Метеорология бош бошқармаси томонидан берилган баёнотга кўра, Марказий Онадўлида эртага эрталабдан соат 20:00 гача кутилаётган ёмғир Анқара, Коня, Ниғде, Аксарай, Невшеҳир, Киршеҳир, Йозгат ва Кириккале атрофидаги ҳудудларда ҳамда Кайсери ва Сивас ғарбида маҳаллий даражада кучли бўлиши тахмин қилинмоқда.

Тўсатдан сел келиши, сув тошқини, чақмоқ, маҳаллий дўл, транспортда узилишлар, кучли шамол каби салбий ҳолатлардан диққатли ва тадбирли бўлиш тавсия қилинди.

Истанбулга кеттикми?

Туризм сектори вакиллари ҳукуматдан ички туризмни рағбатлантириш учун Қурбон ҳайити байрамида 9 кун таътил берилишини сўрамоқда.

Европа ҳаво навигацияси хавфсизлиги ташкилоти:

Истанбул аэропорти Европадаги энг гавжум аэропорт бўлди: 13-19 май кунлари оралиғида кунига 1434 та рейс амалга оширилди.

Кучли ёғингарчиликлар кутилаётган 20 ҳудуд

Истанбулда сохта 1,5 миллион доллар мусодара қилинди; икки нафар гумонланувчи ушланди.

Туркия Миллий таълим вазирлиги 2024-2025 таълим йили 9 сентябрь, душанба куни бошланиб, 2025 йил 20 июнь, жума куни тугашини маълум қилди.

Ўзбекистондан Умра зиёратига чиққан юртдошимиз 5 май куни Туркияга келган, бу ерда пулларини ўғирлатгани учун Истанбулда оғир вазиятда қолиб кетган.

Қандли диабет (сахар) касаллиги борлиги сабабли ишлашга қийналган, бу орада оёғи ҳам йиринглаб кетган. Қоладиган жойи бўлмагани учун қабристонлардаги ўриндиқларда тунни ўтказиб юрган.

Ўзбекистон Республикасини Истанбул шаҳридаги Бош консулхонаси ва "Елкадош - Туркиядаги ўзбекистонликларга ёрдам хайрия жамияти" билан биргаликда юртдошимизга бугун жўнаб кетадиган Истанбул-Самарқанд йўналишига чипта олиб  берилди.

Ушбу ёрдам аввалги хайриядан ортган маблағ ҳисобига амалга оширилди.

Мени ҳам депорт қилишмоқда. Шунча одамни огоҳлантириб ўзимни бошимга тушди.

Туркияда 4 йилдан буён ишлаш рухсатномаси билан яшаётган бўлишимга қарамай, 28 май Истанбул аэропортида Тошкентдан Истанбулга келган вақтимда, самолётдан тушиб 30 метр ҳам юрганим ҳам йўқ, "Beknazar Rakhmatov gim?" деб 4 нафар хавфсизлик ходими мени 200 та одамни орасидан алоҳида чақириб олишди.

Мен учун алоҳида тараддуд кўришибди, бирга учиб келган юртдошларимиз "сизни қаердан танишади, нимага сизни кутиб олишди" деган саволлар билан ҳолатимга қизиқиб ҳам қолишди. Ҳужжатларим ҳаммаси жойида бўлишига қарамай, ҳеч қандай сабабсиз ортга қайтариб юборишмоқда.

Икки йил олдин фарзандларим олдида 15 нафар полиция ходимлари маска шоу билан олиб келган вақтда ҳам, икки кун зах подвалда ётганимда ҳам, 35 кун депортация марказида айбсиз ўтирганимда ҳам "ҳар бир ишда ҳикмат бор, кучлироқ бўлишим учун келган синов" деб сабр қилганман ва яна шундай қиламан.

Бу ҳақида бошқалардан эмас, ўзимдан эшитинглар деб ёздим.

Ўзбекистон ҳаво йўлларида шиппак билан пайпоқни кўриб кетяпман, армоним қолмади =))

Измир, Дикили тумани Чандaрли маҳалласи

Туркия уй олди-сотди тизимини ўзгартирмоқчи

Тез орада кучга кириши кутилаётган ўзгариш кадастр ҳужжатида (тапу) уй нархини арзонроқ кўрсатиш орқали солиқлардан қочишга йўл қўймасликка қаратилган.

Кўчмас мулкни эксперт баҳолаш тартиби ҳамма учун мажбурий бўлади: эндиликда бу нафақат чет элликлар, балки маҳаллий аҳоли учун ҳам қўлланилади.

Айнан эксперт баҳоси квартиранинг бозор қийматини белгилайди. Бундай ҳолда, сотиш нархи, эксперт баҳоси ва тапу миқдори тенг бўлади.

Квартиранинг ўртача нархи 3 000 000 лирагача кўтарилади (тапуда бундан камини ёзишга рухсат берилмаса керак), эгалик ҳуқуқи учун минимал тўлов (тапу) эса 120 000 лирани ташкил қилади.

Туркия Статистика ташкилоти (TÜÍK) мамлакатнинг энг бахтсиз вилоятларини эълон қилди. Истанбул 7-ўринда.

Ускударда бўғоз манзарали ва ҳаммабоп менюли янги муассаса:

- Салқин ичимликлар: 35 лира;
- Ширинликлар: 35 лира;
- Қаҳва: 25 лира;
- Чой: 9 лира.

Манзил: Ускудар, Пашалимани

Туркларнинг аксарияти нега ижарада яшаши аниқ
Банкдан ипотека ҳисоб-китоби:
Кредит миқдори – 3 000 000 лира
Ойлик фоиз ставкаси – 5,32%
Умумий тўлов миқдори – 19 206 308 лира
Ойлик тўлов миқдори (120 ой) – 159 918 лира
бошқа харажатлар – 16 133 лира
Фоиз миқдори – 16 206 308 лира
Фойдали бизнес, менимча 😅

Таиланд 1 июндан Ўзбекистон фуқаролари учун визасиз режим жорий қилади

Таиландга визасиз кириш ҳуқуқига эга давлатлар рўйхати 57 тадан 93 тага кўпаймоқда. Улар қаторига Ўзбекистондан ташқари Камбоджа, Хитой, Ҳиндистон, Ямайка, Қозоғистон, Лаос, Мексика, Марокаш ва бошқалар кирди.

Ўзбекистон фуқаролари энди Таиландда 30 кун эмас, балки 60 кун қолишлари мумкин. Аввалги тартибда мамлакат фуқаролари Таиландга етиб боргандан сўнг 30 кун қолиш шарти билан виза олишлари керак эди.

Манба

Эрдўғон дайди итлар мавзусига сўнгги нуқтани қўйди (шекилли):

Анқарада дайди итлар бир болани ғажиб ташлади.

Анталияда бир қизимиз итдан қочаман деб юк машинаси босиб кетиб вафот этди.

Битлисда 10 ёшли Мустафо қутуришдан вафот этди.

Ортиқ бу муаммонинг тубдан ечимини топишимиз шарт.

Дарвоқе, бугун Истанбул фатҳ қилинганига 571 йил тўлди.

1453 йил 29 май куни Султон Фотиҳ Меҳмед II қўшинлари томонидан Истанбул қўлга киритилган эди.

Дузжеда машинасининг юкхонасига катта карнай қўйиб олган ҳайдовчи 7 129 лира ($220) миқдорида жаримага тортилди.