“СИЁСИЙ МАЪРИФАТ СОАТИ” БЎЛИБ ЎТДИ

Тўрақўрғон тумани ҳокимлиги мажлислар залида ўтган навбатдаги "Сиёсий маърифат соати"да туман ҳокими, ҳоким ўринбосарлари ва бошқа масъул мутухассислар иштирок этишди.

Унда “Истиқлолнинг 30 йиллиги: натижалар ва келажакдаги марралар” мавзусида Тошкент давлат юридик университети профессори
Феруза Муҳитдинова, “Президент сайловига тайёргарлик кўриш ҳамда уни ўтказишдаги очиқлик ва ошкораликни таъминлаш масалалари” бўйича Марказий сайлов комиссияси аъзоси Суяржон Курбанкулов, “ Маҳорат мактаби, матонат мактаби бу!” деб номланган маъруза билан Ўзбекистон Миллий паралимпия қўмитаси бош котиби Омон Гафуров, Омон , “Ҳуқуқий саводхонлик (ҳафта давомида қабул қилинган долзарб меъёрий-ҳуқуқий ҳужжатларнинг мазмун-моҳияти) ҳақида Адлия вазирлиги бош маслаҳатчиси Дилмурод Ражабоев қатнашдилар.

ДОЛЗАРБ МАВЗУДА СЕМИНАР-ТРЕНИНГ

Хабарингиз бор, айни кунларда бутун мамлакат миқёсида муҳим сиёсий жараён – Ўзбекистон Республикаси Президенти сайловига тайёргарлик жараёни кетмоқда. Бугун Тўрақўрғон маданият марказида 6-Наманган округ сайлов комиссияси томонидан тасдиқланган режа-жадвал асосида ташкилланган семинар-тренинг ҳам ана шу долзарб мавзуга бағишланди.

Туманда мавжуд 59 та участка сайлов комиссиялари аъзолари учун туман адлия бўлими маслаҳатчиси Исломжон Тўлқинбоев раҳбарлигидаги ўқувда дастлаб Ўзбекистон Республикаси Президенти сайловининг Конституциявий ҳуқуқи асослари мавзусида маъруза ва тақдимот бўлиб ўтди. Йиғилганлар босқичма-босқич сайлов кунига ҳозирлик, округ ва участка сайлов комиссиялари бинолари ҳамда овоз бериш хоналарини жиҳозлаш, пандемия шароитида иш юритиш, муддатидан олдин овоз бериш, сайлов жараёнида хорижий давлатлар ва халқаро ташкилотлар кузатувчилари билан ишлаш тартиблари борасида тушунчалар олдилар. Савол жавобларда ва видеороликларда ҳам кун тартибидаги мавзуда сўз борди.

- 6-Наманган округ сайлов комиссияси билан вилоят адлия бошқармаси ҳамкорлигида ўтказилаётган «Ўзбекистон Республикаси Президенти сайловларида участка сайлов комиссиялари аъзолари фаолиятининг ҳуқуқий асослари» мавзусида секторлар бўйича ўтказилаётган семинар-тренинг эртага ҳам давомланади, - дейди туман адлия бошқармаси бошлиғи Фароғат Раззоқова. – 3 босқичли ўқувларда участка сайлов комиссияларининг барча аъзолари ўқитилади. Пировард мақсадимиз муҳим сиёсий жараённи очиқ-ошкора, шаффоф ва мустақиллик тамойиллари асосида ўтишига ҳисса қўшишдир.

Шанхай ҳамкорлик ташкилотининг Душанбедаги саммитида ушбу нуфузли ташкилотга 2021-2022 йилларда раислик қилиш Ўзбекистонга ўтиши тўғрисида қарор қабул қилинди.

Президент Шавкат Мирзиёев мамлакатимизнинг ШҲТдаги раислигидаги устувор вазифаларини баён қилди. Булар:

- ШҲТнинг нуфузи ва салоҳиятини янада ошириш;

- Ички минтақавий савдони ривожлантириш дастурини ишлаб чиқиш;

- Саноат кооперацияси дастурини қабул қилиш ва бу борада ҳамкорликни назарда тутувчи марказларни тузиш;

- ШҲТнинг Транспорт боғлиқлиги стратегиясини қабул қилиш;

- ШҲТ маконида инфратузилмани ривожлантириш дастурини ишлаб чиқиш;

- камбағалликни камайтириш ва озиқ-овқат хавфсизлиги соҳаларидаги ҳамкорликни кучайтириш;

- ШҲТнинг халқаро ахборот хавфсизлиги бўйича экспертлар форумини таъсис қилиш;

- ШҲТнинг Эзгу ният элчисини институтини жорий қилиш;

- туризм соҳасида ҳукуматлараро битимни ишлаб чиқиш;

- юқумли касалликларга қарши курашишни назарда тутувчи “Йўл харитаси”ни қабул қилиш.

Ўзбекистон раислиги даврида давлатимиз раҳбари томонидан белгилаб берилган устувор вазифаларни амалга ошириш мақсадида ҳамкорларимиз билан биргаликда 80 дан ортиқ тадбир ўтказиш режалаштирилган.

Тўрақўрғон туман ҳокимлигининг Ахборот хизмати расмий канали
👇
Telegram: https://t.me/turakurganaxborotxizmati

⚡️Шавкат Мирзиёев ШҲТ доирасидаги амалий ҳамкорликни кенгайтиришга доир муҳим ташаббусларни илгари сурди

Айни пайтда Тожикистон пойтахти Душанбе шаҳрида Шанхай ҳамкорлик ташкилотининг юбилей саммити давом этмоқда. Йиғилишда ушбу нуфузли ташкилотга 2021-2022 йилларда раислик қилиш Ўзбекистонга ўтиши тўғрисида қарор қабул қилинди.

● Давлатимиз раҳбари ўз нутқида минтақага доир долзарб масалаларга эътибор қаратиб, уларни ҳал этиш бўйича амалий таклифлар билдирди ҳамда мамлакатимизнинг ШҲТдаги раислигидаги устувор вазифаларини баён қилди.

Тўрақўрғон туман ҳокимлигининг Ахборот хизмати расмий канали
👇
Telegram: https://t.me/turakurganaxborotxizmati

Хушхабар

ЮЛДУЗХОН ФЕРМЕР МАРРАГА ЕТДИ

Тўрақўрғон тумани фермерлари сафида Юлдузхон Каримованинг ўз ўрни, ҳурмат-эътибори бор. Бир маҳаллар қуш учса қаноти куядиган Баландорол массивидаги шўрҳок адир ерлар унинг меҳнати билан катта унумдор майдонларга айланди. Мана, беш йилдирки, Юлдузхон ғаллани ҳам, пахтани ҳам туманда биринчи, вилоятда илғорлар қаторида бажаради. Шу билан биргаликда чорвачилик, боғдорчилик, асаларичилик, тадбиркорликни ҳам йўлга қўйиб, кўп тармоқли фермерга айланган. “Мўътабар аёл”, “Ўзбекистон Республикаси қишлоқ хўжалиги фидойиси” кўкрак нишонлари соҳибаси, Халқ депутатлари туман кенгаши депутати.

Бугун Юлдузхон Каримова 36 гектар майдондан 112,2 тонна ҳосил олиб зафарномага имзо чекди. Ҳосилдорлик 32 центнерни ташкил этди.

Фермернинг ҳисоб-китоб қилишича, яна 50 тонна сифатли пахта топшириш имконияти бор.

Режа уддаланиши хўжаликда байрамга айланди. Туман маданият бўлими санъаткорлари теримчиларга ўз дастурлари билан хизмат кўрсатишди. Вилоят ва тумандан келган жамоатчилик вакиллари илғор фермер ва унинг жамоасига табриклар йўлладилар.

Туманда пахта терими қизғин давом этяпти.