ҲАМДАРДЛИК
Туман ҳокимлиги, туман фермер, деҳқон хўжаликлари ва томорқа ер эгалари кенгаши, қишлоқ хўжалиги бўлими жамоалари фермерлар
АБДУЛАЗИЗ ХОЖИАКБАРОВ ҳамда ИКРОМЖОН ПАРПИЕВнинг вафоти муносабати билан уларнинг оила аъзолари ва барча яқинларига ҳамдардлик билдирадилар.

ҲОКИМ СОВРИНИ УЧУН БЕЛЛАШУВ

Бугун туманимизда ҳақиқий пахта байрами бўлди. Туман ҳокими соврини учун секторлардан келган 70 нафар чевар теримчилар "Бахтиёр, Неъмат, Шавкат" фермер хўжалиги даласида мусобақалашдилар.

Якунга кўра, олий ўрин- замонавий телевизорни 157 килограмм пахта терган 4-сектордан Малоҳат Камолова, кейинги ўринларни Гулбаҳор Солиева ҳамда Муқаддас Абдуҳолиқовалар эгаллаб, кир ювиш машинаси ва печ олишга муяссар бўлишди. Қолган иштирокчиларга ҳам турли совғалар берилди. Туман ҳокими Зулайҳо Маҳкамова, Ўзбекистон Қаҳрамони Халчахон Мирзаева уларга мавсумда фаол иштирок этаётганлари учун миннатдорчилик билдиришди.

Туман маданият бўлими раҳбари Илҳомжон Имомназаровнинг дилтортар қўшиқларига теримчилар завқланиб,рақсга тушишди.
Бундай мусобақа кейинги ҳафтанинг дам олиш кунларида давом эттирилади.

Давлат муассасалари ва жамоат хизмати ходимлари касаба уюшмаси туман кенгаши раиси Самидахон Каримова ташкиллаган совғалар билан “Шоҳидон бургути диёри” фермер хўжалиги далаларига бориб, теримчилар ҳузурида бўлдик. Гулистон, Шоҳидон, Кумидон маҳаллаларидан чиққан аҳоли вакиллари 350 дан зиёд. Уларга ҳар куни ошпаз Мирзаназар Раҳматов мазали овқатлар тайёрлаб бераётган бўлса, фермер Абдулвоҳид Азизов терилган пахталари учун вақтида ҳисоб-китоб қиляпти.
Туман маънавият ва маърифат бўлими раҳбари Шоҳиста Қамбарова миллий бойлигимизни йиғиб олишда мададкор бўлаётган опа-сингилларимизга миннатдорчилик билдирди. Одина Абдураҳимова, Нигора Қўлдошева, Саида Раҳмонова, Ёқутхон Усмонова каби бир қатор илғорларга совғалар топширилди.