علي ولي الله الحق
علي أميرُ وأبو الخلق
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يامن به بدء الخطاب _ لكل باب انت باب
لازلت في ذكر علي _ أجوزها كل الصعاب
____
أنه لمن هويت _ الهوى مالي سديد
والعنده علي _ من الله شيريد
أنه لمن صرت _ سمعت هاذه النشيد
مفروض ع الناس حبك ياعلي
علاك رب العرش علاك غصبن عله أعداك
____
شفته من الصبه _ عاليُ المرتبه _ باطن المنقبه
نعم الرحيمُ من الرب الرحيم
ذكره فوگ الشفاه _ غايتي بس رضاه
قال عنهُ الاله
_____
هاذا صراط عليٍ مستقيم
أمير الخلقِ وخير فائض
يريد الثابت لسان ونابض
ف أشهد يارب عليُ أمامي
أحبه الحبه وبغضه الباغض
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يامن بهِ قلبي أرتضى _ من غيرهِ قد أعرضى
لاخير في عبادةً _ من دونِ حب المرتضى
اليعشگ حيدره عشگ الله العلي
الزلم تنعد زلم بحب حيدر علي
دنيه وآخره بايعة الولي
__
شيگول الگلب دسمع يحيدر بسم الله ورسوله
شيگول الگلب دسمع يحيدر بسم الله ورسوله
هاك أخذ العهد هاك _ دنيا وآخره وياك بسم الله ورسوله
____
مايحده الوصف _لطفه جازي اللطف _ لعلي گلبي وقف
مايدخل لگلبي غيره أستحاله
شامخُ ك الجبال _غيره أحبن محال _ هوه شيخ الرجال
معوشقي لا يعرفهُ الا النبي وذي الجلاله
_____
عليُ معطي عليُ أوعطى
عليُ سبطُ أبوُ للسبطا
گبل لاتدخل يلاگيك أسمه
بباب الجنه عليُ خطى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يا أقربَ من أقترب _ موسى كليمُ لاعجب
ف أنتَ لاتحتاجها _بصوتك الله  خطب
خاصف النعل وتفتك با الفتك
الصحاري الخاليه بسم حيدر تضك
يجف الله الشلت خيبر ما أشك
____
ياعلي لو مايمينك باب خيبر من دحاهه
لون مايسراك مارف ملت الهادي لواهه
____
قاتل الناكثين _ مرعب المارقين _ سيد العالمين
ألقابه من عدهن الموت ألاحمر
هل أتى هل أتى _ للأنام رثا _ غيره لافتى
الله قال لافتى الا حيدر
_____
الفخر بس هوه اذا ردت أفخر
شديد البأس أذا أشتد الكر
دخيل جفوفه علي شقوتهن
السماء أهتزت لمن هز خيبر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يافارساً عند المغار _ مبكي الكبار والصغار
شجاعنهم أسكتها _ بضربةً من ذو الفقار
____
علي بضهره حسام وبجفه حسام
علي بضهره الگمر داحي لكل ضلام
عدل ميت علي هويتي والامام
عدلين ميتين يمك ياعلي
عدلين ميتين يمك ياعلي
اخره ودنيه يمك يبو الحسنين
_____
علي اليوم وامس _حيله يفرس فرس _  تهابه جن وأنس
أن صال في سوح الوغى لايرتاب
يمنته الصاعقه _ خزرته الحارقه _ضربته الفالقه
في غابة الميدان حيدر أسد الغاب
أسود الحومه تهزهه حروفه
علي شگد وادم كتلهه  بشوفه
قسيم بكلشي ولاحد حده
قيامة ربنه علي بجفوفه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

بلغني عاشوراء البكاء
قوي جوارحي للعزاء
ياحسين ياحسين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سلامً ياحبيب الكل
بسمك خافقي يرتل
يانبضه
اخذ كلشي اللي مو ألكم
وأرزقني محرمكم
كل لحضه
يانبض الگلب ماتنفع من دونك نبضاتي
يا أول جرح تقبلته وحبيته بمرضاتي
أسلبني الفرح كثرلي بأيامك أهاتي
أخذ كلشي العنك يبعدني
أريدن بس الكم يضل حزني
زيد مدمعي _ وبجيك بلاوعي
بس أنت صدگ _ تستاهل نعي
اون وبس لسمك يضل وني
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
عشت أيامي وأنت أدره
علمود أيامك العشره
ياديني
السنه كلهه أموت أقبل
وبعاشور أرد أعدل
يكفيني
متانيهن يجن عيشه بلا عاشورك ماترهم
بيهن أنفضح أبچيلك با الحرگه الماتنضم
ماريد السنه أخذ أيامي وخليلي محرم
هذني ايامك يسون سنيني
عشرة ايام ألطملك بطيني
مامل اللطم _ وبچي بحرگه وهضم
لوذكرو خيول _ يوجعني شچم عضم
تبچيني ضلوعك تبچيني
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
هدوم اللوعه نلبسهه
سواد الدنيه نترسهه
لعيونك
من الدمعه مانشبع
وجهنه نخمشه من نسمع
يذبحونك
من نغفه نفز يفززنه صياحك هل من ناصر
نگعد ع الترب يلضليت عله تراب العاشر
شلعان الگلب من نسمع صدرك داسه الحافر
العطش ياخذنه وتعرض اوصافك
ثلث تيام مفطره شفافك
نشرب بس تعب _ منك ثوب نسلب
بي مانستلذ _ ولسانك خشب
تصيح عطشان النهر عافك
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
دلال الگهوه نچفيهه
يراعينه ويراعيهه
ماتحله
أهلنه وكلشي نتركلك
يمن راحو سبايه أهلك
ع الهزله
ننصبلك خيم ونطيحهه من تطيح خيامك
ونعوف الاهل بلحر عافوك گبال أيتامك
للشام بهزل اختك زينب تركب  گدامك
محرم يالوعة لياليه
عزيزت روحك تمشي مسبيه
مچتوفه بحبل _ خدرك وعله الهزل
شافوهه الگبل _ ماينشاف ألهه ضل
گبل مامسبيه يعلويه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الـصـافـي

طلعو من ضهر مزيونه بدويه
واحدهم يسد عين الشمس فيه
ام البنين ونعم
مره وتسوه زلم
!!!!!!!!!!!!!!!!!!!!!
من عدهه عرفنه حچاية الهمه
واليخدم بولده عابر الخدمه
حرمه ولو نعدهه تسوه الف زلمه
قاصر كل وصف يم الكلابيه
!!!!!!!!!!!!!!!!!!!!!
اربع زلم گضاية الملزومه
ويطربون لو شدت الميشومه
ودتهم نذر لحسين بلحومه
ودت أربعه وتحسهم شويه
!!!!!!!!!!!!!!!!!!!!!
يتقدمهم المهيوب والكامل
صگار الزلم خيالهه وراجل
كبرتهم عيجد الطف ابو فاضل
كتال الزلم لو صارت الحربيه
!!!!!!!!!!!!!!!!!!!!!
عباس المشيم الكون عنوانه
خطاف الارواح ولون عدوانه
كف الزلم چنه يكفكف أردانه
والما تنگضي بچفوفه مگضيه
!!!!!!!!!!!!!!!!!!!!!
ضجه وابو فاضل يعشگ الضجه
رادت تنگلب يوم اللي طگ عرجه
راس السبع بيهم علگه بسرجه
ميه بعركته مايقنع بميه
!!!!!!!!!!!!!!!!!!!!!
سيد حـيـدر الـصـافـي

لابد يجيهم يوم ويرف علمهم
عدهم بعد طلاب ضل من زلمهم

!!!!!!!!!!!!!!!!!!!
گرب يوم راعي الثار والثايه
ابن المايثني الطگ والحچايه
چم ويرد شيالهه الرايه
عدهم شهم موعود للشده عدهم
!!!!!!!!!!!!!!!!!!!
چم ويبين زود فقاره
غاره والهواشم سادة الغاره
خيال ويجيهه محزم لثاره
والماترد لوصال بچفوفه ردهم
!!!!!!!!!!!!!!!!!!!
ثارات الحرگ والباب يطلبهه
يمه تنحني الماتنحني رگبهه
فوگ الشجر ولد الزنه يصلبهه
منهم يرد الثار بفعاله منهم
!!!!!!!!!!!!!!!!!!!
يوم الحيد مايحصل مثل يومه
غيض أبو فاضل تارس رسومه
ياخذ حيف للعطشان بلحومه
فقاره يوم يغير يگطع نسلهم
!!!!!!!!!!!!!!!!!!!
راياته تلوح الغيم راياته
صولاته تهد أسباع صولاته
يلهب نار گلبه لسبي عماته
هاشم يرده بزود بتاره عزهم
!!!!!!!!!!!!!!!!!!!
سيد حـيـدر الـصـافـي

آه يحسين ييمه آه يحسين
آه يحسين ييمه آه يحسين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يمه _ يحسين _ تعبني يلغالي الغياب
أنحب _ وأبچي _ من دمعي نگعت الثياب
رحتو _ وآنه _ وگفه وكسرته خاطر الباب
وحشه الدار _ وين أندار _ تعرضلي للضعن صوره
مابي روح _ بي بس نوح _ بيتي انت يلچنت نوره
يارجواي _ چنه هواي _ عفتوني وحدي مكسوره
گلبي ينشد عليكم گلبي لچبير
أن شاء الله بخير ييمه أن شاء الله بخير
شما تهب ريح تحرك طارف الباب
روحي چن طير تفرفح روحي چن طير
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
روحي _ حنت _ وانته تعرف حنيت الأرواح
شوگي _ هدني _ راح العمر والوجع ماراح
چفوفي _ طبعت _ گد ماأخليهه عله ألاصفاح
منكوبه _متعوبه_وجهك دوه وجفا عله
شويه تغيب _ سهله تهون _ بس ماتردلي موسهله
فاض الشوگ_يوليدي _مشتاگه للضعن كله
فايض الشوگ عليكم فايض الشوگ
للعله النوگ سلامي للعله النوگ
عفت النوم وراكم يلغالين
من روحتكم جفن ما ألي مطبوگ
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
گلبي _ ضيمه_ كلما يصد للماي يزداد
چنه_يگلي_ يبني تموت من العطش غاد
شماشوف_ لبخور _ أتخيل خيامك رماد
يم الباب _تعبر خيل _ فوگاگ أحسهه من تعبر
للصيوان _ للنسوان _ موجوع أشوفك تأشر
بس ويلاه _تأشر بيش_ چفك نقيصه بي خنصر
تقسم وحق رسول الله عطشان
حر الصحاري غير بيك ألوان
لاضل أخو يعينك لاضل حيل
تدير بطرف عيونك للصيوان
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
چفوفي_ ترجف_ هاي الأشاره توجع البال
چنهه_ مصيبه _ بيهه رمز نسوان وحبال
يصفن _بالي _ وبصفنته _ تعرض جمال
فوگ الگاع_ تنام عيون_ وچم داني تفتح عيونه
ضعنك ذاك _ ضعن العز _ سلابه تالي يحدونه
والآم _ديرة شام_ ديرة غرب يدخلونه
يامصيبه شكبرهه يامصيبه
وأختك أم عون يسموهه غريبه
يبني الضيم عليه يبني الضيم
تردلي ضعونك محدبه وسليبه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الـصـافـي

ولدي بعداً لقومً قتلوك
لم يراعو قلب ليلى وأبوك
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
صوتك وصلني وجيتك صبري خلص ياصبري
ألادركني شلعت گلبي وكثرت شيبي وكسري
جم مره وآنه عله المهر حاولت أعدل ضهري
وشمرت روحي من المهر ردتك تفز لكبري
من الخيم حد جسمك _ شماتي كلهه أتاني
أسمع حچي وأتحمل _ بس الحجي أذاني
تونه ذبحنه وليده _ واحد يگل للثاني
لو تدري حدما وصلتك _ چم عاذل البچاني
ولدي -جيت محدب _ جيت مشيب _ يبني الماكو بغلاته بغلاته بغلاته
ولدي -أفتح عينك _ حرك أيدك _ بس ستكلي الشماته الشماته الشماته
ماصادگت بحچي كل الشمات
شيقنعني وأقتنع علي ألاكبر مات
هسه الرباك يريدك كون تگوم
خلينه أنرد سوه للبلخيمات
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
فوگاك أبوك بشيبه وبهيبته متبدي
يبني الثكاله اليبچن مابچن هسه بگدي
كلهه غوالي أولادي وأنت أغله واحد عندي
يم خدك الماسالم قررت أحطن خدي
ذيج المعاني الحلوه - متغيره من كثر الدم
تبسلمي يبني ثواني _ ترد روحي من تتبسم
ماصارت ولا دارت _ انه ألابو وأتيتم
عود أرد أشمك لاكن _ ماباقي شي حته أشتم
ولدي _ طلعت روحي_ومامتحرك_بعد عيوني شجالك شجالك شجالك
ولدي _ ياعافيتي _ وطولي وبيتي _ شمسوين بجمالك جمالك جمالك
يانور العين علي يانور العين
أول تالي تبچي عيون حسين
الفاگد مشدوه أذا ضيع معذور
علي يبني منين طريج الخيمه منين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ذابل وون ع الذابل وما أدري ياهو ألاذبل
هوه التموت عيونه يادرب يگدر يندل
راح أشهگ بصف جسمك ياعلي وبلكت تعدل
زحمه الشماته تشوفني يوليدي بيك أتوسل
هسه منو اللي يشيلك _ مابيه أشيلن أيدي
بيش أفرح وأتبسم _ گدامي ميت عيدي
زيدي يروحي الونه _ ماتت كبرتي زيدي
ماريد أضلن عايش _ ياناس أريد وليدي
ولدي _ مترب خدك _ يامن بعدك _ مافرحان _ بكبرتك كبرتك كبرتك
ولدي _ ويلاه يكبر _ وچم خنجر _ هاي أثاره برگبتك رگبتك رگبتك
يفياي حسين هضيمه بلايه فياي
عطشان وگدامك يچفون الماي
ربيتك والربه مغطيته دموم
بسيوف مفرهدينه السهر ورباي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
نفرض وصلت الخيمه مكابر بشوفي وسمعي
محدب ودمعي بطولك والحجر يبچي لوضعي
ي ألاكبر گبال أمك جيب اليسكت دمعي
ميت علي شيحچيهه للترد سالم تدعي
هاذه الوضع يذبحني _ يابعد أبوك أتصور
ماتقنتع بفراگك _ العايفهه تدعي وتفتر
تخيل أبوك الكلمه _ بلسانه بس مايگدر
تموت أمك من أحچيهه _ يا ليله مات ألاكبر
ولدي _ والله أتمنه _ يمك موتي _ يامن موتك ذبحني ذبحني ذبحني
ولدي _ شيصبر أمك _ لو گلتلهه_ ذبحو ليله علي أبني علي أبني علي أبني
آه يافرگاك علي آه يافرگاك
يبني أتمنه ما أرد ميت وياك
ياروحي ونبضتي ياحلو الطول
شينسيني يلولد طولك وأنساك
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الـصـافـي

السلام على الحسن
السلام على الحسن
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خَجِلت كُل العباراتِ على المُجتبى وأنحنت
ياكريمً حارت ألارضُ به والسماءُ أندهشت
حسنُ ألاخلاقِ والخُلقِ معاً والصفاتُ أجتمعت
موش مامسدود بابه الباب أصلن شالعه
الحسن ماطلعت حرمته بس سفرته الطالعه
بيهه وادم طبته وماكلت زاد
شافته وطلعت مكيفه وشابعه
فاض خيره ع الوادم
وعله العطف يعطف _ منه الهله وتكف
منه الكرم كله
فاض خيره ع الوادم
هيبه يخو المحسن _عزبهه أنس وجن
محتاجه ماخله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ليسَ با الجودِ فقط بل وشُجاع يشهدُ الميدانُ له
كُل من واجههو مثلُ المريض يرتجف أن نازله
وبصفينَ رجالُ مدحوه قالو فيه شبهُ للزلزله
حيدر بصفه يحط الفقط بس لله أنحنه
يبين الحيد بعركته مو بعمره شجم سنه
والحسن نشمي وترسهه عيون أبوه
ولذالك علي مسلمه الميمنه
مسرفنهه أردانه
والينسطر وضعه _ للجابته يرجعه
ضرباته مابردت
مسرفنهه أردانه
حرب الجمل شاهد
شارد وراه شارد
خله الزلم فرت
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
كرمُ فاقَ على كُل الحُدود ونحنا له الكرم
أشبعَ الطيرَ ومن ليسَ يطير وأعتلى كُل القمم
علمُ لم يضعو فوقَ الديار أن آل المرتضى همُ العلم
الجود كل مجاله عالي عده مامره نزل
اليدخل لدار ابو القاسم يحس ب الجنه دخل
مامكفيه المضيف الزاد خير من الله جان
الطيرخاف يجوع كام يخلي زاد عله الجبل
ماقنعته السفره
حنطه وهله يكثر
فوگ الجبل ينثر
والطاير مشبعه
ماقنعته السفره
هاذه الكرم عدمن
ليراته ب التمن
ياهو المثل طبعه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
كانَ صُلبً وهُماماً أينَ ماصارَ النزال
خوفُهُ كانَ لربِ العالمين لم يخف عندَ القتال
جبلُ في عزمه وهل رأيت جبلُ هابَ التلال
جان لو طك مايثني ولايخاف من العدد
كلهه عدهه حدود بس الحسن ماكضاه حد
شاف ابو ألاكبر قليل عليه الزاد
ماكو أغله من الولد وأطا ولد
محد يسويهه
جازي الكرم عده
ويعزب بولده
وبكلهن مجرب
محد مسويهه
هيبه يبن حيدر
من يومه للمحشر
أكرم عباد الرب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

أبوفاضل
أبو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
قائد بس عابر كل القاده
ياخذ من عنده الگمر مراده
كلهم حلوين الساده بوكته
بس هوه يسموه گمر الساده
يلمع من كل صوب _ غالب مامغلوب _  غير أبن الكرار
نور لكل عدنان _ أحله بنادم جان _ منه الغيره تغار
حلو كله حلو _ برد بيه ودفو
ابوفاضل فقط _ تلوگ عليه كفو
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يلسيفك حجه الماتتحاجه
متبسم والوادم تتباجه
گاعك وتقسم بيهه بكيفك
وأهلك من الخالق ملاجه
ياملاج الگاع _ ياحر ياشعشاع _ ياصل يامملوح
سيفك يذبح جيل _ صافن عزرائيل _ مالحگله بروح
شهم يبن الشهم _ أهم من المهم
سيفك مو برد _ المرجف الزلم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خله الگاع من الدم متروسه
أبن الماوكر ع المفروسه
فتحوله الميدان وطب ليهه
هوسه وعباس يحب الهوسه
بنصهم ذب رباط _ حربي ومال زماط _ يخوف حته الخوف
وادم نهوه كبار _ طفكم مال زغار _ لازم سبع طفوف
أسوي الماجره _ أنه أبن الحيدره
من زغري وصرت _ سبع للگنطره
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خيال وخياله مربينه
سبعين وماعرضو يم عينه
مو يرجع للجابته اللاحه
الينطگ بجفه يرجعه لطينه
كلما زادو زاد _ يذبح مانشاد _ ولا واحد متروك
رجفهم ب الصيف _ مفطوم عله السيف _ معارك با الكاروك
شعلاته ومانزل _ رعد وكت الزعل
يطالع من علي _ فحل وأبن الفحل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مخطوط أسمه من الباري أخطاطه
لو زامط مايرجع بزماطه
مو توه معارك زلمة حيدر
متعارك من زغره وي گماطه
هز فنجان الناس _هزاهم عباس _ مالت حته الگاع
أختنگت حته الريح _ والماطاح يطيح _ من مد الهه ذراع
روايهه كسر _ ولامنه مفر
بزلم من صارمه _ ترس حلگ النهر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي