استاذنا وابونا الغالي ❤
كنتو اغيد تخلص الكيمياء بسرعة بس ماكنتو متوقعة كمية الحزن الي راح احس بينو من تخلص
خلصت الكيمياء وماخليتنا نحس انو الكيمياء صعبي
فراقك صعب كثيغ علينا 🥺
بودي اقلك شكرا بس ماكو كلمات شكر توفيك حقك معانه
شكراً من القلب على كلشي قدمتو النه
شكراً على كل لحظة حلوي عشناها معاك
راح تبقى بقلوبنا دائما وتبقى استاذنا وافتخر دوما كونك استاذي 🤍

استاذ أنت كنت اب النا قبل لاتكون استاذنا والمكان الي وصلناها بفضلك وبجهودك قبل جهودنا وبفضلك علينا ليوم الدين خلصنا المدرسه ونبقى نشتاق لصوتك وضحكتك الي ما تفارق قلوبنا ربي يحفظك نجمه مشعه ونهر دافق النا والأجيال اللاحقه دمت سالما تحياتي لك
طالبك المخلص حسام فراس

يعني البيحة مانقهغتو وصبرتو نفسي انه احنا بعد ماخلصنا بس معغف اشون غح نخلص المادة الوحيدة يلي حرفيا هي من احلى المحاضرات بيها والله دمعت عيوني على كلامك استاذ🥺✨. يوم يلي افرحكم بمعدل يرفع راسكم لان والله انتم صرتم جزء من عائلتي، وان شاء الله نترك اثر حلو بحيث لمن تتذكرنا تقول والله كانت ايام حلوي، مثل ماانتم زرعتم بنفوسنا اثر حلو🌷

وخلصت الكيميا 💔 وغاح يظل وقت المحاظرة فراغ كبيغ بالنسبة النا
المادة اللي ماكنتو احبها
لي وقت مامسكتوها بالصيف وحرفياً صاغت اسهل مادة عندي وكنتو انتظر المحاظرة ايمتي تصيغ 🥺
كنت قريب النا بشكل ،  اب قبل كلشي وتقلنا انتم بناتي واستاذنا واخونا وصديقنا
معزتك عندي لان تشبه بابا🤍
ضحكنا وقعدتنا ومن ننتظرك يم الدغيج ونطلع سوا كلا ذكريات ماممكن تنسي وكل ماتذكرها ابكي 😭💔
مانعغف اشون نردلك المعروف ونجازيك على كل شي قدمتو النا ان كان من درس ومادة والا ان كان من كلام ونصائح حتى من كنت تغيرلنا المود وتضحكنا كلش شكراً ولو اعغف هالكلمي ماتوفي ابد 😭
يارب مايضيع تعبك معانا 🤍
ربي يحرسك وتبقى ذخر للي بعدنا وتعملون هكذ ذكريات تجنن
هنيال اللي ميسكين عندك غاح ياخذون مكانا ولو ( نحن بالقلب )😂😂♥️
الله يحفظك ويوفقك وتكون حياتك كلها يُسر وفرح 🤍

استاذنا العزيز طبعا اليوم كان اخر يوم النا يمك وانا لحد الآن ما متخيلة هذا الشي ما مستوعبة اشون بعد ما ناخذ كيمياء اليوم حرفيا من طلعنامن القاعة ،طلعنا وتركنا قلبنا ودموعنا بالقاعه اليوم ودعناك💔 و ودعنا صديقاتنا ورحلاتنا والأهم ودعنا ذكرياتنا وكلماتك اللي مستحيل ننساها وراح تبقى عالقة بذاكرتنا.... استاذ انت كنت لنا اب عزيز تعلمنا منك كثير اشياء مو بس بالدراسة ربي يوفقك ويحفظك وان شاء الله نشوفك على خير... 🌹

سلام عليكم استاذ


دخلت لقناتك شفت المدح من قِبَل الطلاب صراحةً متعجبت من كلامهم ومدحهم الك لان انته استاذ كل هذا قليل بحقك على ما قدمته النا من مادة علميه مفيدة وبنفس الوقت جنت تخليها ممتعه بطريقتك الخاصه

واخير شي اكول ودعنا افضل الاساتذه(استاذ اوس) الله يوفقك وينير دربك

إن شاء الله يوم الي نفرحك بدرجاتنه وبكلياتنه ونرفع راسك من يكولون ذوله طلاب اوس

اسف على الاطاله (شكرا لك استاذي)

طالبك مشتبى 🙂🫡

🔴 تنويه...
طلابي وطالباتي الغوالي.
اعتبارا من يوم غد باذن الله سيتم نشر اسئلة الامتحانات الشاملة الفصلية وعلى قناتنا تباعا لكل يوم فصلين لغرض الاجابة عليها بعد مراجعة كل فصل..
اتمنى لكم التوفيق..