوهه ب الحبال
دخلت شامهم ذاك _بهزيله وماكو كفال
ياناس ياناس تعبر مصيبه تطب مصيبه
ياناس ياناس صاحو عله عمتي غريبه
ياناس ياناس ماضن يكف گلبي نحيبه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

كون عله التابوت احاا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
لايگه عليه النعاوي والبواچي والهضم
مره متعوبه وچبيره وضاله خيال وعضم
لا أبوي اليوم يمي ولا تون يم راسي أم
اليوم كون أخواني فوگي مگابل عليه اللطم
فوگ المهضومه عمايم هاشم تنذب
كون عله التابوت احاا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
تعبوه با الغربه كلش گلب زينب تعبوه
هاي عدمن گبل صارت ميت يسبون أبوه
لوبديهم جان حته النعش مالي چتفوه
كون جنازه الهواشم كلهه وتصيح يبوه
كون اعزاز عليه تشگ الزيج وتنحب
كون عله التابوت احاا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
تهضم الماعدهه راي وتهضم الماعدهه حل
گلبي كتاله المحنه مدري با الغربه نكتل
خاويه وكلش نحيله وگاضيه وعودي ذبل
السادة الدنيه اهلهه تموت مايمهه أهل
هم صارت هايه بنادم ميت ينسب
كون عله التابوت احا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ياخوال الولد حيهم والله ذابحني الهجر
يهل عمري العمر خلص با الطفوف وبليسر
كسرة الميته غريبه بيا ملاگه وتنجبر
كلهه هينه الموتتني طبتي لذاك القصر
من أسمع بلشام بنص تابوتي أتگلب
كون عله التابوت احاا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يمن ماجيتو اليه جايتكم يا انفال
مايله الدنيه ويه زينب كلشي بيهه هنانه مال
خلصت خمسين عمري راكبه ضهور الجمال
خلصتهن هايهيه وجايتكم ب الاحبال
خاف أتهيوني الراس عليكم شيب
كون عله التابوت احاا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
اليوم عازه عازة اهلي بلنعاوي والونين
سنين خلصنه سويه وضيع الشام السنين
مايغيرنه المصايب والحنين يضل حنين
اليوم زينب غمضتهن يابو فاضل ياحسين
ماتت مقهوره عليهه تريد اليثغب
كون عله التابوت احاا وثغيب لزينب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

‏مقطع صوتي من الهاشمي

‏مقطع صوتي من الهاشمي

سيد البطحاء والكر _ أبو طالب
والد الكرار حيدر _ أبو طالب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
للما أنصفه التاريخ سولف ياقلم بشموخ
كل كاتب جهل حقه كل كلماته بيهه شروخ
للشايل أدب سادات من چان الأدب ممسوخ
شيخ بمكه ابوطالب من چانت شحيحه شيوخ
لايگتله الشيخه _الأدب منه الأدب.. أبن أطهر نسب
حيد واهله حيود من ألاوله
لا يگتله الشيخه _ هدوء بكل ضجيج _ وسقاءُ الحجيج
الناس با الماتنحل يسيروله
لايگتله الشيخه _ هله تدفع هله _ اليطبله يحمله
شيخ مكه چانو يصيحوله
گلوله للتاريخ خل يسمع
خلوه بكيفه ينزل ويرفع
خلوه يضم علوم أبو طالب
لو مو يضمه الذهب هم يطلع
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
من صاب القحط مكه صبح كل غصن ذابل
نزلك مطر ربك وچفك بعده مانازل
فضلك ع النبي معروف وتكفلته بعيونك
يامن گبل أبو فاضل للهادي صرت كافل
هيبة من الباري _ رزانه وغيره _ تحل الحيره
كل طلب ماينرفضلك واضحه
هيبة من الباري _ شوصفك ياوصف _ لطف كلك لطف
واليشرحك ماوصل با الشارحه
هيبة من الباري _ دعائك لايرد _ يحلال الشدد
يبو باء التبدي بيهه الفاتحه
بي خله خله الچفه ميلوحه
مثلك منو منطي النبي روحه
يلما بردلك چف عله العيله
مملوح يمخلف المملوحه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أكبر چذبه با التاريخ كافر گالت ألاخبار
لو عابد صنمهم زين بس چي تعبد الجبار
بس تخيلو وياي وخل يتخيل العاقل
شلون الله يعذب أنسان أبنه بچفه جنه ونار
منفرد بفعاله_ علم وكت الجهل _ جبل ماوصفه تل
عالي من العالي ذني امجاده
منفرد بفعاله _ وقار ومرتبه _ أله شچم منقبه
واحد وكلش صعب تعداده
منفرد بفعاله _ يعم خير الرسل _ يلمعدل اليزل
عم نبي ووالد أمير الساده
كل ألادله بموقفك تثبت
كلشي التريده يصير بس تقنت
چانت بمكه حچايتك ع الكل
من يحچي أبو طالب الكل تسكت
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
من باب الشجاعه شلون شخصك واحد يوصفه
من تسطرلك بنادم يوگف  گلب البصفه
يتفاخر عله الوادم اليمك عدل الوگفه
گبلك محد مخلف أسد وزلمه با الخلفه
ونعم والله ونعم _ يواحد بس عدد _ أسد ومخلف أسد
مايشبهك واحد بكل الزمن
ونعم والله ونعم _ يبو الشال الحصن _ يبو أشجع أبن
يا ابو الطگاته مايتكررن
ونعم والله ونعم _ أبو تراب الشهم _ أمير عله الزلم
لافتى الا على أبو الحسن
هاذه ابو طالب هاي تربيته
بس الله يعرف قيمته وصيته
أبنه علي المولود با الكعبه
الشگله الجدار وطلع من بيته
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

شرفونا هنا لحد يقصر

أعادة نشر 🌹

https://vt.tiktok.com/ZS6TrX72f/

تشرفونا هناا
لاتقصرون بحضوركم أدخلو ع الرابط

https://vt.tiktok.com/ZSMRok4gu/

قصيدة شجاعة العباس
ادخلو ع الرابط شرفونا

https://vt.tiktok.com/ZSM65va2x/