睇極都唔明？Channel C疫苗通行證Q&A

疫苗通行證實施在即，Channel絲見到大家仍然有好多疑問，就整理咗政府新聞稿內容解答大家～但有啲問題因為我都唔明（例如可豁免嘅合理情況），所以都係要留返同個官講⋯⋯

🤨針卡可唔可以唔連安心出行？可唔可以用紙本？
除咗將針卡擺落安心出行，仲可以用「智方便」、「醫健通」等Apps，而紙本接種紀錄有QR CODE，所以都用得。

🤨入咩地方要掃？
599F章嘅23類表列處所都適用於疫苗通行證，即係食肆／酒吧、遊戲機中心、浴室、健身中心、遊樂場所、公眾娛樂場所、派對房間、美容院及按摩院、夜店或夜總會、卡拉OK場所、麻將天九耍樂處所、會址、體育處所、泳池、郵輪、活動場所、宗教場所、理髮店／髮型屋、商場、百貨公司、超級市場、街市／市集，以及酒店／賓館（只適用於員工）。

🤨又話入超市唔洗掃？咁點解又要有通行證？
商場、百貨公司、超級市場、街市／市集屬於「被動查核」類別，即係可能會俾人抽查。

🤨咁入酒店又點計？
酒店／賓館住客豁免於疫苗通行證，但如果你入裡面嘅餐廳、酒吧、Gym Room等，就要有接種紀錄。

🤨點先有豁免？
政府列出9項豁免情況，包括12歲或以下兒童、持醫學豁免證明、買/拎外賣、交收/領取物品、進行必需的修理工作、打針/求診/檢測，接受必要的政府服務（例如換身份證）、參與法律程序、具合法權限或合理辯解（？）。

🤨係咪打咗一針就OK？
疫苗通行證分3個階段實施，目前只須打一針。
如果你18歲以上：4月30日至6月29日，要已打兩針；6月30日後，如果第2針已經打完9個月，就要打埋第3針，你張通行證先會有效。
如果你12-17歲：直至6月29日都只須已打一針，6月30日後，如果第1針已打完6個月，就要打埋第2針先得。

🤨咪玩啦伍寶！啱啱先確診，咁點打針呀？
根據新聞稿，確診者康復或出院6個月後，才須打第一針，再3個月後就要打第2針。

#channelchk #COVID19 #疫情 #omicron #確診 #疫苗通行證