قمر الحسين _ علي ألاكبر
قمر الحسين _ علي ألاكبر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سبحان السواهه عيونه وذاته
بين من خيمة ليله شمحلاته
هاي الشمس وهاي الگمريه
أستنسخهن رب العز من وجناته
من يتمشه الضوه يتكتر _ والحر يحتر _ مستحه من لونه
واليابس لو مر بي خضر _ ياس وعنبر _ من يشمونه
علي ألاكبر ياگمر حسين _ الماكو ثنين _ بشخصه يشبهونه
العالي العلي
منذ ألازلي
من نوره وضع
ب ألاكبر علي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يتلثم من يطلع عن حساده
هوه وعمه العباس أحله الساده
بلعركه العاند شو يبهت لونه
هوه يصير أحله شما زاد عناده
من يتگابل هوه وعمه _ الوادم تعمه _ النور يغطيهه
دخيل السوه الاكبر واحد _ مامتوارد _متحير بيهه
أوحد بي نور من ألاوحد _ تاخذ من عده الشمس شگد ويفيض عليهه
عالي المنزله
يمشيم هله
نوره لوحده
تارس كربله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ماخذ من عمه العباس الشمره
نفس الوگفه ونفس الدم والسطره
متحزم با الخضره وخله الوادم
ماتتميز مثل السنبل صفره
من يخزر مخلوق بعينه _ يرجعه لطينه _ وبلعركه وسامه
مامغلوب ودوم يفوز _ الوادم رجفهه بتموز _ وماهز أجدامه
الواگف والشارد مكتول _ وسوه من الفرسان تلول _ وماتسلم هامه
من هد وغضب
نار عله الحطب
مطرهه السمه
موماي برگب
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خله وحوش الفله منهم سمنانه
مامتحرك والوادم فحطانه
أبن الشيخ العام وحگ يتفاخر
كف الوادم جنه يكف بردانه
مايتوانه ولا يندار _ الحار عله اهله يبين حار _ وياخذهه اطباعه
رافع راسه وماضل راس _ ويتبختر عمه العباس _ المهيوبه ذراعه
صف مذبوح بصف مذبوح _ وحته الروح تدور روح _ وماطول ساعه
يختار السبع
من يومه جرع
جن جده علي
يقلعهه قلع
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

رزق البواجي عله الضعن حسين
مالي وطن وانته الوطن _ حسين
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
توكل يگلبي ويه الضعن محبوبك توكل
توسل يرزقك ها السنه ماتبرد توسل
عوف الدلال العشته بيامك المرت
للتعب محبوبك أخذ وين اللذي مدلل
ألحگ ضعنهم لحگت الكلب العقور اللحگ
ياگلبي اليدور عله الراحه بخدمته نسبگ
عبره أخذلك وأتعض لاتجفي محبوبك
ماگدر يبقه با المدينه ووره حسين أختنگ
گل للحسين بعازة هواك
هوه المدينه يخنگ وراك
أتعلم يگلبي منه العشگ
ألحگ ضعنهم وأسحگ أناك
بالك يگلبي _ هاي السنه تضل _ عايش برودك
جايب حبيبيك _ ناسه الغوالي _ كله علمودك
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
عوف الحبال الفانيه وتعلگ بحبله
ضيع شكو شي أخرك وحسينك ندله
ماكو اللي يستاهل تعب با الدنيه هايه
بس الحسين بدنيتك يستحق تتعبله
ميز مشيتك لاتضل ضايع يگلبي أستدل
عقلك أذا مابي حسين ألمن تسمي عقل
رافگ ضعنهم لاتفارگهم ثواني
وأدعي أمامك تثبت بهاي السنه ماتزل
بلايه حسين الدنيه عدم
هوه المهم وهوه الاهم
بلكي رزقك گلبه حنين
هاي السنه يطب گلبك سهم
كل سنه توعده _ وتخلف وعودك _ ياگلبي كافي
تحفه من الاوهام _ وأنزع كيانك _ وأركضله حافي
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
أشدد حيازيم الدمع وأگطع شكو صحره
اسعه تضل وي سيدك ع الحلوه والمره
والمابجت ذيج السنه هاي السنه أعميهه
حته تعين المو دمع يبجي الدمه الحمره
هاي السنه خل تختلف عن السنين المضن
والگضن غفلات وضحك أندم وعوض الگضن
أنسه أسمك وأزغر زغير القافله يكبرك
ياگلبي مو غربه ألاجو ذوله أهلك البلضعن
لاتبتعد عن ذاك المسير
بلكت يجيرك هوه المجير
هاي السنه أكسر كلشي أله
أصحه الخليقه ألالهم كسير
لاتنسه جرحك _ لايگضي همك _ هم لضعونه
أعبر مصابك _ وأبجي شبابك _قربه لعيونه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سد عينك وأفتح بصيرة جوهر الناضر
مايربح الماله حسين بكل وكت خاسر
دوس الليالي المرت بلا دمعه لمصابه
بلكت يرزقك سيدك  ويدوسك الحافر
موكل سنه تضيع ويردك سيدك ماتحس
ماكو أنيس يدوم الك ويدوم عنده الانس
كافي برود وأحترگ من هسه ياگلبي
جم يوم ويضل سيدك عاري بهذيج الشمس
جلب يگلبي بأبن النبي
أطلب دموع من الطالبي
نوگ الهواشم ألزمهه حيل
أسبي كيانك حد السبي
بلكت حبلهم _يلتف عليدك _ ذيج السبايه
الشعشگله غربه _يگضيهه غربه _ هاي النهايه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

‏مقطع صوتي من سيد حيدر الصافي

أمير ألامراء
وفاروق السماء
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
علي يلماتحدك كتب وأقلام
جي مربوط بيك نحبه ألاسلام
الماتعشك علي ماتنعد أزلام
يسيدنه وأبونه وشيخنه العام
صيامي وديني _أصل تكويني _ مليك أنفاسي
همت بحروفه _ أبد ماعوفه _ لخير أنفاسي
أضلن أفخر _ أحب بس حيدر _ يتارس راسي
كلما ضاق فؤادي _ وتمنيتُ مُرادي
لن أنادي غير أسمً _ ياعليُ سأنادي
يامضهر العجائب _ ياعاليه المراتب _ ياعلي مولا
فدوه لحروفه فدوه _ بس هوه عشكه يسوه ياعلي مولا
يادنيتي وخليلي _ بس حيدر بدليلي _ ياعلي مولا
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
يلحاجي كبل لايحجي الكتاب
كل البشر ترجعله با الحساب
مادكينه باب وحيدر الباب
مايحله العشك بس عله أبوتراب
ذكر بشفافي _ عشكته وكافي _ عليه مكدر
أبد ما جامل _ علي اليستاهل _ قسيم المحشر
أذا سألوني _ حبيبك ياهو _ أكلهم حيدر
يسألوني في مصيري _ منكرُ معه نكيرِي
من أميرك وسأصرخ _ وحدهُ علي أميرِي
يارحمةَ ألالهي _ ياآسر الشفاهي _ ياعلي مولا
ياكلبي وانت صدكه _ غيرك حرام أعشه _ياعلي مولا
بس هوه بيه رسمه _ أحله ألاسامي أسمه _ياعلي مولا
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
تشهدلك يكرار الميادين
يلضربتك وحده ومالهه ثنين
علي والينطك بجفك رجع طين
أشجع بشر من الله يبو حسين
يشيخ من الرب _ يشاطر مرحب _ يكاطع جذره
التخزره تضيعه _ ينور السبعه _ يعين الحمره
تدوس عليهه _ تشمر بيهه _ عظيم القدره
ياقويً يا أبيا _ ومن الله سميا
غابةُ وانت أسمك _ أسد الله عليا
ماتهتم بعددهه _ ياضيغم وأسدهه _ ياعلي مولا
ياهيبة الملاحم _ يلكاسر الجماجم _ ياعلي مولا
أشجع بشرهه كلهه _ والعادتك تذلهه _ ياعلي مولا
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
ماتلحك كبالك تسحب أنفاس
علي والكابلك يرجع بلا راس
مثل ضهرك ولا موجود با الناس
ضهرك جان بي واكف العباس
يغايب سرك _ كفيل بضهرك _ يوكف حدهه
كتايب تمسح _ خزرتك تذبح _ منوه يردهه
حسامك يكطر _ زلمه منه تفر _ يلمشردهه
بك رعد الله يضهر _ قاهراً ولست تُقهر
فيك جبرائيل نادى _ لافتى الا حيدر
يلما ألك منافس _ ياقاهر الفوارس ياعلي مولا
يمطشر العساكر _ يلذابح الجبابر _ ياعلي مولا
من سيفه كلهه تتعب _ حيل الله يابو زينب _ ياعلي مولا
¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
سيد حيدر الصافي

قمر ألاقمار ابوفاضل
قمر ألاقمار ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يامن ذكرهُ باقي _ والكلُ قد تلاشى
صلى الله عليكَ _ ياساقي العطاشى
عباس ابو الغيره والمروه
عباس ولا سقاء بس هوه
عباس من آدم لحد هسه
عباس أعضم مثل للخوه
للحب مهب _ أشرف نسب
هوه أختصر _ معنه ألادب
جزه الوادم _ لخو خادم
أبو الخوه _ گمر هاشم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
نعم ألاخُ المحامي _ عالي ومحد يلوحك
محد يشبه شخصيتك _ يلطالع تشبه روحك
سردار _ يعني قائد جنوده
سردار _ ذب ع الجيش جلموده
سردار _ الزلم رجفت من العباس
سردار _ ماجانت أكو بروده
بيهم يلف _ لف النزف
من شوفته _ صار الرجف
جزه فضله _ جبل ثگله
عليه سلم _ وصله الله
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
متكامل من كل صفحه _ من الباري تسديدك
خمسة معصومين أنته _ كلهم باسو جف أيدك
كفال خدر زينب العلويه
كفال روح أم عون والريه
كفال وبمدرسة العركه
كفال ماخذ ميه من ميه
معفي وعفي _ عد الخفي
بسبعين الف _ ماتكتفي
يمن كامل _ وأعز كافل
غضب الله _ أبو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بس الله اليعرف قدرك _ ماتوصل مرتبتك ناس
سر الضوه بهاذه الكون _ كله نزل با العباس
ضيغم _ يا آيه عله كل آيه
ضيغم _ خصمك يشهد بهايه
گلك _ أبيت اللعن ياعباس
ضيغم _ جفك طبع ع الرايه
انته الشهم _ فوگ المهم
كاسر خشم _ هوايه زلم
اذا زمجر _ زلم يقهر
هوه العباس _ ابن حيدر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

ياحامل اللواء
ياليث كربلاء
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
بسم ساقي الفواطم _ بسم شيخ الملاحم _ جاء والثغر باسم سيد الناس
نوره جازي البصيره _ عالم وكله غيره _ هوه قمر العشيره سيد الناس
جاء من أقصى المدينه رجل كله ضوه
نوره جازي عله الخليقه وعله الطف استوه
ماتميز ضوه وجهه من كثر مابي جمال
هاي اول مره بيهه الگمر يمشي بنينوه
نوره من كل جهه يسطع
يطلع عله الشمس يطلع
ابو فاضل ابو فاضل
نور هاشم كله عنده
مدري جم گمره عله خده
أبو فاضل ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
مهيمن عله الصداره _ من علي كل وقاره _يجوي راسه الحراره سيد الناس
سيد عله الخليقه _ سيفه واضح بريقه _ والمعارك طريقه
سيد الناس
زلمه مو زلمة سوالف زلمه يوگع ع الجرح
مالح ويعشگ المالح من علي شايل ملح
ما اله ند بقتاله لو برز للمعركه
بكربله العباس صاير أختصاصه بس ذبح
بكربله تمشه عله كيفه
يذبح الفرسان سيفه
ابو فاضل ابو فاضل
ماثبت كدامه واحد
شارد يشمره عله شارد
ابو فاضل ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
توسط بكربلائه _ طوله ضايق سمائه _وبيده لازم لوائه
سيد الناس
سوه يوم القيامه _ وحاسباهه بحسامه _ ماكو منه سلامه سيد الناس
توسط الحومه أبو فاضل وبكتايبهه أستقر
شما يكثرون ابو الغيره شافو عليهم كثر
من ثگل شخصيته يهتز كلشي بلحومه بقه
كلهه فرت من حسامه ومابقه ثابت نفر
والفوارس تعباهه
بطيفهه يركض وراهه
ابو فاضل ابو فاضل
والعجب منه تعجب
وصلاهم للمسيب
ابو فاضل ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
حكمت الله وقراره _ لجفه راعي الغياره _ جا فنه الطف فقار سيد الناس
مابقه كلشي سالم _ خزرته جنهه صارم _ كسراهه الجماجم سيد الناس
ضكت الحومه بثكلهه والتراب وناسهه
والكتايب ابو فاضل صار كل وهواسهه
مابقه الجيش عله طوله من دخلهم غاضب
جم كتيبه بصف كتيبه ابو فاضل داسهه
داسهه الفرسان كلهه
وبطرف عينه كتلهه
ابو فاضل ابو فاضل
والرگب بس اله تخضع
وأخو زينب بيهه يگطع
ابو فاضل ابو فاضل
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي

علي ألاكبر
علي ألاكبر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
جبير عله الشهامه علي ياعلي ألاكبر
يجامع للوسامه علي ياعلي ألاكبر
حسامه ماتركهه علي ياعلي ألاكبر
گضه الوادم حسامه علي ياعلي ألاكبر
طب وحسين من الخيم _ لكبار
طب وتعنه موش زغار  _ لكبار
ضاگ الطف لمن طب علي _ لكبار
الهوه يدور هوه با الغاضريه
شبيه المصطفى _ ضوه وكلشي طفه
حسامه با الحرب _ يحز وجه وگفه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
دخلهم سيفه شاهر علي ياعلي ألاكبر
خطف لون العساكر علي ياعلي ألاكبر
مثل ذبح الغنايم علي ياعلي الاكبر
ذبح ذيج المناحر علي ياعلي ألاكبر
برز والجيش لم البذر _ لماه
ومحد من ذبحهه الناس _ لماه
من بكر أبن غانب جاب _ لماه
راس وطشه مثل الواهليه
يزود عله العدد _ ولا يطلب مدد
علي ألاكبر شبل _ شبل من ألاسد
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يفوت أكبر مقاتل علي ياعلي ألاكبر
رعد جفه وزلازل علي ياعلي ألاكبر
حراره بجفه وارث علي ياعلي ألاكبر
حراره من ابو فاضل علي ياعلي ألاكبر
أمه هلهلتله وفرح _عمه
ومن نوره جميع النور _ عمه
علي ألاكبر مثل عباس _ عمه
بجف واحد يهز الغاضريه
عبير بيهم عبر _ كسر وادم كسر
علي وكت الحرب _ مثل عمه الگمر
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
خنگهه القاده خنگه علي ياعلي ألاكبر
سبگ محد يسبگه علي ياعلي ألاكبر
علي قرر سبعهم علي ياعلي الاكبر
بطرف جدمه يسحگه علي ياعلي ألاكبر
كصايب روسهم بيده _ فتلهه
وجم گلب بگلب سيفه _ فتلهه
ي ألاكبر لافته وأنته _ فتلهه
مثل جدك علي حامي الحميه
صفت من باتره _ الصفوف مطشره
اليسطره بيمنته _ يضيع من الثره
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
سيد حيدر الصافي