محتاجه ان نسمع صوت قلبك نبضو بيحينييي 😮‍💨♥️.

انما الحياة بنور الله وبضحكة أُمي تتسع 😮‍💨🤍.

القوه مش فالنسيان ، القوه انك تذكر وماتتأثرش ولا كأنه كان شي يهمك 🤍.

‏شدو فـِ اكواب القهوة بدل ما تشدو فـِ ايدين ناس ماتستاهلش نتكلمو معاها حتى في أوقات فراغنا 😮‍💨.

ومرات يقعد غلطك الوحيد انك عطيتهم وجه و درتلهم قدر .

مش كل شي يحتاج نسكرو عليه عيونا لان في بالنا ان بكل بساطه تعبنا من كفوف الدنيا ، في حاجات انت مسكر عليهم عيونك وفي اهداف انت ماتبيش تقدملهم وفي طريق صح ليك ماتبيش تخشها ، قدم ، بادر ، اعطي وجازف لان من غير هما كلهم ح تستسلم للمبدأ اللي وصلتله من تعبك و ح تقعد ماشي بيه .

ماتقعدش الشخص اللي كل مايشوفوه يقولو عليه ييييي عليك قصه 🙂.

فيك حاجة مش زي اي حد تجدب فيا بالزايد ليك 😮‍💨🤍.

اصعب شعور فـ الحياة شعور كسرت الخاطر من شخص اختاره قلبك 💔.

ح يجي اليوم اللي ح تبدا تستغنى فيه ع كل شي لمجرد انه يضايقك او ما يعجبكش ح يعلمك الوقت تكتفي بنفسك وبس .

ح يتفكرك لما تنساه ح يجيك لما معاش تستناه وح يدورك لما تفوته ح يولي انت لما انت تولي هوا 🤞🏻.

يُصاب الانسان بإنسان اخر و اني مُصابه بيك حرفياً 😮‍💨.

السكوت مش علامة من علامات الرضا ره السكوت علامة ع ان لكلام خسارة فيك وتمينا 🌚🤞🏻.

اني بطبيعتي منصالحش ، منتأسفش ، منتحايلش ، فلما اني نحاول نصالح حد معناها هوا مهم جداً بنسبه ليا 😮‍💨.

ح توصل لمرحلة مُعينة تختار فيها انك ماتنفعش حد ، مش بمعنى انك حتضر ، لكن في نفس الوقت خيرك مايشوفاش حد ، مرحلة ح تكسب فيها نفسك من بعدها وهلبا 🤍.