🔴 Breaking News 🔴
ဒီးမော့ဆိုမြို့နယ်ရှိ ပြည်သူပိုင်နေအိမ်များကို အကြမ်းဖက် စစ်ကောင်စီ တပ်ဖွဲ့များ မီးရှို့ဖျက်ဆီး

♦8️⃣▫9️⃣▫2️⃣0️⃣2️⃣1️⃣♦

ကယားပြည်နယ် ဒီးမော့ဆိုမြို့နယ် စံပြ (၆) ကျေးရွာအတွင်းရှိ ပြည်သူပိုင် နေအိမ်များကို အကြမ်းဖက် စစ်ကောင်စီ တပ်ဖွဲ့များက စက်တင်ဘာလ ၇ရက်နေ့တွင် ဝင်ရောက်မီးရှို့ဖျက်ဆီးမှုများ လုပ်ဆောင်ခဲ့ကြောင်း ဒေသခံပြည်သူများ ပြောဆိုချက်အရသိရသည်။

ထို့ပြင် အကြမ်းဖက် စစ်ကောင်စီတပ်ဖွဲ့များ ပစ်ခတ်ခဲ့သော လက်နက်ကြီးကျည် ထိမှန်ပြီး စံပြ ၆ မိုင်ရှိ နေအိမ် ၄လုံးခန့်လည်း မီးလောင်ပျက်စီးခဲ့ကြောင်း ဒေသသတင်းရင်းမြစ်များထံက သိရသည်။

" အကြမ်းဖက်စစ်ကောင်စီတပ်များက ဒီးမော့ဆိုမြို့နယ် စံပြ (၆) ကျေးရွာအတွင်း ပြည်သူလူထု နေအိမ်များကို မီးရှို့လျက်ရှိပါတယ်။ စံပြ ၆ မိုင် နှင့် ဒေါပိုးစီ ကျေးရွာတို့တွင် အကြမ်းဖက် စစ်ကောင်စီတပ်များ အင်အား (၃၀၀) ခန့် တပ်ဖြန့်ထားကြောင်း သိရှိရပါသည်။ မိဘပြည်သူများ ဒီးမော့ဆို လွိုင်ကော် ဖြတ်သွား ဖြတ်လာ မလုပ်ကြပါရန် အထူးမေတ္တာရပ်ခံအပ်ပါသည်" ဟု ကရင်နီပြည်သူ့အင်အားစုအဖွဲ့က ထုတ်ပြန်ထားသည်။