ابنائي وبناتي ...
اريديكم من تحلون اسئلة تخص اي مادة لا تقرون الاسئلة كلها. (حل سؤال سؤال) لان من تقراهم كلهم سوا راح يصير عندك ارباك بالمعلومات المخزونة بذاكرتك لهذا حل سؤال تلو الاخر حتى تترتب المعلومات عندك وما تتوتر نهائيا...
الله يوفقكم جميعا ولا يضيع تعبكم .

ربي يحفظ بناتي الغوالي

ابنائي وبناتي...
بالنسبة لمسائل قانون هيس خليها اخر شي بالحل حتى لاتضوجك علمود ترتيب المعادلات وعمليات الضرب والجمع وامشي عل ملاحظات وديرو بالكم عل وزاريات الفصل ..
قبان عينكم اولادي الغوالي...
اخوكم وصديقكم اوس العزي..

بالنسبة لمراجعة المواد ادرس ساعتين واعطي نفسك استراحة نص ساعة ( الله يحفظك لا ياخذك الواهس بالاستراحة 😂😂 ) لانها تعطيك وقت حتى تريح ذهنك واعصابك .

من يكون عندك طلاب اصحاب ذوق راقي هو هذا المكسب الحقيقي ..
اشكركم طلبتي الغوالي

طالبي المثابر طالبتي المثابرة...
مو شرط تبدأ بالدرس الصبح او الظهر .خلي يكون وقتك ملك لك ولطموحك ولازم تخلي بصمتك لذاتك لاتبحث بالنت عن توقيتات للدراسة ابحث بداخلك عن نفسك وعن طريقة مراجعة ترضي بها ضميرك وطموحك نحو تحقيق هدفك المنشود..
ضع بصمتك بداخلك حاول تقتنع انت بنفسك حتى تكون واثق من وصولك لحلمك..
اوس العزي

سينتهي التعب قريباً ، لم يبقى إلا القليل ، القليل من التعب و الأجتهاد ، أحسن الظن بربك فقط و سترى ما لم تراه و تمنيته 📚💜

Fatigue will end soon , little remains , little fatigue and diligence .

يارب ازل عنا همومنا واحزاننا وتعبنا وحقق احلامنا...
الق همومك وتفكيرك الى عالم الغيب والشهادة اللهم امدنا من عندك وارزقنا ما نتمناه وفرح اهلنا بنا..
تصبحون على خير طلبتي الغوالي

اصبحتم على امل لاينتهي ويقين لا ينقطع..

لاتتوقف عندما تتعب بل توقف حين الوصول الى هدفك..

بناتي وابنائي ..
شلون المعنويات اليوم؟؟ حديد باذن الله تعالى ..
حبيت اذكركم ان لاتقيد نفسك بطريقة حل معينة اللي اريد اوصله الك ان تحل بطريقة وزارية ولا تكون متوتر ابد خلي نعتبر هذا الامتحان هو اختبار بسيط حتى نعرف طريقة درسنا ونعرف مواقع الخلل ونعالجها ..
ربي يوفقكم ويرعاكم .

طلبتي الغوالي ...
اليكم اسئلة الفصل الاول اتمنى لكم التوفيق...

شبابنا الغوالي..
خلي نعوف الكيمياء شوية ونروح يم التيار المتناوب حتى لايصير عدنا ملل اليكم اسئلة نيوتن الموصل استاذ احمد الغنام ارجو ان تستفادون منها ...
يارب سنة الجاية انتو بالكلية...

قادة المستقبل صناع الحياة...
انتم طموحنا وكنزنا الذي لايقدر بثمن ..
طلبتي الغوالي..
احب اوصيكم ان تحرص على ملاحظاتك بكل المواد رتب ملازمك دفاترك واوراقك .لا تخلي اوراقك مبعثرة بين جميع الكتب خلي كل ملاحظة مع سؤالها او موضوعها حتى لا يصير عندك ارباك وتتعب اعصابك وانت تبحث عنها وحاول ان تكبسها مع موضوعها لان وقت المراجعة ليلة الامتحان يكون ضييق ولاتضيع وقتك وانت دايخ تبحث عنها...


ربي يسهل عليكم ويارب المعلومة تطبع طبع بدماغك .