𝐓𝐡𝐮𝐧𝐝𝐞𝐫'𝐬 𝐓𝐮𝐭𝐨𝐫𝐢𝐚𝐥⚡(Rest)

🌼ဖြစ်ရပ်မှန်၈ 🌼
*ကျွန်မပြောပြသမျှထဲမှာ ရွာနာမည်ထည့်ပြောတာမရှိခဲ့ဖူးပါ ဒါကပထမဆုံးဖြစ်မယ်ရှင့်။
မကွေးတိုင်း ဒေသကြီးအတွင်း က ရေနံချောင်းမြို့ ချောက်မြို့ နဲ့ သိပ်တော့ စိမ်းကြမယ်မထင်ပါဘူး ၊
ကျွန်မက အညာဒေသ စစ်စစ်တွေကို ခရီးသွားရတာ သိပ်ကိုကြိုက်တဲ့လူမျိူး တစ်နှစ်ကို ၄ခါလောက် ခရီးရအောင်ထွက်ဖြစ်တယ် ၊
ကျွန်မပြောပြမဲ့ အကြောင်းအရာ လေးက details ပါမယ်နော်
ချောက်မြို့မရောက်ခင် မှာ ရွာတွေတော်တော်များများ ဖြတ်သန်းရပါတယ် အဲ့ခေတ်အဲ့အခါတုန်းက ကားဆိုရင် အစိုးရက ထုတ်ပေးတဲ့ Bus ကား အကြီးကြီးတွေပဲ ရှိတယ် ခုံတန်းပေါ် ထိုင်ခွင့်ရ ရင်ကံကောင်း တစ်ချိူ့ ခရီးတွေဆို မတ်တတ်ရပ် စီးရတဲ့နေ့တွေရှိသေး ကဲ ထားပါတော့
ချောက်မြို့ကိုတစ်ခေါက်သွားဖို့ဆိုတာ အဲ့ခေတ်က လမ်းပန်းဆက်သွယ်ရေးအတော့်ကိုကြာမြင့်ခက်ခဲပါတယ်ရှင့် ၊ ကြားမှာ ရေကျော်ဆိုတဲ့ နေရာရှိတယ် ရေတွေတက်နေရင် ဘယ်ကား ဘယ်လူ ဘာကိုမှ ပေးမဖြတ်ပါဘူး လူစားတယ် လူသေတယ်ဆိုပြီးနာမည်အရမ်းကြီးလို့ပါ ၊ အဲ့နားတစ်ဝိုက်က ရွာတွေက ကျွန်မတို့ဖက်နဲ့ မတူညီတာ ရှိတယ် (ဖရဲသီးကို နွားစာ အဖြစ်စိုက်ပျိူးခြင်း၊ ဆီးသီးခြောက်ခံခြင်း(ယခုစျေးကွက်ထဲပေါက်နေတဲ့ ဖိုးဝ တံဆိပ်)တို့ဘာတို့ကရွာတွေကနေဆီးစေ့ခြောက် ယူတယ်လို့ သိရပါတယ်)
ရွာနီးတစ်ဝိုက်မှာ သန်းကုန်းရွာ ဆိုတာ ရှိတယ် သန်းကုန်း သင်္ချ ိူင်း က အရမ်းနာမည်ကြီးတယ် နေကျချိန် (နေဝင်ချိန်) ဘယ်သူမှမဖြတ်ရဲဘူး ရွာခံတောင် မဖြတ်သွားကြဘူး ခက်တာက ကားရပ်တဲ့ နေရာမှာ လမ်းဘေး ဆိုင်တွေရှိပြီး ရွာကိုအဝင် နာရီဝက်ခန့် ဆိုင်ကယ်စီးရပါတယ် နေကျချိန်ဆို ဘယ်ကယ်ရီမှ မလိုက်ဘူး အဖြစ်အပျက်က အဲ့မှာစတာပဲ ကျွန်မတို့ လာမယ်ဆိုတာ စာကြိုထည့်ထားပါတယ် ရွာကို မိုးတွေကရွာ လမ်းမှာ ကားကပျက် ပုံမှန် နေ့လည် ၂နာရီလောက် ဆိုက်တဲ့ကားက ည ၈နာရီလောက်ဖြစ်သွားတယ် ကျွန်မတို့ကားပေါ်က ဆင်းတော့ ရွာက လာကြိုတာ နွားလှည်းနဲ့ပါ အရမ်းမှောင်နေလို့ ရွာကို မဝင်ဖို့ တားကြတယ် ရွာခံကိုယ်တိုင်တားပါတယ် ကျွန်မဖေဖေကလည်း အယူမသီးဘူး တစ်ယူသန်သမား နောက်ဆုံးတော့လည်း ပြောမရတော့ ရွာခံက ကြောက်ကြောက်နဲ့ လိုက်လာရှာတယ် လှည်းပေါ်မှာ ကျွန်မရယ် ဖေဖေရယ် လှည်းသမားရယ်ပဲပါတယ် ၊ သင်္ချိူင်း ကို စ ဝင်တော့ ကြောင်နက်တစ်ကောင် စူးစူးဝါးဝါး အော်တယ်လွှားကနဲ လွှားကနဲ အုတ်ဂူတွေအပေါ် ပြေးနေတာ ကို မြင်ရတယ် လှည်းသမားတုန်နေပြီ ကျွန်မအဖို့က မထူးခြား လက်နှိပ်ဓာတ်မီးအကြီးကြီးနဲ့ ရှေ့ကိုသာ မည်းထိုးပြနေရတယ် ၊ သိပ်မကြာဘူး လှည်းက ရှေ့ မသွားတော့ဘူး နွားတွေက လန့် ၊ ထိန်းမရ သိမ်းမရ ဖေဖေ အောက်ဆင်းကြည့်မှ ဦးခေါင်းခွံ ညှပ်နေတာ လှည်းဘီးအောက်မှာပေါ့ လှည်းသမားကတော့ တစ်တွတ်တွတ်နဲ့ ဦးကြီးတို့ကိုပြောသားပဲ ကျွန်တော် တို့ရွာအကြောင်း ကျွန်တော်တို့ပဲသိတယ် ဘာညာပေါ့ အဲလိုနဲ့ မေတ္တာ ပို့ရင်း ဆက် မောင်းလာတာ ၁၀မိနစ်လောက်ရှိတော့ လှည်းက သွားတော့ သွားတယ် နွားတွေက ခြေကန်ရုန်းနေတာတောင် အိပဲ့ အိပဲ့ နဲ့ ဘယ်လိုဖြစ်တာလည်းပေါ့ ၊
ကျွန်မစိတ်တွေလည်းလေးလာတယ် လှည်းဦးထိပ်ကနေ နောက်လှည့်မကြည့်ဖို့ ဖေဖေက အတန်တန်ပြောခဲ့တယ် တစ်လမ်းလုံး ကျွန်မကလည်း နွားတွေလည်း လန့် လှည်းကလည်း မသွားဆိုတော့ လှည့်ကြည့်မိတယ် အတော်ကို သွေးပျက်စရာမြင်ကွင်း ကြီး ....လှည်းပေါ်မှာ မိသားစု တစ်စုလုံးကြီးတက်လိုက်လာတာ တော်တော်ဆိုးဆိုး အပုပ်နံ့ကြီးပါ ရလိုက်တယ် ကျွန်မလှည့်ကြည့်တော့ ကျွန်မကို အကုန်လုံး က ပြန်ကြည့်နေကြ ပုံများ အခုထိ မတွေးချင်သော အဖြစ်အပျက်ကြီး လူကြီးနှစ်ယောက် အမျိူးသမီးသုံးယောက် ကလေးက နို့စို့ရင်ခွင်ပိုက်အရွယ် တစ်ယောက် နောက်တစ်ယောက်က ပြေးနိုင်လွှားနိုင်ကစားနိုင်တဲ့အရွယ်မျိုး ၊ ကျွန်မကို စေ့စေ့ကြည့်ပြီး လူကြီး ထဲက တစ်ယောက်က " နင်တို့ကို ဘာပြသနာမှမရှာဘူး ရွာထိပ်အထိပဲ ငါတို့လိုက်မှာ ကို့အလုပ်ကိုယ်လုပ်ကြ " တဲ့ ကျွန်မကလည်း နူတ်က ပြောတယ် ကျွန်မတို့ ရွာမှာ ဘုရားတည်ဖို့လာတာ လိုက်ချင်တဲ့နေရာအတိအကျမှာဆင်းခဲ့ပါဆိုပြီး ပြောခဲ့တယ်။
ဖေဖေကတော့ ကျွန်မမျက်နှာကြည့်ရုံနဲ့တင်သိနေပြီ ဖေဖေ့ကိုဘုရားစာမရွတ်ဖို့နဲ့ လှည်းသမားဦးလေးကို ဘုရားစာမရွတ်ဖို့ အတန်တန်သတိပေးပြီး မောင်းခဲ့ရတယ် ရွာထိပ်ကြတော့ ဝုန်းခနဲ ခုန်ဆင်းသံကြီး နဲ့ အတူ နွားတွေလည်း လန့်ပြီးပြေးလိုက်တာ ရွာထဲကို ဘယ်လိုရောက်လာမှန်းမသိဘူး
🌺🌺ရွာခံ ဦးလေးလည်း ခဏခဏ အဲလိုတားပြီး လမ်းကြုံလိုက်တာမျိူး ကြုံခဲ့ဖူးတယ်တဲ့ ရွာရောက်တော့ ရွာခံတွေနဲ့စကားလက်ဆုံကြခဲ့တယ်
^မိတ်ဆွေ တို့ကော လမ်းကြုံလိုက်တာမျိူးကြုံခဲ့ဖူးလား comment မှာပြောပြခဲ့ပါဦးနော် ။ ကြုံသည်ရှိ မကြုံသည်ရှိ နူတ်မဆော့ဖို့ အကြံပေးပါတယ် နောက်အပိုင်းတွေရေးဖြစ်ရင် ထည့်ပြောပေးမယ်နော်
reply ပြန်လို့မရလို့ပါရှင် ယုံတဲ့လူကော မယုံတဲ့လူကော cbမှာ လာရောက် ဆွေးနွေးနိုင်ပါတယ်

#crdtoowner

63 views16:02