နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအဝင်သမ္မတဦးဝင်းမြင့် နဲ့နေပြည်တော်ကောင်စီဥက္ကဋ္ဌ ဒေါက်တာမျိုးအောင် တို စွဲဆိုခံထားရတဲ့ အမှုတွေကို ဒီကနေ့ စက်တင်ဘာ ၁၃ရက်မှာ ပြန်လည်စစ်ဆေးမယ်လို ရှေ့နေ့အဖွဲကပြောပါတယ်။ ရှေ့နေ့အဖွဲ ရဲ့ပြောကြားချက်အရ ဒီကနေ့ အထူးတရားရုံးကို ဝင်ရောက်ရမယ့်သူအားလုံးဟာ မနေ့ကစက်တင်ဘာ ၁၂ရက်နေ့လည်ပိုင်းမှာကိုဗစ် စစ်ဆေးမှုကိုခံယူထားရပြီး ကိုဗစ်နဂ္ဂတစ် ဖြစ်တဲ့သူတွေသာ ဒီကနေ့ ရုံးထုတ်စစ်ဆေးမှုကို ဝင်ရောက်ခွင့်ရတာဖြစ်ပါတယ်။
'' ဒီတစ်ပတ်ရုံးချိန်းဟာ မနက် ၁၀နာရီမှာစတင်မယ်လိုခန့်မှန်းရတယ်။ကျွန်တော်တိုကိုတော့ ထုံးစံအတိုင်းခေါ်ထားတယ်။ နေပြည်တော်ကောင်စီနယ်မြေထဲကအထူးတရားရုံးကိုသွားဖိုပေါ့။ဒါပေမယ့် စစ်ဖြစ်မယ်၊မစစ်ဖြစ်ဘူးကတော့ အခုမနက်အထိသေချာမသိရသေးဘူးပေါ့။ စစ်ဖြစ်မယ်ဆိုရင်တော့စစ်လက်စအမှုတွေအတွက် တရားလိုပြသက်သေစစ်ဆေးတာတွေကိုပြန်လည်လုပ်ဆောင်မှာဖြစ်သလို ရာဇသတ်ကြီးပုဒ်မ ၅၀၅ - ခ အတွက်ကိုတော့ စွဲချက်လျှောက်လဲချက်တင်တာလုပ်ပါမယ် '' လိုရှေ့နေအဖွဲဝင်တစ်ဦးဖြစ်တဲ့ ဦးခင်မောင်ဇော်ကပြောပြပါတယ်။
ကိုဗစ်ထိန်းချုပ်ဖိုဆိုတဲ့ ရုံးပိတ်ရက်တွေကြောင့် အမှုတွေကိုနှစ်လကျော်ကြာရုံးထုတ်
စစ်ဆေးနိုင်တာမရှိခဲ့သလို ဒေါ်အောင်ဆန်းစုကြည်နဲ့ ရှေ့နေအဖွဲလည်း တွေ့ခွင့်မရတာဖြစ်
ပါတယ်။ ရုံးထုတ်မစစ်ဆေးဖြစ်တဲ့ကာလအတွင်း ရှေ့နေအဖွဲက ဒေါ်အောင်ဆန်းစုကြည်နဲ့ အမှုကိစ္စတွေဆွေးနွေးနိုင်ဖိုတွေ့ခွင့်တောင်းထားတဲ့အချိန်မှာပဲ အခုလို ရုံးချိန်းစစ်ဆေးမှုပြန်ဖြစ်လာတာပါ။
လက်ရှိမှာ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့တွေ့ခွင့်ရဖို အာဆီယံအထူးသံတမန်ကစစ်ကောင်စီကိုတောက်လျှောက်တောင်းဆိုနေသလို ၊ ပြီးခဲ့တဲ့လကမြန်မာနိုင်ငံကိုလာရောက်ခဲ့တဲ့ တရုတ် ရဲ့ အာရှရေးရာကိုယ်စားလှယ် ဆွန်းကော့ရှန်ကလည်းဒေါ်အောင်ဆန်းစုကြည်နဲ့တွေ့ဆုံခွင့်တောင်းခဲ့ပေမယ့် တွေ့ခွင့်မရဘူးဆိုတဲ့ အတည်မပြုနိုင်တဲ့ သတင်းတွေလည်း ထွက်ပေါ်ခဲ့ပါသေးတယ်။
နေပြည်တော် အထူးတရားရုံးမှာဇွန် ၇ ရက်က စတင်စစ်ဆေးခဲ့တဲ့ ကနဦးဖွင့်ထားတဲ့ အမှုတွေအရ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် ဟာပိုကုန်သွင်းကုန်ဥပဒေ ပုဒ်မ ၈၊ ဆက်သွယ်ရေးဥပဒေ ပုဒ်မ ၆၇၊ ရာဇသတ်ကြီးဥပဒေ ပုဒ်မ ၅၀၅-ခ၊ သဘာဝဘေးအန္တရာယ်ဆိုင်ရာစီမံခန့်ခွဲရေး ဥပဒေပုဒ်မ ၂၅ နဲ့ (၂)မှု နဲ့ ရန်ကုန်အရှေ့ပိုင်းခရိုင်တရားရုံးကနေ နေပြည်တော်တရားလွှတ်တော်ကိုလွှပြောင်းထားတဲ့နိုင်ငံတော်လျှိဝှက်ချက်အက်ဥပဒေ ပုဒ်မ ၃-၁(ဂ) အပါအဝင် စုစုပေါင်းအမှု ၆ မှု ကို ရင်ဆိုင်နေရတာဖြစ်ပါတယ်။
တခါ နောက်ထပ် မန္တလေးတိုင်းတရားလွှတ်တော်မှာ ထပ်မံစွဲဆိုခံထားရတဲ့ အဂတိလိုက်စားမှုတိုက်ဖျက်ရေးဥပဒေပုဒ်မ ၅၅ နဲ (၄)မှု ရှိနေတာကြောင့် အာဏာသိမ်း ၇လကျော်အတွင်းဒေါ်အောင်ဆန်းစုကြည်ဟာ စုစုပေါင်းအမှု(၁၀)မှုကိုရင်ဆိုင်ရဖိုရှိနေတာပါ။

ဘီဘီစီမြန်မာပိုင်း
ဓါတ်ပုံ - Getty Images
ဒီသတင်းနဲ့အတူ ဘီဘီစီသတင်းများတိုက်ရိုက်တင်ဆက်မှု
https://www.bbc.com/burmese/live/burma-58396049

ဗုံးပေါက်ကွဲမှုဖြစ်ပွား

စက်တင်ဘာ ၁၃

ရန်ကုန်တိုင်းဒေသကြီး ၊ တွံတေးမြို့နယ် ၊ ရှမ်းစုကြီးကျေးရွာ တွင်ယနေ့နံနက် ၆ နာရီခန့်က ရှမ်းစုကြီးကျေးရွာ အုပ်ချုပ်ရေးမှူးအိမ်၌ ဗုံးပေါက်ကွဲမှုဖြစ်ပွားခဲ့ပြီး ထိခိုက်မှု မရှိကြောင်းသိရှိရသည်။

ယနေ့နံနက်ပေါက်ကွဲမှုတွင် မည်သည့်အဖွဲ့အစည်းမှပြုလုပ်သည်ဖြစ်ကြောင်းမသိရှိရသေးပေ။

#twantaydailynews

နယူးယောက် အဆိုတော်ဆောင်းဦးလှိုင် ဖျော်ဖြေပွဲ ဒေါ်လာ ၇၅၀၀၀ ရရှိ၊ နွေဦးတော်လှန်ရေး အတွက် လှူဒါန်းမည်
ရန်ကုန်၊ စက်တင်ဘာ ၁၃
အမေရိကန်ပြည်ထောင်စု နယူးယောက်မြို့တော်ရှိ ပြင်သစ်ဘာသာစကားနှင့် ယဉ်ကျေးမှု့ဌာနရဲ့ ပြဇာတ်ရုံတွင် အဆိုတော်ဆောင်းဦးလှိုင်၏ ' မြန်မာ့နွေဦးတော် လှန်ရေး ရန်ပုံငွေခရီးစဉ် 'တစ်ကိုယ်တော် ဂီတဖျော်‌ဖြေပွဲကို စက် တင်ဘာလ ၁၁ရက်နေ့တွင်ကျင်းပခဲ့သည်။
၎င်းပွဲတွင်နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ပုံ ပန်းချီကားနှင့် အဆိုတော်ဆောင်းဦးလှိုင်၏ ဂစ်တာကို လေလံတင်ခဲ့ပြီး ယင်းပွဲတွင် အမေရိကန်ဒေါ်လာ ခုနှစ်သောင်းခွဲကျော် ရရှိခဲ့ကြောင်း သိရသည်။
အမေရိကန်နိုင်ငံရောက် မြန်မာနိုင်ငံသား အများအပြားက နွေဦးတော်လှန်ရေးအတွက် ဂီတဖျော်ဖြေပွဲကို လာရောက်အား‌ပေးခဲ့ကြသည်ဟု သိရသည်။
ပန်းချီဆရာထွန်းတည်လင်း ရေးဆွဲထားသည့် ဒေါ်အောင်ဆန်းစုကြည်၏ပုံ ပန်းချီကားမှာ ဒေါ်လာ ၇,၀၀၀ နှင့် ဆောင်းဦးလှိုင်၏ ဂစ်တာကို ဒေါ်လာ ၇,၀၀၀ ဖြင့် လေလံအောင်မြင်ခဲ့သည်။
အဆိုပါပွဲတွင် မြန်မာမုန့်အစားအစာများနှင့် နွေဦးတော်လှန်ရေး ပစ္စည်းများရောင်းချခဲ့ပြီး ရန်ပုံငွေရှာဖွေခဲ့ရာ စုစုပေါင်း ကန်ဒေါ်လာ ခုနှစ်သောင်းခွဲကျော်ရရှိခဲ့ပြီးသည့်နောက် အဆိုပါ ငွေများကို မြန်မာ့နွေဦးတော်လှန်ရေး၏ ရှေ့တန်းတွင် တိုက်ပွဲဝင်သူများအားလုံးကို လှူဒါန်းသွားမည်ဟု Support the Democracy Movement in Burma-SDBM က ဆိုသည်။
ဓါတ်ပုံ Kyaw Soe Latt

https://t.me/tutorialbypinky Joinပေးလိုက်အုန်းနော် Add postလေးပါ

တရုတ်ဘက်က နယ်ခြားစည်းကျော်ပြီး ကာထားတာတွေကို ဟက်ဟင်ရွာခံတွေက မကျေနပ်လို့ဖျက်ပစ်

စက်တင်ဘာ ၁၃-၂၀၂၁
Shy V(VOM)

ရှမ်းပြည်နယ်မြောက်ပိုင်း၊ မူဆယ်ခရိုင်၊ မူဆယ်မြို့နယ်၊ မန်ဟီးရိုးမြို့နယ်ခွဲ၊ ဟက်ဟင်ရွာမှာ မြန်မာနိုင်ငံနဲ့ တရုတ် နယ်ခြားစည်းကို တရုတ်ဘက်က နယ်နိမိတ်ကျော်စည်းရိုးကာယူလိုက်တာကြောင့် ဒေသခံတွေဟာ မနေ့ စက်တင်ဘာ ၁၂ ရက်နေ့က ဆန္ဒပြခဲ့ပြီး ကာထားတဲ့စည်းရိုးတွေကို ပြန်ဖျက်ပစ်လိုက်တယ်လို့ ဒေသခံတွေဆီက သိရပါတယ်။

“ဟုတ်တယ် တရုတ်တွေ ဒီဘက်မြန်မာနိုင်ငံဘက်ခြမ်းကို နယ်ကျော်ပြီး ကျွံပြီး ကာယူလိုက်လို့ ဒေသခံရှမ်းတွေ သူတို့နေရာက ကာထားတဲ့စည်းရိုးတွေကို ဖျက်ပစ်တာ။” လို့ ဒေသခံတစ်ဦးကပြောပါတယ်။

ဟက်ဟင်ရွာက ဒေသခံတွေဟာ မကျေနပ်လို့ စက်တင်ဘာ ၁၂ ရက်နေ့က တိုင်စိုက်ပြီး ကာထားတဲ့ စည်းရိုးတွေကိုဖျက်ပစ်ခဲ့တာဖြစ်တယ်လို့ သိရပါတယ်။

ဒေသခံအမျိုးသမီးတစ်ဦးက “ဒီလိုမျိုး လာစိုက်တာ နည်းနည်းကြာနေပြီ။ ပြီးရင် ပြည်သူ၊ ပြည်သားတွေက ဟိုဘက်ကမ်း ရွှေလီဖက်က ပြည်သူပြည်သားတွေက အဲ့ဒီ ခြံစည်းရိုးကို မကာခိုင်းဘူးပေါ့နော်။ သူတို့က ပြန်ပြီးတော့ နှုတ်လိုက်တာပေါ့နော်။ အဲဒီ ခြံစည်းရိုးက ဟက်ဟင်ကျေးရွာ နမ့်ခမ်းမြို့"လို့ ပြောပါတယ်။

“ဟတ်ဟင်၊ မူဆယ်မြို့နယ်၊ မန်ဟျိုးမြို့အပေါ်နားက ရှမ်းရွာလေ။ အခုက တရုတ်တွေက တစ်လကျော်ကျော်၊ နှစ်လံလောက် ကာယူလိုက်တာလေနော်။ ကချင်ပြည်နယ်ဘက်လည်း အဲ့ဒီလိုပါပဲ။ တောင်တွေ ဘာတွေ အားရပါးရ ကာယူလိုက်တာ။” လို့ နမ့်ခမ်းမြို့ဒေသခံ အမျိုးသားတစ်ဦး ပြောပါတယ်။

တရုတ်ဘက်က COVID-19 အကြောင်းပြကာ မြန်မာနိုင်ငံနဲ့ တရုတ်နိုင်ငံ နယ်နိမိတ် တော်တော်များများမှာ နယ်ခြားစည်းရိုး နယ်ကျွံကာယူမှုတွေ ပိုမိုများပြားလာတယ်လို့ ဒေသခံတွေပြောပြချက်အရ သိရပါတယ်။

Photo- ဒေသခံ
#voiceofmyanmar #VOM #မူဆယ်
#̸A̸d̸m̸🚫̸

ဒဂုံဆိပ်ကမ်း ပုဏ္ဏမီလမ်းပေါ် ယုဇန(A-5)လမ်းအနီးတွင် အသင့်အနေအထားဖြင့် စောင့်နေပါတယ်
ဆိုင်ကယ်ဖမ်းမှာလား စစ်မှာလား မသိရသောကြောင့် ဆိုင်ကယ်အသုံးပြုသူများ ရှောင်မောင်းကြပါ
13-9-2021
1:40/PM