#النظام_الفصلي

• تم الغاء العمل بالنظام الفصلي سنة (2016) حينها تم العمل بنظام الكورسات.

• آلية_النظام | النظام الفصلي أو النظام السنوي هو نظام يعتمد على دراسة المادة على مدار السنة ، عندك |

• امتحانات شهرية فصل أول وثاني لكل مادة يتقسمون على 2 ويطلع عندك بيهم درجة النصف الأول ثم بعدها امتحان نصف السنة ثم ترجع تمتحن شهريات بعد نصف السنة امتحان الشهري اول وثاني وايضًا يتقسمون على 2 وتطلع عندك درجة النصف الثاني.

• ثم تنجمع درجاتك لكل مادة ( نصف اول + نصف السنة + النصف الثاني ) وتتقسم على 3 تطلع عندك درجة #السعي_السنوي اللي حتنجمع مع درجتك بالامتحان النهائي وتتقسم على 2 وتطلع درجتك النهائية لكل مادة.

#مثال |

- درجتك بالفيزياء بالنصف الأول ( الشهري الأول + الثاني تتقسم على 2 ) مثلا 85 وبعدين بنصف السنة اخذت 90 ثم بالنصف الثاني ( امتحان شهري اول + ثاني يتقسمون على 2 ) مثلا درجتك 85 ف بهاي الحالة سعيك السنوي للفيزياء يكون ( 85+90+85 ÷ 3 ) يطلع 86.6 بهاي الحالة اذا اخذت ب امتحان الفاينل 15 من 100 راح تنجح لان حتجمع درجة السعي مع الفاينل ويتقسمون على 2 إذا 15+86 =101 تتقسم على 2 تطلع ناجح😂.

#سلبية_النظام | أنه نظام يجبرك ترجع تقرا المادة كلها بأمتحان نهاية السنة على عكس الكورسات اللي يريد منك تقرا فقط المادة اللي اخذتها بالنصف الثاني للمادة فيعتبر نظام متعب.

#ايجابية_المادة | ايجابية المادة هي نفسها سلبية المادة لكن من زاوية أخرى ، بالنظام الفصلي او السنوي يتعود الطالب بنهاية كل سنة أنه يراجع المادة اللي اخذها كل السنة ويمتحن بيها فاينل ، وهذا شي مهم من ناحية المادة العلمية أو الأدبية وتثبيت المعلومة ، ايضًا من باب آخر هذا النظام يعود الطالب لامتحان المراحل الوزارية السادس والثالث ويكون متهيأ الهم لانه هو اساسًا كل سنة ديمتحن المادة بنهاية السنة مثل ما حيصير بالوزاري ! على عكس الكورسات اللي يخرب طبع الطالب بحيث يصل للوزاري ويتعاجز يرجع يقرا المادة بالامتحان النهائي !

كذلك اهم ايجابية للنظام السنوي هو نظام #الاعفاء اللي ينقسم قسمين |

1⃣ اعفاء فردي : وهو أنه تنعفي من الامتحان النهائي للمادة اذا كان سعيك بيها 90 فما فوق.
2⃣ الاعفاء العام : هو أنه تنعفي من الامتحان النهائي إذا كان سعيك بالمواد ككل 85 أو أكثر وتكون اقل درجة عندك بالسعي 75.

وان شاء الله يكون موجود نظام الاعفاء مثل قبل لأنه هذا النظام يحفز الطالب للدرس كل السنة حتى بنهاية السنة ينعفي ويرتاح ويحس بقيمة تعبو والانجاز❤️ برأيي هذا النظام هو الانسب.

✍ : سالم ال منصور

#شبكة_نيوتن_التعليمية
https://t.me/Newton1998

اعزائي طلبة الاعدادية الشرقية يرجى ملاحظة مايلي ..
1- ايام دوام الصف الرابع السبت والاحد والاثنين والثلاثاء
2- ايام دوام الصف الخامس بفرعيه الاحيائي والتطبيقي السبت والاحد والاربعاء والخميس
3- ايام دوام الصف السادس بفرعيه الاحيائي والتطبيقي الاثنين والثلاثاء والاربعاء والخميس
ان شاء الله ... حسب التعليمات للجديدة للوزارة
4- سنقوم بنشر جدول الدروس الجديد للصف الرابع والصف للخامس مساء هذا اليوم باذن الله
مع تمنياتنا لكم بالموفقية والنجاح

شكرا دفعة الامل