عمري ما كانت فـِ قلبي قسوه تجاه شخص عمري ما بعدت ع حد بمزاجي كل حد شوه مكانته بروحه ، وكل واحد نهي وقته ع طريقته 🤍.
مافيش شخص يفيق تاني يوم ناسي ، لكن في اللي يفيق تاني يوم مايحسش بإنه خسر شي 🤍.
اللي قاعده معاهم اني اخترت نقعد معاهم واللي خليتهم اني اخترت نخليهم ، مش الغلط ومش الأسباب اني نعرف نخلق مليون سبب باش نمشي ونعرف نتغاضى ع مليون سبب باش نقعد ! اني وين مانبي نكون نكون ، لا حد ولا اي شي يشكل فرق فـ المُعادلة هادي 👌🏻🤍.
في يلي مافيش داعي تدعي عليه لان ربي باليه بنفسه و نيته السوده وعقليته لمريضه .
وح تقعد ديما الأيام تتبتلنا قداش قاعدين نبالغو في مكانة الاشخاص فحياتنا .
وفي مرات تحس انك تبي تشرح وتحكي وبعد ماتكتب تمسح كل شي وترد بـ كويس وتنهي النقاش كله .
في درس ح تاخده من صاحب ، ح يخليك طول عمرك تعرف من تصاحب بعده 🚶🏻♀️.
الواحد لا زعلان ولا مضايق لكن في حالة استغراب إسمها غير علاش هكي بس !
التراكمات مع الوقت تهد الحب وتهد المعزه مهما كانت مكانتهم وانك صبرت عليهم هلباا .
وقت تميل بيك الدنيا وكل شي يضرك وكل حاجة توجعك ، و ماتلقاش من يهون عليك ولا يحاول يسندك ويكون كثف ثابت ليك ، كلهم يبوك زي ماعرفوك كلهم يبو حلوك مافيش حد يتحمل مرك ، الدنيا لما تجي هيا و ناسها ضد شخص واحد تهدله حيله ، وتاخد من صحته وتوصله اقصى مراحل الانهيار ، ومش كُل انهيار يجي بـ طيحتك او بكسرتك ، مرات تنهار وانت تدعي الثبات وحتى ضعفك ماتقدرش تعيشه وتستقبل صدماتك بـ هدوء تام والصراعات كلها تكون فيك من الداخل مافيش حد يقدر يشوفها وانت بس اللي حاس بوجعها ، وانت متعايش مع الوجع هادا كله وتحاول تسعف نفسك متضطر انه تسايس الناس ، وتطبطب عليهم وتسمعهم وتجاملهم وتضحك فـ وجهم ، لانه مافيش حد رح يحس بتعبك ، كلهم حيواجهوك ويزيدو يتعبوك بـ كلمة "خيرك تغيرت علينا .
ماعمريش خفت من غياب حد ديما نخاف من مشاعري ليهم انها تموت وان يجي يوم ومعاش يلقو روحهم فيا ولا يلقو مكان مزال يرضى بيهم وهما كان ليهم كل شي .