‏فَارفَع يَديكَ إلىٰ الإلَهِ مُناجِيًّا
إنّ الجُّروحَ مَعَ الدُّعَاءِ تَطيّبُ! .

_صلاة الفجر يـ رفاق'♥

#أثر طيب

جايه في وقتها والله ♥️

وحضرتك بعيد عن ربنا، مخك بيبدأ تلقائيا يدخل في دوامة حساب كل خطوة في حياتك بالورقة والقلم ..

بتبدأ تخاف من بُكره.. بتبدأ تتشائم .. بتبدأ يجيلك أرق وخنقة لاتعرف ما مصدرها ..

بتبدأ تعمل حساب بزيادة للناس .. بتبدأ تنسى ضعف الناس وانهم لا حول لهم ولا قوة .. بتبدأ تنسى قدرة الله على الناس وعلى البشر .. فبتخاف من قدرة من لا حيلة له ...

شايل هم كل خطوة صغيرة.. .. شعور بالذعر جواك لا تسمع صداه .. بس إنت حاسس بيه جواك .. بياكل أي فرصة للتفاؤل و يُضفى على الحياة رداء أسود .. وتذكر "الشيطان يعدكم الفقر"

و زي ما النبى صلّى الله عليه وسلم قال : ومن كانت الدنيا همه جعل الله فقره بين عينيه و فرق عليه شمله.

حضرتك تركت أهم مساعدة وأعظم داعم وسند ليك في الدنيا، تركت التوكل على الله!

أصبحت عريان ماديا ونفسيا .. تركت السند الذي لا يزول و تركت أمان القلوب ...

تركت اللي في إيده كل حاجة وتحت سيطرته كل البشر اللي انت قلقان من تصرفاتهم.

بعيد عن ربنا إنت يتيم حرفيا .... ربنا لم يخلقك عشان يسيبك تتعامل مع كل السواد اللي على الأرض ده لوحدك ..

يريد الله أن يخفف عنكم وخلق الانسان ضعيفا .. لقد خلقنا الإنسان في كبد..

خد بكل الأسباب وابذل اقصى ما عندك لكن اياك تواجه كل السواد ده لوحدك ببعدك عن ربنا .... فتذكر انك هتفضل في الرعب ده و لو كان معاك ملايين.

تسلم ايدك اخي الغالي
وفعلا دا اللي بيحصل معي شخصيا وطبعا اكيد بيحصل مع الجميع
فعلا البعد عن ربنا دا هو السواد بعينه
الحياه لايوجد بها رحمه ولا رأفه مهما كانت نيتك طيبه وقلبك ابيض
مهما حاولت للاسف البشر هم العدو الحقيقي لنفسهم
اللهم اني ابرء اليك من نفسي ومن شيطاني
يارب سامحني علي كل اللي فات ويارب كن معي في اللي جاي
اللهم ردني اليك وسامحني
اللهم ردنا اليك ردا جميلا
اللهم اغفر للمؤمنين والمؤمنات والمسلمين والمسلمات الاحياء منهم والاموات الى يوم يقوم الحساب 🤲🤲