باچر واحنا ناس كبار
كلمة صغيرة تكتلنا
باچر ننشمر ؏ الگاع
واحنا الما قبلنا بيوم
ينشمرن رسايلنا.

من عندي ابد لا تستحي
عاد استحي من الله.

من اوگع تگلي وجع
بمكان الأسم الله ؟

المثلك و لا ينغفر
لو مو يصلي عمر ينحسب و لا صله

موش انت نفسك من طحت لفيتك بثوبي ؟
چا ليش لمن تنسأل تحسبني ع الناس الغرب
متگول محبوّبي !

كلها تموت صفره الموت هم بيه لون
عاجبني الكَطن للموت ميهادن

عد يا عصب بالراس شيمة
يمحي التفاصيل القديمة.

على غصن انتضارك ريح ما هبيت
وزرعت الميل بيه و خضرت دگته.

انت العلمتني
شلون افك ذرعان
للملگه.. الموادع ما تعلمته.

من يكبر فراغك صدري چان يضيگ
و اني البد بعطرك ما تنفسته.

بس و حگك باچر يعوفوك كلهم
وَحدك ترجعلي ذابل.

باچر اثار الغرب
هوسه على خصرك
اكثر من اثار بابل.

الفراغ البين اصابيعك بعد ميهمني
انه هواي الك ضحّيت
وانت هواي تلچمني.

انا الماله داعي ؟
شلون صارت هاي
خليها على روحك شوف تقنعها ؟

انا الما أهمك هيچ صرت اليوم ؟
و انا بكل أمورك چنت مرجعها.

لسانك گطعاني و تدري بيه شلون
الدنيا مو لسن لو ردت اگطعها.

ما اجرع انفاسي لون تخطه وياي
و انت بكل هدوء اخطائك اجرعها.

ما تخطيتك بعدني
و لمن يسئلوني عنك ما اگلهم
شاف حاله.

ثنينه نسمع اغانيها و نحبها
و اني يمك چانت تبچيني اصالة.

خاف اترز بيك حد گطع النفس
و ازهگ واضرك
خاف تطشر ولك و شلون ألمك ؟