#ўрганиш

Тўрақўрғон тумани ҳокими Аҳрорбек Мансуров ҳудудларни ижтимоий-иқтисодий ривожлантириш масалаларидаги ишларни ўрганиб бормоқда.

Бугун Ибрат маҳалласида “еттилик” фаолияти таҳлил қилинди. Шунингдек, “Аёллар дафтари”да рўйхатга олинган, ижтимоий ҳимояга муҳтож Ўлмасхон Аламшаеванинг хонадонида ҳомийлик асосида қуриб берилаётган икки уйнинг қурилиш жараёнлари кўздан кечирилди.

Тадбиркорлик масаласига алоҳида эътибор қаратилиб, ҳунармандчилик билан шуғулланаётган Шоҳжаҳон Набижонов тайёрлаётган маҳсулотларнинг сифати, харидорлиги ҳақида мулоқот қилинди.

Тўрақўрғонлик чемпионлар тантана билан кутиб олинди

Шу йил 18-21 июл кунлари Андижон вилоятида спортнинг “Usmanov Kombat sistems” тури бўйича барча ёшдагилар ўртасида Жаҳон чемпионати ўтказилди.

Унда Чортоқ туманидаги “Наманган темурий авлодлари” ҳарбийга ихтисослаштирилган НТМ ўқувчилари бўлган туманимиз вакиллари, Хўжанд МФЙда яшовчи Исомиддин Ҳошимбоев, Муҳаммад Убайдуллаев, Мажнунтол маҳалласидан Хасанбой Раҳимжоновлар ҳам фаол иштирок этиб, чемпионлик натижаларини қўлга киритдилар. Улар энди ўз йўналишларида исталган академик лицейларга имтиҳонларсиз ўқишга қабул қилиниш ҳуқуқига эгалар.

Чемпионларни туман ҳокими ўринбосари Икромжон Парпиев бошчилигида тантана билан кутиб олинди. Йигитларнинг кейинги ўқишларида омад тилаб, эсдалик совғалари берилди.

Мурожаатни ижобий ҳал этишга киришилди

Тўрақўрғон тумани ҳокимининг Мозоркўҳна маҳалласида ўтказилган навбатдаги оммавий сайёр қабулида Зарбдор маҳалласидан келган бир гуруҳ аҳоли вакиллари хонадонларига ичимлик суви тармоғи тортиш ҳақида мурожаат қилишган эди. Ўша жойнинг ўзида масала мутасаддиларга йўналтирилди, улар муаммони ўрганиб, ишларни режалаштириб олишди.

Бугун эрталабданоқ “Наманган сув таъминоти” АЖ туман бўлими ишчилари томонидан ҳаракатлар бошлаб юборилди. Бугун-эрта 15 та хонадон ҳам оби-ҳаётдан баҳраманд бўладилар.

Ona tili – bu millatning ruhi, ma’naviy qiyofasi, or-nomusi, orzu-umidlari namunasidir

Ona tili – bu so’z shunchalar ulug’ki, uni har qancha ta’riflasak arziydi. Har qaysi millatning o’z Vatani, oilasi bo’lgani kabi jonajon, betakror tili ham bo’ladi. Ona tiliga muhabbat bu, avvalo, ona allasi bilan uning quloqlariga singadi.

Mozorko‘hna mahalla markazida tuman hokimi maslahatchisi Dilrabo Vaxabova va mahalla yettilik vakillari o‘rtasida o‘zbek tilining siyosiy-huquqiy, ijtimoiy-iqtisodiy, ma'naviy-ma'rifiy jabhalarda faol qo‘llanishi, davlat tilini rivojlantirish, davlat tili to‘g‘risidagi qonun hujjatlariga rioya etilishi yuzasidan muloqot o‘tkazildi.