قمر ألاقمار ابوفاضل
قمر ألاقمار ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يامن ذكرهُ باقي _ والكلُ قد تلاشى
صلى الله عليكَ _ ياساقي العطاشى
عباس ابو الغيره والمروه
عباس ولا سقاء بس هوه
عباس من آدم لحد هسه
عباس أعضم مثل للخوه
للحب مهب _ أشرف نسب
هوه أختصر _ معنه ألادب
جزه الوادم _ لخو خادم
أبو الخوه _ گمر هاشم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
نعم ألاخُ المحامي _ عالي ومحد يلوحك
محد يشبه شخصيتك _ يلطالع تشبه روحك
سردار _ يعني قائد جنوده
سردار _ ذب ع الجيش جلموده
سردار _ الزلم رجفت من العباس
سردار _ ماجانت أكو بروده
بيهم يلف _ لف النزف
من شوفته _ صار الرجف
جزه فضله _ جبل ثگله
عليه سلم _ وصله الله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
متكامل من كل صفحه _ من الباري تسديدك
خمسة معصومين أنته _ كلهم باسو جف أيدك
كفال خدر زينب العلويه
كفال روح أم عون والريه
كفال وبمدرسة العركه
كفال ماخذ ميه من ميه
معفي وعفي _ عد الخفي
بسبعين الف _ ماتكتفي
يمن كامل _ وأعز كافل
غضب الله _ أبو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بس الله اليعرف قدرك _ ماتوصل مرتبتك ناس
سر الضوه بهاذه الكون _ كله نزل با العباس
ضيغم _ يا آيه عله كل آيه
ضيغم _ خصمك يشهد بهايه
گلك _ أبيت اللعن ياعباس
ضيغم _ جفك طبع ع الرايه
انته الشهم _ فوگ المهم
كاسر خشم _ هوايه زلم
اذا زمجر _ زلم يقهر
هوه العباس _ ابن حيدر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

ياحامل اللواء
ياليث كربلاء
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بسم ساقي الفواطم _ بسم شيخ الملاحم _ جاء والثغر باسم سيد الناس
نوره جازي البصيره _ عالم وكله غيره _ هوه قمر العشيره سيد الناس
جاء من أقصى المدينه رجل كله ضوه
نوره جازي عله الخليقه وعله الطف استوه
ماتميز ضوه وجهه من كثر مابي جمال
هاي اول مره بيهه الگمر يمشي بنينوه
نوره من كل جهه يسطع
يطلع عله الشمس يطلع
ابو فاضل ابو فاضل
نور هاشم كله عنده
مدري جم گمره عله خده
أبو فاضل ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مهيمن عله الصداره _ من علي كل وقاره _يجوي راسه الحراره سيد الناس
سيد عله الخليقه _ سيفه واضح بريقه _ والمعارك طريقه
سيد الناس
زلمه مو زلمة سوالف زلمه يوگع ع الجرح
مالح ويعشگ المالح من علي شايل ملح
ما اله ند بقتاله لو برز للمعركه
بكربله العباس صاير أختصاصه بس ذبح
بكربله تمشه عله كيفه
يذبح الفرسان سيفه
ابو فاضل ابو فاضل
ماثبت كدامه واحد
شارد يشمره عله شارد
ابو فاضل ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
توسط بكربلائه _ طوله ضايق سمائه _وبيده لازم لوائه
سيد الناس
سوه يوم القيامه _ وحاسباهه بحسامه _ ماكو منه سلامه سيد الناس
توسط الحومه أبو فاضل وبكتايبهه أستقر
شما يكثرون ابو الغيره شافو عليهم كثر
من ثگل شخصيته يهتز كلشي بلحومه بقه
كلهه فرت من حسامه ومابقه ثابت نفر
والفوارس تعباهه
بطيفهه يركض وراهه
ابو فاضل ابو فاضل
والعجب منه تعجب
وصلاهم للمسيب
ابو فاضل ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حكمت الله وقراره _ لجفه راعي الغياره _ جا فنه الطف فقار سيد الناس
مابقه كلشي سالم _ خزرته جنهه صارم _ كسراهه الجماجم سيد الناس
ضكت الحومه بثكلهه والتراب وناسهه
والكتايب ابو فاضل صار كل وهواسهه
مابقه الجيش عله طوله من دخلهم غاضب
جم كتيبه بصف كتيبه ابو فاضل داسهه
داسهه الفرسان كلهه
وبطرف عينه كتلهه
ابو فاضل ابو فاضل
والرگب بس اله تخضع
وأخو زينب بيهه يگطع
ابو فاضل ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

علي ألاكبر
علي ألاكبر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
جبير عله الشهامه علي ياعلي ألاكبر
يجامع للوسامه علي ياعلي ألاكبر
حسامه ماتركهه علي ياعلي ألاكبر
گضه الوادم حسامه علي ياعلي ألاكبر
طب وحسين من الخيم _ لكبار
طب وتعنه موش زغار  _ لكبار
ضاگ الطف لمن طب علي _ لكبار
الهوه يدور هوه با الغاضريه
شبيه المصطفى _ ضوه وكلشي طفه
حسامه با الحرب _ يحز وجه وگفه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
دخلهم سيفه شاهر علي ياعلي ألاكبر
خطف لون العساكر علي ياعلي ألاكبر
مثل ذبح الغنايم علي ياعلي الاكبر
ذبح ذيج المناحر علي ياعلي ألاكبر
برز والجيش لم البذر _ لماه
ومحد من ذبحهه الناس _ لماه
من بكر أبن غانب جاب _ لماه
راس وطشه مثل الواهليه
يزود عله العدد _ ولا يطلب مدد
علي ألاكبر شبل _ شبل من ألاسد
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يفوت أكبر مقاتل علي ياعلي ألاكبر
رعد جفه وزلازل علي ياعلي ألاكبر
حراره بجفه وارث علي ياعلي ألاكبر
حراره من ابو فاضل علي ياعلي ألاكبر
أمه هلهلتله وفرح _عمه
ومن نوره جميع النور _ عمه
علي ألاكبر مثل عباس _ عمه
بجف واحد يهز الغاضريه
عبير بيهم عبر _ كسر وادم كسر
علي وكت الحرب _ مثل عمه الگمر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خنگهه القاده خنگه علي ياعلي ألاكبر
سبگ محد يسبگه علي ياعلي ألاكبر
علي قرر سبعهم علي ياعلي الاكبر
بطرف جدمه يسحگه علي ياعلي ألاكبر
كصايب روسهم بيده _ فتلهه
وجم گلب بگلب سيفه _ فتلهه
ي ألاكبر لافته وأنته _ فتلهه
مثل جدك علي حامي الحميه
صفت من باتره _ الصفوف مطشره
اليسطره بيمنته _ يضيع من الثره
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

أبو فاضل
أبو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
كلشي يحب عيونه كلشي
ماكو أهم هوه أهم شي
ماصارت ولاراحت تصير
أول گمر بلگاع يمشي
كلشي تحت أمره _ حب وحرب ذكره
موبس وجه عباس _ وادم كتل ضهره
حيدر خلفه _ يذبح مرهفه
يكتل ميزته _بوجهه وبلگفه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بلا مدرسه وعباس ناجح
هوه الگمر يايوم طايح
طبع الملح يطلع من الگاع
بس الگمر من الله مالح
دخيله ودخيل أسمه _ والهيبه البرسمه
بجفوفه ذو الفقار _ والفارس يگسمه
مرجع للخلگ _ مامره نسبگ
جم فارس كفو _ بجدامه نسحگ
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
عبرت صفاته الناس عبرت
كبرت زغار بحبه كبرت
مطرت هذاك اليوم موماي
من سيفه روس وجثث مطرت
يتفايض ملوحه _ سوح الحرب سوحه
مو ينسه دربه منين _ ينسه أسمه اليلوحه
نساهه الاسم _ بس هوه المهم
ثابت با الحرب _ ومرجف الزلم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يفرض عله الشجعان يفرض
يعرض على بشخصيته يعرض
ماله رجل بس گام ياناس
حته التراب گباله يركض
واحد تشوفه هواي _ رايه بيمنته وراي
من هيبة العباس _ ركضت زلم با الماي
الطف طول بعرض _ بجدامه يكض
جن نفض العبي _ ينفضهه نفض
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي...

علي ولي الله الحق
علي أميرُ وأبو الخلق
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يامن به بدء الخطاب _ لكل باب انت باب
لازلت في ذكر علي _ أجوزها كل الصعاب
____
أنه لمن هويت _ الهوى مالي سديد
والعنده علي _ من الله شيريد
أنه لمن صرت _ سمعت هاذه النشيد
مفروض ع الناس حبك ياعلي
علاك رب العرش علاك غصبن عله أعداك
____
شفته من الصبه _ عاليُ المرتبه _ باطن المنقبه
نعم الرحيمُ من الرب الرحيم
ذكره فوگ الشفاه _ غايتي بس رضاه
قال عنهُ الاله
_____
هاذا صراط عليٍ مستقيم
أمير الخلقِ وخير فائض
يريد الثابت لسان ونابض
ف أشهد يارب عليُ أمامي
أحبه الحبه وبغضه الباغض
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يامن بهِ قلبي أرتضى _ من غيرهِ قد أعرضى
لاخير في عبادةً _ من دونِ حب المرتضى
اليعشگ حيدره عشگ الله العلي
الزلم تنعد زلم بحب حيدر علي
دنيه وآخره بايعة الولي
__
شيگول الگلب دسمع يحيدر بسم الله ورسوله
شيگول الگلب دسمع يحيدر بسم الله ورسوله
هاك أخذ العهد هاك _ دنيا وآخره وياك بسم الله ورسوله
____
مايحده الوصف _لطفه جازي اللطف _ لعلي گلبي وقف
مايدخل لگلبي غيره أستحاله
شامخُ ك الجبال _غيره أحبن محال _ هوه شيخ الرجال
معوشقي لا يعرفهُ الا النبي وذي الجلاله
_____
عليُ معطي عليُ أوعطى
عليُ سبطُ أبوُ للسبطا
گبل لاتدخل يلاگيك أسمه
بباب الجنه عليُ خطى
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يا أقربَ من أقترب _ موسى كليمُ لاعجب
ف أنتَ لاتحتاجها _بصوتك الله  خطب
خاصف النعل وتفتك با الفتك
الصحاري الخاليه بسم حيدر تضك
يجف الله الشلت خيبر ما أشك
____
ياعلي لو مايمينك باب خيبر من دحاهه
لون مايسراك مارف ملت الهادي لواهه
____
قاتل الناكثين _ مرعب المارقين _ سيد العالمين
ألقابه من عدهن الموت ألاحمر
هل أتى هل أتى _ للأنام رثا _ غيره لافتى
الله قال لافتى الا حيدر
_____
الفخر بس هوه اذا ردت أفخر
شديد البأس أذا أشتد الكر
دخيل جفوفه علي شقوتهن
السماء أهتزت لمن هز خيبر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يافارساً عند المغار _ مبكي الكبار والصغار
شجاعنهم أسكتها _ بضربةً من ذو الفقار
____
علي بضهره حسام وبجفه حسام
علي بضهره الگمر داحي لكل ضلام
عدل ميت علي هويتي والامام
عدلين ميتين يمك ياعلي
عدلين ميتين يمك ياعلي
اخره ودنيه يمك يبو الحسنين
_____
علي اليوم وامس _حيله يفرس فرس _  تهابه جن وأنس
أن صال في سوح الوغى لايرتاب
يمنته الصاعقه _ خزرته الحارقه _ضربته الفالقه
في غابة الميدان حيدر أسد الغاب
أسود الحومه تهزهه حروفه
علي شگد وادم كتلهه  بشوفه
قسيم بكلشي ولاحد حده
قيامة ربنه علي بجفوفه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

بلغني عاشوراء البكاء
قوي جوارحي للعزاء
ياحسين ياحسين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سلامً ياحبيب الكل
بسمك خافقي يرتل
يانبضه
اخذ كلشي اللي مو ألكم
وأرزقني محرمكم
كل لحضه
يانبض الگلب ماتنفع من دونك نبضاتي
يا أول جرح تقبلته وحبيته بمرضاتي
أسلبني الفرح كثرلي بأيامك أهاتي
أخذ كلشي العنك يبعدني
أريدن بس الكم يضل حزني
زيد مدمعي _ وبجيك بلاوعي
بس أنت صدگ _ تستاهل نعي
اون وبس لسمك يضل وني
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
عشت أيامي وأنت أدره
علمود أيامك العشره
ياديني
السنه كلهه أموت أقبل
وبعاشور أرد أعدل
يكفيني
متانيهن يجن عيشه بلا عاشورك ماترهم
بيهن أنفضح أبچيلك با الحرگه الماتنضم
ماريد السنه أخذ أيامي وخليلي محرم
هذني ايامك يسون سنيني
عشرة ايام ألطملك بطيني
مامل اللطم _ وبچي بحرگه وهضم
لوذكرو خيول _ يوجعني شچم عضم
تبچيني ضلوعك تبچيني
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
هدوم اللوعه نلبسهه
سواد الدنيه نترسهه
لعيونك
من الدمعه مانشبع
وجهنه نخمشه من نسمع
يذبحونك
من نغفه نفز يفززنه صياحك هل من ناصر
نگعد ع الترب يلضليت عله تراب العاشر
شلعان الگلب من نسمع صدرك داسه الحافر
العطش ياخذنه وتعرض اوصافك
ثلث تيام مفطره شفافك
نشرب بس تعب _ منك ثوب نسلب
بي مانستلذ _ ولسانك خشب
تصيح عطشان النهر عافك
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
دلال الگهوه نچفيهه
يراعينه ويراعيهه
ماتحله
أهلنه وكلشي نتركلك
يمن راحو سبايه أهلك
ع الهزله
ننصبلك خيم ونطيحهه من تطيح خيامك
ونعوف الاهل بلحر عافوك گبال أيتامك
للشام بهزل اختك زينب تركب  گدامك
محرم يالوعة لياليه
عزيزت روحك تمشي مسبيه
مچتوفه بحبل _ خدرك وعله الهزل
شافوهه الگبل _ ماينشاف ألهه ضل
گبل مامسبيه يعلويه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حـيـدر الـصـافـي

طلعو من ضهر مزيونه بدويه
واحدهم يسد عين الشمس فيه
ام البنين ونعم
مره وتسوه زلم
!!!!!!!!!!!!!!!!!!!!!
من عدهه عرفنه حچاية الهمه
واليخدم بولده عابر الخدمه
حرمه ولو نعدهه تسوه الف زلمه
قاصر كل وصف يم الكلابيه
!!!!!!!!!!!!!!!!!!!!!
اربع زلم گضاية الملزومه
ويطربون لو شدت الميشومه
ودتهم نذر لحسين بلحومه
ودت أربعه وتحسهم شويه
!!!!!!!!!!!!!!!!!!!!!
يتقدمهم المهيوب والكامل
صگار الزلم خيالهه وراجل
كبرتهم عيجد الطف ابو فاضل
كتال الزلم لو صارت الحربيه
!!!!!!!!!!!!!!!!!!!!!
عباس المشيم الكون عنوانه
خطاف الارواح ولون عدوانه
كف الزلم چنه يكفكف أردانه
والما تنگضي بچفوفه مگضيه
!!!!!!!!!!!!!!!!!!!!!
ضجه وابو فاضل يعشگ الضجه
رادت تنگلب يوم اللي طگ عرجه
راس السبع بيهم علگه بسرجه
ميه بعركته مايقنع بميه
!!!!!!!!!!!!!!!!!!!!!
سيد حـيـدر الـصـافـي

لابد يجيهم يوم ويرف علمهم
عدهم بعد طلاب ضل من زلمهم

!!!!!!!!!!!!!!!!!!!
گرب يوم راعي الثار والثايه
ابن المايثني الطگ والحچايه
چم ويرد شيالهه الرايه
عدهم شهم موعود للشده عدهم
!!!!!!!!!!!!!!!!!!!
چم ويبين زود فقاره
غاره والهواشم سادة الغاره
خيال ويجيهه محزم لثاره
والماترد لوصال بچفوفه ردهم
!!!!!!!!!!!!!!!!!!!
ثارات الحرگ والباب يطلبهه
يمه تنحني الماتنحني رگبهه
فوگ الشجر ولد الزنه يصلبهه
منهم يرد الثار بفعاله منهم
!!!!!!!!!!!!!!!!!!!
يوم الحيد مايحصل مثل يومه
غيض أبو فاضل تارس رسومه
ياخذ حيف للعطشان بلحومه
فقاره يوم يغير يگطع نسلهم
!!!!!!!!!!!!!!!!!!!
راياته تلوح الغيم راياته
صولاته تهد أسباع صولاته
يلهب نار گلبه لسبي عماته
هاشم يرده بزود بتاره عزهم
!!!!!!!!!!!!!!!!!!!
سيد حـيـدر الـصـافـي