لك الحمد لك الشكر على ما أنعمت
لك الحمد لك الشكر ومن مثلي قبلت
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
من زغري وختاريت حبك أول
وبغير شخصك گلبي مايتوسل
يستبدل المايشكر يگلولي
ثبتني يمك ماريد أتبدل
لوبابك يطردني ياباب أجهبه ياباب أجهبه
مولاي محد غيرك يسوه أحبه يسوه أحبه
بضماي ياهو المثلك ناذرلي جربه ناذرلي جربه
يلتستحق حرگت دمي
لولاك أضيعن ياهمي
منك أريدن يامعطي
ثبت الگلب ثبت جدمي
منين يجيب الراحه منين
وين يروح الماله حسين
عيني المادلتني عليك
عميه ما أريدنهه العين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يانعمه ماضاهتهه كل النعمه
يامن نقذني من الضياع وهمه
يسألوني منين وعليمن عايش
عايش عله الله وعله هاي الخدمه
أنسان بفضل أسمك طلعته أسمه طلعته أسمه
دمعاتي البقرايتك سوني زلمه سوني زلمه
واللچمه المن عندك هاي أحله لچمه هاي أحله لچمه
ماذا وجد كلمن عافك
ماذا فقد كلمن شافك
ماعايش بخير أچتافي
معيشني من خير أچتافك
عفوك شامل أنس وجان
الما يتعبلك مو أنسان
لو يشرب كل ماي الگاع
مايروه العاف العطشان
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
لرسوم وجهك وقفتهه رسومي
المايبتدي بدمعه ألك مو يومي
يلما أرتاحيت بحياتك كلهه
خلاني حزنك ما أرتاح بنومي
مخلصني من أوهامي خلصان بلخيل خلصان بلخيل
حيل أنطيت وانت ماعانك الحيل ماعانك الحيل
شايلني من ذنوبي وماحصلت شيل ماحصلت شيل
شيوفي فضلك شيوفي
لو عمري أبچي مايكفي
چفي أضيع من اتهده
بجاه الرضيع ألزم چفي
أبعد وأتغير وأذنب
وأرجع وألگاك أترحب
أنت أول صاحب مولاي
من أبطي عليه مايعتب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مجلس عزائك ع الكمال يربي
لغيرك حرامات التعب ياتعبي
بيش اگدر اوفيلك سترت عليه
وضعنك عله ضعون المهازل مسبي
مأمني بفي رمشك وعليه باذل وعليه باذل
موگف ضهري وضهرك فاگدله كافل فاگدله كافل
وأهلك راحو عنك فوگ المهازل فوگ المهازل
گلبك يدخل ناس أسهام
واليحمي ضهرك ع الشط نام
واهلك سبايه بلا عباس
والحادي ماخذهم للشام
مسكني وبيتك محروگ
ضعنك فوگ ضهور النوگ
حته أتصون هواي خدور
فاتو بخدورك للسوگ
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الـصـافـي

مشتاگه زينب
مشتاگه زينب
يا أهلهه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
اليحن وهوه ميت هاذه جازي عله الحنين
والله مشتاگه يخوتي وين أضمن شوگي وين
بداعت أمكم مدري أختكم مدري ياهي من الثنين
أربعين الليله صار تجمعو يمطشرين
متانيتكم لحضه لحضه وأحسب أيام وثواني
الموت مر زينب ومامر طيف من عدكم خواني
الموت أخذكم يل أحبكم تعباني أله خذاني
تعبانه ميته بس تعبانه
والگلب حن يريد أخوانه
محتامه ألكم وعطشانه _ يخوتي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بطلت من كلشي روحي ومامبطلتهه المحنه
وصلت اليوم أربعيني ولا أخو منكم وصلنه
الموت مابي صفنه وآنه ميته بس متروسه صفنه
رفرفت كلهه البيارغ وماكو بيرغ رف لهلنه
وآنه عدله أبجي عليكم بلگبر وأبجي عليكم
أمنيه من الأماني فوگ لحدي تمر أديكم
روحي ملت حجي الغربه روحي مشتاگه لحجيكم
أتنطر ميته بس أتنطر
أتحسر بلگبر وأتحسر
محد مر بيه شو محد مر _ ياهضم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ليش دون الموته زينب ماكو فوگاهه نحيب
كل غريب لناسه يرجع مايضل دومه غريب
تطيب كلهه وآنه جرحي ما أشوفنه يطيب
والله مو حلوه الفواتح كون مابيهه ثغيب
وگفت الغربه عله گبري ولا أخو فوگاي واگف
الموت راحه للي مثلي ليش گلبي لهسه خايف
خلص الماي البعيني وخلصت حته السوالف
شيسدهه حلوگهم شيسدهه
يسمعوني هاي أهل ماعدهه
يفگدهه ولا أخو يفگدهه _ ضاله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أربعينيتي مصيبه ولاكو واحد مرني منكم
ليش مازرتوني لسه يلتحبوني وأحبكم
حاشه تنسوني ولا آنه روحي مالحضه نستكم
بس أختكم حگهه تعتب جيفن تحبكم أختكم
الناس تضحگ يمي وآنه گلبي محتار بنحيبه
گلبي ماضايگ الراحه صار بس الهم نصيبه
كلشي أحسه يگلي زينب راح تبقين الغريبه
مليته الهجر مليته
ياگبري يمكم تمنيته
ياريته مو هنا ياريته _ بكربله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

غير الله ماواحد يعينه
الماتلفي أخوته بأربعينه
واحد يگل للموش زينين
ماتت أختكم موش زينه
بربعينيتكم جيت وانتم ولا جيتوني
!!!!!!!!!!!!!!!!!!!!!!!!!!!
طافي الحلم والعمر موحش
الذبحو صباحه شلون يغبش
هاد الجفن والگلب يرمش
مامش اخو يلفيني مامش
يوم اربعينه يمرون كل ميت يتاني هله
!!!!!!!!!!!!!!!!!!!!!!!!!!!
وديت ياما طروش وطروش
وتانيتهم بس همه مايوش
اليسألني هسه شلونج حالچ
موخوش حال أم عون موخوش
بلغو الگضتهم كربله البلشام مامرتاحه
!!!!!!!!!!!!!!!!!!!!!!!!!!!
ياشامهم طر الگلب طر
ميت وع الخوه يتحسر
يتبعون رايي سبع خوان
وتالي وحيده الله وكبر
ويلا يخت سبع اخوان محد لطم فوگاهه
!!!!!!!!!!!!!!!!!!!!!!!!!!!
غربه الخلايگ كلهه غربه
من الضيم گلبي وگف گلبه
اعتب عله الگطعولهم روس
مشتهيه فوگ الگبر ثغفه
يلمالكم روس أشتهت زينب عليهه تثغبون
!!!!!!!!!!!!!!!!!!!!!!!!!!!
سيد حـيـدر الصافي

رجز في حب أمير المؤمنين عليه السلام

قاصرُ في حيدرً كُل مقال
شامخُ وتنحني لهُ الجبال
عشقهُ ليس لأولاد الحرام
بل عليُ عِشقُ أولادِ الحلال

أشملني بعطفك الواسع
دخيلك من بشر ضايع
حسيناه حسيناه
!!!!!!!!!!!!!!!!!!!!!!!!!!!!!!!!!!!!!!!!!!!!!!!
ياعشگ من الصبه أبالي _ يلهواك مشبع الريه
من المهد ياشجرة محبتك _ غرزت وترعرعت بيه
گمت احس عيوني ماتسوه_ عليك أذا ما تبچي ليليه
انه واحد ماغفه بضحكه _ يغفه بس يغفه عله لطميه
دخيلك يامأواي الآمن _ ماواحد ينخه ورديته
لاتتركني بعالم ضايع _ حاشاك تعوف الربيته
آسف عن غفلاتي الفاتن _ عن كل مجلس ماطبيته
عفواً عفواً _ عله ايام البيهن جفيتك يامولاي
خايف خايف _ تبدلني بغيري لأن غلطان هواي
عفواً عفواً _ يمن ساگيني وانت ماضگت من الماي
!!!!!!!!!!!!!!!!!!!!!!!!!!!!!!!!!!!!!!!!!!!!!!!
مدري ياساعه العمر يخلص _ هيه هاي التستحق صفنه
هم يجي يوم ودمعتي تجف _ وصدري ما أگدر الطمنه
دعوه أسوي وتحضر الخدام _ ونه المجلس ما احضرنه
ثوبي ألاسود ينزع مني _ وبلچفن لبيض أبدلنه
كل واحد مولاي أمنيته _يشيب وبمجلسكم يكبر
ياهو اليصفن دوم لذني _ ياهو اليتحمل واليگدر
يدعي الوادم تحضر مجلس _ بس هوه يموت وما يحضر
الهضمه الهضمه _ لمن يخلص عمري وبعد ماكو قرايات
يگضن يگضن _ حبيبي أيامي وما اجيلك مشايات
داخل داخل _ عليك وع الزهره تسامحني عله الفات
!!!!!!!!!!!!!!!!!!!!!!!!!!!!!!!!!!!!!!!!!!!!!!!
انه واحد ذو وجه أسود _ أعطف علي من عطف جونك
بلرخه وبلشده يتغافل _ لاكن ولا نكر ماعونك
لاتهدني بداعت ألاكبر _ كلشي بس لا دورة عيونك
وگفتني وكبرت شاني _ وانت بلحافر يسحگونك
مثلك وين ألگه بيا ديره _ دلل مثلي وكبر شانه
منطي بيت ينام بفيه _ وحرگو بلعاشر صيوانه
مثلي يضوگ الماي براحه _ ومثلك ضل ك الخشبه لسانه
مولاي مولاي _ چبيره عليه اخدم فضل من عندك صار
مولاي مولاي _ اريدك تحرگلي برود البيه بنار
مولاي مولاي _ اريدك ترزقني البواچي ليل نهار
!!!!!!!!!!!!!!!!!!!!!!!!!!!!!!!!!!!!!!!!!!!!!!!
الله ماخالقنه للراحه _ الله خالقنه الك نتعب
الما يچلب بيكم يتيه _ ويندل ويندل البضعونكم چلب
بيش تتجازه يبو ألاكبر _ ساتر عله امثالي ومسلب
يابواچي ويا لطم يكفي _ راحت لشام الهضم زينب
فوگ ارماح اخوان الحره _مهضومه ومنهم تترجه
ضعن المحد شايف ضله _صار لعين الوادم فرجه
اه الشام شسوه بزينب _ طبتله عله الناگه العرجه
ويلاه ويلاه _ يلمأمن أهلي وألك مسبيه ضعون
ويلاه ويلاه _ وحيده اختك بلشام تريد العون ام عون
ويلاه ويلاه _ ولا شايفهه الجار عليهه تصد عيون
!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الصافي

السلام عليكم خدام سيد الشهداء عليه السلام
هاذه معرف خادمكم لتصميم بوسترات المجالس الحسينية مجاناً تصاميم ان شاء الله راح تعجبكم وبخدمتكم
@moaml2010

سيف الله ياحيدر
كف الله ياحيدر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
صورك گبل شيخ ب الكوسر
ماتعطش بنص بيتك الكوثر
أسم أمي ماعرفه وانه بمهدي
وأول أسم بذني نحچه حيدر
ياگمر وأحله من الگمر وأرقه
من نور الله نورك أشتقه
ع اللوح أسمك ياعلي خطه
أسمك السبعه بزود مخترقه
سابي الدنيه بحلاته _ شاغل بالي بصفاته _ يامحلاه
ماتسوه الدنيه دونه _ هوه الشيخ وابونه _ والنهواه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
با الكعبه طره بعده با الكعبه
يل با الارض والبلسمه تندبه
حب حيدر مخصص من الباري
بس النشامه حيدر تحبه
حب علي يميز الزينه ويحدهه
يتبع نهجه الحوك والگدهه
هواي اكو وادم تملك وعدهه
الماعدهه حيدر كلشي ماعدهه
مايربح با النهايه _ كلمن عاف الولايه _ والمأوه
واليسألني عله عشگي _ بس الكرار أعشگه _ بس هوه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
واحد كلف ومنزله الواحد
سيفه بشكو هامة سبع گاعد
بلعركه ماراكب فرس عمره
ماشارد ولا يلحگ الشارد
هوه السمع بسمه بحرب يختل
بس عله المحد فارسه يحول
مايقنع بواحد بصولاته
عشرين عشرين الزلم يكتل
سبحان الله عله ثگله _ أكبر فارس يفصله _ بلغاره
يفني جبال بسطرته _ ماثناهه ضربته _ جباره
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
تبرد يشدهه وتشتد الشده
حد خله بس ماواحد يحده
با المعركه وبلكرم وبعلمه
حيدر چبير ومحد بگده
ياسيل يابركان ياواضح
يامالح ويمخلف المالح
لو تجتمع كلهه البشر تتعب
بس الله يدري شگد علي ذابح
الخلف عباس اكيده _ محد يلويهه أيده _ ياراقي
طر جيوش بطريقه _ أشجع كل الخليقه _ ابو الساقي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الصافي

شع نوره كريم الساده
هاي الليله ميلاده
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
شاغلني وصفه وحرت من الوصف أكمل
يبن اللذي بكل كلام وبكل فعل اول
لو سولفت ع الجمال بكل معانيه
با المجتبى كل جمال الله العلي تمثل
هله هله هله بعطفه هله بنوره هله بجاهه
هله هله هله بذكره هلا بعطره شبيه المصطفى طاهه
هله هله هله بفيه هله بضيه سمه والارض ضواهه
ياسبحان من سوا
حسن مولا حسن مولا حسن مولا
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
من كل جهه سيدي محمدي ويلمع
شگد الشمس تنصع ومن عدهه هوه انصع
متعجب ومندهش وأسأل ومن حقي
من يطلع المجتبى شعنده الگمر يطلع
حلو حلو حلو كله منو مثله حلو يبن الفراضه
حلو حلو حلو الله ملائكته ينزلهه برياضه
حلو حلو حلو وجهه شكو ابيض يدنگ يم بياضه
أبن المرتضى محلا
حسن مولا حسن مولا حسن مولا
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
كل مرسل وكل ملك متعجب برسمه
نعمه الحسن وبعلي تمت شكو نعمه
قال النبي المصطفى في حق مولانا
هوه العقل لو بشر صار الحسن أسمه
ضوه ضوه ضوه وهيبه البعيده تقربهه يمينه
ضوه ضوه ضوه وحكمه بهي بعلمه وفحواه سكينه
ضوه ضوه ضوه لومر بأوصافه يصفنهه المدينه
كمال الله نزل ويا
حسن مولا حسن مولا حسن مولا
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
لو سولفت ع الشجاعه الزلم تتنحه
هاذه الكريم اليذبح وماسحب بذبحه
يوم الجمل شاهد ومحد گدر ينسه
هوه العگر ناگة أم الفاحشه برمحه
هوه هوه هوه بزوده ابو الكلفه والتدنگله الابطال
هوه هوه هوه بچفه أبن حيدر المعصيات تنشال
هوه هوه هوه الينثر ومن زاده تخضر روس الاجبال
الكرم يمه ونسد طروا
حسن مولا حسن مولا حسن مولا
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

ابو فاضل
ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!
بجماله موازي الگمريه _ الشمس تتقرض من ضيه
طلع والكل بلطف صاحت _ شحلاتك يبن البدويه
ياحلاته ياحلاته
شمس ويضوي لخواته
والنوارس حاسداته
ابو فاضل
دخيل ربه ويادخيله
ب الادب ماكو مثيله
با الضوه شيخ عله جيله
ابو فاضل
با الكمال اول _ تشهد الوادم
با الجمال اجمل _ كل بني هاشم
!!!!!!!!!!!!!!!!!!!!!!!!!!!!!!!!!!!!!!!!!!!
طلع والحر دخن راسه _ يويله بصمصامه الجاسه
وفي وما يشتم مثل الناس _ تشم بس حسين أتفاسه
با الوفه محد يسبگه
وبلعرگ محد يلحگه
حگه ماينوخذ حگه
أبو فاضل
جامع لكل الوسامه
لايگه براسه العمامه
كفو ياضهر الامامه
ابو فاضل
كامل من الله _ من نزل كامل
الكفو ما لاگت _ بس لبو فاضل
!!!!!!!!!!!!!!!!!!!!!!!!!!!!!!!!!!!!!!!!!!!
الشهامه والغيره بجيده
البعيد بخزراته يصيده
ثگيله وماترحم واحد
يد الله ابو فاضل أيده
معتبر وعوده المعتبر
مثل شمرت علي لخيبر
هيج بيهه الزلم شمر
ابو فاضل
حيل جفه بيهم يخض
والاثگال گباله تركض
كضت ويفرح من تكض
ابو فاضل
دنگت كلهه _ من رفع راسه
كل خشم عالي _ بلجدم داسه
!!!!!!!!!!!!!!!!!!!!!!!!!!!!!!!!!!!!!!!!!!!
تخف ويكرهه من تخف _ لمن يخطف لونهم يخطف
النهر هوه الزيد مايه _ لأن ضل بلوادم يگطف
من غزاهه الجيش نغز
شكو ميت من برز فز
والسبع گدامه يهتز
ابو فاضل
رجف الشجعان رجف
جفت وعباس ماجف
والابطال الطگهه تزحف
ابو فاضل
هاذه امر الله _ والتزم بيهه
الوادم البطف _ راد يمحيهه
!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الصافي